Конспект мероприятия по обучению детей ПДД (на татарском языке)
план-конспект занятия (окружающий мир, подготовительная группа) по теме

Адымнар нык, юллар имин булсын!

(музыкаль-спорт тамашасы)

Тәрбиячеләр:Гаделшина Р.Р,Билалова А.Н

Музыка җитәкчесе:Абдуллина Л.А

Физкультура инструкторы:Галеева Ч.А

Максат: мәктәпкә әзерлек төркемендә юл йөрү кагыйдәләре,транспорт төрләре турында белемнәрен ныгыту. Урамда йөргәндә игътибарлы булырга, юл йөрү кагыйдәләренә буйсынырга өйрәтү.

Динар: Исәнмесез, кунаклр!

 Саумысыз, барчагызда!

Сезне күрүгә без шат

Кояшкайның залында

Раиль: Юл йөрү кагыйдәләрен

Ел да без өйрәнәбез

Ни дәрәҗәдә белгәнне

Хөкем итүчебез сез.

(Марш астында командалар керә)

Сүзне командирларга бирәбез

1 команда: “Яшел ут” командасыннан физкульт сәлам!

Безнең девиз: “Исәнлеккә ни җитә

                         Юл кагыйдәсен үтә!”

2 команда: “Борма юл” командасыннан физкульт сәлам!

Безнең девиз: “Юл билгеләрен белик,

                         Һәрвакыт аны үтик!”

(Хөкемдәрләр сайлау)

Җыр: “Хәерле көн”.

Беренче  күренеш. Машиналар тавышы. Шүрәле юлга карамыйча йөгерә. Шул вакыт аны чак кына машина бәрдерми кала.

Шүрәле: Йөгерә-йөгерә бара идем,

               Алга да карамыйча,

 Килеп чыкты бер машина

Торам мин аңламыйча

Мине бәреп китә язды,

Көчкә читкә тайпылдым.

Зур бәладән котылдым дип,

Бик озак өнсез тордым.

Шофер: “Әллә, яшисең килми ме?”

(Шүрәле елый башлый.)

Алып баручы: Кем гаепле?Нигә мондый

Фаҗигаләр еш була?

                         Чөнки бездә  күп балалар

                         Юл кагыйдәсен боза.

 (Җыр: “Светофор” Р.Миннуллин сүз.

                                    Р.Курамшин көе.)

Уен “Светофор”

Шурәле: Нишләргә соң инде миңа? Минем бит бик тә юлда уйныйсым килә!

Регулировчик: Исәнлекне, иминлекне

                         Мин һәр вакыт  кайгыртам.

                         Юлларда сез сак йорегез

                        Чөнки мин сакта торам.

Шүрәле: Юл билгеләрен белү чынлап та бик кирәк икән шул! Сау-сәламәт булыр өчен юл кагыйдәләрен  үтәргә кирәк икәнлегенә яхшы төшендем!

                                                                         (чыгып китә)

Зарина: Юлда йөргәндә сак бул син,

             Һәлахәткә юлыкма.

             Юл йөрү кагыйдәләрен

            Беркайчанда онытма.

            Кызыл утка юлдан чыкма,

           Яшеленә рәхим ит!

Уен: “Ярый-ярамый”. (сораулар)

1. Светофорда  яшел ут янганда юл аркылы чыгарга (ярый);
2. Юлны теләсә кайдан чыгарга (ярамый);
3. Велосипед белән теләгән урында йорергә (ярамый);
4. Автобус  яки машина артына тотынып барырга (ярамый);
5. Автобус ишегенә терәлеп барырга (ярамый);
6. Җәяүлегә машина хәрәкәтенә каршы барырга (ярый);

Айнур: Юлга чыксаң, аң бул дустым

Юл кагыйдәсен бозма.

Белмәсәң, ойрән бүген үк,

Әйдә, озакка сузма.

Камилә: Нигә кирәк диярсең син

Юл кагыйдәләре сиңа?

Бик иркенләп йорисең шул,

Карамый уңга-сулга.

Руслан: Билгеләрне мин беләмен

Менә алар ниндиләр:

Күрсәтүче, кисәтүче

Һәм тыючы билгеләр!

Диләрә: Шофер абый безнең күрше,

Аңлатып бирде гади:

-Бел шушы билгене! Күрсәң,

Юл җәяүлегә юк!-ди.

Владик: Җәяүле сукмагы булса,

Юлны чыгабыз имин.

Моны яхшы белә энем,

Моны күптән беләм мин.

Ильдан: Велосипедта мин йорим

Шушы билге торганда.

Машиналар булмый, беләм,

Арттан да һәм алдан да.

Артур: Энемә бүген күрсәттем

Менә шушы билгене

“Ашханә” икәнен шундук

Таныды ул билгеле.

Регина: Сезгә бары бер киңәш:

Олы юлга кермәгез!

Юл өстендә тормагыз,

Карамыйча йөрмәгез!

Җыр: “Юл кагыйдәсен өйрән”.  Ф.Галимов көе,

                                                       И.Газизҗанов сүзләре.

Табышмаклар:

Алда да бар, артта да бар,

Борылган да, сырылган,

Озын булып сузылган. (Юл)

Ике тәгәрмәчле арба,

Атсыз да алга чаба. (Велосипед)

Маңгаенда мөгезе бар,

Боргаласаң-үкерә,

Менеп атлансаң биленә

Җилдән җитез йөгерә. (Мотоцикл)

Юл чатында тора батыр,

Күзләре төрле-төрле,

Берсен йома, берсен ача-

Аны белә һәр кеше. (Светофор)

Командаларга  сораулар:

1. Өч малай һәм ике кыз мәктәптән чыктылар. Алар җәяүле сукмагына килеп җиткәндә светофорның яшел уты янып-сүнеп тора башлады. Малайлар юл аркылы йөгереп чыгып киттеләр, ә кызлар алдагы сигналны көтеп калдылар. Ничә бала юл аркылы дөрес чыкты? Ни өчен? ( Ике кыз. Янып-сүнеп торган яшел ут тиздән кызыл төс янасын кисәтә)
2. Автобустан алты кеше төште. Өчесе җәяүле сукмагы аша юлны чыктылар. Икесе автобусның алдыннан әйләнеп киттеләр. Ә берсе тукталышта көтеп калды. Ничә кеше дөрес эшләде? ( Өч кеше, юлны җәяүле сукмагы аша чыгарга кирәк.)
3. Җиде бала юлда туп белән уйныйлар иде. Аларның икесе кайтып китте. Калганнары уенны дәвам иттеләр. Ничә бала дөрес эшләде?     ( Берсе дә дөрес түгел. Юлда уйнарга ярамый .)

Җыр: “Мин машина яратам”( Р.Валиева сүзләре,

                                                     И.Гыйлаҗетдинов көе).

4. Әгәр юлда җәяүләп барсаң син:

А) пассажир ;

Б) җәяүле;

В) йөртүче;

5. Әгәр автобуста, троллейбуста, трамвайда барсаң син:

А) җәяүле;

Б) кунакка баручы;

В) пассажир;

6. Транспортның хәрәкәт итә торган урыны:

А) сукмак;

Б) ял итү урыны;

В) юл;

7. Автомобильне кем йөртә?

А) машинист;

Б) шофер;

В) очучы;

Элина: Юл йөрү кагыйдәләре

Безнең иминлек өчен

Өйрән син аларны, дустым,

Куеп бар булган көчең.

Һәр билгене яхшы бел, син,

Алар безне кисәтә.

Юл чатында һәр үткәнгә

Туры юлны күрсәтә.

Диана: Юлда һичкайчан ярамый

Ашыгырга, чабарга.

Кирәк игътибарлы булып,

Уңга, сулга карарга.

Һәр бала да юлларда

Исән-сау йөрсен иде!

Гөмерләрнең кадерләрен

Һәр кеше белсен иде.

Җыр: “Юллар уңсын” (Л.Абдуллина көе һәм сүзләре)