Сценарий мини-инсценировки русской народной сказки “Волк и теленок” на якутском языке
материал (средняя, старшая, подготовительная группа)

Сценарий инсценировки русской народной сказки “Волк и теленок”

  остуоруйа  «Бөрө  уонна  оҕус” суруйда Лебедева М.П.

Остуоруйаһыт: -  Араай  биирдэ, халыҥ тыа быыһыгар олорбута эбитэ үһү сур бөрө. Куруук аччык сордоох, чороҥ соҕотох муҥнаах, бултуура да ахсааҥнаах буолбут. Ол гынан бөрөбүт тэҥнэһиэ дуо, дэриэбинэҕэ барарга күһэллибит. Биир түүн, соҕотох оҕонньор  хотонуттан ньиирэйин сүгэн тыатын дьиэки сүүрэ турбут. Дьиэтигэр аҕалан көрбүтэ, олус кыра диэн мыммыта,  - «улаата түстэргин, дьэ идэһэ  гыныах этим”.

Ньиирэйбит дьэ аччыктаан, ытаан-маҥыраан барбыт: - “үүттэ, үүттэ аҕал ийээ, оттоо, оттоо, сүөгэйдэ  мээ, мээ... ”

Бөрө ыксыыр  - “ийээ буолан, эр киһибин буолбаат, ас аҕаллахха сатаныыһы, айаҕа хам буолбаат! Иһитин ылан сүүрэн эрдэҕинэ, дьиэтин таһыгар дьукааҕа кабан обургу турарын утары көрсө түһэр:  -«Хайа, кимнэрэ маҕырыыр, бэйэн бүөмнээн аһаан эрэҕин дуу, биһиги эмиэ аччыкпыт, үллэстиэххэ, элбэхпит».

Бөрө өссө ыксыыр:  – «кырата бэрт, улааттын». Ол кэннэ аһын аҕалан тото-хана аһатар, ньиирэйэ улам улаатан, өссө ас көрдөөн барар.

Ас аҕала бараары тахсыбыта, тураллаар ээ дьукаахтара, кабан, саһыл, эһэ: - «Хайа  дьэ, улаатта да ньиирэйбит, аһыахха-сиэххэ, үллэстиэххэ»

Бөрө: -“тоҕо ыксалгыт сүрэй, улаата түстүн, көһүтүн”. Ол сылдьан саныыр бөрө, ама хайаан оҕобун , соҕотох чорон уолбун, биэриэхпиний бэйдиктэргэ.   – “Киэр барын мантан, биэрбэппин оҕобун” туох баарынан хаһытыыр бөрө, дьиэтигэр киирэр, хатанар, оҕотун аһатар, уоскутар. Ону истиэхтэрэ да,ол кыыллар, аһаары эрэ ыксыыллар, дьиэ аанын маныылар. Ньиирэйбит аһыыр, өссө улаатар, борооску онтон оҕус буолан бөдөҥсүйэр, сытыы муоһа адаарыйар. Ааны көтөн тахсан, бэйдиктэри уҥа-хаҥас ыһаталыыр, күрүө нөҥүө быраҕаталыыр. Бөрөнү сүүрэн кэлэн кууһар, -«Аҕаа, үүрдүм бэйдиктэри, аны кэлиэ суохтара биһиэхэ».  Бөрө кууһар оҕотун, суос соҕотох уолчаанын,- чэ бэрт тукаам, киириэх, орон оҥостон утуйуох.