“ Гаиләдә үзара кайгырту һәм ярдәм “
консультация (средняя группа) на тему

Тема: “ Гаиләдә үзара кайгырту һәм ярдәм “

  Бала гаиләдә үсә һәм тәрбияләнә һәм гаиләдәге кешеләрнең бер-берсенә ярдәмен гаиләдә булган төрле ситуацияләрдә күрә. Өйдә нинди атмосфера булуы, зурларның бер-берсе белән ничек аралашуы мөһим. Җылы дустанә мөнәсәбәтләр балада гаиләдәге якланганлык хисе формалаштыра. Игътибарсызлык, тыела белмәү һәм тупас сүзләр бала психикасында чагыла.

Әгәр баланы:

 - еш тиргәсәләр – ул гаепләргә өйрәнә

- дошманлык күрсәтсәләр – сугышырга өйрәнә

- көлсәләр – үз эченә бикләнә

 - оялтсалар – үзен гаепле санный

 - үсендерсәләр – ышанычны сизә

- мактасалар – үзен бәяләрг өйрәтә

- дөрсен әйтсәләр – дөреслеккә өйрәнә

- әгәр бала дуслык атмосферасында яшәп үзен кирәкле хис итсә – бу дөньяда ярату табарга өйрәнә.

 Балага ниләр сөйләргә?

 - өйдә гаилә әгъзаларын ничек йомшак итеп әйтергә. Әбекәем, бабам, әнием, әтием, абыем, сеңелкәем, апам.

Балаларга сораулар:

1. Нәрсә ул гаилә ?(Гаилә ул бер берсен яратучы, кайгыртучы, булышучы, җәлләүче кешеләр)

2. Бөтен гаиләләр бер төрлеме?(Зур һәм кечкенә гаиләләр булалар) Гаилә нинди булырга тиеш. (Дус, нык, хезмәт сөючән, кайгыртучан)

3.Гаиләдәге бөтен кешенең исемен әйт .

4.Һәр кешенең гаиләдәге эшләре.

5.Син гаиләдә әнигә ничек булышасын?

Тирә юньдәге кешеләр белән аралашу һәм үз-үзеңне тоту кайгыдәләре:

- кешегә ягымлы бул;

- башка кешенең хәленә керә бел;

- якын кешеләреңә үз хәлләреңне сөйләргә өйрән;

- ешрак елмай;

 - дуслашырга өйрән.

Мәкальләр:

 -Алтын кадак-атаң бар, көмеш кадак- анаң бар.

−  Ата-ана теләге утка - суга батырмас.

−  Ата-ананы тыңлаган – адәм булган, тыңламаган әрәм булган.

−  Ата-анасына игелек күрсәтмәгән үзе дә игелек күрмәс.

−  Ата – беләк, ана- йөрәк.

−  Әткәй – шикәр, әнкәй – бал.

−  Өйнең яме – ана белән.

−  Әнкәй йорты - алтын бишек.