Уңыш бабай күчтәнәче
план-конспект занятия по математике (младшая группа) на тему

Максат: Аерым предметларны группадан аерып алу һәм аерым предметлардан группа төзергә, өстә һәм аста   (берсе өстендә икенчесе) торган төрле төстәге ике тасмага  бер һәм күп предметларны тезә өйрәтүне дәвам итү, тасмаларның төсен, предметларның санын, кайда урнашуларын әйтә белүне ныгыту. Математика шөгыленә кызыксыну тәрбияләү.

Эшчәнлек  барышы:

Т: Балалар хәзер елның нинди вакыты?

Б: Көз

Т: Көз көне бакчада нәрсәләр өлгерә?

Б: ...... .

Т: Кыяр, кишер, суган, помидорларны бер сүз белән нәрсәләр дибез?

Б: ...... .

Т: Дөрес балалар, без аларны яшелчәләр дип атыйбыз? Яшелчәләр кайда үсәләр?

Т: Әйе балалар, көз безне үзенең мул уңышлары белән сөендерә. Менә бүген безгә, Уңыш бабай үзенең күчтәнәчен җибәргән. Балалар, Уңыш бабайның нәрсә җибәргәнен беләсегез киләме?

Моның өчен табышмакка җавап табарга кирәк.

Табышмак әйтү:   Кечкенә генә йорт

                               Эче тулы корт

                                                         (кыяр)

Т: Дөрес балалар, Уңыш бабай безгә кыярлар җибәргән икән. Сезнең яшелчәләр турындагы белемнәрегезне сынап карыйсы килгән.

Уен: “Бер, күп”

 Карагыз әле балалар кәрзиндә ничә кыяр? Күп. Кулга бер кыяр алу: Мин ничә кыяр алдым? Кәрзиндә ничә кыяр калды?

Һәр балага бер кыяр өләшү.

Сораулар бирү: Синдә ничә кыяр? Кәрзиндә ничә кыяр? Кыяр нинди төстә? Кәрзиндә кыяр күп булсын өчен нишләргә кирәк?

Уен: “Дөрес әйт”

1 слаид: помидор күп, кыяр бер

2 слаид: кишер күп, бәрәңге бер

3 слаид: суган күп, кәбестә бер

Ял минуты

Менә минем уң кулым

 Менә минем сул кулым

                                     Аста идән, өстә түшәм

     Менә шулай зур үсәм

Өстәл янында эш:

Т: Балалар, зәңгәр тасманы өскә, кызыл тасманы аска куегыз. (тактага куеп күрсәтү) Зәңгәр тасмага бер кыяр, кызыл тасмага күп кыяр тезегез.

Сораулар бирү:

Өстә нинди тасма?

 Зәңгәр тасма кайда?

Кызыл тасмага ничә кыяр куйдың? Һ.б

Т: Балалар сезгә бүгенге шөгыль ошадымы?

Булдырдыгыз балалар, рәхмәт сезгә.