Онлайн конкурс для родителей "Дыннаксанчыг тоолум"
материал

             ЧƟПШЭЭРЕДИМ

«Радуга» аттыг уруглар

садынын улуг башкызы

_____________О.К.Довут

«____» ___________2024 год

«Ог-буле» чылынын Шагаа хүнүнге тураскааткан “Дыннаксанчыг тоолум” деп

«Радуга» аттыг уруглар садынын ада-иелернин аразынга тоол ыдарынга

онлайн мөөрейниң саавыры

1. Ниити кезээ:

 “Дыннаксанчыг тоолум” деп «Радуга» аттыг уруглар садынын, ада-иелернин аразынга мөөрейни (дараазында – мөөрей) Адыр-Кежиг суурнун «Радуга» аттыг уруглар садынын музыка башкызы эрттирер.

2. Мөөрейниң сорулгалары:

- тыва улустуң тоолдарын чон аразынга нептередири;

- тыва тоолдарның үнезин салгалдар аразынга бедидери;

- тоолдуң үндезин күүселдезин кадагалап арттырары;

-ада-иенин сүзүк болгаш мөзү-шынар, эстетиктиг кижизидилгезинге тыва улустуң тоолдарын ажыглаары;

- ада-иенин бот-тывынгыр салым-чаяанын тодарадып, үнелээри.

3. Мөөрейниң негелделери:

Мөөрейге “Радуга”аттыг уруглар садынын ада-иелери киржир.   Мөөрейге киржир күзелдиглер видео-чагыгларын 2024 чылдың февраль 6-га чедир “Радуга” аттыг уруглар садынынын музыка башкызынче тускай хевир ёзугаар электроннуг почта адрезинче чорудар: arinabaldan@mail.ru 

4. Мɵɵрейниң чуруму:

Мөөрейниң киржикчилери тыва улустуң тоолдарының аңгы-аңгы хевирлеринден (маадырлыг эпос, хуулгаазын тоол, кара тоол дээш оон-даа өске) бодунуң күзели-биле бир (1) тоолду шилип алгаш, видеога ыдып бараалгадыр. Тоолду кандыг хевирге ыдары киржикчиниң күзели-биле болур.

Ада-иенин тоолду күүседир чуруму:

• тоолду чугаалап күүседир;
• тоолду ыдып күүседир.

Бир киржикчиниң күүседир үези кызыгаарлаттынган болур:  5-7 минут. 

Мөөрейни дараазында чурум ёзугаар үнелээр:

-        киржикчиниң күүселдезиниң салдынган сорулгалар-биле дүгжүп турары;

-        кызыгаарлаттынган үезин сагып билири;

-        киржикчиниң уран – чечени;

-        киржикчиниң даштыкы хевири база мөөрейге белеткели;

-          киржикчиниң видеозунуң эки шынары.

Киржикчилерниң чоруткан видео-чагыгларын “Радуга” аттыг уруглар садынын интернет четкиде арыннарынче салыр.

5. Мɵɵрейниң шаңнал кезээ:

Мɵɵрейниң тиилекчилерин февраль 8-те илередир.

Мөөрейниң шаңналдары болгаш номинациялары: I, II, III черлер, “Көрүкчүлерниң сонуургалы”,  “Эң онзагай ыдылга”, “Келир үениң тоолчузу” деп номинациялар болгаш киржикчи бүрүзүнге шынзылга бижиктер.

Айыттынган номинациялардан аңгыда мөөрейниң жюри кежигүннери боттарының көрүжү-биле аңгы номинацияларны немей тыпсып болур.

6. Харылзажыры:

Тырттырган видео-чагыгларын Адыр-кежиг суурнун “Радуга” аттыг уруглар садынын музыка башкызынын электроннуг почта адрезинче чорудар: arinabaldan@mail.ru  Чагыгларны 2024 чылдың февраль 6-га чедир хүлээр. Харылзажыр телефон дугаары: 89133501107 Лопсан Арина Сергеевна.

Чагыгның хевири: