"Һауа һәм уның үҙенсәлектәре"
план-конспект занятия по окружающему миру (средняя группа)

  Уртансылар төркөмөндә эҙләнеү-тикшеренеү буйынса белем

                                 биреү эшмәкәрлеге.

Тема: “Һауа һәм уның үҙенсәлектәре”.

Маҡсат:

1. Тәжрибәләр аша балаларға һауа һәм уның үҙенсәлектәрен өйрәтеүҙе дауам итеү.

Һауаның бөтә тере йән эйәһенә кәрәк булыуын балаларға еткереү.

2.Фекерләү һәләтен,күҙәтеүсәнлекте, хәтерҙе үҫтереү.

3.Ҡыҙыҡһыныусанлыҡ,үҙенең аң-белем даирәһен арттырыу теләге тәрбиәләү.

Йыһазландырыу: һәр балаға полиэтилен пакеттар,коктейль көпшәләре,

                                  стакандар,таҫмалар,веерҙар,шарҙар,һабын ҡыуығы,

                                  алъяпҡыстар,салфеткалар.

Дәрес барышы:

Ойоштороу моменты.

  Балалар түңәрәктә торалар.

-Ҡыҙҙар,малайҙар, әйҙәгеҙ бер-беребеҙгә йылмайыу бүләк итәйек,миңә,күршеләребеҙгә ҡарап йылмайып алайыҡ.

 -Беҙҙе тағы ла нимә йылыта һәм кәйефебеҙҙе күтәрә? (ҡояш).Уның нимәләре бар әле? (нурҙары)

-Беҙҙең ҡулдарыбыҙ ҡояш нурҙары икән тип күҙ алдына килтерәйек.Ҡулдарҙы өҫкә күтәреп тирә-яҡты,бер-беребеҙҙе йылытайыҡ,ҡунаҡтарға ла нурҙар һибәйек.

-Бөгөн беҙгә ҡунаҡтар килгән,уларға ла йылмаяйыҡ.Әйҙәгеҙ ҡояш,дуҫтарыбыҙ һәм ҡунаҡтар менән һаулыҡ һорашайыҡ әле.

Төп өлөш.

(ишек туҡылдаталар)

 -Ҡыҙҙар,малайҙар,кемдер ишек туҡылдата түгелме ?Ҡарайым әле.

Һандыҡ тотҡан Гена Барбоскин килеп инә.

-Минең һандығымда нимә ятҡанын беләһегеҙме?Әйтеп ҡарағыҙ әле(балаларҙың яуаптары).

-Бына бында(күрһәтә)шарҙарым бар,тик уларҙың береһенә генә күңелле,ә башҡалары ни өсөндөр күңелһеҙ,һеҙ белмәйһегеҙме ни өсөн улай икән?Мин белмәйем.

(Яуаптар:бушаған,һауа тултырыр кәрәк).

Тәрбиәсе:

-Эйе шул дөрөҫ.Һауа тултырыр кәрәк.

.Ә беҙгә һауа нимә өсөн кәрәк?(тын алыр өсөн)

-Һауаһыҙ йәшәп буламы? (Юҡ).

-Әйҙәгеҙ тикшереп ҡарайыҡ әле. (Танауҙарҙы ҡаплап тын алып ҡарау)

-Һауа тураһында белгегеҙ киләме? Бөгөн беҙ һеҙҙең менән лабораторияға тәжрибәләр эшләргә йыйылдыҡ.

-Иң беренсе лабораторияла үҙеңде нисек тотоу ҡағиҙәләрен иҫкә төшөрөп алайыҡ (һүрәт ҡарау).

Телтөҙәткес ятлау.

             Май-май-май-ҡысҡырырға ярамай,

             Беҙ-беҙ-беҙ-рөхсәтһеҙ теймәйбеҙ.

             Ит-ит-ит-иптәшеңә ярҙам ит,

             Гә-гә-гә-бергәләшеп эшләргә.

 1.Полиэтилен пакеттар менән тәжрибә.

-Һауаны тотоп буламы?Әйҙәгеҙ тотоп ҡарайыҡ әле.(Ҡулдар менән тотоп ҡарау).

-Бына һеҙҙең алдығыҙҙа пакеттар ята.Улар ниндәй?(бәләкәй,нәҙек)

Ә хәҙер ошо пакеттар менән һауаны тотабыҙ.Ҡарағыҙ әле,пакет нимәгә оҡшаны? (яҫтыҡҡа,йөҙгөскә).Һауаның төҫө бармы?(юҡ).Ә хәҙер һауаны сығарайыҡ.Һауаны беҙ нимә эшләнек?Һөҙөмтә: һауаны тотоп була.

                                                                                   Һауаның  төҫө юҡ

2.Коктейль көпшәләре менән тәжрибә.

Ә беҙҙең эсебеҙҙә һауа бармы икән? Тикшереп ҡарайыҡ эле.Ныҡ итеп һауаны йыябыҙ ҙа ошо көпшәләргә өрәбеҙ.Һыуҙа нимә барлыҡҡа килде? (Ҡыуыҡтар)

Улар нисек килеп сыҡтылар икән?(Беҙ эстәге һауаны өрҙөк).

                                                              Һөҙөмтә: Беҙҙең эсебеҙҙә һауа бар.

3.Һабын ҡыуығы менән уйын.

-Был нимә ул?(Һабын ҡыуығы).Ул ҡайҙан килеп сыҡты?(Беҙ эсебеҙҙәге һауаны өрҙөк).

3.Үлсәгес менән тәжрибә.

-Һауаның ауырлығы бармы икән Тикшереп ҡарайыҡ.

Таяҡҡа ике осона ике шар эленгән.Шарҙың береһен бушатабыҙ.Үлсәгестең бер яғы өҫкә күтәрелде.Икенсе шарҙы ла бушатабыҙ.

                                                           Һөҙөмтә: һауаның ауырлығы бар.

4.Веерҙар менән тәжрибә.

-Беҙ һауаны һиҙәбеҙме икәнен тикшереп ҡарайыҡ әле.Веерҙар менән елпетһәк,нимә һиҙәбеҙ? (Ел).Эйе,ел- ул һауаның хәрәкәт итеүе.

                                                             Һөҙөмтә: һауаны беҙ ел аша һиҙәбеҙ. 

Тимәк,һауа ул ел булып сыға. Ел эшләгегеҙ киләме?Әйҙәгеҙ улайһа,бейеп алайыҡ.

Веерҙар менән бейеү.

Таҫмалар менән бейеү.  

 Йомғаҡлау.

-Ҡыҙҙар,малайҙар,беҙ күп тәжрибәләр үткәрҙек.

Һауа тураһында белдек.

Һауа төҫһөҙ,ул үтә күренә, беҙ уны күрмәйбеҙ.Һауаны тотоп була.Һауа беҙҙең эсебеҙҙә лә бар. Һауа беҙгә ел булып килә.Ел-һауаның хәрәкәт итеүе.Һауаһыҙ ерҙә йәшәп булмай.

Бына беҙгә  алып килгән шарҙар  ниңә күңелһеҙ булғанын хәҙер белдегеҙме?Мин аңланым,уларға һауа етмәгән.

-Һеҙ үҙегеҙҙе яҡшы тоттоғоҙ,афариндар!Хәҙер алъяпҡыстарҙы сисәбеҙ ҙә,Гена Барбоскин  алып килгән шарҙарға һауа тултырабыҙ.

-Һау булығыҙ!