Сказка на коми языке "Подарки от лесных жителей"
методическая разработка (старшая, подготовительная группа) на тему

«Вöрсаяссьянь козинъяс»

Коми мойд

Петкöдчöм

Гижыс да лöсьöдiс

Музыкальный руководитель

МДОУ Детский сад «Улыбка»

Субоч Евгения Николаевна

2014г

Висьталысь :

Кулöмдiн! Кулöмдiн!

Медся ыджыд тэнад чин

Медся мича тэнад му,

Медся паськыд тэнад ю. (Юлия Напалкова)

Кулöмдiн сиктын олiс –вылiс зэв зiль  да киподтуя морт. Микайлö.

Öтчыд сiйö мöвпыштiс:

Микайлö: Таво лоö зэв ыджыд гаж, Кулöмдiн районлöн юбилей.

Колö кыдзкö пасйыны тайö ыджыд пассö. А кутшöм нö эськö гаж, сьыланкывтöг артмас? Да öд и мый вылын кö колö ворсны!

(Мöвпалö)

-Муна вöрö, да вöчала йöзлы шылад улö ворсöм торъяс. Мед гажöдчасны гырысь да посни.

Висьталысь : Микайлö бостiс чер, пурт да мöдöдчис вöрö.

Кузя ли, дженьыда ли муныс, со и местаö воис.

(Мунö ворö да матыстчö кыдз пу дорö)

Микайлö: Со и дивö! Вот, тай тэ кутшöм мича, кыдз пуöй, абу окота тэнö вöрзьöдны, да сюмöдсьыд артмас бур ворсан тор - шур –шар, кодöн радейтöны ворсны посни челядь. А керышта-кö тэнсьыд увтö, артмас мöд ворсан тор- тутш –тотш.

Микайлö кöсйö керыштны, а сы костi чеччалiгтырйи локтöны кык кöч.

Табъя кока кöчиль: Сувтлы, дугды, шань морт, эн пöрöд. Микайлö, тайö кыдз дорас миян оланiнным.

Микайлö: Збыль, али мый? Сiдзкö ог, ог вöрöд, а кысь ме босьта ворсан торъяс гаж вылö, табъя кока кöчиль? Кузь пельяса кöчиль?

Кузь пельяса кöчиль: Эн шогсьы, Микайлö, сетам тэныд ворсан торъяс, босьт, гажöдчöй!

Музыка шы улö йöктöны да сьылöны:

   Шур-шар, шур-шар,

   Тутш да тотш,

   Ворсны вермас дзик быд морт.

Сетöны Микайлöлы

Микайлö: Аттьö, кöчильяс, гажöдiныд, зэв ыджыд отсöг меным лои.

Кöчъяс мунöны

Висьталысь: И мöдöдчис Микайлö водзö!

Микайлö матыстчö мöд пу дорö да кывзö пу пытшкöссö.

Микайлö: Кыла, кыла, увъясыс, тöвру улын шор моз сьольгöны –дзольгöны, тайö пусьыс артмас зэв мича шыа зиль-зёль ворсан тор.

Микайлö кöсйö керыштны, а сы костi котöртö шыр.

Шыр: Микайлö, эн вöрöд пусö, со аддзан пу вылас лэбачъяс позйысьöмаöсь, найö менам ёртъяс!

Микайлö: Поз! Сiдзкö ог вöрöд шыр-ичöтик ныр!

Шыр: Ме кывлi, мый тэ кöсъян вöчны пусьыс зиль-зёль ворсан тор? Ме тэн сета, эн жугыльтчы, менам эм, (перйö)со тай!

Зиль-зёль, зиль-зёль

Кылö жургö ичöт шор.

Микайлö: Аттьö, шыр- ичöтик ныр, зэв ыджыд отсöг меным вöчин.!

Шыр мунö

Микайлö матыстчö  коймöд пу дорö.

Микайлö: О, тайö пуыс ыджыд да ен! Уна жö и ворсан тор артмас.

Микайлö кöсйö керыштны, а сы костi локтö Ош.

Ош: Сувтлы, Микайлö! Эн керав! Быд ар тайö пу улас ме вöча аслым гу да тöвбыд сэнi узя!

Микайлö: Танi узьлан?

Ош: Да, тайö пу дорас менам радейтана места!

Микайлö: Ладнö, ог керав!

Ош: Аттьö, Микайлö, тэ зэв шань морт, да таысь ме козьнала тэныд козин!

Сяр-сяр,сяррррррр

Гажа лоас сэн и тан,

Ылö кылö талöн шы,

Вермас зон-посни ворсны.

Микайлö: О, тайö шы вылас уна йöз чукöрмас гаж вылö. Аттьö тэныд,  ыджыд сьöд ош!

Шылад улö локтöны ур, кöин ,руч

Ур: Микайлö, сувтлы! Вöрса пемöсъяс виьсталicны, мый тэныд колö уна ворсан тор, со ми вайым тэныд, босьт, гажöд йöзсö!

Микайлö: Аттьö! Со кымын шылад улö ворсан тор миян чукöрмис! Тырмас и вöрса пемöсъяслы и бур йöзлы! Вай öтув гажöдчам!

Сьылöм-дзольгöм шыясыс

Ывла вылын тырöма

Дона ертъяс,  чукортчам!

Сьылыштам да йöктыштам!

Пом.