Музыканан дәрес конспекты "Кемден тауышы?"
план-конспект урока (средняя группа)

Кемден тауышы?(мәктәпкәсә йәштәге урта төркөм балалар өсөн музыканан дәрес конспекты)
Составила: музыкальный руководить Ахметова Зульфия Буранбаевна

Маҡсат: Балаларҙы хайуандар һәм ҡоштарҙың тауышы менән таныштырыуҙы дауам итеү, ҡалын һәм нәҙек тауыштарҙы айыра  белеy,музыкаль һәләттәрҙе yҫтереy(ритм,слух),йырлау һәм музыкаға хәрәкәт итеyҙе яйға һалыу.
Yҫеш эшмәкәрлеге: аралашыу һәләтен, ваҡ һәм эре     маториканы,  иғтибарлылыҡты, уйлау, күреү һәм ишетеү һәләттәрен һәм телмәрҙе үҫтереү;
Тәрбиәyи эшмәкәрлек: тирә-йүнгә һаҡсыл ҡараш, бер-беренде,ғаиләнде хөрмәт итеү тойғоһо тәрбиәләү.

Белем алыу эшмәкәрлеге: тәбиғәт менән таныштырыу, социаль-коммуникатив үҫеш, физик үҫеш, телмәр үҫтереү, художестволы-эстетик үҫеш.

Йыһаз: ноутбук,йәнлектәр, ҡоштар һыны, маскалар, тyбәтәйҙәр, декорация  һ.б.

Дәрес барышы.

1. Ойоштороу мәле.

• Балалар, ҡарағыҙ әле, беҙгә ҡунаҡтар килгән! Әйҙәгеҙ улар менән иҫәнләшеп алайыҡ.

Һаумыһығыҙ, устарым, cәп-сәп-сәпәкәй,

Һаумыһығыҙ, аяҡтар, топ-топ-топ,

Һаумыһығыҙ, биттәрем, плюх-плюх-плюх,

Һаумыһығыҙ, ирендәр, чмок-чмок-чмок,

Һаумыһығыҙ, тештәрем, шылҡ-шылҡ-шылҡ,

Һаумы минең танауым, би-би-би,

Һаумыһығыҙ, ҡунаҡтар!

 Шиғырҙы һөйләп бөткәс илаған  бәпкә тауышы ишетелә.

• Балалар, ишетәһегеҙме, ниндәй тауыш ул? (бәпкә килеп сыға)

• Һаумыһығыҙ, балалар. Һеҙ минең әсәйемде күрмәнегеҙме?
• Әсәйенден тауышы нисек һуң ?
• Мин белмәйем? (илай)
• Ҡайғырма, бәпкәм, беҙ һиңә ярҙам итербеҙ. Балалар, бәпкәгә әсәһен тауышынан  табырға ярҙам итәйекме?Эйе.

2. Төп өлөш.

Музыкаль уйын “Кемдең тауышы?”

• Балалар, бөтәгеҙҙең дә атай-әсәйҙәрегеҙ бар, уларҙын тауыштары төрлөсә.
• Айзилә, һинен  әсәйеңдең  тауышы нисек;нәҙекме,ҡалынмы?(атайҙар-ҡалын,(тyбән),әсәйҙәр-нәҙек тауышлы)
• Бына тынлап  ҡарағыҙ әле, былар  ниндәй тауыштар?
•  Ул кемдәр йырлай икән?Бәпкәнен әсәһе тугелме икән? (үгеҙ, ат,әтәс,эт , кәзә, себеш,ҡаҙ)

  Иң аҙаҡтан ғына ҡаҙ тауышын тынлатам.Ҡаҙ  балалар менән иҫәнләшә, бәпкәһе  менән осрашҡанға шатлана.

• Балалар, ҡаҙ һеҙгә рәхмәт әйтә һәм уның һеҙҙең менән бейегеһе килә. Йырлап-бейеп алайыҡмы?
•  Ҡурай тауышы янғырай.( балаларға башлыҡтар кейҙерелә,уҙем тиҙ генә өләсәй булам,декорация ҡуйыла)
• Йырлы-бейеy “Ике кунелле ҡаҙ” .

Иии,бәпкәләрем,мин һеҙгә ҡыуанам, ә һеҙ бәпкәнен әсәһен тапҡанға,шулай бит.(башлыҡтар сиселә)

•  Ял минуты.

• Балалар,  арып киткәнһегеҙҙер. Әйҙәгеҙ ял итеп алайыҡ.

Әтәс менгән ситәнгә, (ҡулдарҙы әтәс кеүек “ҡағырға”)

Ҡысҡыра ки-ки-ри-ку, (муйынды ике тапҡыр алға һуҙырға)

Тауыҡтар тора борсолоп, (башты бер уң, бер һулға бороу – 4 тапҡыр)

Хәҙер ҡолап төшә, тип.

3. Бармаҡ уйыны “Ғаилә”.

• Балалар, һеҙгә ҡаҙ  рәхмәт әйтә, “Ғаилә”  тигән бармаҡ уйыны  алып  килгән,өйрәнәбеҙме?
•  Әйҙәгеҙ, дөрөҫ һәм унайлы итеп ултырып тынлайбыҙ  һәм ҡушылып ҡабатлайбыҙ.
• Уйын оҡшанымы? (Эйе,бик матур уйын)
• Уйында нисә кеше ҡатнаша? (5 кеше:Атай,әсәй,ағай,апай һәм бәпес.)
• Әйҙәгеҙ,бергәләп аяғөҫтө тороп, тағы ла нығытып йырлайыҡ (Атай бармаҡ-2т.,һин ҡайҙа ...)
• Үҙ аллы йырлау, ярҙам итеү.
• Балалар, ҡаҙға бәпкәһе  менән ҡайтырға ваҡыт етте. Әйҙәгеҙ, улар менән хушлашайыҡ.

Һау булығыҙ, һау булығыҙ, беҙгә тағы килегеҙ,

Һау булығыҙ, һау булығыҙ, бергәләшеп уйнарбыҙ.

   Ҡаҙ  бәпкәһе менән  хушлашып сығып китә.

• Һеҙгә дәрес оҡшанымы?
• Нимәләр тураһында һөйләштек?
• Кемдең әсәһен эҙләнек?
• Һеҙ атай-әсәйҙәрегеҙҙе тауышынан таныйһығыҙмы?

Ваҡытҡа ҡарап,”Шаян йыр” менән дәресте тамамларға мөмкин.