Физминуткалар
учебно-методический материал на тему

                                               Физминуткалар.

Диңгеҙ кеүек тулҡынып,

Иген   үҫә ҡырҙарҙа,

Көмөш кеүек йылтырап,

Балыҡ уйнай һыуҙарҙа.

Сут-сут-сут-сут

Ҡоштар һайрай урманда.

                                              Бер эйелә,бер бөгөлә,

                                              Аҡ сәскә наҙлы елгә.

                                              Ҡояшты ла онотмай,

                                              Уны күҙәтә гел дә.

(Кәүҙә менән ике яҡҡа эйелеп бөгөлөү,кәүҙәне әйләндереү йәки башты төрлө яҡҡа хәрәкәтләндереү).

Бер таҡтаға йыйылдыҡ,

Етегән йондоҙ булдыҡ.

Бер, ике, өс, дүрт,

Таң атҡансы юҡ булдыҡ.

(Ҡулдарҙы билгә ҡуйып, ете тапҡыр һикереү,дүрт тапҡыр аҙымлап атлау, ике тапҡыр сүгеп алыу).

                                                Алып ҡәләм, алып ҡағыҙ,

                                                Ҡояш нуры эшләнек.

                                                Билдәр ҡатты,муйын талды,

                                                Аҙыраҡ ял итәйек .

                                                Һыуҙан,ерҙән нур алып,

                                                Йәйғор итеп эләйек.

(Ҡулдарҙы сиратлап артҡа ебәреп алыу,өҫтән аҫҡа төшөрөп түңәрәк яһау,билде бөгөү, баш кәүҙәне өйрөлтөү.Ҡулдарҙы алға ҡуйып эйелеп алыу,ҡулдарҙы аҫҡа төшөрөү).

Алдыҡ ҡулға пластилин,

Йомшартып әүәләнек,

Ҙур түңәрәк эшләнек.

Ҡулдар әҙерәк ял итһен,

Түңәрәк тәгәрәп киһен.

(Ҡулдарҙы сиратлап артҡа ебәреү.Йоҙроҡто йомарлап асыу, йомоу;ҡулдарҙы артға ҡуйып һелкеү.Терһәктән бөгөп,ҡулдарҙы әйләндереү).

                                                  Таянабыҙ бөйөргә,

                                                  Тотонабыҙ бейергә.

                                                  Тыпыр-тыпыр тыпырлатып,

                                                  Әйләнәбеҙ беҙ бергә.

                                                   Улай итә башлайыҡ,

                                                   Былай итә башлайыҡ.

                                                   Ял итеүҙе туғтатып.                              

                                                   Инде уҡый башлайыҡ.

Оҙон буйға үрелеп,

Ҡайын ята кирелеп.

Һыу һиптем көн дә уға,

Ҙур булып үҫте буйға.

                                                     Сәп-сәп-сәпәкәй,

                                                     Минең ҡустым бәләкәй,

                                                     Топ-топ атлаған була ла,

                                                     Үҙе шатланған була.

                                                     Сәп-сәп-сәпәкәй.

                                                     Минең ҡустым бәләкәй,

                                                     Ҡулын күтәргән була ла,

                                                     Сәпәкәй иткән була.

Шулай бөгөлә талдар,

Ошондай бейек тауҙар,

Шулай ҡағына ҡаҙҙар,

Шулай бейеп алалар,

Шунан шым ғына ултырып,

Тағы белем алалар.

                                                      Уң күҙеңде ҡыҫып ал да.

                                                      Һул күҙеңде ҡыҫып ал,

                                                      Шунан тәҙрә аша

                                                      Күк офоҡҡа күҙең һал.

                                                      Ике күҙеңде йом да,

                                                      Бер минутҡа йоҡлап ал.

                                                      Уңға, һулға башың сайҡа,

                                                      Бына шунда була ял.

Беҙ барабыҙ, барабыҙ.

Еләктәрҙе табабыҙ,

Ауыҙҙарға ҡабабыҙ.

Ай-һай, тәмле еләктәр.

                                                       Аҡҡоштар остолар, остолар ҙа,

                                                       Күл өҫтөнә төштөләр.

                                                       Һыу эстеләр, ял иттеләр,

                                                       Тағын осоп киттеләр.

Беҙ инде хәҙер ҙурҙар,

Күп эшләй беҙҙең ҡулдар.

Беҙ иҙән дә йыуабыҙ,

Беҙ керҙәр ҙә йыуабыҙ.

Эре-эре заводтар,

Ә заводта-станоктар.

Тиҙҙән үҫеп етербеҙ,

Шунда эшкә китербеҙ.

                                                       Мин урманға барҙым,

                                                       Ошондай ағас күрҙем,

                                                       Ошондай сәскә таптым.

                                                       Күп итеп йыйҙым,

                                                       Әсәйемә ҡайтарып бирҙем.

Билдән артҡа бөгөләбеҙ,

Шунан инде сүгәбеҙ,

Тағы ҡанат ҡағабыҙ,

Тәрән һулап алабыҙ,

Ултырабыҙ шым ғына,

Һәм уҡыйбыҙ тын ғына.

                                                         Бер, ике, өс,

                                                         Форточканы ас,

                                                         Парталарҙы һөрт,

                                                         Саф һауа керет.

Бер, ике-уңға борол,

Бер,ике-һул яҡҡа.

Бер, ике-ҡулдарыңды

Тейҙереп ал аяҡҡа.

Бер,ике-ултырайыҡ,

Бер,ике-үҫәйек.

                                                           Бер,ике,өс,дүрт,биш.

                                                           Бармаҡтарҙы һанайбыҙ.

                                                           Бик таҙалар, бик ныҡтар,

                                                           Бик етеҙҙәр, бик дуҫтар,

                                                           Беҙҙең бөтә бармаҡтар.

Беҙ яҙҙыҡ, яҙҙыҡ.яҙҙыҡ,

Бармаҡтарҙы талдырҙыҡ.

Хәҙер ял итәбеҙ,

Һәм тағыла яҙабыҙ.

                                                            Беҙ, беҙ,беҙ генә

                                                            Бармағыбыҙ төҙ генә,

                                                            Ҡул ҡанаты ҡағабыҙ,

                                                            Сәпәкәйләп алабыҙ.

Баш бармаҡ бау ишә,

Сығанаҡ бармаҡ имән ишә,

Урта бармаҡ утын яра,

Һуҡ бармаҡ ат ҡыуа,

Сәтәкәй бармаҡ сәй эсә.

                                                              Алға һуҙам ҡулдарҙы,

                                                              Туҡмас йәйеп алайым,

                                                              Хәҙер һуған турайым да,

                                                              Рәхәтләнеп илайым.

Топ-топ атҡайым,

Ҡойроғо бар,ялы ла,

Үҙе шул тиклем матур,

Башын сайҡаған була.

Бер,ике был баш,

Өс,дүрт былар ҡаш,

Биш, алты күҙҙәр,

Ете, һигеҙ ҡулдар,

Туғыҙ, ун бармаҡтар,

Танау, ауыҙ, ҡолаҡтар.

                                                                 Өҫкә кейәм тунымды,

                                                                 Бына быныһы булды.

                                                                 Аяғыма быймамды,

                                                                 Быймаһыҙ һуң буламы?

                                                                 Башымда минең бүрек,

                                                                 Ҡалһындар әле күреп.

                                                                 Ҡулымда бейәләйҙәр,

                                                                 Беҙҙә матур бәйләйҙәр.

                                                                 Атлап сығам урамға,

                                                                 Һыуыҡтан ҡурҡмайса.

Күрһәт әле, Камали.

Күрһәт әле, Камали,

Нисек утын яралар?

Бына шулай, бына шулай,

Шулай утын яралар.

Күрһәт әле, Камали,

Ҡайҙан утын алалар?

Урмандарҙан, урмандарҙан,

Барып киҫеп алалар.

Күрһәт әле, Камали,

Нисек саңғы шыуалар?

Бына шулай, бына шулай,

Шулай саңғы шыуалар.

Күрһәт әле ,Камали,

Нисек матур бейейҙәр?

Бына шулай, бына шулай,

Шулай матур бейейҙәр.

Һин, әйт әле, Камали,

Кемдәр күпте беләләр?

Уҡыусылар, уҡыусылар,

Шулар күпте беләләр.

Күрһәт әле, Камали,

Нисек атып яталар?

Бына шулай, бына шулай,

Шулай атып яталар.