Стихотворение "Түбән Кама"
материал на тему

Түбән Кама-гүзәл кала

Ямьле Кама буйларында

Урнашкан минем кала.

Исеме дә шуңа күрә,

Атала Түбән Кама.

Түбән Кама- матур шәһәр,

Бик тә күңелгә якын.

Зур-зур заводлар дөньяга

Тарата аның данын.

Иң төзек шәһәр дә бит ул,

Төзелә яңа йортлар.

Түбән Кама горурлыгы-

Кайманов, Лемаевлар.

Тукай паркы сокланырлык,

Барып аны, күр әле.

Каршы алыр сине анда

Су анасы, Шүрәле.

Җәйләр җитсә, төренә ул

Яшеллеккә, чәчәккә.

Уңышларына куанып

Атлый ул киләчәккә.

Бүген аның туган көне.

50 яшь  шәһәремә.

Ышанам Түбән Каманың

Гөрләтеп яшәвенә.

Ярты гасыр гомер бик аз,

Яшь әле минем калам.

Киләчәктә зур уңышлар,

Телимен,Түбән Камам.