Перевод стихов для детей Агнии Барто на якутский язык
творческая работа учащихся по художественной литературе (средняя группа)

Агния Барто хоһооннорун тылбааһа

Тылбаасчыт – Барашкова Ж.Ф.,  социальный педагог

Оонньуурдар

Эһэчээн

Баппаҕайын быһа тардан,

Эһэчээни бырахпыттар.

Син биир кини үчүгэй –

Ыга кууһуом доҕорбун.

***

Оҕусчаан

Иэҕэҥнээн хааман иһэр,

Оҕусчаан үөһэ тыынар:

- Тыый, маһым бүтэн эрэр,

Суулларым субу кэллэ!

***

Атым миэнэ

Аппын олус таптыыбын,

Кутуругун, түүтүн  тарыам,

Уонна миинэн бараммын,

Ыалга дьаарбайа барыам.

***

Мээчик

Маккыраччы ытыыр Таанньа

Мээчигин үрэххэ түһэрбит.

- Уурай, Таанньа, ытаама,

Мээчик ууга тимирбэт.

***

Куобахчаан

Иччитэ куобаҕын ылбакка,

Ардах анныгар бырахпыт -

Сатаан куотан барбакка,

Бүтүннүү сытыйан хаалбыт.

***

Солуон

Утуйарга уолдьаста!

Ойоҕоһунан сытан,

Оҕусчааммыт утуйбут.

Эһэчээммит утуктаан,

Оронун тута булбут.

Арай, солуон утуйбат.

Утуйуоҕун баҕарбат.

Төбөтүн кэҕиҥнэтэр,

Эҕэрдэтин ыытар.

Норуот фольклора

Ала тураах аны туран,

Хааһы бэрдин буһарбыт,

Хааһы бэрдин буһарбыт,

Маайыскаҕа эппит:

- Аан бастаан хааһы сиэхпит,

Онтон биирдэ остуоруйалыахпыт !

***

Умса үктээн, тыа устун

Эһэчээн баран иһэр.

Ырыа-тойук аргыстаах

Эриэхэни хомуйар.

Эмискэ үөһэттэн күүскэ

Эриэхэ  түстэ сүүскэ!

Эһэчээммит кыыһырда

Атаҕынан – топ гынна!

***

Уу, уу, ыраас уу,

Сирэйбин эн сууй,

Харахтарым сырдаатыннар,

Иэдэстэрим тэтэрдиннэр,

Уостарым мичээрдиннэр,

Тиистэрим кэчигирэстиннэр.

***

Биир, икки, үс, түөрт, биэс,

Тарбахчааннар күүлэйдииллэр.

Бу тарбах – тэллэй булла,

Бу тарбах – ону сууйда,

Бу тарбах – буһарда,

Бу тарбах – ону сиэтэ,

Ол иһин да суон эбит.