"Моруос оҕонньор уонна бөрө"
материал (младшая группа)

Муниципальнай бюджет үбүнэн хааччыллар

оскуола иннинээҕи үөрэҕин тэрилтэтэ

Дүллүкүтээҕи оҕону сайыннарар киин «Кустук» уһуйаан

Саҥа дьыллааҕы аралдьыйыы сценарийа.

Кыра бөлөх 3-4 саастаах оҕолорго.

«Моруос оҕонньор уонна бөрө».

                                                                     Сценарийы бэлэмнээтэ

   Тарасова Любовь Михайловна

                                                                                 1 категориялаах иитээччи

Ахсынньы 2021 с.

Саҥа дьыллааҕы аралдьыйыы сценарийа.

Кыра бөлөх 3-4 саастаах оҕолорго.

«Моруос оҕонньор уонна бөрө».

Оруолларга оонньууллар:

1. Ыытааччы
2. Моруос оҕонньор
3. Хаарчаана
4. Бөрө
5. Тураах
6. Хаар киһи

Аралдьыйыы барыыта: Группа иһэ бырааһынньыкка киэргэммит, оҕолор олоппоско олороллор.

Ыытааччы: Дорооболоруҥ, кунду көмүс оҕолор, бу бүгүн биһиги саамай үөрүүлээх- кэрэ бырааһынньыкпыт буолар чааһа тиийэн кэллэ.

(музыка тыаһыыр, Хаарчаана киирэн кэлэр).

Хаарчаана: Дорооболоруҥ, оҕолоор! Мин Хаарчаана диэммин. Уай туох кырасыабай харыйата турарый. Ол эрэн туга эрэ тиийбэт курдук. Харыйабыт күлүмүрдэс дьэрэкээн уота тиийбэт курдук. Харыйабыт уотун ким уматара буолуой? (Оҕолор эппиэттэрэ) –Моруос оҕонньор! Оҕолоор, мин тымныыны, тыалы, буурҕаны, хаары наһаа сөбүлүүбүн. Миигин кытары үҥкүүлүгүт да?

1. Кыргыттар толорууларыгар “Хаар” үҥкүүтэ.

Ыытааччы: Аргыйын эрэ оҕолор, туох эрэ тыаһыыр? Кимнээх эрэ саҥараллар?

Бөрө уонна тураах ёлка аттыгар саһан сыталлар, хаар быыһыттан уоран көрөллөр.

Тураах: Көнөтук баран ис, хаҥас бар, тохтоо, көнөтүк, уҥа хайыс, көнөтүк!

Бөрө: Ыччуу-ычча тоннум, күнү быһа ойуур устун хаар аннынан сыыллан сылайдым, аччыктаатым.

Тураах: зато ким да биһигини көрбөтө, көрбүттэрэ буолар бары хаһытыа этилэр- “Бөрөө, бөрө, сэрэниҥ!”. Дьыалабыт хаахтыйыа этэ.

Бөрө: Ыраах да өссө?

Тураах: Тохтоо, бээ, бу кэллибит (хаар анныттан тахсаллар).

Бөрө: Оо, бу турар подарок. Бу барыта биһиэнэ!

(Харыйа таһыгар турар подарогы сүгэн баран куотан хаалаллар).

Хаарчаана: Оо, дьэ, үҥкүүлүүү сылдьан бөрө,тураах иһэллэрин көрбөккө подарогы уордардым дии (Хомойор).

(ол турдагына хаар киһи киирэн кэлэр).

Хаар киһи: туох буоллун Хаарчаана?

Хаарчаана: бөрө уонна тураах подарогы уоран бардылар. Оҕолорго Моруос оҕонньор тугу бэлэхтиирий? (Сонньуйар).

Хаар киһи: хомойума Харчаана, мин эһиэхэ көмөлөһүөм, бөрөнү, турааҕы булан подарогы аҕалыам. Барыам иннинэ оҕолору кытары кыратык оонньуом.

2. Оонньуу “Бумажные снежинки”. Оонньуу хаамыыта: оҕолор биир шеренгаҕа тураллар. Кинилэр иннилэригэр тэйиччи корзина турар. Хас биирдии оҕоҕо кумааҕы илииһэ бэриллэр. Кумааҕы илииһин имитэн хаар оҥороллор уонна корзинага быраҕан корзина иһигэр табыахтаахтар.

(Хаар киһи тахсан барар).

Хаарчаана: оҕолоор эһиги хомойуман, Хаар киһи подарогы аҕалыа. Хата биһиги Хаар киһини кэтэһэ таарыйа ырыа ыллыахха, хоһоон ааҕыахха.

3. Ырыа, хоһооннор.

Ыытааччы: (түннүгү өнөйөр) хайа бу сылдьаллар уоруйахтар. (Таһырдьаны түннүгү өҥөйөллөр. Бөрө, тураах подарогы сүкпүтүнэн куотан иһэллэр, кэннилэриттэн хаар киһи сырсан иһэр. Ситэн ылан саҕаларыттан харбыыр. Уонна группага киллэрэр).

Хаар киһи: Бу сылдьаллар уоруйахтар.

Бөрө: оҕолор биһигини бырастыы гынын, аны хаһан да маннык уоруохпут суоҕа.

(Хаар киһи мөһөөччүгү өҥөйөн көрөр)

Хаар киһи: онтон оҕолор подароктара ханна баарый?

Бөрө: подарогы мин билэбин Тымныы Моруос оҕонньор аҕалар.

Тураах: оннук, оннук, хата биһиги Тымныы Моруос оҕонньору баран ыҥырабыт дуо?

Бөрө: Моруос оҕонньору аҕаллахпытына бырастыы гынаҕыт дуо?

Хаарчаана: Оҕолор, бөрөнү уонна турааҕы бырастыы гынабыт дуо? Кинилэр Моруос оҕонньору аҕалыахтара, подарок ылыахпыт ди.

(Тураах уонна бөрө тахсан бараллар).

Хаар киһи шаригынан оонньотор.

4. Шариктаах оонньуу.

Музыка холбонор

5. Санталар уҥкуулэрэ.

Бары бииргэ Моруос оҕонньору ыҥыраллар “Дед Мороз”.

Торуоска тыаһыыр. Моруос оҕонньор, тураах, бөрө киирэн кэлэллэр.

Моруос оҕонньор: Саҥа дьылынан оҕолор! Мин эһиэхэ ыксаан аҕай кэллим. Эһигини кытары бииргэ кэрэчээн харыйа тула хоровод ыллаары.

Хаарчаана: Моруос оҕонньор, көр эрэ харыйабытын, биһиги харыйабыт наһаа кыраһыабай. Онтон кини тоҕо уота суох турарый?

Моруос оҕонньор: Ээ оннук эбит ди, чээ эрэ оҕолоор,  бары бииргэ этиэххэйин: “БИИР, ИККИ, УС харыйабыт сырдаа!” (Моруос оҕонньору кытары хоровод).

6. Хоровод “Лаглайбыт куох харыйачаан...”

Хаарчаана: Наһаа да учугэй оҕолор эбиккит, Моруос оҕонньор эһиэхэ ыраахтан кэһиитин аҕалла. (Моруос оҕонньор оҕолорго кэһиитин туттарар).

Ыытааччы: учугэйиин бары кэһии туттугут, Тымныы Моруос оҕонньорго баһыбалыахха. Уонна үҥкүүтүн үнкүүлээн бэлэх уунуоха

7. Бальнай үҥкүү..

Тымныы Моруос оҕонньор: Барыгытын Саҥа үүнэр сылынан эҕэрдэлиибин! Дьоллоох доруобай буолуҥ! Күрсүөххэ диэри оҕолоор!

Ыытааччы: Тымныы Моруос оҕонньор! Хаарчаана! Көрсүөххэ диэри!