Тапқыр достар. Сыныптан тыс жұмыс
план-конспект урока (2 класс) на тему

Сыныптан тыс жұмыс

Тақырыбы: «Тапқыр достар»

Мақсаты: Оқушылардың қазақ тілі пәнінен алған білімдерін анықтау;

Міндеттері:

1.Оқушылардың қазақ тіліне деген сүйіспеншілігін арттыру;

2.Сөздік қорын байыту, дүниетанымын дамыту;

3.Жан-жақтылыққа, таза сөйлеуге, қазақ тілін қадірлеуге тәрбиелеу;

Сабақтың түрі: Жарыс сабақ

Сабақтың барысы:

1.Ұйымдастыру.

*Сайысқа қатысатын топтармен таныстыру:

1-топ «Таланттар»

2-топ «Ойшылдар»

3-топ «Тапқырлар»

2.Кіріспе бөлім.

*Сайыс кезеңдері мен шарттарымен таныстыру:

1-кезең –Көшбасшылар сайысы «Кім көп біледі?»

Бұл кезеңде әр топтың көшбасшысына 10 сұрақ қойылады. Сұраққа  иә немесе жоқ деп жауап беру керек. Әр дұрыс жауапқа 1 ұпай беріледі.

2-кезең – «Тіл өнері»

Бұл кезеңде әр топқа 2 мақал беріледі. Сол мақалдағы тиісті сөзді тауып, оның орысшасын және ағылшыншасын табу керек. Әр дұрыс жауапқа 1 ұпай.

3-кезең - «Сұрақ бізден, жауап сізден...»

Бұл кезеңде әр топ бір әріпті таңдау керек. Қойылған сұраққа тек сол әріптен басталатын сөзбен ғана жауап беру керек. Әр дұрыс жауапқа бір ұпай.

4-кезең –«Кім жылдам?»

Бұл кезеңде үш топқа «Қайырымды» сөзі беріледі. Үш топ белгіленген уақыт ішінде берілген сөзден мағыналы сөздер құрастыру керек. Әр дұрыс сөзге 1 ұпай беріледі.

5-кезең – «Кім тапқыр?»

Бұл кезеңде бір буын айтылады, сол буыннан басталатын сөздерді кезектесіп айту керек. Айта алмай қалған топ ойыннан шығады.Ұтқан топқа 5 ұпай беріледі.

3.Негізгі бөлім.

1.Топтың көшбасшыларын тағайындау.

2.Әділ қазы мүшелерімен таныстыру.

3.Сайыстың тапсырмалары:

1-кезең  «Кім көп біледі?»

1-топ:

1.Қазақ тілі мемлекеттік тіл  - иә

2.қазақ тілінде 40 әріп бар – жоқ

3.Дыбыс екіге бөлінеді – иә

4.А дыбысы – дауыссыз дыбыс – жоқ

5. Ә дыбысы –жіңішке дауысты дыбыс – иә

6. М дыбысы – қатаң дауыссыз дыбыс – жоқ

7. Сөйлем бас әріптен басталып жазылады – иә

8. Күн сөзі бір буынды сөз – иә

9. Жер- су аттары бас әріптен басталып жазылады – иә

10.Ұя сөзінде 2 дыбыс бар – жоқ

2-топ:

1.Біздің ана тіліміз қазақ тілі – иә

2.Қазақ тілінде 42 әріп бар –иә

3.Дауысты дыбыс созылып айтылады –иә

4.Б дыбысы дауысты дыбыс –жоқ

5.О дыбысы жуан дауысты дыбыс – иә

6.Б дыбысы ұяң дауыссыз дыбыс –иә

7.Сөйлем кіші әріпен басталып жазылады –жоқ

8.Аю сөзі екі буынды сөз –иә

9.Жан-жануарларға қойылған аттар кіші әріптен басталып жазылады –жоқ

10.Күн сөзі 3 дыбыстан тұрады – иә

3-топ:

1.Біз қазақ тілінде сөйлейміз –иә

2.Қазақ тілінде 42 дыбыс бар –жоқ

3.Дыбыс үшке бөлінеді – жоқ

4.С дыбысы дауыссыз дыбыс – иә

5.Р дыбысы жуан дауысты дыбыс – жоқ

6.Ш дыбысы қатаң дауыссыз дыбыс – иә

7.Сөйлемдегі сөздер бір-бірінен бөлек жазылады – иә

8.Кітап сөзі үш буынды сөз – жоқ

9.Адамның аты-жөні бас әріптен басталып жазылады –иә

10.Ою сөзінде 2 дыбыс бар –жоқ

2-кезең «Тіл өнері»

1-топ:

*Жалқаудың жаны тәтті,

Еңбектің .......тәтті.                                       (нан-хлеб-bread)

*Әдепті бала арлы бала,

Әдепсіз ..... сорлы бала.                              (бала-мальчик –boy)

2-топ:

*Оқу - білім бұлағы,

Білім-..... шырағы.                                         (өмір – жизнь  -life)

*Қыз өссе- елдің көркі,

......өссе – жердің көркі.                              (гүл – цветок- flower)

3-топ:

*Батыр туса, ел ырысы,

.......жауса, жер ырысы.                             (жаңбыр – дождь –rain)

*Көп сөз күміс,

Аз  сөз ........                                                   (алтын – золото –gold)

3-кезең «Сұрақ бізден жауап сізден...»

1-топ:

1.Атың кім?

2.Әкеңнің аты кім?

3.Көңіл күйің қандай?

4.Балықта аяқ бола ма?

5.Өлең жаза аласың ба?

6.Қандай тағамды ұнатасың?

2-топ:

1.Анаңның аты кім?

2.қай қалада тұрасың?

3.Қандай түсті ұнатасың?

4.Тауларда нелер өседі?

5.Досыңның мінезі қандай?

6. Өскенде кім болғың келеді?

3-топ:

1.Досыңның аты кім?

2.Ауа-райы қандай?

3.Жасың нешеде?

4.Жер шары қандай?

5.Қай сабақты жақсы көресің?

6.Орманда не бар?

4-кезең «Кім жылдам?»

«Қайырымды» -ай, қайыр, ырым, айыр ,май, ырық, Қырым, дақ, ақ, ық, қамыр, ымыра, ар, қар, қыр, қай т.б.

5-кезең «Кім тапқыр?»

Мысалы: До-дос,домбыра, долана, доға, дорба т.б.

4.Қорытынды бөлім.

Сайыс қорытындысын шығару, жеңімпаздарды марапаттау.

1.  Батыр туса, ел ырысы,

       ..... жауса, жер ырысы.

  2.  Көп сөз күміс,

       Аз сөз      .......