Төрүччү өбүгэһэ ситимэ, күүһэ, көмүскэлэ
проект (старшая группа)
Бу үлэ аныгы үйэҕэ оҕо төрүччүтүн, өбүгэтин ситимэ, күүһэ, көмүскэлэ диэн тиэмэҕэ аналлаах «Төрүччү өбүгэһэ ситимэ, күүһэ, көмүскэлэ» бырайыак туһунан кэпсиир. Бырайыак сыала — оҕоҕо ийэтин уонна аҕатын өттүнэн төрүттэрин, өбүгэлэрин талааннарын, удьуор утумун билиһиннэрии. Соруктара: оҕо дьиэ кэргэнин туһунан толору кэпсиир дьоҕурун сайыннарыы, аймах-билэ дьонун, төрүт үгэстэрин, талааннарын туһунан билиини үөскэтии, төрөппүт уонна оҕо айар дьоҕурдарын тэҥҥэ сайыннарыы, урууларын-аймахтарын таптыырга уонна убаастыырга иитии. Бырайыак 3 түһүмэхтээх: бастакытыгар төрөппүттэргэ опрос ыытыллыбыт, иккиһигэр сүбэлэр, сэһэргэһиилэр, остуоруйалар, оруоллардаах оонньуулар ыытыллыбыттар, үһүсүгэр төрөппүттэр оҕолорунаан төрүччү мастарын араас көрүҥүн оҥорбуттар. Түмүгэр оҕолор төрөппүттэрин, аймах дьоннорун сахалыы ааттыырга үөрэннилэр, төрүччүлэрин үөрэтэн төрөппүттэр оҕолоро ханнык талааннаах буолуохтарын сөбүн биллилэр.
Предварительный просмотр:
Төрүччү өбүгэһэ ситимэ, күүһэ, көмүскэлэ
Аныгы үйэҕэ удьуор утума салҕанарын, хантан хааннааҕын, кимтэн кииннээҕин оҕо кыра эрдэҕиттэн билиһиннэрбэттэр. Хас биирдии киһи талаана, дьоҕура көлүөнэттэн көлүөнэҕэ бэриллэр.
Төрүччү маһа оҥорон, оҕо ханнык өбүгэтигэр туох талааннааҕын билэн, сайыннарыахха сөп диэнмин Төрүччү өбүгэ ситимэ, күүһэ, көмүскэлэ диэн бырайыак оҥорбутум.
Бырайыагым сыала: Оҕоҕо ийэтин, а5атын өттүнэн төрүттэрин, өбүгэтин талааннарын, удьуор утумун билиһиннэрии.
Соруктара:
- Оҕо дьиэ кэргэнин туһунан толору кэпсиир дьоҕурун сайыннарыы.
- Оҕоҕо дьиэ кэргэн, аймах- билэ дьонун, дьиэ кэргэн төрүт үгэстэрин, талааннарын туһунан билиини үөскэтии, хаҥатыы.
- Төрөппүт уонна оҕо айар дьоҕурдарын сайыннарыы, тэҥҥэ үлэлииллэрин ситиһии. Оҕо билэр – көрөр дьоҕурун сайыннарыы.
- Оҕоҕо дьиэ кэргэнин, урууларын-аймахтарын таптыырга уонна убаастыырга иитии.
Күүтүллэр түмүктэр:
Оҕо дьиэ кэргэнин төрүччү маһын оҥорон, дьиэ кэргэнин үгэстэрин, чугас уонна ыраах уруулар тустарынан билэрин ситиһии. Оҕо хайа өбүгэтин талаанын иҥэринэ сылдьарын билии. Төрүччү маһын оҥоруу.
Бырайыагым 3 түһүмэхтээх:
Бастакы түһүмэххэ төрөппүттэргэ опрос ыыппытым. Кинилэр оҕолоро ханнык өбүгэлэрин талаанын иҥэринэ сылдьалларын билбэттэр эбит диэн түмүккэ кэлбитим. Холобур биһиэхэ сылын аайы ыытыллар Ярмарка кружков, ол онно оҕолорун төрөппүт бэйэтин баҕатынан ханнык баҕар кружокка оҕотун киллэрэн кэбиһэр, оҕо туохха дьоҕурдааҕын билбэткэ. Опрос түмүгүн төрөппүттэр билэн баран, кырдьык ханнык өбүгэбит дьоҕурун оҕолоро иҥэринэ сылдьарын интириэһиргээбиттэрин көрөн орто, улахан, бэлэмнэнии бөлөх оҕолоругар киллэрэн саҕалаабытым.
Иккис түһүмэххэ. Төрөппүттэргэ араас сүбэлэр, сэһэргэһиилэр, оҕолорго остуоруйалар, оруоллардаах оонньуу үлэлэрэ ыытыллыбыттара
Үһүс түһүмэххэ. Түмүктүүр үлэбитигэр төрөппүттэр оҕолрунаан төрүччү мастарын араас көрүҥүн оҥорбуттара.
Бу проекпыт түмүгүнэн оҕолор төрөппүттэрин, аймах дьоннорун сахалыы ааттыырга угуйуннулар, үөрэннилэр. Төрүччүлэрин үөрэтэн төрөппүттэр оҕолоро ханнык талааннаах буолуохтарын сөбүн биллилэр.
По теме: методические разработки, презентации и конспекты
Рабочая программа фольклорного кружка «ОБУГЭ СИТИМЭ» для детей с 3 до 6 лет дошкольного возраста. Тип программы: Образовательная программа дополнительного образования.
Этнокультурная направленность образования в Республики Саха (Якутия) является неотъемлемой частью образовательной деятельности, обеспечивающей приобщение обучающихся к ценностям культуры народов, прож...