Ватанны саклаучылар көненә багышланган кичә сценариясе
творческая работа учащихся (старшая группа) по теме

Ватанны саклаучылар көненә багышланган кичә

“Туган ил сагында”

2012

                                            Туган ил сагында

Бәйрәмгә әтиләр, бабайлар чакырыла. Бүлмәдә батырлык, тынычлык, Туган ил турында мәкальләр язылып эленә.

   А.б. Хәерле көн, кадерле әтиләр, килгән кунакларыбыз! Сезне Ватанны саклаучылар көнен билгеләп узарга чакырдык. Балалар белән кечкенә генә бүләк әзерләдек. Балаларыгызның бүгенге чыгышы сезгә бәйрәм бүләге булсын! Һәм безгә бәйрәмне башлап җибәрергә рөхсәт итегез.

   1 нче бала: Исәнмесез, диеп суз башлыймын,

                       Сөйләшүләр шулай башлана,

                       Әтиләребез килүенә

                       Бәхетем арта, күңел шатлана.

    2 нче бала: Яшәгез сез гел муллыкта ,

                       Гел тыныч булсын галәм,

                      Сөекле кунакларыбызга

                      Якынлы кайнар сәлам.

    3 нче бала: Шатлыклар күңелебездә,

                       Ал кояш балкый кугебездә,

                       Рәхәтләнеп бәйрәм итик,

                       Ватанны саклаучылар көне бездә.

    4 нче бала: Без Ватанны саклаучылар көнен билгеләп узабыз. Бу батырлар һәм кыюлар көне. Безнең бабайлар, әтиләр без тыныч, мул тормышта яшәсен, бәхетле булсын өчен Ватаныбызны саклаган.

    5 нче бала: Кадерле кунакларыбыз, әти-бабайлар! Сезне чын күңелдән бәйрәм белән котлыйбыз. Сезгә сэламэтлек, зур уңышлар телибез!

“Солдатта булган диләр” җыр башкарыла

“Гармунчы” биюе башкарыла

   6 нче укучы: Еракта-еракта тора,

                          Минем абый сакта тора.

                          Әни эштә чакта тора,

                          Әти юлда чакта тора,

                          Мин уйнаган чакта тора,

                          Син йоклаган чакта тора!

                      Телевизор да карамый,

                          Читкә карарга ярамый,

                          Чиккә генә карап тора,

                          Дошман килеп кермәсен ди,

                          Безнең серне белмәсен,

                          Еракта-еракта тора,

                         Минем абый сакта тора.

                         Сакта һәр-һәр чакта тора.

                         Әйтмим кайсы якта тора

                         Син үзең дә сорап торма,

                          Бусы-хәрби сер!

  7 нче бала: Минем бабай-капитан,

                         Германиядән кайткан,

                         Утлар-суларны кичкән,

                         Берлинга барип җиткән.

                    Фашистларны җиүгән ул,

                         Сугышны бетергән ул,

                         Инде бөтен кешегә

                         Тынычлык китергән ул.

     8 нче бала:Әни почмакка бастыра мине,

                        Нигә икәнен беләсез инде.

                       Чыкмый тыным да, еламыйм хэтта.

                       Торам төз генә, телләшми генә,

                       Сер бирми генә, сөйләшми генә.

                       Әзер мин монда көн дә торырга,

                       Өйрәнәм бит мин солдат булырга,

                       Солдат булырга, сакта торырга.

9 нчы бала: Булмасын ул, булмасын, кирәкми безгә сугыш!

                     Булмасын бер куркыныч,булсын бөтен ил тыныч!

10 нчы бала: Һәрвакытта иңләремдә тоям әнием кулларын.

                      Һәрчак тыныч һәм бәхетле булсын барыр юлларым.

                      Кирәк булса, әтиләр күк утлар сулар кичәрбез,

                      Илебезне саклау өчен, батыр булып үсәрбез.

11 бала: Атсын өчен илнең һәр таңы матур булып,

              Үсәбез көрәшче булып, усәбез батыр булып.

              Әйткән сүз - аткан ук диләр, сүзебездә торырбыз,

              Укуда да, тормышта да гел алдынгы булырбыз.

 “Солдат булдым” җыры башкарыла

“Итекләр” биюе башкарыла

12 бала: Туган илем имин булса, ал чәчәкләр үсәрләр,

               Бакчаларда алмалар кызарышып пешәрләр.

               Шундый матур илебезне саклаучылар булырбыз,

               Кирәк икән аны яуда, яклаучылар булырбыз.        

13 бала: Туган илне көчле итик, илебез бөркет булсын.

              Кояш чыксын, нурын сипсен, күгебез көлеп торсын.

14 бала: Җирдә миңа ни кирәк? Әти дә, әни кирәк!

              Җирдә миңа ни кирәк? Без яшәгән өй кирәк!

              Әти дә, әни кирәк, без яшәгән өй кирәк!

              Җирдә миңа ни кирәк? Туган-үскән ил кирәк!

              Җирдә миңа ни кирәк? Мәңге имин җир кирәк!

              Туган-үскән ил кирәк, мәңге имин җир кирәк!

15 бала: Туган җирем! Матур таңнар иленә тиңлим аны.

              Ул минем Татарстаным, бар татарның Ватаны!

16 бала: Озакламый егет булып үсеп җитәрбез эле,

               Безнең Ватаныбызга хезмәт итәрбез.

17 бала: Сабый бала йоклый бишектә, уяна ул тавыш ишетсә.

              Татлы булсын өчен йокысы,

              Сакта тора сизгер егетләр, барда алар лачын кебекләр.

“Капитан минем абый” җыры башкарыла

“Моряклар биюе” башкарыла

18 бала: Кирәкми безгә кан кою, кирәкми безгә сугыш!

              Безнең теләк якты, матур, тыныч хезмәт һәм тормыш.

              Илебез зур, җиребез киң, хисапсыз байлык бездә,

              Җир өстендә, җир астында, тауларда һәм диңгездә.

              Без үз кулларыбыз белән төзибез гүзәл тормыш.

              Без тыныч ил төзүчеләр, кирәкми безгә сугыш!

19 бала: Гел кояш балкысын күкләрдә, чыкмасын кап-кара болытлар.

              Тыныч яшәсен җир-ана, елмаеп уянсын балалар.

20 бала: Эшчән кеше булу бик зур бәхет,

              Эш ул – бу торышның үзәге.

              Укый-яза белү – шул тормышның

              Җәүһәр төсле матур бизәге.

21 бала: Һәр туар таң җирдә тыныч булсын,

              Имин булсын иде дөньялар.

             Аяз күгебезне болыт капламасын,

             Балкып янсын күктә йолдызлар.

“Нәни Чапай” дигән җыр башкарыла.

Татар биюе

22 бала: Бабайларның, әтиләрнең   дан   юлыннан   атлыйбыз,

              Өлкән буын батырлыгын, йөрәкләрдә саклыйбыз.

23 бала: Без бәхетле шат балалар, без кайгыны белмибез,

              Болыннарда, бакчаларда уйнап – җырлап йөрибез!

24 бала: Туган илем бик ямьле, эчәр суым бик тәмле.

              Бик бай урман-кырларга, диңгезләргә, суларга!

              Шундый матур, бай илдә бик бәхетле үсәм мин,

              Укып белгәч, зур үскәч, Илгә хезмәт итәрмен!

25 бала: Узган буын мирас биргән кебек,

               Йөрәкләрдә мәңге калырлык,

               Без яшибез эшебез булсын диеп,

               Килер буын искә алырлык.

26 бала:Исламга Инсаф кирәк, Инсафка Ислам кирәк,

             Муенга атландырганда, әти дә әз-мәз кирәк.

            Җәен кунакка барганда әби-бабайлар кирәк,

            Рәхәтләнеп уйнарга күрше малайлар кирәк.

            Һәммәсенә әни кирәк! Ә әнигә кем кирәк?

           Әниләргә без кирәк! Якты, аяз көн кирәк!

27 бала: Бүген бәйрәм көнендә әтиләрне котлыйбыз,

            Шатлык, бәхет, сәламәтлек барыгызга телибез!

 А. б. : Кадерле кунаклар!Без сезгә-илебез сакчыларына рәхмәт белдерәбез. Сезгә олы хөрмәт йөзеннән балаларның үзләре ясаган бүләкләрен кабул итеп алыгыз.

   Әкрен генә көй яңгырый, балалар әтиләренә, бабайларына бүләкләрен тапшыралар.

    “Бабай да, әти дә солдат булган” җыры башкарыла.

А.б. Кадерле әтиләр, бабайлар, килгән кунаклар, шулай итеп безнең кичәбез тәмам, килүегез өчен рәхмәт. Сау булыгыз!