Доклад «Ойнаар кыстын чажыттары»
материал

Муниципальное бюджетное дошкольное учреждение

детский сад «Чечек» комбинированного вида с. Кызыл-Мажалык

Барун-Хемчикского кожууна Республики Тыва»

Доклад:

«Ойнаар кыстын чажыттары»

                                                                 Воспитатели: Талганчык А.М

                                                                 воспитатель первой категории

2018

                Бурунгу тываларнын бодап чорааны-биле алыр болза, чаш тѳл иезинин иштинге шимчеп эгэлээн хʏнунден тура-ла, чʏвенин аянын билип эгелээр дижир. Ынчаарга уруг чаа торуттуннʏп келирге, тыва йозу-биле ол ам бир харлыг кижи болур турган. Чаш тѳл тѳк кылдыр тѳруттнгеш, алгырып эгелээри дээрге-ле, ол ам кижи деп чʏвени херечилеп турары болгаш, чʏвени дуюкаа билип турары болур, ынчангаш тывалар чаш уругну ыяк карактаар чаʜчылдыг чорааннар.

        Чаа торуттунген тол кавайга чыткаш-ла, долгандыр турар чуулдерни, болгаш уннерни дыннап  билип эгелэр дээр. А.ие кижи кыс-даа оол-даа олчалыг болган  болза, кавайнын энмээнге терек чѳвʏрээзинден, ыяштан, чонар-даштан болгаш кидистен дараан бир-ле чʏвенин дʏрзʏзнʏн халаннадыр азып каар. Бир чамдыкта кавайнын тыртыг баанга бир-ле чʏвенин дʏрзʏзʏн  азып каар чорааннар.  Уруг беш айлыг апаргаш, бурун езу-биле болза, бир хар беш айлыг апаргаш, чʏвени шымбай кѳрʏп турар апаар. Оон соонда авазынын ѳпей ырынга таалап чыдар апаар. А бир хар тос ай чедип чорааш, холунга чʏвени тудуптар апаар, оон бир-ле чʏвени октаптар апаар, шала чоорту холга туткан чʏвези-биле ойнап эгелээр. Бичии уруг холунга чʏвени чʏгээр тудуптар апарган ʏеде, Ойнаар-кысты тутсуп каар, оозу-биле ыяннажып ойнап чыдар турган.

        Ойнаар-кысты тывалар колдуунда кидистен даарап кылыр чорааннар. Ол ойнаар-кыстын ниити хевири кижи дʏрзʏлʏг болур. Даштын пѳс-биле додарлап каар. Ол пѳсʏн ѳнʏ чʏзʏнʏ янзы-бʏрʏ болгулаар. Ойнаар-кыс колдуунда шыва тоннуг болгулаар, албан бѳртʏг болур, чʏге дээрге бурун тыва езуда албаты кижи бѳрт чок чоруп болбас. Куржаныр курлуг болур. Ол кур ойнаар-кыстыʜ кеткен тонунуʜ ѳнʏнден кончуг хамааржыр. Кѳк даалымба, торгу тоннуг ойнаар-кыс болган болза, кызыл чычыы кур кончуг аянныг кѳрʏштʏг болур. Шаандагы ойнаар-кыс кара былгаардан кылган кадыг идиктиг болур. Ол ышкаш кыс уругга пѳс быжындызын шѳйбейтир шарааш, ойнаар-кыс кылдыр тутсуп бээр, а чамдыкта ѳг-бʏленин ээлери ыяш-биле ойнаар-кыстыʜ дʏрзʏ-хевирин чазап бээр чораан. Кыжын ойнаар-кыстар алгы-кештен кылган тоннарлыг, бѳрттерлиг болур. Хеп чок ойнаар-кыс турбаан.

        Ойнаар-кыстын кол ужуру болза, чаш уругнун чʏвени билип алырынга херектиг болур. Ам болза ийи харлыг, шаанда болза ʏш харлыг чаш уруг ойнаар-кызын холдан салбас, ону эшсинер, чаптаар, чарашсынар, чемгерип ойнаар, чедип алаактырар, хʏнʏ бадыр ʏележип ойнаар онуу болур турган.

        Кыс уруг ойнаар-кызы-биле ойнап тургаш, кады чугаалажып ѳѳренир, чассыннажып чанчыгар, бирде идик-хевин ужулгаш, удудуп каар. Кыс уруг чемненип алгаш, ойнаар кызын хепкерер-идиин,тонун кедирер, курун куржап бээр, бѳргʏн аянныг кылдыр кедирип бээр, оон соонда ол-ла ойнаар-кызы-биле сымыранчыр, каттыржыр, чаптап ойнаар, угаанынга кирип келген бир-ле чаа чувени ол эжинден айтырар, оозу харыылап шыдаваан болза, ону бар-ла шаа-биле чулчуруп тайылбырлаар. Ойнаар-кыс болза, кыс уругнун кавайлыындан эгелээш,он ʏш харлыынга чедир кады ойнаар, ʏлежир, сʏмележир, ылчыʜнажыр, каттыржыр, кѳгʏдер, чаптаар, удуур, оттурар болгаш ѳпей ырын эʜ-не баштай кады ырлажыр ѳʜнʏʏ болур чораан. Бурун тыва езуда болза, чеди харлыг кыс уруг ойнаар-кыска чʏнʏ-даа чугаалап бээр угаанныг апаар.

        Бурун тыва езуда бир онзагай чуул, чаш уруг кылыштап чоруур аппаарга тонунун курунга бир-ле тускай камгалалды астып бээр чорааннар, ол болза чонар-даштан, човурээден чазап кылган ан-мен дʏрзʏзʏ ойнаарак хевирлиг кылдынган дʏрзʏ хевир болур.

.

        Эртемденнер шаандагы ойнаар-кыстарны шинчилеп кѳргеш, мындыг чʏʏлдʏ эскерип кѳрген: чамдык ойнаар-кыстарныʜ арын-шырайы чок бооп турар. Ол чʏге ындыгыл дээрге, арын чуруваан ойнаар-кыс дээрге бичии кижиниʜ камгалакчызы боор деп улуг улус чугаалаар чораан. Мага-бодунда баш, хол, бут илип каан дѳмей пѳс хѳйлеʜнерлиг, арын чок ойнаар-кыстарлыг ээренни Тыванын ангы-ангы булуннарынга коргенин этремденнер ажылдарында демдеглеп бижип турар.

Бир дугаар ойнаар-кыстарнын чажыды кажан тывылганы билдинмес, ынчалза-даа ʏе-дʏпте мамонт сѳѳгʏнден кылган хол, буду шимчеп турар ойнаар-кыс дʏрзʏзʏн Чехословакияга бир шаандагыныʜ чевээгден уштуп тыпкан болуп турар.

Оон соонда Египет, Италия, Греция чурттарынга базырыктардан холу-буду шимчеп турар кылдыр кылдынган, шын баш дʏгун чыпшырган ойнаар-кыстар хѳйʏ-биле тывылган.

Ажыглаан номнар :

1.М.Б. Кенин-Лопсан. Тыва чоннун бурунгу ужурлары.К.1994ч

2. Сииринмаа Чооду солун «Эне сѳʏ». 13.07.1993.

3. Монгуш  Б. К-Л «Шын» солун  21.02.1995.