Бөек Җиңүнең 70 еллыгына багышланган әдәби - музыкаль композиция
методическая разработка на тему

Бөек Җиңүнең 70 еллыгына багышланган

әдәби – музыкаль композиция

Әлфир

1941 нче  елның җәе иде.

Тыныч иртә иде.

Балалар әле матур төшләр күреп йоклыйлар. Кинәт офык читендә ниндидер алсу, кан төсле яктылык күренде. Аннан соң җирне калтыратып гөрелдәгән тавыш яңгырап китте. Шушы тыныч иртәдә безнең  җир өстендә фашист бомбасының беренче кат шартлавы иде бу.

   Сугыш башланды. Чик баганаларын аударып, дошман безнең туган җиребезгә аяк басты. Ил кузгалды, халык күтәрелде. Ватан үзенең улларын һәм кызларын көрәш сафларына чакырды.

“Солдатлар” җыры башкарыла.

Илдар

Ул елларны ничек онытасың,-

Ил язмышы кылыч өстендә.

Ир-егетләр киткән яу кырына

Алып көче тоеп үзендә.

Владик

Онытмыйк без Җиңү батырларын,

Алар өчен үлем юк җирдә!..

Буыннардан-буыннарга күчә

Батырларның гомере җыр булып.

Илне яратудан өстен хис юк.

Чын батырлык-илгә тугрылык.

Илдана

Бабайларның, әтиләрнең

Дан юлыннан атлыйбыз.

Өлкән  буын батырлыгын

Йөрәкләрдә саклыйбыз.

Сәйдә

Атсын өчен Туган илнең

Һәр таңы матур булып.

Үсәбез көрәшче булып,

Үсәбез батыр булып.

Гөлия

ӨЗЕК

Альбина

Батырларны барлый-барлый,

Тарих битен актарам.

Ватандашлар батырлыгын

Укып гаҗәпкә калам.

Сабина

Ил  күгендә  ул батырлар

Йолдыз булып яналар,

Ул исемнәр тарихлардан

Мәңгелеккә баралар.

Арина

Илнең азатлыгы өчен

Һәлак булган, кан койган,

Киләчәк буын хакына

Күпме ирләр җан кыйган?

Әкрен генә “Сарман” җыры ишетелә

Владик

... Әллә шулчакта, әллә чак кына соңрак егетнең колагына каяндыр җыр ишетелде. Татарча җыр!.. Егет өне катып, тынып калды. Нәрсә ишетә ул, кемне ишетә? Я Хода, аның Таһирәсе җырлый түгелме соң? Шул ич, шул, Таһирә тавышы! Кайда ул?..

(Җыр көчәеп тәмамлана)

Әлфис

Һәйкәл булып калка җиңүчеләр,

Һәйкәл булып калка батырлар;

Ә батырлар ике тапкыр үлми,

Хәтерләрдә мәңге балкырлар.

Илдар

Инде мин ничәнче мәртәбә

Гасырлар китабын актардым.

Күпме яу, сугышлар аркылы

Син җиңеп чыккансың, Ватаным.

Илдана

Илемнең хуҗасы  булганга,

Мин җиргә нык басып атладым.

Кешеләр күтәрде Ватанны,

Кешене  күтәрде  Ватаным.

Әлфис

Мин күрдем төннәрне таратып,

Дөньяда алсу таң атканын.

Яктыра, аллана җир йөзе...

Таң булып нур сибә Ватаным.

Арина

“Сез кайсы халыктан?”- дисәләр,

Батырлар исемен атадым.

Батырлар утларга керделәр,

Тик исән булсын, дип, Ватаным.

“Каеннар шаулый” җыры