Методические разработки Сценарии
методическая разработка (младшая группа)

“Аптаах Саҥа Дьыл” кыра бөлөх оҕолоругар бырааһынньык сценарийа.

Музыканан оҕолор заалга биир биир киирэллэр. Харыйа тула туран үҥкүүлүүллэр.

Ыытааччы: Сылы быһа кэтэспит кэллэ күндү кэммит, күлүмүрдүүр харыйалаах Саҥа дьылбыт, аптаах кэрэ күммүт! Көрүҥ эрэ оҕолоор, харыйа анныгар корзинкаҕа туох эрэ кистэммит дии. Чуораанчыктар тураллар эбит.

Оҕолорго чуораанчыктары түҥэтэн, харыйа тула үҥкүүлүүллэр.

“Чуораанчыктар” үҥкүү

Үҥкүү кэнниттэн оҕолор олоппоско олороллор.

Музыканан Хаарчаана киирэр.

Хаарчаана. Дорооболоруҥ, оҕолоор, Саҥа дьылынан, саҥа дьолунан! Мин Хаарчаанабын, Тымныы Оҕонньор сиэнэ буолабын.

Ыытааччы. Дорообо Хаарчаана! Бүгүн биһиэхэ Саҥа Дьыл бырааһынньыга.

Хаарчаана. Оҕолоор кэрэчээн харыйа уота умайбакка турар эбит дии. Миигин кытта хатылааҥ: “Биир, икки, үс – харыйабыт уота умай!”

(Аптаах палочкатынан харыйа тула сылдьан далбаатыыр, лабааларын, оонньуурдарын таарыйар – харыйа уота умайар).

Песня

Хаарчаана. Оҕолоор, мин кыргыттарга аптаах хаар кыырпахтарын аҕаллым.

Мальчики Садятся на стульчики

Кыргыттарга снежинкалаах палочканы түҥэтии.

Танец “Снежинки” (девочки со Снегурочкой)

Замечают персонажей под елкой

ВЕдущая: Ой кого ребята тут под снегом замело.(достает) собак мышка кошка

(персонажи под елкой) Песня “В гости к зимушке зиме”

Музыканан Саһыл киирэр.

Саһыл. Дорооболоруҥ оҕолоор. Хаарчаана саҥаҕын истэммин хара тыаттан кэллим. Илиилэрим тоҥнохторуон (тоҥмута буолар), эһиэхэ иттэ кэллим.

Ыытааччы. Билэҕин дуо Саһылчаан, биһиги оҕолорбут тымныыттан куттамматтар. Хата ирэ таарыйа ырыабытын ыллыахха, үҥкүүлүөххэ.

Песня “Зимняя песенка”

Саһыл. Томмутум ааста.

Музыканан Куобахчаан ойон киирэр.

Куобах. Дорооболоруҥ оҕолоор. Эһиги оонньуургут тыаһын истэн кэллим.

Ыытааччы. Дорообо куобахчаан, бүгүн биһиэхэ Саҥа дьыл бырааһынньыга.

Куобах. Үчүгэйиэн, мустубуттар манна кыракый куобахчааннар, хаар кыырпахтара. Мин оҕолору кытта үҥкүүлүөхпүн баҕардым. Чэ эрэ оҕолоор, турун куобахтар үҥкүүлэрин үҥкүүлүөх.

“Куобахтар” үҥкүү. (уолаттар)

«Тымныы кыһын» ырыа.

(миэстэлэригэр олорбуттарын кэннэ ДМ торуоската тыаһыыр).

Куобах, саһыл үөрэннэр таһыналлар

• Оҕолоор, Тымныы оҕонньор торуоската тыаһыыр, чугаһаабыт быһылаах.

Хаарчаана. Оҕолоор, бары бииргэ хаһытыаххайыҥ. Тымныы Оҕонньору ыҥырыаххайыҥ! Тымныы Оҕонньор!

Музыканан Тымныы Оҕонньор киирэр.

Тымныы Оҕонньор: Дорооболоруҥ оҕолоор! Саҥа Дьылынаан! Саҥа дьолунаан! Уруйдаан-айхаллаан тиийэн кэллим эһиэхэ! Көрсүбэтэхпит сыл буолла! Улааппыккыт маладьыастар! Чэ, эрэ харыйа тула туран хоровуодтаан эргийиэххэ.

Хоровод “Дед Мороз”

Хаарчаана: Оҕолоор харыйа анныгар үчүгэйкээн коробка турар дии. Иһигэр туох эрэ баар.

Коробка иһиттэн хаар төкүнүктэри булар, оҕолорго түҥэтэллэр.

Ырыалаах оонньуу

Саьыл: О5оолоор көрүҥ эрэ бу харыйаҕа погремушка ыйанан турар (харыйаттан погремушканы ылар, көрдөрөр)

Ыытааччы: Биһиги оҕолорбут погремушка туһунан ырыа билэллэр. Тымныы Оҕонньор олорон оҕолор ырыаларын иһит.

Корзинкаттан оҕолорго погремушка түҥэтэр.

Ырыа “Погремушка”

Оҕолор миэстэлэригэр олороллор. Куобах ойуоккалыы сылдьан хаарга охтубута буолар.

Куобах: Аай-аай-ай

Саһыл: Туох буоллун Куобахчаан (кэлэн көмөлөһөр, туруорар)

Иккиэн подарогы булан ылаллар.

Куобах: Бу хаарга элбэх подарок баар эбит.

Тымныы Оҕонньор: Ити мин оҕолорго аҕалбыт подарогым. Оҕолор бары наһаа үчүгэйдик ыллаатылар, үҥкүүлээтилэр, оонньоотулар, билигин мин оҕолорго подарокпын түҥэтиэм. Чэ, эрэ сиэнэ кыыһым Хаарчаана кэлэн көмөлөһүн, оҕолорго түҥэтиэххэ.

Оҕолору биир биир ааттыы ааттыы подарогы түҥэтэр.