"Атай - ғаилә тотҡаһы"
методическая разработка (средняя группа)

Тема: “ Атай – ғаилә тотҡаһы”

Маҡсат: балаларҙа атайға ҡарата хөрмәт тәрбиәләү

ғаиләлә атайҙың абруйын күтәреү

бала һәм атай араһындағы мөнәсәбәтте яҡшыртыу

Йыһазландырыу: стенд “Беҙҙең атайҙар”

стенд “Татыу ғаилә - ил күрке”

баларҙың атайҙарға бүләктәре

бүлмәне биҙәү өсөн шарҙар

ярыштар өсөн обручтар, хоккей таяғы һәм шайба, йомшаҡ туптар

Күңел асыуҙың  барышы:

- Һаумыһығыҙ, тип башлайым әле,

Күрешеү бит шулай башлана!

Һеҙҙең менән осрашҡанға, дуҫтар,

Күңелебеҙ шундай шатлана!

- Ниндәй байрам яҡынлашып килә?

- Ошо байрамға арнап беҙ “Атай – ғаилә тотҡаһы” тигән күңел асыуға йыйылдыҡ.

Хәҙер һүҙҙе балаларға бирәйек.

Марат: Ул мине һуңға ҡалып

Ҡайтҡанға әрләһә лә,

Иртәнән кискә ҡәҙәр

Уйнарға бирмәһә лә,

Ул – ерҙә иң шәп кеше!

Шәп кеше – ғәжәп кеше.

Арслан: Минең әле бер ҡат та

Ҡолаҡты бормаһа ла,

Һабантуйҙарҙа ла әле

Еңгәне булмаһа ла,

Ул иң-иң көслө кеше!

Баһадир төҫлө кеше.

Илина: Ул зирәк тә, шаян да,

Аҡыллы ла, һәйбәт тә.

Кем тиһегеҙме? Ул кеше

Минең атай, әлбиттә! (бергә)

Тәрбиәсе:

- Афарин, балалар! Атайығыҙҙы бик яратаһығыҙ икән. Уларға әйткән яғымлы һүҙҙәрегеҙ атайҙарҙы шатландырып, һәр ваҡыт дәртләндереп, ҡолаҡтарында яңғырап торһон. Ә һеҙ уларҙы матур эштәрегеҙ менән шатландырып, уларға терәк булырһығыҙ тип ышанам.

Нәркәс: Ҙур үҫәйек, атайҙарҙы, әсәйҙәрҙе

Ҡарарбыҙ, ҡәҙерләрбеҙ.

Эштәрен дә гел эшләрбеҙ,

Яғымлы ла булырбыҙ.

Хор менән:

Иркәләрбеҙ гел генә

Атай-әсәй бер генә!

Уйындар: -Ә хәҙер, күңелле уйындар уйнап алайыҡ.

1 бирем: Обруч аша һикереп тупты кәрзингә һал.

2 бирем: Хоккей уйыны.

3 бирем: Матур һүҙҙәр әйт.

4 бирем: Уйынсыҡтар араһынан эш ҡоралдарын һайлап ал.

5 бирем: Кемдең өйө бейегерәк?

6 бирем:  Бөгөн һинең тыуған көнөң. Атайығыҙ һеҙҙе ҡотлап, уйынсыҡ машина бүләк

итте. Эй уйнанығыҙ ҙа һуң! Беҙгә лә уйнап күрһәтегеҙ әле.

Артур: Атайымдың һөнәренә

Ҡыҙығып ҡарап торам:

Таҡтала һүрәт төшөрә,

Кәрәкһә, бура бурай.

Ҡулдары алтын бит уның-

Бер ҡасан арыу белмәй.

Инсаф: Минең атай тырыш кеше,

Күп һөнәр белә.

Үҙе белгән күп нәмәне

Өйрәтә миңә.

Рамзан: Шофер булып эшләй минең атай,

Йәй ҙә, ҡыш та эше һис бөтмәй.

Өс улына, өс таянысым, тип,

Йәшәү ҡанунын ул өйрәтте:

Кеше көсө һәм хеҙмәте

Тыуҙыра бар хикмәтте.

Ильвина: Атайыбыҙ беҙҙең шундай һәйбәт,

Ҡайтып инә өйгә ҡояштай.

Биш балаға атай ғына түгел,

Хәҙер булды инде олатай.

Ясмина: Мин атайымды яратам

Исеме – Руслан.

Уның эргәлә булыуы

Үҙе бер бәхет.

Тәрбиәсе: - Һеҙ бәхетле, аҡыллы булып үҫһен өсөн атайҙарығыҙ иген үҫтерәләр, мал ҡарайҙар, ҡалала эшләп йөрөйҙәр. Атайҙарығыҙ һеҙҙең өсөн тырышалар. Һеҙҙе кейендерәләр, ашаталар, теләгән әйберҙәрегеҙҙе алып бирәләр, һеҙҙе тәрбиәләйҙәр. Ә һеҙ үҫкәс уларҙы тәрбиәләргә тейешһегеҙ.

Бергә:

Атайҙарҙы яратабыҙ

Һәр саҡ ярҙам итәбеҙ

Әсәйҙәрҙе яратабыҙ

Һәр саҡ ярҙам итәбеҙ.

Тәртипле лә булырбыҙ

Тырышып та уҡырбыҙ.

Йомғаҡлау.

Атайҙар! Балаларға ныҡлы терәк булығыҙ. Һеҙҙең барығыҙға ла уңыштар юлдаш булһын!