Сценарий на День матери в старшей группе "Анэр гъащ1эм и къежьап1эщ"
методическая разработка (старшая группа)

МБДОУ « Детский сад «Дыгъэ» а.Жако

Сценарий праздника

на « День матери» в старшей группе

«Анэр гъащ1эм и къежьап1эщ»

Методическая разработка на черкесском языке.

Воспитатель: Бакова З.З.

Муз.руководитель:Шебзухова З.А.

2024-2025 уч.год.

Анэр гъащ1эм и къежьап1эщ!

Адыгэ мэкъамэр щ1эту сабийхэр къафэурэ къохьэри мэувхэр.

Гъэсак1уэ:

Ф1эхъус гуапэр фыдох нобэ къек1уэл1а псоми.

Фи насыпыр ину,

Фи узыншагъэр быдэу,

Фи гур къабзэу,

Фи гъащ1эр к1ыхьу,

Фи нэмысыр лъагэу,

Псоми ф1ыуэ фыкъалъагъуу,

Тхьэм куэдрэ фигъэпсэу!

Иджы фи пащхьэ идолъхьэ ди сабий ц1ык1ухэм

ягъэхьэзыра 1уэхугъуэхэр: я анэшхуэхэм, я анэхэм

теухуауэ зэрагъэщ1а усэхэр. Усэ къытхуеджэнущ.

Д. Индрис

Сэ сыхуейщ си анэ

Куэдрэ упсэуну.

Уи мы1эу гукъанэ

Ди япэ уэ уитыну.

Сэ слъэк1амэ, мамэ, дыщэк1э узлэнт

Дахэу и мэкъамэр уэрэд пхужыс1энт.

А. Сулейман

Жьыбгъэм къырешыр макъамэ

Щэхуу щ1еупск1эр къудамэ

Къысщохъу къызихыу сэлам

Сэ къысте1эбэу си мамэ.

Х.Лаурэ

Анэм имы1э уасэ,

Анэр хуагъадэр псэм,

Анэрщ зыгъаф1эр щ1ылъэр,

Анэр щ1эзгъэк1ыр лъэр.

М. Анур

Анэр ди гъащ1эм и щ1эдзап1э,

Анэрщ дгъуэтыр псом нэхъ нэхъапэ.

Анэр дэ ди1эщ гугъап1эу

Ди гъащ1эр арщ зыщ1ыр лъап1э.

Гъэсак1уэ:

Бзылъхугъэ гуак1уэ, анэ гумахэ,

Дахэ сурэту гуащэ зек1уэк1э

Быным и вагъуэу, адыгэ анэ

Лъэпкъым и гъэф1эну бзылъхугъэ щ1ык1аф1э.

Феда1уэ ди сабийхэм я макъ жьгъырухэм , анэм теухуауэ къывжа1энщ уэрэд.

Псалъэхэр зэридзэк1ащ Шыбзыхъуэхэ Зурят.

Уэрэд «Мамэ»

(слова и музыка Жанны Колмагоровой)

Уэрэд «Мамэ»

1.Уи нэ дахэхэр къызэплъу ,сыкъыбогъэуш,

Дыгъэм хуэдэу къэбгъэунэхуу.

Мы дунейр щ1ызэф1этыр

Си анэ дэзыращ,

Дыгъэм хуэдэу уэ уогуф1эр.

Ежьу:

Мамэ , сыту ф1ыщэу уэ услъагъурэ,

Мамэ , мы дунейм ппэсщ1ын темыт уэ,

Мамэ, сэ уи нэ1эм сыщ1эмытмэ

Сыдамэншэ бзущ, сыдамэншэ бзущ.

Мамэ, си псэм хуэдэу узолъагъур,

Мамэ, 1эпл1э щабэ уэ къысхуэпщ1ым,

Мамэ,си гур егъэхуабэ,

Уи 1э щабэм хуэдэ теткъым дуней псом.

2.Уи гур хэщ1у, унэщхъейуэ слъагъуу сыхуэмей,

Жэщи махуи Тхьэм солъэ1ур.

Зы гукъеуи умылъагъуу, куэдрэ уэ схуэпсэу

Гу пщысхуэу зыпщызгъэнщ1ыфкъым.

Ежьу:

К1эух:

Уэ нэхущэм уривагъуэщ, уридэхагъэщ,

Сэрк1э уэр нэхъ лъап1э теткъым дуней псом.

Гъэсак1уэ: Зи псэр щабэ, зи гур хуабэ, зи лъэр быдэ, зи 1эр лъэщ. 1эгуауэк1э къыдошэ утыкум пщащэ ц1ык1у къафэхэр.

«Къафэ» , пщащэхэм ягъэзащ1э.

Гъэсак1уэ:

Анэр гъащ1эм и лъапсэщ, бын къэхъум и къуэпсщ.

Анэр гъащ1эм и дыгъэщ. Анэр ф1ыгъуэм и нурщ.

Усэхэм къоджэ:

М.София

Зэхызох сэ жа1эу анэ дыщэ,

Узыпэсщ1ыр дыщэу армыра,

Узыпэсщ1ыр гъащ1эм деж 1эф1ыщэщ,

Гъащ1эм и къежьап1эри уэращ.

К. Аринэ

Сэ уи щхьэц тхъуахэм содэхащ1э,

Уи нэбжь хэк1уэтахэм сэ пщ1э хузощ1.

Си анэ пхурехъу хущхъуэ си гуращ1эр

Утетыхук1э мы дуней дахащэм.

Т. Алияр

Мы дунеишхуэм ф1ыгъуэу тетыр

Зыхуэзгъэфащэр уэзыращ.

Быныр псэухук1э къэзыхъумэр

Анэм и псэ закъуэращ.

Ш. Саид

Пщэдджыжь дыгъэр псэм къыщедэхащ1эк1э,

Анэм и 1эф1агъыр си гум къок1.

Мамэ, согумащ1эри пхужыс1эфыр мащ1эщ,

Тхьэм утхуигъэпсэу.

Х. Иланэ

Анэр гуапэщ, анэр щабэщ,

Ар си 1эхук1э си дунейщ,

Уэр нэхъ щаби, уэр нэхъ гуапи

Нэхъ хьэлэли гъуэтыгъуейщ.

Гъэсак1уэ:

Адэк1э 1эгуауэк1э къыдогъэблагъэ утыкум анэхэм я щыщу нэрыбгищ.Нобэ дыджэгунущ джэгук1э гъэщ1эгъуэнхэмк1э.

Гъэсак1уэ:

Сабиигъуэр нэхъри нэсыпыф1э зыщ1у

Зи 1эгу нэхъ щабэ, зи шхын нэхъ къэуат

Ди анэшхуэ лъап1эхэ.

Фэ фызэрыс унэм и лъащ1эр изщ.

И жьэгур хуабэщ.

Анэшхуэ куэщ1ым ирап1ык1 сабийхэм хуэдэу насыпыф1э щы1эу къыщ1эк1ынкъым мы дунейм.

Феда1уэ ди сабийхэм фэр папщ1э зэрагъэщ1а усэхэм.

Б. Миланэ

Пщэдджыжь къэс емышу

1уэхурыщ1эщ нанэ, ар ц1ыхуф1щ, къэмышу

Зым хуимыщ1 гукъанэ.

Жи1эу псалъэ гуапэ , зы ц1ыху зэхимых

Тхьэусыхэрейуи зыми имыц1ыху

Ц1ыху дэхьамэ пщ1антэм, псалъэ 1эф1к1э пожьэр

Дегъэтысхьэ жьантэм, ирискъык1и 1уощ1эр.

Б. Райянэ

Къысф1ащами Райянэ

Нанэ сыридыщэщ, езы нанэ си нэщ

Сырищхьэбаринэщ.

Нанэ сырищыгъэщ, сэ езыр си дыгъэщ

Зэзэмызи сыгъми, къысф1имыщ гъыринэ,

Нанэ сри1эф1мэ, сэ езыр си фощ.

Нанэ дыщэ сэрэ ф1ыщэу дыздопсэу.

М. Эльнар

Нанэ и щхьэцыгъуэр

Мажьэ гъуэжьк1и сожь.

Тхъуауэ щхьэцым хэлъыр

Дапщэ?! Къысхуомыбж.

Гъуэлъыжыгъуэ хъухук1э, нанэ сыбгъэдэсщ.

Мышынэн щхьэ жэщк1и и лъэпагъым силъщ.

Гъэсак1уэ: Ди сабийхэм адэк1э фи пащхьэ ныралъхьэнущ уэрэд нанэхэм теухуауэ.

Уэрэд «Нанэ» (К.Атмир и уэрэд)

Си нанэ

1.Дыгъэм и бзийхэр нэм къыщыджэгурэ,

Удзыпц1эм хозэрыхь.

Си нанэ дахэм и 1эпэ дыщэхэр

Щабэу къыстолъэщ1ыхь.

Къобзэрэбзэжу къыппожьэр гуф1эурэ,

Нанэ укъилъэгъуам.

Уздигъэт1ыс, уигъэшхыр ф1эмащ1эурэ,

Къоплъыр зимыгъэнщ1ау.} 2р

Ежьу:

Уи лъагъуныгъэм нэхърэ гуащ1э

Щызмыгъуэтын сэ мы щ1ы хъурейм.

Си нанэ 1эф1у, си нанэ дахэу,

Си нанэ дыщэу псом я нэхъ лей. ( къытегъэзэжын)

2.Уи псэ къэбзагъэмэ, мазэгъуэ жэщымэ,

Вагъуэхэр щ1игъэнэнщ.

Къуэрылъхуи, пхъурылъхуи ,зэхэдз уимы1эурэ,

Дэ уэ дыуигъэф1энщ.

Жьыгъэм и ныбжьыр къыпк1эщ1эмыхьэурэ,

Ди Тхьэшхуэм сэ солъэ1у.

Илъэс къэсыхук1э уи гъащ1эм пищэурэ

Тхуэпсэу си нанэ нэху.}2р

Ежьу:

Гъэсак1уэ: «Гушы1эр адыгэм и щ1асэщ» жа1э адыгэхэм сыт щыгъуи.Нобэ фи пащхьэм къитлъхьэнущ гушы1э къафэ ц1ык1у.

«Л1ыжь къафэ»

Гъэсак1уэм: иджыри зы джэгук1э дыджэгунщ. Къыдок1 анэу т1ум я сабийхэр ягъусэу.

Гъэсак1уэ: Щ1ылъэм теткъым анэм нэхъ гумахэ,

Щылъэм теткъым анэм нэхъ бэшэч,

Анэм нурыр къыщхьэщихыу дахэщ.

Кьытомыхьэ уэ абыхэм шэч.

Ди усэхэм педзэ

Ш. Дисанэ

Зи пщащэхэр дахэу,

Зи щ1алэхэр хахуэу,

Си анэу си дахэ

Тхуэпсэу дыпхуэгуф1эу.

Х. Алихъан

Удз гъэгъар къэсхьынщ

Мамэ сехъуэхъунщ ,

Нобэ, махуэ лъап1эм мамэ сынохъуэр

Куэдрэ, куэдрэ узи1энэу сэ.

С Райянэ

Уэ си анэу си нэм хуэдэ

Си псэм хуэдэду узолъагъу.

Лъагъуныгъэу сэ пхузи1эм

Си щхьэр ину сегъэлъагъу.

А. Айдар

Зым и мами имыц1ыхуу,

Дощ1 унафэ псоми ц1ык1ухэм

Хэти конверт къищэхунщ,

Удз гъэгъаи дэ къэтпщ1ынщ

Ф1ыгъуэу щы1эр ялъэгъуну,

Гуапэу щхьэщэ яхуэтщ1ынщ.

Гъэсак1уэ: Гуапэу щхьэщэ яхуэтщ1ынщ ,

къафэ ц1ык1у ядгъэлъэгъунщ.

«Къафэ»

Гъэсак1уэ: Псалъэжь дахэ куэд щы1эщ ди бзылъхугъэхэм папщ1э.

« Бзылъхугъэр зэрымыс унагъуэр сабалъэщ»

« Бзылъхугъэр унагъэм и шхэпсщ»

«Бзылъхугъэр зыдэс жьэгур нэхъ хуабэу маблэ»

«Анэр нэм хуэдэщ»

Ат1э дэри дывгъэхъумэ ди анэхэр, нап1эм нэр зэрихъумэм хуэдэу.

Ди анэ лъап1эхэ , дынывохъуэхъу :узыншэу , гукъеуэншэу фытхуэпсэуну, мы ди сабий дыщэхэм я 1ей фымылъагъуну. Дунейшхуэм фыгуф1эу фытетыну.

Уэрэд къоуэ ,саугъэтхэр ират я анэхэм.