"Моруос оҕонньор таҥаһа"
материал (старшая группа)

Үөһээ Бүлүү улууһа

Дүллүкүтээҕи оҕону сайыннарар киин «Кустук» уһуйаан

«Моруос оҕонньор таҥаһа»

(улахан бөлөх саҥа дьыллааҕы сценарийа)

   Сценарийы бэлэмнээтэ:

                                                                            Тарасова Любовь Михайловна

Оруолларга оонньууллар:

• Ыытааччы;
• Моруос оҕонньор;
• Хаарчаана;
• Саҥа дьыл;
• Яга бааба;
• Шрек;
• Фиона;

Зал бырааһынньыкка киэргэммит. Бытаан ырыаннан оҕолор залга киирэн миэстэлэринэн олороллор.

Арай ол олордохторуна эмискэ Яга бааба зал ортотугар биирдэ баар буола түһэр.

Моруос оҕонньор таҥаһын аан дойду араас муннуктарыгар быраҕаттаатым. Онон бүгүн эһиги бырааһынньыккытыгар кэлбэт. Саҥа Дьылгыт буолбат,эргэ Дьылга хаалабыт, ха-ха-ха!

Ыытааччы: Оо, оҕолор аан дойду араас муннуктарыгар итиччэ кылгас кэмҥэ хайдах тиийэбит? Моруос оҕонньор таҥаһын хайдах булабыт? (Ол толкуйдуу турдахтарына Шрек уонна Фиона аптаах сибэккини тутан киирэн кэлэллэр).

Шрек: Хайа хайдах буоллугут?

Ыытааччы: Ааспыкка ойуурга чыычаах аһата бара сылдьан, Моруос оҕонньору көрсүбүппүт. Моруос оҕонньор оҕолорго бэлэх биэрбитэ. Оонньоон-көрүлээн, үөрэн-көтөн покаалаһан баран истэҕинэ, ыраах ойууртан Яга баба, разбойниктарын кытары Моруос оҕонньору танаһын устан ылбыттара. Уонна аан дойду араас муннуктарыгар быраҕаттаабыт. Сана дьылбыт буолбат буолла, Моруос оҕонньор танаһын хайдах ыраах дойдулартан ылабыт?

Шрек: Фиона, эн биһи оҕолорго көмөлөһөбүт дуо? Бу аптаах сибэккини оҕолорго биэриэххэ. Кинилэр араас дойдуларынан түргэнник сылдьан Моруос оҕонньор таҥаьын аҕалыахтара.

Фиона: Оо дьэ, мин баҕа санаам бэйэбэр элбэх (көҥүнэр, кыыһырар).

Шрек: Чээ, Фиона, аптаах сибэккиини биэриэххэ. Оҕолор Саҥа дьыллыахтара ди.

Фиона: Чэ,чэ, биэриэххэ да5аны (көҥүннэр да сибэккитин биэрэр).

Ыытааччы: дьэ, араас дойдуларынан Моруос оҕонньор малын көрдүү барыаҕын, таарыйа Саҥа Дьылы атын сиргэ хайдах көрсөллөрүн көрүөҕун. Биһиэхэ көмөлөһүө аптаах сибэкки салаалара. Бары бииргэ этэммит тиийиэхтээх дойдубутун ааттыаҕын.

Көт, көт эминньэх

Арҕааннан, илининэн

Хотуннан,соҕурууннан

Сири таарыйдын да

Биһиги эппиппитин толор!

- Биһиги, Япония дойдутугар тиийэбит. (Япония оонньуута оонньонор).

Ыытааччы: бу дойдуга биллибэт объект көһүннэ диэтилэр, Моруос оҕонньорбут үтүлүгэ. бит дии.

-Салгыы айанныыр дойдубут ханныгын таабырыммын таайдаххытына билиэххит. Виноград дойдутунан аатырар, кыһылтаҥаһы сырсар оҕустары ханна көрөөччүгүтүй?

Көт, көт эминньэх

Арҕааннан, илининэн

Хотуннан,соҕурууннан

Сири таарыйдын да

Биһиги эппиппитин толор!

Ыытааччы: Биһигини Испания дойдутугар тириэрт.

Атын европейскай дойдулардааҕар испанецтар ордук эмоциональнай норуот буолан Саҥа дьылы ылаан, үҥкүүлээн, фейерверктаан, уулуссаҕа карнаваллаан площадтарга мусталлар уонна 12 баҕа санааларын биирдии винограды сии-сии саныылларэбит. Үөрэ-көтө көрсүөҕүн Испания үҥкүүһүттэрин.

(Испанкай үҥкүү кыргыттар толорууларыга).

Ыытааччы: Моруос оҕонньорбут шубатын Испанияҕа Яга бааба бырахпытын буллубут. Салгыы сибэккиибит көмөлөс?

Көт, көт эминньэх

Арҕааннан, илининэн

Хотуннан,соҕурууннан

Сири таарыйдын да

Биһиги эппиппитин толор!

Техаска илдьэн биэр. Бэйи эрэ бу туох тыаһа иһиллэрий, сир хамсааьына буолла дуу? Ээ суох ковбойдар эбит дии. Чэйин аны кинилэри көрүөҕүн. (Уолаттар толорууларыгар ковбойдар үҥкүүлэрэ).

Ыытааччы: Техаска Моруос Оҕонньор бэргэһэтин буллубут. Бириэмэбит чугаһаата, оҕолор, Моруос оҕонньору кэтэһэн сылайдахтара. Сыыдам соҕустук салгыы сибэккиттэн көрдөһүөҕүн!

Көт, көт эминньэх

Арҕааннан, илининэн

Хотуннан,соҕурууннан

Сири таарыйдын да

Биһиги эппиппитин толор!

Ыытааччы: Биһигини Африка дойдутугар илдьэн биэриэн дуо? (Оҕолор толорууларыгар ырыа “Африкаҕа”). Африкаҕа Моруос оҕонньорбут хаатыҥкатын буллубут. Африка олохтооҕор махтаныаҕын. Салгыы сибэккиибит көмөлөс.

Көт, көт эминньэх

Арҕааннан, илининэн

Хотуннан,соҕурууннан

Сири таарыйдын да

Биһиги эппиппитин толор!

Ыытааччы: Индия дойдутугар баар буолуох. Эһиги болҕомтоҕутугар индиискэй үҥкүү. (Кыргыттар толороллор).

Бу дойдуга Моруос оҕонньорбут торуоската тиийэн кэлбит. Моруос оҕонньорбут малын барытын буллубут, түргэнник тиэрдэ охсуоҕун. Сахабыт сиригэр, Дүллүкүбүтүгэр, Кустук уһуйааммытыгар төннүөҕүн, оҕолор кэтэстэхтэрэ.

Көт, көт эминньэх

Арҕааннан, илининэн

Хотуннан,соҕурууннан

Сири таарыйдын да

Биһиги эппиппитин толор!

Биһигини Кустук уһуйааммытыгар тириэрт. (Оҕолор хоһоон ааҕаллар).

Ыытааччы: Шрек, Фиона аптаах сибэккиилээх кэлэн көмөлөспүккүтүгэр махтанабыт. Араас дойдуларынан сылдьан астынан кэллибит.

Оо, аны Моруос оҕонньорбут таҥаһын хайдах тиксэрэбит? Саҥа дьылбыт бырааһынньыга чугаһаата.

Фиона: Аптаах сибэккибит өссө да биир лепестога баар, Шрек, эн биһикки Моруос оҕонньор тҥаһын илдьэн биэриэх. Оччоҕо оҕолор бырааһынньыктара саҕаланыа.

Шрек: Сөпкө этэҕин Фиона.

Икиэн бииргэ:                           Көт, көт эминньэх

Арҕааннан, илининэн

Хотуннан,соҕурууннан

Сири таарыйдын да

Биһиги эппиппитин толор!

Биһигини Моруос оҕонньор дьиэтигэр илдьэн биэр (Фиона, Шрек Моруос таҥаһын илдьэ бараллар).

Дед Мороз диэн ыҥырыаҕын? Дед Мороз? Дед Мороз? Дед Мороз?

Хаарчааналыын киирэллэр Дед Мороз уонна Саҥа Дьыл?

Дед Мороз:

Үргэл сулус илдьиттээх

Араҥас сулус аргыстаах

Үрүҥ күдэн мэҥэлэнэн

Кыыдам дьыбар кымньыыланан

Тиийэн кэллим эһиэхэ?

Оҕолоор, миигин кытары елка тула хороводка ыҥырабын. (Моруос оҕонньору кытары Хоровод “Лаглайбыт күөх харыйачаан”толоруу).

Ыытааччы:

Саҥа күн кэриэтэ

1 сылбыт көтөн ааста

Үөрүүлээх күммүт үүннэ.

Саҥа дьылга үөрүүбүтүн,

Чугас дьоннуун үллэстиэххэ.

Саҥа дьылга сырдык дьолу

Бры эрэнэ күүтүөххэ!

(Оҕолор Моруос оҕонньортон подароктарын туталлар).

Саца дьыллаа5ы музыка тыаьыыр……. (Моруос оҕонньору, Хаарчаананы уонна Саҥа дьылы кытары хаартыскаҕа түһүү).