Республиканский семинар - практикум" Практический опыт внедрения полилингвальной модели поликультурного образования".Конспект интегрированного занятия "Зима" на кабардино - черкесском языке во второй младшей группе
план-конспект занятия (младшая группа)

Интегрированная НОД во второй младшей группе

На кабардино-черкесском языке

Тема : «Зима»

Подготовила воспитатель:

Стас  С. М.

2023г

Темэ: «ЩIымахуэ» 2-нэ нэхъыщIэ гуп.

Мурадхэр:

1.Сабийхэм я бзэр зегъэужьын.

2.ЩIымахуэм дунейм и щытыкIэр къэпщытэжын.

3. УпщIэм жэуап иратыфу егъэсэн.

4.Плъыфэхэр зыхадзыфу егъэсэн.

5.Тхум нэс гъэбжэн.

Узыншагъэм епха технологияхэр къэгъэсэбэпын:

- Iэпхъуамбэ зегъэужь технология.

- Зыгъэбауэ зегъэужь технология.

- Лъэгу Iуэтын технология.

(Сабийхэр къыщIохьэ)

Гъ: Фи махуэ фIыуэ, цIыкIухэ! Нобэ хэщIэ куэд диIэщ. Псоми сэлам гуапэ едывгъэх.

С: Фи махуэ фIыуэ, ди хьэщIэ лъапIэхэ!

(Сабийхэр мэтIыс.)

Гъ: Хэт къызжи1эн ц1ык1ухэ, гъэм и сыт хуэдэ зэман иджыпсту?

С : Щ1ымахуэщ.

Гъ: Дунейм и щытык1эр сыт хуэдэ щ1ымахуэм?

С: Щ1ы1эщ, уэс къос, уэрамхэм мыл трещ1э, махуэр нэхъ к1эщ, жэщыр нэхъ к1ыхь  мэхъу, унащхьэхэм мылдзасэ к1эрещ1э ………….

Гъ: Пэж дыдэщ, ц1ык1ухэ. Ат1э щ1ымахуэ уэсым теухуауэ усэ ц1ык1у жыт1энщ.

Усэ «Уэсыр къосыр»

Гъ: Ц1ык1ухэ, девгъэплъыт мы сурэтхэм.  Сыт хуэдэ джэгук1э щ1ымахуэм дыджэгуфынур?

Суратхэм иоплъ. ( Уэс 1эшк1эк1э дызджэгуфынущ, пхъэ лъэрыжэк1э къэджыхьыфынущ, гъуш1 лъэрыжэк1э къэджыхьыфынущ, 1эжьэк1э бгыхэм дыкъежэхыфынущ, уэсым уэск1урий къыхэтщ1ык1ыфынущ.

Гъ: Ц1ык1ухэ, фэ фиф1эф1 уэск1э фыджэгуну?

С: Нт1э.

Гъ: Ат1э иджы, мис мы топ «Су –Джок» ц1ык1ухэр уэс 1эшк1эуэ зыкъыщыдгъэхъунщи  дривгъэджэгу.

1эхъуамбэ джэгук1э « Уэс 1эшк1э»

Сэ уэс 1эшк1эм сыроджэгу 1,2,3

Ежь- сэмэгук1э къызодзэк1 1, 2, 3

Сэ си 1эгур соутхыпщ1ыж 1, 2, 3

Аргуэру джэгун щ1ызодзэж 1, 2, 3.

Гъ: Дигу къэдывгъэгъэк1ыжыт ц1ык1ухэ, щ1ымахуэм щ1ыбым дыщыщ1эк1ынум деж, сыт хуэдэ щыгъын щытт1агъэрэ?

С: Пы1э, пщэдэлъ, к1агуэ, джэдыгу, вакъэ хуабэ, ц1ыджанэ, 1элъэ.

Гъ: Афэрым, ц1ык1ухэ.

( Бжэм къытоу1уэ, макъамэ къоуэ , тхьэк1умэк1ыхь къыщ1охьэ, магъ)

 Т: Сэ сытхьэк1умэк1ыхь ц1ык1ущ. Си дэлъхухэм, си шыпхъухэмрэ  сэрэ тф1эф1щ1 уэсымк1э дыджэгунуыр.Ауэ бажэм ди щ1ымахуэ щыгъынхэр къищтэри мэзым щигъэпщк1уащ. Сэ си закъуэу къысхуэщтэжынукъым  ахэр.(магъ)

Гъ: Умыгъ. Ц1ык1ухэ, дыдэ1эпыкъун тхьэк1умэк1ыхь ц1ык1ум?

С :  Нт1э!

Т: Ауэ дызэрик1уэну гъуэгур гугъущ, нашэкъашэщ.

Гъ: Умыгузавэ, ди сабийхэр хахуэщ, къарущ ик1и жанщ.Ауэ дауэ мэзым дык1уа хъуну п1эрэ?

Т :  Мы уэс налъэ ц1ык1ухэм фепщи , мэзым фыкъыщыхутэнщ.

С: Си уэс налъэ дахэ ц1ык1у .(Иопщэ )

Си уэс налъэ псынщ1э ц1ык1у.(Иопщэ)

Укъэхуабэм - уэ утк1унщ.(Иопщэ)

Псы тк1уэпс ц1ык1у, уежэхынщ.(Иопщэ)

Гъ: Мес, ц1ык1ухэ, 1элъэхэри жыгхэм телъщ. Иджы къэтхьыжынщ ахэр.

(гъуэгу ц1ык1умк1э ирок1уэхэри, 1элъэхэр къахьыж)

Гъ: Афэрым, ц1ык1ухэ, 1элъэхэр псори къэфхьыжащ!

Феплъыт, 1элъэхэм я плъыфэр зэщхь?

С: Хьэуэ.

Гъ: ( Хэчыхьэуэ иоупщ1. Сабийхэм плъыфэр жа1э)

Иджы 1элъэхэр плъыфэк1э зэхэдывгъэдз.

( Сабийхэр  плъыфэм хуэфащэу 1элъэхэр зыхадз)

Гъ : И1э, иджы, плъыфэхэр жыт1энщ.

С: Плъыжь, щ1ыху, гъуэплъ, удзыфэ, гъуэжь.

Гъ: Пхъуантэ дапщэ хъуауэ  п1эрэ, къэдывгъэбжыт, ц1ык1ухэ?

С: 1,2,3,4,5.

(Макъамэ къоуэ. Бажэр къыщ1охьэ.)

Б: Фи махуэ ф1ыуэ. Бажэ ц1ык1ур сэращ. (Мэук1ытэ) Сэ сыщыуащ, кхъы1э, къысхуэвгъэгъу.

Гъ :  Бажэ ц1ык1у, дяпэк1э умызэран, зыри къумыгъэпцIэ, бзэджагъэ зумыпхьэ?

Б : Хъунщ.

Гъ : Ц1ык1ухэ , хуэдгъэгъун бажэм?

С: Нт1э, хуэдгъэгъунщ.

Б: Фыпсэу, ц1ык1ухэ! Сэри тыгъэ къыфхуэсхьащ.( Тыгъэр ярет)

Гъ: Упсэу, дэри уэ птеухуауэ усэ ц1ык1у дощ1эри бжет1энщ.

Усэ «Бажэ»

Гъ: Тхьэк1умэк1ыхь ц1ык1умрэ бажэмрэ 1элъэхэр къащтэжынщи, унэм к1уэжынщ.Ц1ык1ухэ, дэри сабий садым дгъэзэжынщ.

( уэс налъэхэм йопщэ, макъамэ къоуэ, мэтысыж)

Къэпщытэжын

Гъ: Нобэ, ц1ык1ухэ, сыт дызытепсэлъыхьар?

Щ1ымахуэм сыт хуэдэ джэгук1эхэмк1э дыджэгу хъуну?

Хэт ди деж къэк1уар? Сыт зыхуеяр?

Фигу ирихьа тхьэк1умэк1ыхь ц1ык1ум фыдэ1эпыкъуну?

Афэрым, ц1ык1ухэ. Флъэк1ыу щытмэ, гугъу ехьым,гузавэу къывэжал1эм

фыдэ1эпыкъу.

Дерсыр нэдгъэсащи, хьэщ1эхэм сэлам етхыжынщ.

С: Узыншэу фыщыт!