Къостайы гуырӕнбон 2019
план-конспект занятия

МУНИЦИПАЛОН ПАДДЗАХАДОН РǼВДАУǼНДОН №7

КЪОСТАЙЫ БӔРӔГБОН

(ХИСТАР КЪОРД)

Бацаттæ кодта:

ирон æвзаджы хъомылгæнæг

Плиты Альбинæ

г. Алагир, 2019

Къостайы бӕрӕгбон .

(1859-1906).

(бацӕттӕгӕнӕн къорд).

1сыв. Рада

Нӕ Иры фӕссивӕд !  Къостайыл ныззарӕм.

Ирон лӕг кӕй уарзы фылдӕр?

Нӕ хуыздӕр ныхӕстӕй йӕ хорз ном ыссарӕм

Уый махӕн ӕгас у ныр дӕр.

2сыв. Агъуызарты Алыксандр

Ныззарӕм,фӕссивӕд нӕ Къостайы кадӕн,

Кӕнӕд йӕ кой арӕх кӕстӕр.

Сӕрӕнгуырдтӕ цас и Ирыстонӕн –Мадӕн

Къоста у сӕ тӕккӕ лӕгдӕр.

Хъомылгæнæг: Нӕ зынаргъ уазджытӕ,сывӕллӕттӕ,мах ӕрымбырд стӕм абон ам уымӕн ӕмӕ у Къостайы гуырӕнбон.Къоста куы райгуырд  уымӕй абонмӕ  рацыд 160азы.  Адӕм  уый бӕрц нӕ  цӕрынц ,фӕлӕ  ӕмдзӕвгӕтӕ ӕмӕ кадджытӕ, Коста кӕй ныффыста,абон дӕр цӕрынц , ӕмӕ цӕрдзысты. Ацы бӕрӕгбон ӕрмӕст мах рӕвдауӕндоны нӕ  бӕрӕг кӕнынц, фӕлӕ Цӕгат Ирыстоны хъӕуты ӕмӕ горӕтты.

Песня о Коста.

Хъомылгæнæг: Зӕгъут ма, сыв-тӕ,Къостайы ном цы хӕссы нӕ  горӕты?(нӕ сӕйрагдӕр уынг).ныр та байхъусӕм Къоста  цы ӕмдзӕвгӕтӕ ныффыста уыдонмӕ.

«Зӕрватыкк».         Кӕсы Томайты Аминӕ.

Зӕрватыкк-ӕнӕхъыг

Ӕнӕмаст  цӕрӕг!

Дӕ  зарӕг-нӕ дарӕг,

Нӕ уалдзӕггӕнӕг.

Хъӕлдзӕгӕй, ӕвзыгъдӕй

Фӕхӕтай фӕрнӕй,-

Нӕ хӕхты, нӕ бӕсты,

Ӕлдар кӕмӕн нӕй!

2.»Лӕгау» табуафси Тамик .

Фест райсомӕй лӕгау,

Ныхс сапонӕй дӕхи

Ӕмӕ скув: Хуыцау!

Фӕдзӕхсын дыл мӕхи!

Дзул к ΄ уаид уӕд бӕргӕ

Дау дӕр дзы хай фӕуид!

Куы нӕ уа , уӕд хӕргӕ!

Кӕрдзынӕй стонг ӕрвит!

Цӕттӕ дӕ хызын дар,

Тагъд де скъоламӕ уай!

Ӕнӕзивӕг куы уай,-

Хуыздӕр бынат дӕ бар!

Зондамонӕгмӕ хъус,

Цы загъа уый иу кӕн

Зӕрдӕхъӕлдзӕгӕй кус,

Ӕмӕ бӕззай лӕгӕн!

«Фӕззӕг» бакӕсдзӕн Арианнӕ.

Ӕхсӕлы ызгъӕлы,

Лӕджирттӕг фӕбур…

Мигъ бады цӕгаты,-

Нӕ йӕ тавы хур…

Ӕркарстам,ӕрластам

Нӕ хортӕ,нӕ хос

Чи кусы йӕ мусы,

Чи лвыны йӕ фос…

Хор бирӕ, фос бирӕ

Хуыцауы фӕрцы…

Нӕ хӕхбӕсты бӕркад,

Цы диссаг дӕ цы!..

Хъомылгæнæг: Адӕм иу тыллӕг ӕфснайд куы фесты,уӕд сӕхи ирхӕфстой : сӕ тых ӕвзӕрстой, бӕхтыл дугъ кодтой. Мах дӕр  уӕдӕ нӕхи  аирхӕфсӕм, ахъазӕм хъазтӕй «фӕззыгон лӕвӕрттӕ»

Хъомылгæнæг: Къоста бирӕ ӕмдзӕвгӕтӕ ныффыста сыв-тӕн, зӕгъӕм: «Гино»,»Уасӕг», «Зӕрватыкк» , «Скъолайы лӕппу»,»Фыдуаг». Сыв-тӕ  бацӕттӕ  кодтой Х. Къостайы ӕмдзӕвгӕтӕй  арӕст попури, табуафси байхъусӕм ма сӕм.

Попури «Гино», Фыдуаг», А-лло-лай».

Хъомылгæнæг: Хетӕгкаты Къоста  ныффыста ӕмдзӕвгӕты чиныг « Ирон фӕндыр» . Ацы  чиныгӕй райдыдта  ирон адӕмы  литературӕ.(1899).

Ӕмдзӕвгӕ « Ӕрра фыййау»  бакӕсдзӕн  Найфонты  Тамерлан.

Раджы  хохы  цъуппӕй касти

Иу ӕрра фыййау.

Мигъ  ӕнгом  йӕ быны  бадти,

Урс  цагъд  къуымбилау.

Бахъазыд дын ӕм йӕ зӕрдӕ,-

Тӕккӕ былгӕрон

Дурыл авӕрдта йӕ  къӕхтӕ:

«Агӕпп ӕм кӕнон,-

Загъта,- фос уал ам мӕ сӕрмӕ

Хизӕнд  уӕзӕгыл,

Ӕз  фӕхуысдзынӕн  изӕрмӕ

Уыцы  бӕмбӕгыл…»

Дардыл  йӕ уӕнгтӕ  фӕхаста,-

Гъопп!- зӕгъгӕ йӕхи

Пуртийы зыввытт фӕласта

Лӕг  ныххӕррӕгъ  и!

Хъомылгæнæг:  Ӕмдзӕвгӕ «Дзывылдар»  бакӕсдзӕн  Дзитойты Марат.

Ӕнгуырдар-дзывылдар

Кӕм  хӕтыс  зымӕг?

Цы  бӕты, цы хӕхты

Фӕтӕхыс  уынӕг?

Кӕм  рӕзынц , кӕм  цӕрынц

Дӕ  хотӕ , дӕ мад?

Тӕхуды, тӕхуды,

Кӕмӕн ис  дӕ цард!

Хъомылгæнæг: Къоста…. уый   ӕцӕгдӕр  райгуырд  ӕнустӕм,никуы  ферох  уыдзӕн  йӕ  ном  канд  ирон  адӕмӕй  нӕ фӕлӕ ма  иннӕ  адӕмыхӕттытӕй  дӕр.  Мах амондджындӕр стӕм нӕ  рагфыдӕлтӕй,- ис нын ӕмбисонды  тырыса – Къоста. Къоста  сывӕллӕттӕн  фысгӕйӕ  дӕр у  тохгӕнӕг, сӕрибармӕ  сидӕг.

Ӕмдзӕвгӕ  « Балцы  зарӕг «  бакӕсдзӕн  Хъараты  Алыксандр.

Цӕйут, ӕфсымӕртау  

Раттӕм  нӕ къухтӕ

Абон кӕрӕдзимӕ,

Иры  лӕппутӕ!

Скӕнӕм  нӕ тырыса

Дзыллӕйы номӕй,-

Рухсмӕ  ӕнӕзивӕг

Цомут  ӕнгомӕй!

Растдзинад  уарзынӕй

Скӕнӕм  нӕ фӕндаг…

Гъе- мардза  ,  магуса!

Фесӕф, нӕуӕндаг!...

Хъомылгæнæг: Сабитӕ, уӕ цӕрӕнбон  бирӕ, Къостайы ӕмдзӕвгӕтӕй тынг  бирӕ зонут.  Уӕдӕ  ӕмбисӕндтӕ дӕр куынӕ зондзыстут?

1. Кӕд дӕ ирон ,  уӕд де  взаг  зон!    (Алина)
2. Мады рӕвдыдӕй  адджындӕр  ницы  ис!   (хъараты Алыксандр)
3. Хӕфсӕн  йӕ лӕппын  хуры  тын!  (Томайты  Амина)
4. Фӕззӕджы  бӕркад  афӕдз  дары!  (Гаматы )
5. Йӕ  взаг  чин ӕ зоны, уый йӕ адӕмы худинаг  каны!(Рада)
6. Хистӕртӕм  чи хъусы,  уый никуы фӕрӕдидзӕн!(Арианна).

Хъомылгæнæг:  Аивгъуыйдзысты  азтӕ, ӕнустӕ, фӕлӕ Къоста  ирон  фӕсивӕдӕн ӕнустӕм  уыдзӕн  фӕзминаг  айвады  дӕр  ӕмӕ  царды  дӕр, уымӕн ӕмӕ уый  уыд  номдзыд  фыссӕг  ӕмӕ стыр  адӕймаг.

Лера:  

Твое  бессмертно будет имя

Сто жизней прожил  ты  земных,

Делами  добрыми  своими

Большую  башню  ты  воздвиг!

Хъомылгæнæг: Сыв-тӕ, ныр та ма мӕнӕ экранмӕ ӕрбакӕсут, ӕмӕ мын зӕгъут:

1. Чи  уыд  Х. Къоста?
2. Кӕм райгуырд  Къоста ?
3. Цавӕр  ӕмдзӕвгӕтӕ ныффыста   сывӕллӕттӕн?
4. Йӕ  чиныджы ном куыд ысхуыдта?

Хъомылгæнæг: Нӕ  зынаргъ  уазджытӕ,  нӕ бӕрӕгбон кӕронмӕ  ӕрхӕццӕ   ис  ӕмӕ  ма  бакӕсут   нӕ кӕронбӕттӕны Къостайы  ӕмдзӕвгӕмӕ  арӕзт  равдыст  «Цъиу ӕмӕ сывӕллӕттӕ».