Конспект ОД по обучению кабардинскому языку.
план-конспект занятия (средняя группа)

    Конспект ОД по обучению кабардинскому языку.

Темэр: «Теп1энщ1элъынхэр. Аф1эунэ Л. «Щхьэнтэ».

Егъэджак1уэ: Нэгумэ М.Х.                                                     14.02.2025г.

Мурадыр: теп1энщ1элъынхэр (уэншэку, шхы1эн, щхьэнтэхэр) егъэц1ыхун;

усэр гук1э егъэщ1эн;

«Мэлщохъу» джэгук1эмк1э гъэджэгун;  щэхуу гъэсак1уэм еда1уэу, упщ1эхэм жэуап иратыжыфу егъэсэн.

 ХЭЗЫШЭ ПСАЛЪЭ.

Цык1ухэ! Нобэ хьэщ1э ди1эщи, и1эт инышхуэу жыдвгъы1эт: «Фи пщэдджыжь ф1ыуэ!». И1эт иджы дывгъэт1ыси, фи 1эпэ ц1ык1ухэр сывгъэлъагъут, дыджэгунщ:

Мы 1эпэ ц1ык1ур дадэщ,

Мы 1эпэ ц1ык1ур нанэщ,

Мы 1эпэ ц1ык1ур папэщ,

Мы 1эпэ ц1ык1ур мамэщ,

Мы 1эпэ ц1ык1унит1эр сэращ,

Мыхэр псори ди унагъуэращ!

Бжэм зыгуэр къытоу1уэ. Пэшым гуащэ къыщ1ахьэ.

Егъэджак1уэ: Феплъыт ц1ык1ухэ, нобэ хьэщ1у къытхуэк1уам, хэм мыр?

Ц1ык1ухэр: Гуащэ.

Еггъэджак1уэ: Гуащэ Маринэ къывже1э «Фи пщэдджыжь ф1ыуэ!»

И1эт дэри сэлам едвгъэхыт, а ц1ык1ум.

ЕК1УЭК1ЫК1ЭР:

Егъэджак1уэ: Ц1ык1ухэ, гуащэ Маринэ хуещ дэ ди группэ дызыщ1эсыр едггъэц1ыхуну. И1эт жыдвгъы1эт зыддэт1эщ1ыр, дыздэшхэр, дыздэджэгур, дезэша иужь дыздэжер.

Гуащэ Маринэ, гъуэлъып1эм илъ хьэпшыпхэр едгъэц1ыхуну къыдолъэ1у.

Ауэ ц1ык1ухэ, ахэр едгъэц1ыхун  папщ1э, дэ тщ1эн хуейщ, абы хиубыдэхэр. Теп1энщ1элъынк1э -  зэджэр гъуэлъып1э здэжем илъ хьэпшыпхэращ. Къэдвгъэщ1эжыт, сыт абы хиубыдэхэр?

Ц1ык1ухэр: уэншэку, шхы1эн, щхьэнтэ.

Егъэджак1уэ: И1эт ц1ык1ухэ евгъэлъагъут Маринэ ц1ык1у, щхьэж фыздэжей гъуэлъып1эхэр. 

Егъэджак1уэ: Псоми фи гъуэлъып1э ц1ык1ухэр ф1ыуэ фоц1ыхухэ, и1эт иджы фи щхьэнтэ ц1ык1ухэм фытелъэщ1ыхьыт.

Егъэджак1уэ: Сыт хуэдэ щхьэнтэ ц1ык1ур?

Ц1ык1ухэр: Щабэ ц1ык1ущ.

Еджак1уэ: Иджы фи шхы1эн дахэхэм фе1усэт.

Егъэджак1уэ: Ц1ык1ухэ, фигу ирихьрэ фи гъуэлъып1э ц1ык1ухэр?

Ц1ык1ухэр: Ныт1э, дигу ирохь.

Егъэджак1уэ: Ц1ык1ухэ, дауэ зы псалъэк1э мы хьэпшыпхэм дызэреджэр?

Ц1ык1ухэр: Теп1энщ1элъын.

Еджак1уэ: Ц1ык1ухэ, нобэ Аф1эунэ Л. итхэ «Щхьэнтэ» усэ ц1ык1ум сыкъыфхуеджэнущи фыкъеда1уэ. 

                                «Щхьэнтэ»             Аф1эунэ Лиуан.

ЗигъэтӀейуэ                                  Сыгъуэлъыжым

Исщ гъуэлъыпӀэм,                       Мэгъуэлъыжыр,

И щхьэр лъагэу                            Сыкъэтэджым -

Елъагъуж.                                     Къотэджыж!

Усэр гук1э зыдогъащ1э.

«Мэл шохъу» джэгук1эм гъэджэгун.

 Сабийм и Ӏэ лъэныкъуэ ціыкіур яіыгъыу и Ӏэгудыгъуэм, и Ӏэпэхэм гъуэрыгъуэу теӀэбэурэ жаӀэ: «М ыбдеж мэл щохъурэ, мыбдеж хъурей щоджэгурэ, мыбдеж накіуэ-къакіуэ, мыбдеж дывгъэкіуэж, мыбдеж тіэкіу дымышхэу дыкӀуэжын? Еуэ, еуэ, пщафіэ ціыкіу, еуэ, еуэ, пщафіэ ціыкіу...»

« Еуэ, еуэ», - щыжаіэкіэ, сабийм и Іэпхъуамбэжьакіэр яубыдри абыкіэ езым и Ӏэгудыгъуэ ціыкіум иуэж хуэдэу, пщафӀэ хуэдэу ящӀ. Абы сабийр егъэдыхьэшх.

К1эух:

Хэт нобэ хьэщ1у къытхуэк1уар? (Гущэ Маринэ).

Сыт хуэдэ хьэпшып, ди хьэщ1эм едгъэц1ыхуахэр? (Теп1энщ1элъынхэр).

Сыт хуэдэ усэ зэдгъэщ1ар?

Сыт хуэдэ джэгук1э дызэрыджэгуар?

Сэ фэ псори сигу фырихьащ, хьэлэмэту нобэ псори фылэжъащ.

Ф1ык1э тхьэм дызэхуигъазэ!