Экология йылына арналған шиғыр һөйләү конкурсына сценарий
план-конспект занятия по окружающему миру (старшая группа)

    Тыуған ил тыуып үҫкән ерҙән башлана. Ысынлап та, тыуған еремде, уның тәбиғәтен бер ниндәй һүҙҙәр менән асып бөтөрөп булмай. Был матурлыҡты күреп тә бөтөрөрлөк түгел.

Кешегә иң ғәзизе – тыуған әсә,

 иң ҡәҙерлеһе – тыуған тупраҡ,

 иң татлыһы – тәү эскән һыуың,

 иң йылыһы – һине йылытҡан өй усағы,

 иң күркәме – тыуған өйөң,

иң йәмлеһе – туған тәбиғәтең.

 Тыуған яҡ, Тыуған ил, Тыуған ер һәр кем өсөн дә яҡын һәм ҡәҙерле. Юҡҡа ғына Тыуған ерҙе ғәзиз әсә менән тиңләмәйҙәр. Һәр кем үҙенең Тыуған иле, уның байлыҡтары һәм уңыштары менән ғорурлана. Ләкин тыуған ерҙе яратыу, уның байлыҡтары менән маҡтаныу ғына етмәй әле. Уның тураһында ҡайғыртырға, тәбиғи байлыҡтарын һаҡларға, уларҙы дөрөҫ файҙалана белергә лә кәрәк. “Ере байҙың - иле бай”, - тип әйтелә халыҡ мәҡәлендә лә.