Тема : “Саф һавада язгы күзәтүләр” (Кечкенәләр төркеме балалары белән үткәрелгән эшчәнлек)
опыты и эксперименты по окружающему миру (младшая группа) на тему

Татарстан Республикасы Әтнә районы

мәктәпкәчә белем бирү муниципаль бюджет учреждениесе

“ Олы Әтнә балалар бакчасы”

Тема : “Саф һавада язгы күзәтүләр”

(Кечкенәләр төркеме балалары белән үткәрелгән эшчәнлек)

                                                                            Төзеде:

1 кв.категорияле тәрбияче 

Хөснетдинова Сәкинә Арсин кызы.

Тема: Саф һавада җилне күзәтү.

Максат:

- җил турындагы төшенчәне формалаштыру, юнәлешен күзәтү.

- табигатьтәге бәйләнешләрне аңлату: агачлар селкенә, карлар оча  – бу җил исү күренеше.

- әйләнә-тирәбезгә кызыксыну тудыру.

1.Күзәтү барышы:

Җил тавышы тыңлау. (Динамикта)

Т.Балалар, бу нинди тавыш?

Балалар фикере тыңлана.(Җил тавышы икәнен әйттерү)

(Балаларның игьтибарын агачларга юнәлтү)

Т. Ә хәзер сезнең белән җилне күзәтәбез.                    

Т.Балалар, агачларга карагыз әле.Агачлар нишли ?

Б.Селкенәләр. (Балалар фикере тыңлана)

Т.Ни өчен селкенә икән агачлар?

 Б.Җил булгач селкенәләр.(Балалар фикере тыңлана)

Т.Әйе , җил булганда агачлар селкенәләр.Ә җил булмаса, алар тик кенә торалар,селкенмиләр.Әйдәгез, без дә агачлар булып уйнап алыйк әле.

Уен.  “Җил исә”

Җил исә, исә-исә,
Агачларны селкетә.
Җил тына-тына, тына,
Агачлар үсә дә, үсә.

Т.Ә хәзер  сезнең белән җилне күзәтәбез.Җилне тотып карап,күреп буламы икән?

Юк. (Балалар фикере тыңлана)

Т.Җилнең төсе бармы?(төсе дә юк)

(Балалар фикере тыңлана)

Т.Әйдәгез күккә карыйк әле.Җил безгә күктәге болытларны да куып алып килә, карлар, яңгырлар яудыра.

Хәзер сезнең белән  җил бармы , юкмы икәнен билгеләрбез.

Тәҗрибә. (Балаларга тасмалар бирелә, тәҗрибә үткәрелә) .

Мин сезгә тасмалар бирәм.Тасмаларны кулга тотабыз , күзәтәбез. Селкенсәләр , димәк җил бар. Катырак селкенсәләр, җил дә көчле була.

2."Хәрәкәтле уен: “Җил ”  (Султанчиклар белән уен).   (“Җил чыкты” , дигәч балалар султанчикларны селкетеп хәрәкәтләнәләр. “Җил тынды” дигәч туктыйлар) 

Тәҗрибә.

Сабын куыклары ярдәмендә җил юнәлешен билгеләү.

Ә хәзер сезнең белән җилнең юнәлешен дә карап китәрбез. Мин сезгә сабын куыклары очыртам.Сабын куыклары кайсы якка очса, җил дә шул якка искәнен тоярбыз, сез дә сабын куыклары артыннан барырсыз.

(Балалар да сабын куыгы очкан  якка барырга тиеш булалар.)

3.Ирекле эшчәнлек. (Тәрбияче күзәтә).

 Алып чыгылган материал белән уеннар һ.б.

Әйләнчек белән уен.(Балаларга әйләнчек бирелә)

Т. Балалар, мин сезгә әйләнчек бирәм.Әйләнчекләр белән уен.  (Җил тавышы куела .Түгәрәк буенча әйләнеп хәрәкәт итү.)

4.Шәхси эш.(2 бала)

Кар өстенә флюгерлар төзелә.1 бала флюгерлар арасыннан хәрәкәт итә.

5.Хезмәт.

Максат:

-хезмәткә карата кызыксыну формалаштыру

- бирелгән эшкә карата җаваплылык хисе булдыру;

- бер-береңә, зурларга ярдәм итү теләген хуплау.

Балалар, карагыз әле җил безнең  мәйданчыкка чүпләр очыртып керткән бит.Әйдәгез, бергәләшеп шул чүпләрне җыеп алыйк әле.Уен мәйданчыгы чиста булып калсын. (Чүпләрне,агачның сынган ботакларын тартмага яки чиләккә җыю).

Йомгаклау. Группага керү.