Сценарий сказки на коми языке для детей младшей группы "Руч, коч да петук" ("Лиса, заяц и петух")
материал (младшая группа)

Министерство образования Республики Коми

Управление образования администрации

муниципального района «Усть-Куломский»

Муниципальное дошкольное образовательное учреждение

«Детский сад № 2» с. Помоздино

Методическая разработка

Группа раннего и младшего возраста

Разработал: Воспитатель, без категории

Колегова Дарина Васильевна.

Сценарий театрализованной постановки «Руч, кöч да петук.

Действующие лица:

1. Мойд висьталысь

2. Руч

3. Кöч

4. Пон

5. Петук

6. Ош

Мойд висьталысь: Олiсны-вылiсны руч да кöч. Кöчлöн керкаыс вöлi пуысь, а ручлöн – йиысь. Но воис тулыс да ручлōн  керка сылыс. А кöчыдлöн керкаыс кыдз сулалiс, сiдз важ ног и сулалö. Наян ручыд и вöзйысис кöч дорад.

Руч: Кöчильöй-чоильöй, лэдз менö шонтысьыштны, а то кынмалi ме.

Кöч: Кынмалiн ёна? Пыр нин вай. Поводдяыс кöдзыд на.

Мойд висьталысь:Наян ручыд дыр эз виччысь, пырис, ёсь пиньяссö жергöдiс да чарöстiс.

Руч: Ноко весась татысь! Дыр кутан нюжмасьны – ныр-вомтö парсала!

Мойд висьталысь:Кöчлы нинöм лои вöчны. Петіс ывла вылō. Сулалō да бōрдō.

Кöч: Ла-ла-ла! Ла-ла-ла!

Кильчö вылын сулала

Табъя кокöй кынмö.

Туша ставыс сырмö!

Мойд висьталысь:Кöчлысь бöрдöм кылiс пон.

Пон: Кöчильöй, мый нö бöрдан?

Кöч: Кыдз меным не бöрдны?! Вöлi менам пу керка, а ручлöн йи керка. Тулыс воис, ручлöн керкаыс сылiс. Локтіс ме дорō шонтысьны да и вōтліс менō.

Пон:Эн бöрд, кöчильöй, ме сiйöс бöр вöтла!

Мойд висьталысь:Тотшкöдчис пон да горзö.

Пон: Ав! Ав! Ав! Весась, руч, кöч керкаысь!

Мойд висьталысь: А ручыд кыдзи эркнитiс сы вылö.

Руч: Кöчöс бöр ог лэдз! Пета кö, став ныр-вомтö парсала, гöнтö чашйа-пуркöда, син-пельтö гугöда!

Мойд висьталысь:Пон сöмын бöжсö зэвтiс да пышйис, сöмын кок бöрляыс югъялiс. Отсöг э зло, мый кöть вöч, сыркъялöмöн бöрдö кöч.

Кöч:Ла-ла-ла! Ла-ла-ла!

Кильчö вылын сулала

Табъя кокöй кынмö.

Туша ставыс сырмö!

Мойд висьталысь:Неылын вöлi мунö ош. Кылыс сiйö кöчлысь бöрдöмсö, матыстчис да юалö.

Ош: Кöчильöй-чоильöй, мый нö лоис? Мыйла бöрдан?

Кöч: Кыдз меным не бöрдны?! Вöлi менам пу керка, а ручлöн йи керка. Тулыс воис, ручлöн керкаыс сылiс. Локтіс ме дорō шонтысьны да и вōтліс менō.

Ош:Эн бöрд, кöчильöй, ме сiйöс бöр вöтла!

Кöч: Он вöтлы! Пон кöсйис вöтлыны, эз вермы! И тэ он вермы!

Мойд висьталысь:Ошкыд скöрмис, кыдз тай кутiс гольöдчыны.

Ош: Ешö кыдз на вöтла! А ноко, руч, весась кöчлöн керкаысь!

Мойд висьталысь:А руч тай кыдз равöстас ош вылад.

Руч: Кöчöс бöр ог лэдз! Пета кö, став ныр-вомтö парсала, гöнтö чашйа-пуркöда, син-пельтö гугöда!

Мойд висьталысь:Повзис ошкыд, юрыс дона, чемешитiс  öдйö-öдйö. Отсöг эз зло, мый кöть вöч, сыркъялöмöн бöрдö кöч.

Кöч: Ла-ла-ла! Ла-ла-ла!

Кильчö вылын сулала

Табъя кокöй кынмö.

Туша ставыс сырмö!

Мойд висьталысь:Кылiс петук-петрован.

Петук: Киккуруллю! Мыйнö, кöчиль, бöрдан тан?

Кöч: Кыдз меным не бöрдны?! Вöлi менам пу керка, а ручлöн йи керка. Тулыс воис, ручлöн керкаыс сылiс. Локтіс ме дорō шонтысьны да и вōтліс менō.

Петук: Эн бöрд, кöчильöй, ме сiйöс бöр вöтла!

Кöч: Он вöтлы! Пон кöсйис вöтлыны, эз вермы! Ош кöсйис вöтлыны, эз вермы! И тэ он вермы!

Мойд висьталысь:Петук скöрмис, петук пузис, кутiс керкаö гольöдны.

Петук: Киккуруллю! Ме гōрд сапōга петук

        Пельпом вылын нуа ыджыд коса,

              Кōсъя ручлысь юрсō сōтыштны

              Пет руч кōч керкаысь!

Руч: Сяслы, сяслы пачōр вылысь лэчча.

Мойд висьталысь: А петук бара тэрмōдлō.

Петук: Киккуруллю! Ме гōрд сапōга петук

        Пельпом вылын нуа ыджыд коса,

              Кōсъя ручлысь юрсō сōтыштны

              Пет руч кōч керкаысь!

Руч: Сяс шубаōс нин пасьтала…

Мойд висьталысь:Керка öдзöс воссис – дзурк! Сэсь, горзöмöн чепöсйис ручыд, сайдсö чуть эз вошты, повзьöмысла. Толькö сiйöс и аддзывлiсны. А кöчиль зэв рад – Петук отсöг сетiс. Овмöдчисны кöч да петук öтлаöн да олiсны-вылiсны зэв бура!

Мойдлы пом!