Статья - "Балаларны яклау көне"
статья

День защиты детей

Балалар - безнең киләчәгебез,милләтебез горурлыгы.1 нче июнь, җәйнең тәүге көне, күңелләргә җылылык, яктылык, мәрхәмәтлелек өстәүче бәйрәм – Балаларны яклау көне буларак истә кала.Бу бәйрәмнең төп максаты - күңелле һәм бәхетле балачак һәр сабыйда булырга тиешлеген өлкәннәрнең исенә төшерү. Баланың елмаюы һәм шатлык тулы күзләре - ата-ана өчен моннан да мөһим нәрсә юк. Нарасыйларны наз һәм шәфкатьтә тәрбияләү, аларны олы тормыш авырлыкларыннан, җәбер-золымнардан саклау - һәр гаиләнең иң төп, изге бурычы. Соңгы елларда балалар саны артуы ,балалар бакчаларында шау-гөр килеп торган бала тавышларын ишетү,әлбәттә барыбызны да сөендерә.Үсеп килүче буын буш вакытын файдалы үткәрсен, үзенең сәләтен ачсын, шөгыль тапсын өчен ,барлык мөмкинлекләр дә тудырылган. Шулай да, иң мөһиме, ятимнәрнең булмавы. Балаларыбыз ышанычын югалтмыйк, аларны тагын да бәхетлерәк итәргә омтылыйк. Һәр бала әти-әнисе кочагында үссен, аларга олылар тарафыннан һәрвакыт игътибар, кайгырту һәм мәхәббәт булсын өчен, барлык балаларга да яхшы ял, ныклы сәламәтлек һәм күңелле тәэсирләр калсын өчен төрле чаралар булдырыла.Мондый бәйрәмнәр җир шарының һәр почмагында үткәрелә.Балачак бит  ул ,мәшәкатьсез, күңелле чор. Шәһәребез балаларның шатлыклы  шат тавышыннан  һәрчак яңгырап торсын. Һәрбер балаланың тормышында иң төп терәге – нык һәм яраткан гаиләсе булсын. Күңел түрендә йөрткән иң изге хыяллары тормышка ашсын өчен көчебезне кызганмыйк. Балаларны  яшхылыкка  кечкенәдән өйрәтү кирәк.Шуны истән чыгармыйк!