сценарий на 8 марта
методическая разработка по музыке (старшая группа)

Мартым и 8-р ц1ыхубзхэм я махуэшхуэщ.

Вед.: Ц1ыхубзхэм я махуэ лъап1эм теухуа зэ1ущ1эр адыгэ къафэ дахэк1э къызэ1удох. ( «Си Хьэпц1ей» уэрэдым къыдэфэурэ къыщ1охьэхэр) 

Вед.: Ди нобэрей зэ1ущ1эр зытеухуар ц1ыхубзхэм я махуэ лъап1эрщ. Ц1ыхубзхэм я махуэшхуэр дуней псом щагъэлъап1э. сыт зэмани къок1уэк1 ц1ыхубзхэм пщ1э лей хуащ1у. Абы и щыхьэтщ «Ц1ыхубз пшэрыхь  хущанэ» псалъэжьыр. Ц1ык1ухэ, хэт ищ1эрэ псалъэжь ц1ыхубзым, анэм теухуауэ?  (Арсен, Анзор, Ж. Амина псалъэжьхэр жа1э) Ц1ыхубзым пщ1э лей зэрыхуащ1ыу щытам теухуауэ зы теплъэгъуэ ц1ык1у фэдгъэлъэгъунщ.(Ц1ык1уищым теплъэгъуэр къагъэлъагъуэ).

Вед.: Ц1ыхубзыр ар анэщ, анэшхуэщ, пхъущ, шыпхъущ, щхьэгъусэщ. Ц1ыхубзыр псом япэу анэщ. Анэр-гъащ1эм и щ1эдзап1эщ.

1. Сыт щы1эну анэм хуэдэу бынк1э гуапэ?

Аращ и псэм и нэм дыхуэзыхьыр япэ.

«А си щ1алэ!» - жи1эу си щхьэм 1э къыделъэ,

Бын хэплъыхь имы1эу псоми къыдопсалъэ.

2. Нобэ, нобэ мамэу щы1эм 1эп1эхуэшхуэ яхуэтщ1ынщ.

Узыншагъэ ин я1энуи дэ абыхэм дехъуэхъунщ!

3. Нобэ, нобэ мами нани хъуащ нэхъ дахэ, нэхъ дахэж

Сагъэгуф1э са1уплъамэ, сагъэгуф1э, догуф1эж!

4. Удз гъэгъа къызоч сыгушхуэу, губгъуэм сыкъэк1уауэ,-

Ц1ыхубз псоми я махуэшхуэм згъэгуф1энущ мамэ.

Мамэ дыщэ ар естынущ, хъуэхъу дыщ1ыгъужауэ.

Тыгъэм ар щыгуф1ык1ынущ, сабийм ещхь хъужауэ.

5. Зи гур щабэ, зи псэр хуабэ, зи лъэр быдэ, зи 1эр лъэщ.

Щ1ы уи ф1эщ уэ анэ дыщэ сэ сымыщ1э щы1эу пхуэдэ уэ нэгъуэщ1.

6. Щ1ылъэм теткъым анэм нэхъ гумащ1э,

Щ1ылъэм теткъым анэм нэхъ бэшэч.

Анэр нурыр къыщхьэщихыу дахэщ

Къытумыхьэ уэ абыхэм шэч.

7. Уэри жьагъ умыщ1эу, а си анэ дыщэ,

Гъэ къэсыху уи гъащ1эм гъащ1э къыпрещэ.

8. Удз гъэгъа сэ къэсщыпащ, ар ди мамэ естыпащ.

И махуэшхуэм сехъуэхъуащ, гуапэ дыди къыщыхъуащ.

9. Къысхуэгуф1эт уэ, си мамэ, уи гумм вагъуэу сыщыблэнщ.

Е, си анэ, уезэшамэ, сэ уэрэдк1э пщхьэщысхынщ.

10. Уэращ си мамэ, псэм и дамэр, дамэу стетри уэращ.

Си уэрэдым и макъамэм псэуэ хэслъхьэри уэращ.

«Хэт нэхъ дахэр анэхэм…» уэрэдыр жа1э.

Вед.: Ц1ык1ухэ, нобэрей махуэшхуэм  мамэхэм ямызакъуэу  нанэхэри къытхублэгъащи  и1эт абыхэми усэ дакъыхуевгъаджэт, девгъэхъуэхъут.

1. Къысф1ащами сэ Аминэ, нанэ сэ срипсэщ,

Езы нанэ- си нэщ, срищхьэ баринэщ.

Нанэ срищыгъэщ, сэ езыр си дыгъэщ

Зэзэмызэ сыгъми къысф1имыщ «Гъринэ».

Нанэ сри1эф1мэ, сэ езыр си фощ.

Нанэ дыщэ сэрэ ф1ыщэу дыздопсэу!

2. Си нанэ дыщэу, си дыщэ плъыжьу

Гущэкъу уэрэдхэр къызжезы1а,

Къэтхъуами уэсу уи щхьэцыр хужьу

Узыхуэщхьэх уэ щымы1а.

3. Си нанэ дыщэу, си дыщэ плъыжьу

Си сабиигъуэр схуэзыгъэф1а,

Уи псалъэ щабэм, уи 1эпл1э хуабэм

Си гъащ1эр схуагъэ1эф1ащ.

Вед.: Адэк1э «Си нанэ дыщэ» уэрэдым федгъэдэ1уэнщ. (Ц1ык1ухэм уэрэдыр жа1э)

Вед.: Иджы ди хъыджэбз ц1ык1ухэм утыкур хуит яхуэтщ1ынщ.

Хъыджэбз ц1ык1ухэр Нэхущ Чэрим и «Уэркъ пщащэ» уэрэдым къыдофэхэр.

Вед.: Пыдощэ ди зэ1ущ1эм. Адэк1э ц1ык1ухэм хъуэхъу  къывжа1энущи феда1уэ зывгъэпсэху.

1. Къыздэтшауэ нанэ, къытхуэк1уауэ мамэ,

Удз гъэгъа 1эрамэ ахэм дэ ядот.

Дыкъыхуофэ нанэ, дыхуогуф1э мамэ,

Мартым и махуэшхуэм псоми дахуоджэгу.

2. Тхуэузыншэ, нанэ, утхуэпсэу, ди мамэ,

Хъыджэбз ц1ык1уу хъуами насып къалърес.

3. Ди шыпхъу ц1ык1ухэу садым дывохъуэхъур щ1эсым,

Къыфхурехь илъэсым фэ гуф1эгъуэ куэд.

4. Динэ-ди псэу ди ц1ыхубзхэм, я махуэшхуэм дрогуф1э,

Динэ-ди псэу ди ц1ыхубзхэм я махуэшхуэм  дахуохъуахъуэ!

5. Зэик1 гуф1эгъуэ фыщымыщ1эу фызыхущ1экъухэр къыфлъысыну,

Флъэк1ыр влэжьу, фи тхъэжыгъуэгъу гъэ куэдыщэхэр вгъэщ1эну!

6. Гъатхэ щхъуант1эу къэщ1эращ1эм, фи насыпыр дэгъэгъэну,

Дыгъэпс хуабэу фэ къыфтепсэм, дэрэжэгъуэ къыфхилъхьэну!

7. Фи гуак1уагъым мы ди щ1ыгур к1э имы1эу дэбжьыф1эну,

Фи лъэр жану, жьы фымыхъуу, гъэ мин куэдхэр зэпыфчыну!

8. Удз гъэгъауэ фэ фи гъащ1эр, щ1эрэщ1эну сыфхуохъуапсэ,

Хъуэхъу фхужа1эу, ф1ыуэ фалъагъуу  фыпсэуну сыфхуохъуахъуэ!

Беслъэней Рената и «Си анэ» уэрэдыр ц1ык1ухэм жа1э.

Вед.: Ц1ык1ухэ иджы псом иди анэхэр утыкум къыдогъэблагъэри дыкъофэ зэгъусэу! («Аделинэ, к1э баринэ» уэрэдым къыдофэхэр)

Вед.:  Ц1ык1ухэ ди анэхэм, анэшхуэхэм дехъуэхъуащ, уэрэди яжет1ащ, усэ дакъыхуеджащ, иджы яхуэдгъэхьэзыра  саугъэт ц1ык1ухэр еттынщ.

Саугъэтхэр ирата нэужь Идаррэ Адисэрэ хъуэхъу жа1э.

1. Гъатхэр гъагъэм фыдэгъагъэу, бжьыхьэм хуэдэу фыкъулейуэ,

Сывохъуэхъур фэ къэвгъащ1эр хъуну фэ фызэрыхуейуэ!

2. Сывохъуэхъур узыншагъэ фыпсэухук1э фэ фи1эну,

Фызыхуейуэ фызыщыщ1эр сытым дежи фэ вгъуэтыну!

Вед.: Ди зэ1ущ1эр и к1эм нэблэгъащи, сэлам фыдохыж.

           Фи гъащ1эр к1ыхьу, фи нэмысыр лъагэу,

           Гухэхъуэр фи куэду, тхьэмкуэдрэ фигъэпсэу!

Вед.: Ди зэ1ущ1эр къафэ дахэк1э зэхуэтщ1ыжынщ!

Хьэрэдурэ Динэ и «Си Хьэпц1ей» уэрэдым къыдэфэурэ ц1ык1ухэр залым къыщ1ок1ыж.