Сценарий "Баатырлардыҥ маргааны"
методическая разработка (подготовительная группа)

                      Школго јетире ӱредӱниҥ муниципал бюджет тӧзӧми

«Кан-Оозы јурттыҥ оогош болчомдордыҥ турачагы»

                                Ӱлекердиҥ турултазы

«Баатырлардыҥ маргааны»

                             Автор: Алтай тилдиҥ ӱредӱчизи

Аруна Петровна Иркитова

Кан-Оозы, 2025 ј.

«Баатырлардыҥ маргааны»

Амадузы: Ат ла аттыҥ ээр-јепсели керегинде билгирин быжулаар айалга  тӧзӧӧри.

Кош амадулары: 1. Балдардыҥ билгирин быжулап чокымдаары.

2. Атты ээртеп билери.

3. Атты чеберлеп, кичееп јӱрерине таскадаары.

Тузаланар эп-аргалар: ноутбук, табышкактар, ойынчык аттар, ойынчык ат ла ээр-јепсели.

Туружаачылар: Школго јеткелек бӧлук.

Ӧдӧр аайы:

Кӱӱ ойнойт (аттардыҥ тибирти, киштежи).

Озолондыра балдарды эки бӧлӱкке бӧлӱп ӧмӧликтиҥ адын ла девизин ӱредип салар.

 Таскадаачы: Јакшылар балдар, Тӱнде болзо канадым, тӱште болзо нӧкӧрим деп бис нени айдадыс, нениҥ учун?

Балдардыҥ каруулары: ол ат, ат кижиниҥ чындык нӧкӧри, кайда да јӱрзе, азып та јӱрзе ат кижини айлына экелер.

Таскадачы: чын балдар.

Айдарда бис бӱгӱн атка минген баатырлардыҥ маргаанын ӧткиредис, слер маргаанга белен бе?

Балдардыҥ каруузы: белен!

Таскадаачы: белен болзо, эки ӧмӧлик бойыныҥ адын ла девиззин айдып ийзин.

Ӧмӧлик: «Чакы»

Девиз: Чактарга бек турган

            Чакыдый бек турарыс.

Ӧмолик: «Ӱзеҥи»

 Девиз: Ӱзеҥиге бек теберис

             Јыгылбаска албаданарыс.

Таскадаачы: Сӱрекей јакшы, ӱлгер айдар баатыр уул Арутай ла баатыр кыс Кӱнел чыгып ӱлгерлерер кычырып ийер.

Сен мениҥ эрјинем

Эр бойымныҥ эркиним,                                Арунтай

Кайран мениҥ Ак-Бором

Канадым болгон Ак-Бором.

Аргымактар киштежип,

Ак таҥдарла сунгулайт,                                Кӱнел

Ай кеберлӱ баатырлар

Армакчылар чачкылайт

Таскадаачы: Сӱрекей јакшы ӱлгерлер кычырды бистиҥ баатырлар.

Маргаанды баштарга белен бе?

Балдардыҥ каруузы: Белен!

Таскадаачы: белен болзо, озо ло баштап баатырдардыҥ сӱмелузин, санаалузын кӧрӧктӧр.

1. Ӧмӧликке 7 табышкак ( лепбуктаҥ)

2. Ӧмӧликке 7 табышкак (лепбуктаҥ)

Таскадаачы: баатырлар сӱмелӱде, санаалуда эмтир. А слер атла кандый спорт ойындар билерер? Канай ойноп турган?

Балдардыҥ каруузы: Кӧк бӧрӱ, ат јарыш, телеҥит кӱреш о.ӧ. (ойынды канайда ойноп турганын балдар јартап айдат)

Таскадаачы: сӱрекей јакшы, слер ат јарыш маргаанга, белен бе, баатырлар?

Балдардыҥ каруузы: белен!

Ойын «Ат јарыш». Балдар ойнчык аттарга минип јарыжат.

Таскадаачы: Јакшы. Балдар, слер атты канай танырар, незинеҥ танырар?

Балдардыҥ каруузы: кажыла атты ӧҥинеҥ таныыр.

Таскадаачы: чын балдар, ӧҥинеҥ таныыр. Эмди мен кажыла ӧмӧликке аттардыҥ ӧҥдӧрин кӧргизерим слер таҥып айдаар.

(эки ӧмӧликке эчий дечий јуруктар кӧргӱзер аттардыҥ ӧндӧриле) 

Таскадаачы: Сӱрекей јакшы ойнодор. Је эмди кажыла ӧмӧликтиҥ башчызы ла болышчызы  кожо ат эртеер. Эртеп јаткан кижи нени атка кийдирип, салып јатканын айдып јартаар.

 Таскадаачы: је эмди ончогорго сурак, аргымак атты канай таныыр.? Чакы ол не канча ӱйе болор керек, кажыла ӱйе нени темдектейт?

Балдардыҥ каруулары: аргымак ат киченек кулун тушта ичи јаан јатпак, кичинек болор, је туйгактары таш ошкош кату болор.

Мында бистиҥ маарган учына јетти. Јенӱчилдери темдектеп ийектер.

Јаан быйан, јакшы болзын!