Бер очрашу бер гомер.
материал (старшая группа) по теме
Сценария для утренника "День пожилых людей"
Скачать:
Вложение | Размер |
---|---|
![]() | 62 КБ |
Предварительный просмотр:
Бер очрашу бер гомер.
Зал бәйрәмчә бизәлгән. Балалар бәйрәм киемнәреннән ярым түгәрәктә утыралар. Балалар бакчасында эшләп, лаеклы ялга чыккан өлкән апалар кунак итеп бәйрәм иртәсенә чакырылган.
Бәйрәм «Әбиләр чуагы» музыкасы астында үзләре эшләп чыккан вакыттагы хәтерләрне яңартып өлкәннәр көненә багышланган фото-презентация карау белән башланып китә.
Тәрбияче: Исәнлек-саулык сорашу –
Кешеләргә хас гадәт,
Тәрбиянең башлангычын
Бирүче изге әдәп.
- Исәнмесез; диеп әгәр
Сорасалар хәлеңне
Гел икенче кеше итеп
Хис итәсен үзеңне.
Җанннарга рәхәт булып китә,
Күтәрелә күңелләр.
Тоясың тәндә җылылык,
Ачылып китә йөзләр.
Исәнләшү күркәм гадәт,
Килгән элек-электән
Саулык сорап, хәл белешкәч
Һисләр чыга йөрәктән.
Исәнләшү – ул хөрмәтләү
Кече, өлкән һәркемне
Исәнләшүдән башлана
Безнең яшәү һәркөнне.
Исәнләшик барысы белән,
Кемлелеккә карамыйк.
Әйтеп аны чын күңелдән,
Без тормыштан ямь алыйк.
Көз җыры.
Бүген бәйрәм көнендә
Өлкәннәрне котлыйбыз.
Шатлык, бәхет сәламәтлек
Һәммәгезгә телибез.
Вальс.
Тәрбияче: Зур хөрмәткә, олы ихтирамга лаек апаларыбыз! Сезне бүгенге бәйрәмегез белән чын күңелдән котлыйбыз. Сезгә хәерле озын гомерләр, сәламәтлек, җан тынычлыгы телибез!
1 бала. Иртән торып күзем ачсам
Торып чыксам түр якка –
Нинди зур шатлык бүген
Әби килгән кунакка.
Кояш та шатлана гүя,
Нур сибә һәр тарафка.
Энем, Рәлиф “Әббә” – диеп
Йөгереп чыкты шул якка.
Әбиебез – шатлык бит ул,
Һәр эшнең дә остасы.
Коймак, пәрәмәчләр белән
Сыйлап кына торсачы!
Аның көләч йөзләреннән
Нур сибелә һәр якка.
Шатлыгыбыз читтән ашты
Әби килгән кунакка.
2 бала: Әбием, иң кадерлем,
Сагындым бик үзеңне.
Якты кояшка тиңлим
Синең матур йөзеңне.
3 бала. Әби коймак пешерә
Исе белән өй тулды.
Өй генә тулса берхәл
Бөтен эшләр онтылды.
Әбием күрмәгәндә,
Юри шаяртып, уйнап
Тәмен белмәкче булып
Капкан идем бер коймак.
Әллә коймак юк булды,
Әллә телем йотылды.
Күзем төште почмакка
Һәм бер карак тотылды.
4 бала. Каракны кем дисезме?
Шул үзебезнең мәче.
Ул да коймак чәлдергән,
Абыйсыннан күрмәкче.
Болай булса мин әйтәм:
Кими бара бит коймак.
Ике җирдән шудырсак
Ни ашар безнең кунак?
Песиемне тоттымда
Тизрәк чыгып сыздым.
Башка урлашма диеп
Чәлдергән коймак суздым.
Тәрбияче: Матур итеп кул чапсагыз
Без биергә дә әзер.
Дилә белән Айзатыбыз
Башкортча бии хәзер.
“Башкорт” биюе.
Тәрбияче: Әбиләрне яратабыз,
Чөнки алар сөйкемле,
Тәмле ашлар әзерлиләр
Иренмичә һәркөнне.
5 бала. Әбием, кадерлем
Син минем йолдызым.
Уянам йокымнан
Ишетеп: “Тор, улым!”
Ягымлы тавышың,
Карашың сөйкемле.
Әйтерсең кояшның
Нурлары сибелде.
6 бала. Бигрәк оста, яхшы минем әби
Тәмле итеп ашлар пешерә.
Үзе бәйли, тегә матур итеп,
Осталыкка безне өйрәтә.
Йөзе нурлы, үзе бик тә тыйнак,
Сүз кадерен белеп сөйләшә.
Мин үземне бик бәхетле тоям,
Әби белән булгач янәшә.
Яратам да горурланам да мин
Шундый әбием булуы белән.
Чын күңелдән сәламәтлек телим,
Котлыйм бәйрәм белән!
Җыр: “Әбием алтыным”
7 бала. Ник елмая әби бүген?
Белсәң безгә әйт әле.
Ник әйтмәскә! Бүген илдә
Өлкәннәрнең бәйрәме!
Тәрбияче: Менә безнең балалар бакчасында эшләп безгә кадәр булган агачтан салынган балалар бакчасында эшләп лаеклы ялга чыккан Мостафина Гөлфирә, Мөхәрләмова Салиха апаларга сүзне бирәбез.
8 бала. Әби миңа гел булыша
Идән юсам, юыша.
Әби безнең бер генә
Әбинең кадерен бел генә.
Мин әбине яратам
Кайткач кочаклап алам.
Кемнәрнеңдер әбисе юк,
Минеке бар шатланам.
9 бала. Әби гөбәдия ясый
Кат-кат итеп җимешен
Кайдан уйлап тапкан әби
Тәмле аш минем өчен!
Рәхмәт, әбием, мин аны
Рәхәтләнеп ашармын.
Үсеп җиткәч миндә сиңа
Гөбәдия ясармын.
Тәрбияче: Бие әле, бие әле
Биегәнең күрсеннәр.
Баскан җирдән ут чыгара
Безнең кызлар дисеннәр.
Бию “кадриль”
10 бала. Үзе тыйнак, ягымлы
Һәр кеше хөрмәт итә.
Аның акыллы сүзләре
Безгә дә ярдәм итә.
Безнең өйдә әбиебез
Хөрмәткә лаек кеше.
Һәрчак яратып башкара
Һәрбер башлаган эшне.
Безнең өчен әби сүзе
Бик кадерле һәм якты.
Исән генә булсын дибез
Ни телик инде тагын.
11 бала. Әби шулкадәр сагынган
Башлардан сыйпап ала.
Яныннан узып киткәндә
Аркадан сөеп кала.
Әбием көлеп тора,
Йөзе нур сибеп тора,
Көне буе ничек армый
Кулы гел биеп тора.
Бию “Чабата”
Тәрбияче: Әниемнең әнисе
Әбием була минем.
Әби генә түгел әле
Ул минем дәү әнием.
Ак ефәктәй чәчләрен
Ул тарап куя үреп
Чисталыкка өйрәнәм
Мин дә аңардан күреп.
Әбиләрегезне яратасызмы? Киткәндә дә, кайткач та аларның гел хәлләрен сорашып торыгыз. Әздән генә күңел булса, юктан гына хатер кала, - диләр. Аларга булышыгыз, сүзләрен тыңлап, акыллы миһербанлы балалар булып үсегез.
12 бала. Әбием догалар укый,
Еллар булсын имин, дип.
Кешеләр матур яшәсен,
Тыныч булсын илем, дип.
Әбием догалар укый,
Игеннәр мул уңсын, дип.
Көзен келәтләр, амбарлар
Гел ашлыкка тулсын дип.
Тәрбияче: Әйе, олыларның догалары безгә һәрчак кирәк була. Менә безнең әбиләребез, өлкәннәребез гел безгә яхшы булсын дип дога кылалар. Сезне дә догалар укып балалар бакчасына озатып калалар. Балалар дога укып күрсәтәләр.
Җыр: “Әнкәмнең догалары”
13 бала. Әбием шундый җылы
Иркәләнәсем килә.
Яннарында песи кебек
Сырпаланасым килә.
Кояштай балкып тора
Әбиемнең карашы.
Ничек менә әбием күк
Җылы якты буласы?
14 бала. Яратам әбиемне
Сөйли ул көлә-көлә.
Укыганын да күрмисен
Миннән күбрәк белә.
Аңламасам, аңлата,
Татлы тел белән генә
Яхшы йөр, кеше бул
Иреш, ди теләгеңә.
15 бала. Иртән торсам кояш чыгып
Нурларын сипкән инде.
Әбиемнең чәе кайнап,
Коймагы пешкән инде.
Без әбине яратабыз
Ул да безне ярата
Якты йөзе, йомшак сүзе
Барысы безгә карата.
Әби безгә тәмле ашлар
Барысын да пешерәм ди.
Балаларым сез дигәндә.
Барсына өлгерәм ди.
16 бала. Минем әби япь-яшь әле,
Минем әби чип-чибәр
Әбине күргән кешеләр
Кызлар кебек син диләр.
Әбием гел көлеп тора,
Йөзе нур сибеп тора,
Көне буе ничек армый
Кулы гел биеп тора.
Дәү әнием энҗе калфак
Бүләк итте үземә.
Энҗе калфак үзе ап-ак
Бик килешә үземә.
17 бала. Әбием пешергән ашлар
Тәмле була бигрәк тә.
Әбиемә зур булышчы
Булырмын киләчәктә!
Үсә бакчабыз түрендә
Әбиемнең гөлләре.
Ничек матур үсә алар
Аңкып тора исләре.
Кайтып керсәм мин өйгә,
Нурланып каршы ала,
Әби безгә кадерле.
Аңа газиз һәр бала!
18 бала. Әбием син бу дөняда
Кадерлем, якты кешем
Син булганда кояш төсле
Балкып тора һәркөнем.
Бар эшкә дә оста үзең
Сокланып карап торам
Сиңа охшарга тырышып
Матур хыяллар корам.
Җыр: “Әбиләргә теләкләр”
Без кадерле өлкәннәрне
Котлыйк бәйрәмнәре белән!
Өлкәннәргә бүләк итеп
Чәчәк бәйләме бирәм.
19 бала. Әбекәем бер генә
Яратам мин аны
Тәмле ашлар пешерә
Балкыта дөняны.
Матур итеп чигә ул
Аляпкычлар сөлгеләр.
Курчагыма тегә ул
Нәни-нәни күлмәкләр.
Үрнәк алам эш серенә
Өйрәнергә тырышам.
Әбиемнең куенына
Иркәләнеп сырышам.
Тәрбияче: Биюченең итәге
Бии, бии кыскара
Биючегә сүз әйтмәгез
Бии, бии остара.
Бию “Татар кызлары”
Тәрбияче: Кемдә соң иң матур күзләр дөняда
Кемдә соң әнкәемдә.
Йомшак шифалы куллар да
Бары тик әнкәемдә.
Әнкәй минем бер генә
Иң матуры, зирәге.
Дөнясында аннан да
Юк кешем кадерлерәге.
Зифа буйлы, тәмле телле
Кара шомырт күзләре
Тынычландыра да куя
Ипләп әйткән сүзләре.
Һәркемнең яраткан, хөрмәт иткән газиз әниләре була. Бүгенге бәйрәмгә килгән өлкәннәребезнең дә әти-әниләре булган. Әти-әни һәркемгә иң якын, хөрмәтле, кадерле кеше. Без дә аларны яратыйк, аларга исәнлек саулык телик.
Сумса, бәлеш, өчпочмак
Гөбәдия һәм коймак.
Җитешегез кунаклар!
Сыйланыгыз кунаклар!
Бәйрәм чәй өстәле артында тәмамлана.
По теме: методические разработки, презентации и конспекты
ачык дэрес: "Кояш гомере телим мин, энием сина"
Энилэр коненэ багышланган ачые дэрес. Дэрес алдыннан "Безнен энилэр" дигэн рэсемнэр кургэзмэсе эзерлэнэ.Балалар эни сузен тозилэр. Энилэренэ матур сузлэр эйтэлэр."Минем энием" - дигэн хикэя сойлилэр.Э...
Бөек Ватан сугыш ветераны белән очрашу чарасы -“Туган илем – тынычлык, дуслык иле!”
Бу чарада балалар Бөек Ватан ветераны белән очрашып, сгуыш вакытында булган хәлләрне тыңладылар, 9 май бәйрәме нинди турында мәгълүмат алдылар. Бу бәйрәмдә ветеран бабай өчен балалар үзләре дә шигырьл...
![](/sites/default/files/pictures/2016/01/24/picture-57752-1453625464.jpg)
Кызыклы очрашу
Татар халык авыз иҗатын кулланып, балаларның сөйләм телен баету; төрле хәрәкәтләр ясап, балаларның кул-бармак хәрәкәтләрен үстерү. Эндәшләр, әйтенүләр өйрәнүне дәвам итү....
![](/sites/default/files/pictures/2011/10/18/picture-25335.jpg)
"Кояш гомере телим әнием сиңа"
Максат: Әниләрне ярату, аларга хөрмәт хисе тәрбияләү, якыннарының хәленә керә белүчәнлек тәрбияләү, балаларда шатлык хисләре тудыру, яхшы кәеф булу, өлкәннәргә мәхәббәт, иптәшләренә якын мөнәсәбәт тәр...
![](/sites/default/files/pictures/2017/09/28/picture-117278-1506615484.jpg)
"Сихерле аланда очрашу" эшчәнлек- иртә сценариясе
Этот материал даёт возможность детям прявить себя и друзей, как так они в развлечениях очент открыто общаются друг с другом. Сценарий-утренник помогает ребятам использоват свой умения инавыки в практи...
"Теләче" газетасы, 03.04.2019 ел, №23 (1713), "Бер очрашу-үзе бер гомер" язмасы
Кеше тормышында үзенең яраткан эшеннән тыш, мәдәният, сәнгать яңалыклары да үз урынын табарга тиеш. Чөнки безгә- педагогларга, балаларга үрнәк кеше буларак,һәр яктан ачылу бик мөһим нәрсә!...
![](/sites/default/files/pictures/2018/07/02/picture-1045151-1530530272.jpg)
Әбиемнең күңел сандыгы. (Язучы Гөлсинә Галимуллина белән очрашу кичәсе)
1.Татар халкының онытыла барган изге бәйрәмнәрен, гореф – гадәтләрен хәтердә яңарту һәм саклау, элекке чорның матурлыгын күрсәтү;2. Балаларда татар халкының җырлы – биюле уеннарына, ...