Ҡыҙыл башлыҡ менән сәйәхәт.
план-конспект занятия по окружающему миру (старшая группа)

«Әкиәт» балалар баҡсаһы

Ҡыҙыл башлыҡ менән сәйәхәт.

(Өлкәндәр төркөмөндә театрлаштырылған дәрес- иртәлек)

                     Тәрбиәсе: Килмөхәмәтова Л.Ә.

                     .

Маҡсат: мәктәпкәсә йәштәге балаларға аңлайышлы булған элементарь экологик белем биреү;

тәбиғәт донъяһына ҡарата ҡыҙыҡһыныу үҫтереү;

бала һәм тәбиғәт өсөн хәүефһеҙ булған экологик тәртип күнекмәләре формалаштырыу;

уратып алған тәбиғәткә гуманлы һаҡсыл ҡараш тәрбиәләү;

тәбиғәт күренештәрен күҙәтеү күнекмәләре формалаштырыу.

Балалар залға кереп ултыралар.

Тәрбиәсе:Балалар ҡунаҡтарҙы сәләмләп алайыҡ.Беҙ һеҙҙең менән ҡыҙыҡ әкиәт ҡараясаҡбыҙ.Шулай итеп әкиәтте башлайбыҙ.

Ҡыҙ сыға.Лейка алып сәскәгә һыу һибә.Әсәһе килеп инә.

Әсәй:Шулай уңған  инде минең ҡыҙым:сәскәләргә һыу ҙа һипкән.Бына ҡыҙым һиңә башлыҡ тектем,ҡыҙылдан ғына.(башлыҡты кейҙерә)

Ҡыҙ:  Матур ғына башлығымды

         Әсәйем тегеп бирҙе.

          Рәхмәт әсәй,рәхмәт әсәй

            Шатландырҙың һин мине.

Әсәй:   Йылы тәнеңдә туҙһын

           Өр-яңы башлыҡҡайың

           Ҡояш кеүек йылы булһын

            Һәр кемгә күңелкәйең.

 Әсә китә,ҡыҙ көҙгө сығарып башлығын ҡарай.

Әсәй:Ҡыҙым өләсәйең ауырып тора икән.Бына тәмле бәлеш бешергәйнем,әллә алып барып киләһеңме?

Ҡыҙ: Ярай әсәй,алып барырмын.

(ҡыҙ урман буйлап китә,йырлай)

Ҡыҙ:  Ай-ай-ай

          Бында ни булған?

          Урманды сүп-сар баҫҡан..

           Инде ни эшләйем икән?...

Тәрбиәсе:  Балалар,Ҡыҙыл башлыҡҡа ярҙам итәйек        инде-урманды былай сүп-сарҙан таҙартырға кәрәк.

(уйын-Сүп-сар йыйыу)

Ҡыҙыл башлыҡ артабан китә.

Ҡыҙ:Урманды таҙартҡас ,ниндәй матур күбәләктәр           осоп сыҡтылар.

(музыка башлана,күбәләктәр сығалар ,бейейҙәр)

Күбәләк:   Ҡыҙыл башлыҡ,Ҡыҙыл башлыҡ

                Беҙгә ҡунаҡҡа килгән.

                    Тырызҡайын элгән дә

                    Матур күлдәген кейгән.

 Күбәләк:    Ҡыҙыл башлыҡ,ҡыҙыл башлыҡ

                  Беҙ һине яратабыҙ.

                   Тик урман ҡағиҙәләрен

                      Һинән ҡабатлатабыҙ.

-Ә һин урман ҡағиҙәләрен беләһеңме?

Тәрбиәсе:  Балалар,әйҙәгеҙ беҙ ярҙам итәйек.

(слайд-шоу)

-Ағас ботаҡтарын һындырма!

-Бөжәктәрҙе тотма!

-Ҡоштар ояһын туҙҙырма!

-Усаҡ менән һаҡ бул!

 -Ҡырмыҫҡа иләүен туҙҙырма!

-Урман йәнлектәренә теймә!

-Тәбиғәттә сүп-сар ҡалдырма!

(Ҡыҙыл башлыҡ артабан китә)

(Ҡаршыһына бүре осрай)

Бүре:  Эхх,бирәм тигән ҡолона-сығарып ҡуйған юлына.Бына бит үҙе килеп сыҡты нәм-нәм-нәм.

(уратып ҡарап йөрөй)

-һин ҡурҡма,мин һиңә теймәйем,тик бына мин белмәгән һорауҙарға ғына яуап бир әле.

(Викторина)

-Доньялағы иң ҙур ҡош?

-Ә иң бәләкәй ҡош?

-Был үҫемлек үҙе туйындыра ла,кейендерә лә,яза ла бирә?

-Күҙҙәре мөгөҙөндә,өйө арҡаһында.Нимә ул?

-Кем урманда ҡыш буйы йоҡлай?

-Ниндәй ҡоштар яҙ килтерә?

-Ә ниндәй ҡош ҡурҡыныс килгәнен иҫкәртә?

-Ниндәй йорт хайуанын оҙон ҡолаҡ тип йөрөтәләр?

-Урман санитары,урман барабансыһы?

-Тейен ҡайҙа йәшәй?

Бүре:  Тә-әк был һорауҙарға яуаптар алдым.Һеҙҙең менән уйнау оҡшап ҡалды ул-Бына мин һүрәттәр ҡарарға яратам.Тик был һүрәттәрҙең нимәһелер дөрөҫ түгел.

(уйын-Дүртенсе артыҡ)

Бүре:Был эште лә дөрөҫ эшләнеләр.Тик минең ҡорһаҡты был ғына туйҙырмай бит әле.Был ҡыҙҙы ашайым да ҡуям-Өләсәһенә барып йөрөүе йыраҡ.

Һин ошонда ултырып тор,ә мин һиңә матур сәскә килтерәм.

(ултырта ла үҙе ҡулдарын ыуалап ҡарап йөрөй)  

(музыка ишетелә,һунарсылар килеп инә,бейеү)

Һунарсы:   Эй,Бүребай,Бүребай

                    Яуыз булдың оялмай.

                    Бәләкәй генә ҡыҙҙы

                  Ашарға бит ярамай!

Һунарсы:  Атаң һиңә ни тигән?

                   Кешегә теймә тигән.

                    Был эшеңде ташла,

                   Ҡуян кеүек һин дә

                    Үлән ашай башла.

(музыка аҫтында бүрене алып сығалар)

Тәрбиәсе:  Яуыз бүре Ҡыҙыл башлыҡты саҡ ашамай ҡалды,ярай батыр һунарсыларыбыҙ булды.Әйҙәгеҙ ҡыҙыл башлыҡҡа артабан барыу ҡурҡыныс булмаһын өсөн бергәләп уны оҙатып ҡуяйыҡ.

(Күмәк бейеү-Урманда)

(балалар бейегәндә ширма әйләндереп ҡуйыла-унда өй эсендә өләсәй ултыра)

Ҡыҙ: Һаумы Өләсәй.

Өләсәй:Эй минең ейәнсәрем килеп еткән бит.Һаумы-һаумы ҡыҙым.

Ҡыҙ: Бына әсәйем тәмле бәлештәр ебәрҙе.

Өләсәй: Рәхмәт инде.Әҙерәк сырхап т ора инем,бына төрлө дарыу үләндәре ҡушып эскәс-йүнәлдем дә киттем,аллаға шөкөр.

(шул ваҡыт бүре йүгереп килеп сыға)

 Бүре:  Янғын-янғын,урманда янғын сыҡҡан!Унда бөтә йәнлектәр янғын эсендә ҡалған!

 Өләсәй :Уларға ярҙам итергә кәрәк бит!

Тәрбиәсе:Өләсәй ҡайғырмағыҙ,беҙҙең балалар йәнлектәрҙе лә алып сығыр,утты ла һүндерерҙәр.Йәгеҙ балалар ике командаға тороп Йәнлектәрҙе ҡотҡарайыҡ.

(Уйын-янғын һүндереүселәр)

Өләсәй:  Бына шәп балалар,утты ла һүндерҙеләр,йәнлектәрҙе лә ҡотҡарҙылар.Бүре һиңә лә рәхмәт-ваҡытында килеп әйттең.Һин бөтөнләй яуыз түгелһең икән.Шундай батыр ҡыҙыма,балаларға минең күстәнәстәрем дә бар.Рәхәтләнеп һыйланығыҙ.(кәрзин менән алма бирә)