"Яшелчәләр" темасына проект
проект по окружающему миру (младшая группа) на тему

 “МӘКТӘПКӘЧӘ МӘГАРИФ ИДАРӘСЕ” МУНИЦИПАЛЬ БЮДЖЕТ УЧРЕЖДЕНИЕСЕ

7 НЧЕ ГОМУМИ ҮСТЕРЕШЛЕ БАЛАЛАР БАКЧАСЫ

«Яшелчәләр”

темасына проект

Төзеде :

Халилова Халидә Агзамовна

I нче квалификацияле тәрбияче

Түбән Кама

2016 ел

Проектның төре: иҗади, мәгълүмати - практик

Үткәрү вакыты: октябрь ( 2 атна)

Катнашучылар саны: төркем балалары, тәрбияче, ата- аналар

Максаты: балаларны табигатьтәге көзге үзгәрешләр, көзге уңыш турындагы күзаллауларын киңәйтү,
яшелчәләр турындагы белемнәрен тулыландыру, камилләштерү.

Актуальлеге:Балаларның тирә – юнгә кызыксынучанлык дәрәҗәсе түбән, яшелчәләр турында белемнәре сай булулык, ана телендә исемнәрен  белмәүлек.

Тәрбия бурычы:  балаларда сорауларга җавап бирү теләге һәм табигатькә уңай караш , кызыксыну тәрбияләү.

Үстерү бурычы: балаларның тышкы күренеше, төсе, тәме, формасы  буенча яшелчәләрне (кишер,  помидор, кыяр) аера белү осталыгын, игътибарын, кабул итүләрен, диалоглы сөйләмен, сенсор сәләтләрен үстерү.
Белем бирү бурычы: яшелчәләрне татарча исемнәрен әйтә белергә өйрәтү.

Әти-әниләр белән эш:

-Анкета тутыру;

-Яшелчәләр маскалары ясау

-Балалар белән шигырьләрне, җыр сүзләрен ныгыту;

-Яшелчәләр  темасына раскраскалар буяу;

-Көз бәйрәмендә катнашу.

Тәрбиячеләр белән эш:

-Өлкән тәрбияче белән проктның планын төзүдә киңәшләшү;

-Музыка җитәкчесе белән бәйрәмгә җырлар өйрәнү, уеннарга, биюләргә битлекләр, төсле яфраклар ясау, музыка сайлау. Бәйрәмгә сценарий әзерләү;

-Татар теле тәрбиячесе белән темага кагылышлы рәсемнәр, видео язмалар әзерләү;

-Саф һавада, режим вакытларында, шөгыльләрдә фотога төшү.

Балалар белән эш: мөстәкыйль эшчәнлек, җырлар өйрәнү, сюжетлы-рольле , дидактик , бармак,  хәрәкәтле уеннар, рәсемнәр ясау; турыдан – туры белем бирү эшчәнлеге ( әвәләү, танып белү эшчәнлеге, матур әдәбият белән танышу, кисеп ябыштыру), ял минутлары.

Проектның этаплары:

I – әзерлек: балаларның яшь үзенчәлекләренә туры китереп, теманы уйлау, максат кую, перспектив план төзү; темага кагылышлы әдәби әсәрләр белән танышу;

тема буенча иллюстратив материал әзерләү;

балаларга һәм ата-аналарга эш әзерләү. 

 II – төп:Дидактик уен:   «Бир әле” , “Серле  капчык” , “ Парын тап”, “ Төсен тап”, “ Без яшелчә утыртабыз”, “ Бакчада нәрсә үсә?”

 Хәрәкәтле уен “ Кыяр”, “ Тамырлар һәм сабаклар”,  “Кем тизрәк кәрзинне тутыра”.

Бармак уены  “Кәбестәне  турыйбыз”.

Сюжетлы –рольле уен  “Яшелчә кибете”.

Танып белү эшчәнлеге  “ Безнең яшелчә бакчасы”.

Күмәк җырлы уен “ Матур бакча”, “ Көз көз әйт әле”.

Пластилиннан яшелчәләр әвәләү.

Яшелчәләр рәсем күргәзмәсе оештыру.

Иртәнге гимнастика “ Бакчада уңыш җыябыз”, “Без барабыз, барабыз”.

Сәхнәләштерү  “ Шалкан” ,  “Аю белән бабай”.

Шигырь ятлау “ Кишер түтәле”, “ Бакчалар”.

Өстәл уеннары “Яшелчәләр лотосы”, “ Нәрсә артык”.

Матур әдәбият әсәрләре уку.

Суган утырту.

III – йомгаклау: Көз бәйрәме

Педагогик киңәшмәдә  проектны  презентацияләү.

Пректның нәтиҗәсе:

-Проектны тормышка ашыру дәверендә балалар, тәрбиячеләр һәм әти-әниләр арасында тыгыз элемтә оешты;

-Балаларның кызыксынучанлык сыйфатлары артты;

-Сүз байлыклары артты, сөйләм теле баеды; Яшелчәләрнең татарча исемнәре һәм тышкы билгеләре тулаем өйрәнелде.

Алга таба бурычлар

Балаларга ана телен белүнең мөһимлеген төшендерү.

Ата-аналарда балаларын ана телендә укыту теләге тудыру.

Әти-әниләргә киләчәктә дә балалар бакчасы белән тыгыз элемтәдә торуларын теләп калу.