Диктанты и проверочные работы по эрзянскому языку.
учебно-методический материал (2, 3, 4 класс) на тему

3 класс

Омбоце классо ютазенть мельс ледстямось.

Вал. Предложения. Текст.

Валонь диктантт.

1. Лишме, скал, овто, нумоло, тумо, пор, пандо, нимиляв, карво, тикше, варака, сярдо.
2. Лей, пиземе, ульме, кал, оска, мекше, маней, налксемат, пекше, ульця, панго, инзей.

Списывания.  

Путнинк лотксема тешкстнэнь.

Сексень вирьсэ.

Вечкан мон якамо сексень вирьга(.) чувтнэ ды куракштнэ умок правтызь лопань оршамост(.) празь лопатне уш а каштордыть пильгеть ало(,) сынь раушкадсть налкставтыця пиземетнеде(.)

Кувакасто ды нусманясто вешкстась кузтнэнь потсто пунясь(.) виресь сумбуря (угрюмый) (.) эрькенть вельтизе васень чова эйне(.) чиресэнзэ кашторды коське сандей(.) пертьпельксэсь учи телень самонть.

Диктантт.

Пиземе чирьке.

Перть пельксэсь каштмоли псиденть. Коштось пицезь – пици. Вана менельга уи покш раужо пель Маряви пурьгинень зэрьнема. Коштось пешкедсь эрьва – кодамо цецянь ды тикшень чинеде. Васенце покш ведьбайгетне прасть пулев кинть лангс. Тусь виев пиземе ды курок лоткась. Менелентень лиссь пиземе чирьке. Сон цитнесь чинть каршо эрьва – кодамо тюссо.

Сексь.

Вирентень совась сексесь. Тикшесь пужсь. Цецятне нуваргадсть. Ялатеке вирьсэ паро! Тонавтыцясь Глеб Иванович тонавтницянзо марто сась вирев. Церынетне пурныть пиче умарть. Тейтернетне пурныть эрьва кодамо тюсонь лопасто мазый пусмот.

Куракш потсо кашторды сеель левкскензэ марто. Виевстэ чави чувтонтень шекшатась. Кирнявтнить чувто ланга тюжа урнэтне.

Предметэнь, признаконь ды действиянь невтиця валт.

Валонь диктантт.

Заданиясь: сермадынк валтнэнь колмо столбикс: васенцес – предметэнь невтиця валтнэнь, омбоцес – действиянь невтиця валтнэнь, колмоцес – признаконь невтиця валтнэнь.

1. Сакалт, канды, соки, маней, ручка, ашо, тодов, содов, налкси, мазый, теле, моры.
2. Тантей, модамарь, ракша, виев, соки, лавсь, од, ваны, ламбамо, види, теште, панси.
3. Кочки, пеште, сэнь, лазны, теи, овтумарь, кистой (земляника), тусто, якстере, човов, инзей, чиемс.

Диктантт.

Кизэнь чи.

Ашти лембе кизэнь чи. Манейстэ ваны моданть лангс валдо чись. Модась кизна вельтязь тикшень мазый ацавкссо. Тикшенть потсто ванныть эрьва кодамо тюсонь цецят. Цецятнень велькска ливтнить мекшть. Валдо сэнь менельсэ гайгить нармунень морот. Эрькенть вакска якить кувака пильге сяргот.

Чова тарадонзо нолдынзе ведентень пиже калесь.

Лембе валт.

Тейтерькась шлясь – нардась ды ушодсь кудоютконь тевень тейнеме. Пурнызе удома тарканть, тенсизе кудонть. Кудопотмось теевсь парокс, истя эрси ансяк покшчистэ.

Тейтерькась ансяк пурнась лисеме пирев цецянь кисэ, кода каршонзо кенкшенть панжизе тетязо. Сонзэ прясо ульнесь ашо коцтсо вельтязь сетка марто шляпа, кедьсэнзэ – дымарь ды чаво ведрыне.

                                                                                   Г.Гребенцов.

Масторавань утомтнесэ.

Моданть лангсо касыть чувтт, куракшт ды тикшеть, конат маштовить ярсамопелекс  эли ормаменьксэнь теемс. Те кистойть, инзейть, пичумарть, чейумарть, мастумарть, чевгельть ды лият. Раужо чукшторовонь лопатнень тевс нолдыть пангонь, куяронь, помидоронь салтомсто. Кона – кона касовксонь лопатнестэ ды салмукстнэстэ анокстыть симемапельть, косо ули С витаминэсь. Тевс нолдавить аволь ансяк умартне, - сантнэяк, цецятнеяк, лопатнеяк.

                                                                             «Чилисема» журналсто.

Числительной.

Диктантт.

Вейке тежа вейксэсядт кодгемень васенце иень чадыковонь кемгавтовоце чистэ менельпотмаксов васенцеде ливтясь ломань. Те ульнесь Гагарин Юрий Алексеевич. Сон тейсь вейке кирькс Модань чаронть перька. Теде мейле ютасть колмоньгемень вейксэ иеть. Ламо ломанть кучнезельть менельпотмаксов, конат важодсть аволь ансяк ливтнемань венчтнэнь потсо – лиснесть олявгак. Ней менельтомбале кувать важодеманть туртов нолдтневить покш венчт – станцият, косо эрить зярыя ломанть.

                                                                         «Чилисема» журналсто.

Евтамонь, кевкстемань ды кармавтомань предложениятне.

Валонь диктантт.

Пинге, нармунть, ули – паро,  ялгаксчи, пелькстамо, вастома, штюрьба, севнома, ванды, толбандя, сезьган.

Нурьгить, сюпавчи, шулят, мурнемс, шабрат, покордамс, таштамгов, артыця, узерь кечке, анксема, зыян.

Списываният.

Заданиясь: путынк козонь эряви лотксематешкстнэнь.

Мазыйть тюсонзо сексень виренть (!) тон неить истямо вирь (?) сундерьговсто чувтнэнь лангсто певери сексень оршамось (.) сермав кумбось кашторды пильге ало (.) празь лопатне кеместэ кекшить вирень вишка эрицятнень якшамодо (.)

Сундерьговось – меельце пангонь ков (.) весть мон муинь ашо панго (.) паро ульнесь пангось (!)

Пире.

Заданиясь: путынк козонь эряви лотксематешкстнэнь.

Тунда ды кизна важодсть ломантне пиресэ пандя лангсо (.) паросо панды пиресь важодеманть кисэ (.) вана кенерсть чурькатне, репстнэ (.) курок панжовить ды певерить кснавтне (.) вана пирявксонть вакссо ашти ожо пря сэрей пильге лангсо (.) мазый чинжарамось (!)  а те мезе ашти яннэнть вакссо (?) пандя лангсо овтонь прят, сельмевтеметь, пилевтеметь (.) содасынк содамоевксонть (?) дурак куярось кенери ожоковсто.

Заданиясь: точкатнень таркас путынк эрявикс кевкстемань валонть.

…(косо) свал лембе? …(зярдо) сы Од иесь? …(косто) сыть эйкакштнэ ульме марто?  …(зяро) иензэ тонь сазоронть?  …(кодамо) менеленть тюсозо?  …(мезде) ярсыть уртнэ?  …(мекс) тельня леесь вельтяви эйсэ? …(косо) важоди тонь ават?  …(кода) ютавтыть овтотне теленть?  …(ков) туить нармунтне сексня?  …(мезекс) эряви коймесь?

Диктантт.

Сексесь вирьсэ.

Кодамо мазый виресь сексня! Килейтне оршизь сырнень оршамост. Укшторонь лопатне якстерьгадсть. Тумонь тусто лопань оршавксось теевсь ожо. Пичесь ды кузось кадовсть пижеть. Пильге ало кашторды лопань сермав ацавксось. А зняро пангт вирьсэ! Пиже пангтне ды ожо опенкатне умок учить пангонь кочкицят.

Васька.

Сексень лопатне каштордозь певерить моданть лангс. Васька каткась вансты эйсэст. Сон налтокс (стрелой) ёртневи эрьва прыця лопанть лангс  ды кежейстэ вачкои сынст лапасонзо. Васька арси, што нете озязт. Вана превтеме катка! Бабам макссь тензэ лембе ловсыне. Ярсамодо мейле каткась прась лопа куця лангс ды матедевсь.

Мазый куракш.

Вирь чиресэ касы тусто куракш. Сонзэ лангсо пек ламо цецят. Цецятне пек молить роза енов ды эйстэст качады пек тантей чине. Куракшонь тарадсо улить пшти салмукст. Кодамо тете куракшось? Те – овтумарькс.

Вана цецятне певерсть. Тарад лангсо кенерить якстере овтумарть. Эйстэст ярснить. Ды сынст эйсэ пек ламо витаминт.

Главной ды второстепенной предложениянь члент.

Предложениясо валтнэнь сюлмавомась.

Списывания задания марто.

Заданиясь: максозь валтнэнь ладсинк валрисьмес истя, штобу лисевель ёвтнема.

Сярдось ормаясь.

1. Пиче, мон, ало, аштинь.
2. Сярдо, вирьстэ, лиссь.
3. Койкак, сон, аштесь, коськаня, пильге, лангсо, ульнесь.
4. Ине, ормаясь, вирень, ракшась.
5. Килейтненень, мольсь, стамбаро, сярдось.
6. Карво панготне, палсть, тосо, ютксо, тикше, якстере.
7. Эчке турвасо, комавтызе, ды, сярдось, якстере панго, прянзо, каподсь.
8. Вирень, пичкавты, ракшатнень, карво пангось.
9. Тусь, сярдось, курок.
10. Ванынь, мельганзо, кувать, мон.

Диктантт.

Пиче вирьсэ.

Сур велесь ашти лей чиресэ. Веленть удало сравтовсь келей пакся. Паксянть вакссо касы пиче вирь. Велень эрицятне сеетьстэ якить тов пангс. Сексня Сема атя пиче вирьстэ кантни ламо опенкат ды пиче пангт. Сон састо яки вирьга ды кунсолы кода моры вармась чувтонь тарадсо.

Школасо.

Малкина Ольга сась школав рана. Сон течи дежури классо. Тейтерькась панжизе вальманть. Классось пешкедсь ванькс коштто. Тонавтыцянть столензэ лангсо аштить цецят. Цецятнень кандынзе Жуков Саша. Досканть вакссо ашти пор ды нардтнемс губка. Пейдезь совить класс тейтернетне ды церынетне. Ушоды урокось. Весе ловныть эрзянь евкс.

Васень лов.

Прась васенце ловось. Кузтнэ ды пичетне маряви седеяк пижелгадсть. Сексень тикшесь ваны ловонть потсто ожо чечинакс. Каштмолема ашти пертьпелькссэ. Природась кизэнь важодемадо мейле оймси. Валдо эрькесь маряви седеяк покшокс. А неяви пижесь. Пачк невтиця ведесь чополгадсь. Эрьке чирентень виевстэ чави стака толкунось (волна).

                                                                             Д. Мамин – Сибиряк

Сексень меельце читне.

Вана уш тарго валыть кельме пиземеть. Садсо увны летьке вармась. Модась весе лоподсь начконть эйстэ.

Ульнесть сундерьковонь меельце читне – сехте нусманя шкась. Китнень ланга а молеват. Кадовикс нармунтне кекшсть.

Менельсэ ковось ульнесь ськамонзо. Вальмантень апак фатя кармась прамо лов. Кона шкане ушодавсь васень ловось? Кода сон мазыйгавтызе моданть!

                                                                                К. Паустовский

Валонь сюлмавкс.

Диктантт.

Вирь.

Виресь – те ош, ламо тежат эриця марто. Кудотне те ошсонть – домка норат, лембе пизэть. Вана венстевсть тикшень пиже лопинетне. Вана моданть потсто лиси ведь – тесэ лисьмапря. Кельме веднесь чии вирьганть. Лейненть чиресэ ламо лампасеень цецят. Паро ваномс лампасеень сэнь кумбонть лангс, кона ацавсь леенть чирева. Виресь – те минек сюпавчинек. Ванстынк те сюпавчинть!

Кургонь ламбавтомань тувтал.

Ольга бабань чулксетить карязонзо. Сон кузсь каштлангс сыре ловажатнень эждеме. Ней ормалгадомат пелят: ормаменькстнэнь оно зяро питнест!

Ашти мадезь ды верде ванны, кода ашо пря нуцьказо (ветеце классонь тонавтницясь), судонзо шлебордозь, аноксты валскенень уроконзо.

Вальмава неяви ожо лопа марто новолезь килеень тарад. Ушосонть сексень маней чи. Весе капшить таргамо модарькаст, пурнамо пирестэст меельце эмежтнэнь.

                                                                                           И. Ширшов

Митрий атя.

Ялгушева велесэ эрясь Митрий атя. Сон пек вечксь вирь. Митрий атя лововсь вирень ялгакс.

Весть атясь саимизь минек пангс. Сыргинек минь вирев пек рана, зярс чилисемаськак арасель. Веть виресь экше, сэтьме. Леенть велькссэ ашти сув (туман). Обедэнть малав Митрий атянь покш паргсто ванность ашо пангт. Минекак паргонок ульнесть пешксеть. Пангов таркат невтнесь тенек Митрий атя!

Валонь составось.   Вейке раськень валт.  Вал юрось.

Выборочной диктант.

Заданиясь: максозь валонтень кочкинк весе раськень валтнэнь

Вал – валдо, валовсь, валт, валгомс, валнэ, валске, валонь.

Черь – черькс, черьбуло, чеерь, чей, черть, черькстнемс.

Ве – веньберть, весть, ведьга, веньгуншкат, веть, ветиця, вете.

Судо – суд, судокстомо, сутямомс, судовтомо, судонь.

Вирь – вирьга, верь, вирень, верьга, вирев, кеверемс.

Левкс – левкскеть, левштап (мочало), левксэв, лезэ, кискалевкс.

Лов – ловняське, салов, ловонь, ловномс, ловсов, ловныця, ловажа, ловов (теле).

Диктантт.

Ялгат.

Вирень ванстыцясь якась вирьга. Сон несь ривезень нора. Тосо ульнесь ривезьлевкске. Вирень ванстыцясь саизе ривезьлевкскенть ды кандызе кудов. Вирень ванстыцянть кудосо ульнесь кискалевкске. Кискинесь ды ривезькесь теевсть ялгакс ды сеетьстэ налксесть. Ривезькесь вечксь кекшнеме, а кискинесь вешнесь. Лиясто сынь тукшность налксеме вирев, но чокшнэ свал сакшность.

Ульцясо рудаз, моли нусманя сексень пиземе. Кельме вармась панси менельга чопода пондакш пельть.

Туить ливтямо лембе масторов кадовикс нармунтне. Ломантне кортнить: «Сенкстне, цянавтне туить лембе масторов – курок пры лов». Ливтить минек велькска мазый нармунть, ды коштстонть чаразь прыть сенксень толгатнень лангс ашо шождыне ловтештинетне. Летькекс ды нусманякс теевсть паксятне, виртне, садтнэ.

Валонь песь.

Диктантт.

Чокшнэнь вирьсэ.

Тусто вирентень стамбаро новоли сексень чокшнэсь. Чувтнэнь эйстэ прасть чопода сулейть. Сэтьме. А лыкить сэрей сыре пичетне.

Зярс а удыть, чоледить вирень нармунтне, ливтнить тарадсто тарадс.

Вана килеенть лангс озась шекшатась. Васов маряви гайтев вачкоемазо. Ливтнить сонзэ перька нармунть, кочксить унжат.

Аламо шкань ютазь виресь чополгады. Лоткить морамодо ды мадить чинь нармунтне, ракшатне.

Идиця.

Сексень валске ланга модась вельтневи кельме лекшесэ. Те шкане а варсеень пижнемат а марят, а идемкань курномат.

Варакань Онто содась: маласо эрькентень яксярготне кадовсть ськамост. Секскак пурнась охотав. Лавтовонь трокс каизе кавто стволсо ружиянзо, зепс тонгсь кшипечть ды – ки лангов. Ушось экшеде экшель. Пувась сиве потс эциця варма, каворьксэв куринкаванть пансесь ожо лопат.

                                                                                      А. Доронин

Ривезь.

Ривезесь – апокш идем ракша. Рунгозо сонзэ вельтязь тусто тюжа понасо. Сонзэ нурькинеть пильгензэ ды пшти нернезэ. Ривезесь эри вирьсэ. Сон вечки сывель.

Апак учо ривезесь марясь сывель чине. Сон чиезь напустясь се енов, косто каятотсь тантей чинесь. Ансяк пулозо неяви куракшнэнь юткова. Ривезенть пулозо покш ды пондакш. Эзь саво ривезентень варчамс сывеленть. Сывелесь ульнесь вирьбачань туворсо. Маризе ривезесь ломанень чиненть ды ношкстась седе васов.

Суффикст.

Диктантт.

Эрямо парь.

Икеле эрьва кудосо, эрьва аванть ульнесь эрямо парезэ. Те паресь ульнесь аванть оршамопелень ванстома тарка. Минек бабань ули истямо парезэ нейгак. Сыть кувака сексень чокшнэтне. Бабанок панжсы парензэ ды ушоды евтнеме кода эрясть эрзятне икеле, кши кастасть.

Евтни сон виряванть ды ведяванть ланга. Маряви евтнеманзо бабанок вансты эрямо паренть потмакссо.

Кода миясь теи кудонзо.

Ловцосо трявиця ракшатнень ютксо сехте вадря эрямо таркат теить миятне (бобры). Кеме, вадря «кудовтомо» сыненст улевель вельть стака: мода лангсо миятне пек чувтолат. Сынст лапужа пеест маштовить ансяк чувтонь поремс. Мода лангсо миятне пелить аволь ансяк верьгиздэ, истя жо ривездеяк.

Миянь кудынесь моли кода понгсь ёртнезь тарадонь штеме енов.

                                                        «Чилисема» журналсто

                                                        «Перть – пельксэсь ды минь»

Гайгиця ды гайттеме согласнойтнень сермадомаст.

Диктантт.

Ривезьке.

Весть телень якшамо валске мон сыргинь вирень ванстыцянтень. Мон молинь чувтнэнь юткова тея яннэва. Апак учо мон неинь сыре килеенть ало чопода лыкиця таркине. Мон капшазь чиинь килеенть алов  ды неинь ривезне. Сон икельце пильгсэ понгсь кундамкань виев петляс. Мон тердие вирень ванстыцянть ды минь идинек ривезькенть зыянстонть. Сон ношкстась виренть потс.

Учома.

Кияк а арсияк, превсэнзэяк мель а кирди: сыть шкат, зярдо сон карми учомо теле.

Васня а кемеви, кода истя – учомс кельме варма кандылов марто, зярдо ушовгак а лисеват.

Сексь… Якшамо варма. Кельме, нильтяня пиземе.

Варштат пертьпельксэнтень ды нусмакадат, жаль маряви масторлангось. Зярдо жо сы телесь, кельмевтьсы моданть, пры лов, масторлангось весе ашолгады. Лейтне вельтявить эйсэ… Кадык эно сы якшамо шкась, ялатеке маряви, весе масторось мазылгады ды кеци сенень: сась теле. А кемевияк!

                                                                                А. Захаров

Парной ды аволь парной согласнойтне.

Валонть куншкасо чевте знаконть (ь) сермадомась.

Диктантт.

Кудо вальмало Андрей несь вишине сеельне. Церынесь саизе сонзэ кедезэнзэ, вадяшизе чевте салмукс ланга. Сеелесь эзь тандадо ды эзь кирмицяво. Андрей андызе ракшанть ловсодо.

Чокшнэ Андрейка неизе сеельлевкскенть аванзо. Сон яксесь яннэва, никсесь коштонть, вешнесь левкскензэ. Андрей кандызе сеельлевкскенть ды састыне нолдызе моданть лангс. Авась никсизе левкскензэ ды кекшсь куракштнэнь потс. Мельганзо напустясь левкскеськак.

Лездась Полканось (евтнемасто саевкс).

Минек Полканонь кондят превей кискат нама, аламо. Теде карминь чарькодеме умок. Сехте пек кудосонок сон вечксамам монь. Паряк секс, што минь мартонзо свал вейсэ? Ансяк фати, пурнан ковгак васов молеме, кеняргады. Ушоды перькам кирнявтнеме, мик цийнезеви.

Исяк шабрань Витя ялгам пачтясь: Сюря эрьксэнть кармасть вадрясто понгомо карастне. Чокшнэ анокстынь ульмам, кочксинь сукскеть ды вана течи стададо икеле пурнынь – сэрнинь калонь кундсеме.

                                                                             А.Петайкин

Волчок.

Роштува. Якшамо. Кальтне прок мазый одирьват аштить сиянь оршамосост. Велесь вельтязь качамо пельсэ.

Волчок сорновтынзе кутьмерьстэнзэ олгонь сюватнень, озась пулонзо лангс.

Цят якшамо. Волчок сорнозь кепси лапанзо, цийнезь автни кургонзо.

Те шкане чикордозевсь кудокенкшесь  - пар потсто лиссь Митя баба.

Волчок венстизе нерензэ, учи ярсамопель. Кода неизе Митя бабань кедьстэ сюкоро марто ваканонть, сельгезэ чудезевсь. Алкукскак, икеле ливтнесть тензэ пельспиезь модарькат, ней мик оно зяро…

                                                                             В.Аношкин

Верьгизэнь туворт (ёвтнемасто саевкс).

Келей Конясь колмоце чи вачодо азгондсь вирьга. Чанстесь, неяви, кадызе. Кувать пансесь нумоло мельга. Кувака пилесь ежоволь: ве ендо омбо енов кирнявты. Зярс Келей Конясь мучкась пильге чалгавкстнэва, тона ульнесь уш васоло. Лиснесь верьгизэсь идем тувонь янскак, сасынзе петак судотнень, тонат арасть каршонзо кирьксэс ды низелгавтызь кичкере, тюжа пеест. Келей Конясь весть варчнинзе неть пейтнень танстест, ламо чить мейле нолсесь сусковкстнэнь.

                                                                                М.Бычков

Якстере пиче (ёвтнемасто саевкс).

Весть сынь Уралонь техникумсто телень каникулав. Баня потмарсто таргинь соксом, стинь лангозост ды туинь вирьга – паксява кирякстнеме. Пачкодинь пиче вирентень. Одс вельмесь прясом валмеревксэсь. Чись парсте валдомтсь виренть. Менелесь ванькс, ансяк тия – тува азгондсть, теке стадасто кадовозь вирезт, вецана ашо пельнеть. Сельмть сокоргавты цитниця ловось. Стинь ды кувать ванынь чувтнэнь лангс, бажинь неемс якстере пиче…

Ды… неия!  Чинь налтнэ кольневтсть якстердть мериця рунгонзо.

                                                                                  В.Алтышкин

Кортамо пелькст.

Диктант.

Верьгизэнь туворт (евтнемасто саевкс).

Келей Конясь колмоце чи азгондсь вирьга… Сонзэ сельмтне сявадсть сеть ракшатненень, конат ярсасть тикшеде, чувтосудто, лопадо, пештеде, сэрядо, весемеде, мезе касы вирьга – паксява. Сонензэ пазось мерсь ярсамс сывельде. Сывелесь, содазь, тантей, ансяк кундамозо стака, весемеде пек тельня…

Ды сестэ, зярдо сон арсесь эсь стака эрямодонзо, марясь сывелень чине. чинесь каятотсь паксянть пельде. Пильгтне сынсь кандызь верьгизэнть се пелев, косо ульсь мезде пештемс пекенть.

                                                                                   М.Бычков

Существительноесь – кортамо пелькс.

Диктантт.

Тандадома.

Чилисемадо мейле мон сокссо молинь маласо вирев. Ловось чикорды пильге ало. Од пичинетне вельтявсть цивтердыця лекшесэ. Мон лисинь вирькужонтень. Паро вирьсэ!

Апак учо пильгем ало ловось лыказевсь. Мон тандадынь, чиинь ве енов. Ловонть потсто ливтясть колмо нармунть. Неть ульнесть пунят (рябчики). Сынь ливтязь тусть пичтнень удалов. Кадовсть ловонть лангсо колмо лашминеть.

Од иесь вирьсэ.

Теле. Пертьпельга, ков иля варшта, эрьва косо ашти лов. Вирькужонть куншкасо касы виде ды мазый куз. Эйкакштнэ арсесть анокстамс од ие вирень ракшатненень ды наряжамс вишка кузнэнть. Сынь понгавтсть вирень мазыйканть лангс пизелкст. Алга тарадтнэнень сынь поводсть пурькат. Кузонть алов путсть покш капста пря.

Валскестэнть кузонть велькска ливтнесть нармушкат. Чокшнэ кузонть алов састь кавто нумолот. Сынь ярсасть ламбамо пурькадо.

Существительнойтнень числаст.

Диктантт.

Ривезь ды Карго (рузонь ёвкссто саевкс).

Пелькстасть ривезесь ды каргось кие седе ежов ды манчиця. Ривезьке мерсь, што сон сизьгемень сисем манчемкат соды. Каргось мерсь, што сонзэ манчемказо ансяк вейке.

Зярс пелькстасть малазост састь охотникть киска марто. Ривезькесь чийнезевсь тей – тов азды ков кекшемс. Каргось орголеме эзь карма. Мадсь моданть лангс ды ашти прок кулозь. Кискатне лангозонзо эзть варштаяк, напустясть ривезенть мельга.

Существительнойтнень собственной ды нарицательной лемтне.

Диктантт.

Алкуксонь ялга.

Ильин Стасикень ули ялгазо Гурьев Коля. Церынетне свал вейсэть.

Весть Стасик кармась сэредеме ды кувать эзь яка школав. Кода сасамс классось? Паро ялгась свал лезды.

Николай кандсь ялганстэнь эрявикс книгат. Ялгатне вейсэ решить стака задачат. Коля лездась Стасикнень бойкасто стардомс тонавтницятнень. Тонавтыцясь Анна Николаевна шнынзе церынетнень.

Номолкайне (евтнемасто саевкс).

Тевесь ульнесь тунда. Петя ды Вася соткстазь таркасо налксесть футболсо. Перькаст «ливтнесь» крендель пуло тюжа кискинест, Онгай. Сон чийнесь кевериця осканть мельга, терявтсь сускомонзо, ансяк тень эйстэ мезеяк эзь лисе. Секскак курок сайсь ды тусь ве енов. Васня сэтьместэ сокарясь лапасонзо мода, мейле варштась чадыведьга уиця эйтнень лангс ды мезе вий онгозевсь.

                                                                                 Г.Гребенцов

Прилагательной.

Диктантт.

Пире.

Бабам невтизе тенек эсензэ пирензэ. Пиресь ульнесь умарень садонть удало. Тесэ виде рядсо аштить капстань покш прятне, пандясо касыть ламбамо пурькат ды якстерькат. Сэрейстэ кандыть пряст чинжарамотне. Куяртнэ кекшнить тусто лопа потсо. Сэрей пирявксонть вакссо касыть якстере ды раужо чукшторовт. Минь велявтынек тея яннэнть лангс. Сэрей чевгень куракштнэнь удалдо неинек вишине чувтонь кудыне. Бабам тердимизь кудос.

Цецят.

Сась тундось. Чись эждизе ловонть ды солавтынзе ловтештинетнень пиче прясто. Прасть васенце ведьбайгетне ловонть лангс. Сынь ютасть лов шушмонть пачк ды  пачкодсть коське тикшентень.

Кува – кува штадсь модась. Тикшень тея налтнэ венстевсть чинтень. Вана появасть васень цецят.

Вирень каштмолемасо сыргозсь куколокшось. Сонзэ эйстэ качады тантей чине. А кодат мазыйть сонзэ ашо баягинензэ!

Цецятне – тундонь казнеть. Ванстынк сынст!

Тонавтнетяно тиринь масторонок.

Зярдо сыргатадо ушова якамо, саеде мартонк карандаш, линейка, конев ды терявтодо тештамс, кода аштить кудотне, леесь, виресь, лиякс меремс, теемс пертьпельксэнь план.

Виде, планонть теемс эрявкшныть онкстнемань кедьёнкст. Плансо невтезесь свал пек седе вишкине алкуксонценть коряс. Картатнень эли плантнэнь лангсо улить цифрат, конат пачтить, зяроксть вишкиньгавтозь (покшолгавтозь) сонзэ эйстэ невтнемапельтне. Те вишкиньгавтомань эли покшолгавтомань ловомась лемдеви масштабокс.

Пертьпельксэнь виде плант эрявкшныть геологтнэнень, агрономтнэнень, кудонь ды кинь теицятненень, туристнэнень.

                                                                        «Чилисема» журналсто

Глагол.

Диктантт.

…Васня Вася педе пес ловнызе книганть, мейле кармась тонавтомо Джекень, кода сёрмадозь книгасонть. Ютасть зярыя ковт, цёркась яла апак нузялдо тонавтсь кисканть. Нама, тенень покш мель явсь атяськак – фронтонь разведчикесь… Кискась аламонь-аламонь кармась чарькодеме, мезе вешить пельдензэ.Кантнесь ёртозь картузонть, ведьстэ ливтнесь няка, мукшнось чалгавксонь коряс азоронзо, пеке киське лангсо якась тикше потмова ды чувто ланга, кирнявтнесь толбандянь трокс…

«Весть вирьсэ» ёвтнемасто саевкс                В.Алтышкин

Тандавтозь чеерне (эрзянь ёвкссто саевкс).

Мольсь весть чеерне тумонь вирев – вестькак тосо арасель. Апак учо прязонзо прась сэря. Чеерне тандадсь ды кода напусти сонськак а соды ков. Чии, мезеяк а неи. Каршонзо лиссь нумоло, кевкстизе, мезе теевсь. Чеернесь гижнэзь евтнизе кода прязонзо прась мезе – бути. Мезе прась? Улема, менелесь кармась прамо, васня вишка пелькскезэ, мейле весеяк пры. Нумолояк тандадсь менелень прамодонть. Напустясть кавонест. Чиить, ки а неить.

Тундо.

Ламова чарькодеви тундонь самось. Вармансь пувазеви лембе ёндо, коштось летькеми, чевтемгады. Чись, мерят, пейди, струянзо пицезь пицить.Васня штадыть чинть каршо пандо чаматне, мейле сермавгады паксясь. Юты эштё тарго, ды ловось кадови ансяк сэрей латко потмакска.Чистэ чис касыть чудикерькстнэ, валновить лейс, ды леесь теке сыргози, тапасы сэнь вельтявксонть, лиси чиретнень велькска ды лажнозь, чадозь туи иневедентень. Модась карми эжеме, лексезеви. Лиси васень тикше.

К.Абрамов

Валске марто, зярдо чись ансяк невтизе мизолксонзо, Маринкань пувтызь грацень ды сезьганонь пижнематне…

Кудо икеле касыця эчке, сэрей ды рацяня каленть тусто текшкесэнть рана тунда грацтне тейсть пизэ. Ней тосо ульнесть уш левкскеть.

Грацтне ды сезьганось яла пижнесть ды чарасть – велясть чувтонть перька. Окойники, Маринка редизе тувталонть, кона ацирьгавтсь нармунтнень. Грацень пизэнть ало,рашкинес нежедезь, аштесь шабра бабанть катказо, конань нармунь пизэнь розорямонть кис мерстькак Пират.

«Изнявкс» ёвтнемасто саевкс                        В.Алтышкин

Иень перть ютазенть мельс ледстямось.

Диктантт.

Весть вирьсэ.

Весть валске марто  мон сыргинь калонь кундсеме.Кувака ульме марто мон молинь леенть енов тусто виренть потмова. Стакасто явнынь мон тусто тикшенть. Сон стенакс аштесь икелен. Апак учо пильген вакссто неинь гуй. Гуесь ертовсь монь енов. Тандадомадо мон рангставинь ды прынь тикшенть потс. Гуесь кижнэзь тусь сэрей тикшенть потс. Эчке кементь пачк пильген эзь сусково гуентень. Те тевденть мейле мон свал якинь калонь кундсеме аволь виренть пачк, а кувака кива – паксява.

Ежов гигирь пря гуй.

Мон молинь лейнентень Тантей тосо ведесь! Мон цють эзинь чалгаво гуй лангс. Гуесь аштесь прок кулозь.

Манейстэ вансь чись. Мон озынь пенька лангс. Апак учо гуесь ертовсь куракштнэнь потс. Колмо эскельксэ мон стардые сонзэ. Те ульнесь гигерь пря гуй. Сон тапардавсь кольцяс ды а лыки, теке мерят кулось.

Мон туинь ваксстонзо. Ежов гуесь капшазь тусь виренть енов. Вана мень тамаша!

Кенярксов важодема.

Чипаесь валы моданть лангс лембе ды валдо. Мазылгадсь сад пиресь. Умаринатнень ды атямартнень лангсо панжовсть ашо цецят. Куракштнэнь лангсо пургондасть од лопинеть. Ламо тевть тунда сад пиресэ. Церынетне чистизь весе яннэтнень, пурнызь куцинес коське лопатнень ды тарадтнэнь. Тейтернетне порсо ваднизь чувтонь нежетнень. Ней апаронь кандыця сукстнэ – унжатне а педить чувтонь од лопинетненень. Курок сась машина, эйсэнзэ эйкакштнэ тусть кудов.

Тундонь кеняркст (ёвтнемасто саевкс).

Тундо… Те валонть евтамсто теке ойметь одс чачны. Истямо ежо ломанентень сакшны, зярдо пертьпельксэнь мазычись икелензэ. Тундонь ковтнэнь – эйзюрговонть, чадыковонть ды панжиковонть явносызь истя: эйзюрговось – чивалдонь тундо, чадыковось – ведень тундо, панжиковось – пижелгадомань, цеця – панжовксонь тундо.

Лембесь, чивалдось калонь кундсицятненень сынсь лездакшныть. Ведьсэнть ушолить касомо нулкотесь (ряска), чейдикшетне. Сынь нолдыть кислород, калтнэнь покшолгали бойкачист. Пшти пей нучкось (щука) икра каи, панси весе эрицятнень мельга.                                        В.Лобанов.

Сеянь ловсо. (ёвтнемасто саевкс)

Кумбрина аштесь озадо тикше лангсо ды авардсь – лайшесь. Ней сон янксесь, мекс ношкстась вирев тетянзо мельга. Сон чарькодсь: емась. Ды теде кияк эзь сода: а тетязо, а авазо. Тейтернесь кочксесь кстыйть, вакссонзо кептернесь пешксель. Теньсэ кенярдовтыксылинзе тетянзо – аванзо. Эйкакшось стясь ды сыргиксэль седе тов, те шкане марясь мень – бути каштордома ды чикордома. Кумбрина талнозевсь. Каршонзо лиссь олгонь чаро ды пильге марто мукорь.                                                 М.Тарасова.

Аксун сея (ёвтнемасто саевкс).

Агай бабань ули сеязо. Сон истямо аксун – чистэ теи кодамояк тамаша. Пикскес козоньгак содсы азоравась – оргоди. Вансак,ломанень пирева лызарди: тень капстанзо нарасынзе, тонань умарьчувтонзо порнесынзе. Стадасо а кирдеви. Идемевсень ракша. Агай бабанень тюк сась эйстэнзэ.

Весть сексь енов бабась совавтызе сеянть кудос, лембе таркасо потявтомонзо. Агайнень се чистэнть кандызь пенсиянзо. Ярмактне ульнесть морга лангсо. Сеясь венстизе сынст енов кувака кирьганзо, ды питней коневтне тусть кирьгапарьганзо.                                              М.Моторкин.

Сярдось сакшнось инжекс (ёвтнемасто саевкс).

Весть рана валске ломантне сыргасть важодеме. Церакайтне пуромсть вейке таркас, аватне – лияс. Кой – кить ютамонь пачк ярсасть марчонь, пекше лопань кшиде. Апак учне ало пенть ендо марязевсь кискань виев онгома. Истя онгсть, мерят, верьгизт лангозость каявсть. Вантано – та–кие  арды. Алаша – а алаша, бука – а бука. Кополсо. Кенжензэ алдо модапокольть ертовить. Пачкодсь седе малас – Шкипаз! – ды те сярдо. Летьке сельмензэ цитнить, судоварянзо келемкшнить, секень вант, эйстэст тол туи. Летьке пекезэ сорны.

                                  Г.Пинясов (переводось Н.Ишуткинэнь)

2 класс

Ютазенть мельс ледстямо.

Валонь диктантт.

1. Сокст, сексь, селмот, чувто, тумо, тюжа, мелявкс, сталмо, стяко, реве, лавсь.
2. Сермадынк ансяк кудонь ракшатнень: сараз, туво, пурька, ватракш, вашо, реве, скал, ваз, ривезь, алаша, катка, киска, верьгиз, нумоло, атякш.
3. Сермадынк ансяк чувтонь лемтнень: килей, пой, капста, лепе, чукшторов, тумо, пешкс, инзей, лемзеркс, умарькс, чурька, пиче, куз.

Списываният.

Путнинк лотксема тешкстнэнь.

1.  Ур.

Вирьсэ касы сэрей пиче пичесэнть ундо ундосо эри ур уронть улить ур левкскензэ сынь вишинеть.

2.  Катка.

Крыльця лангсо мазый катка сон уды онстонзо сон неи чеерть чинь лембе налтнэ эждить кутмерензэ.

Диктантт.

Минек лейнесь.

Кизна минек лейнесь вишкине. Лейсэ эрить ламо калт. Лейненть чиресэ вирь. Тосо касыть кузт ды пичеть.

Сярдо.

Вирьсэ эри сярдо. Сон ярсы тикшеде ды вечки сал. Сярдось – виев  идем ракша. Сонзэ покшт ды мазыйть сюронзо.

Гайть ды букват.

Валонь диктантт.

Алга черькстынк сеть валтнэнь косо гайтне зняро жо зняро букватне.

1. Сал, оска, пакся, вальма, вал, кельме, сод, варма, верь, сельмукшт.
2. Якшамо, лей, нурдо, чувто, эмеж, чурька, нимиляв, ендол, кардо,лопа.
3. Цеця, яксярго, лишме, пель, каштом, кудо, ям, судо, пеель, велькс.

Списывания.

Сермадынк, зняро гайть ды букват эрьва валсо:

Сезяка, ялга, овто, ловсо, кев, сеель, шекшата, майка, сюро, видьме.

Диктантт.

Пушок.

Митянь ули катказо Пушок. Пушок вечки налксеме чувтонь тарадсо. Весть Витя кувать вешнесь Пушоконь. А каткась аштесь вальма лангсо.

Пиземе.

Чопода пель састо копачизе менеленть. Теевсь чопода. Ушодовсь пиземе. Юлянь ули зонтикезэ. Сон панжизе зонтонзо. Юлянь пиземесь а начтсы.

Кудосо.

Гриша ды Юра кудосо ськамост. Аваст тусь лавкав. Церынетне налксить. Гриша строи кудо кубикстэ. Юрань кедьсэ машина.

Гласной гайть ды букват.

Валонь диктантт.

Сермадынк ансяк сеть валтнэнь, конат ушодовить гласной буквасто.

1. Алаша, пакся, ундо, вальма, якшамо, евкс, нардамо, ур, сексь, ульма, ацавкс, сэдь, ош, ава, пире, ялга.
2. Эрямо, кудо, кужо, ушо, суре, атякш,урок, чама, артовкс, килей, ежо, моро, ендол, эй, сэдь, оршамо, ярмак, орма.
3. Киштема, умок, серма, удома, оймси, пиже, ожо, салыця, ашо, ям, кирмалав, умбрав, пиципалакс, ловсо,икеле, ильтявкс, ашко.

Диктантт.

Валске.

Вана валскесь. Таня ды Алена молить паксяв.Тосо важоди аваст. Сон уряды якстерькат. Тейтернетне кандыть тензэ ярсамс кши ды ловсо.

Заданиясь: кочкинк ды сермадынк валтнэнь, конат ушодовить гласной буквасто ды сермадынк зяро неть валтнэсэ гайтне ды букватне.

Кизна.

Кизна Боря ды Люба эрясть бабаст кедьсэ. Маней читнестэ эйкакштне якасть вирев. Тосо сынь кочкасть инзейть ды пангт. Пек паро кизна вирьсэ!

Заданиясь: кочкинк ды сермадынк валтнэнь, конат ушодовить гласной буквасто ды сермадынк зяро неть валтнэсэ гайтне ды букватне.

Согласной гайть ды букват.

Валонь диктантт.

Сермадынк ансяк сеть валтнэнь, конат ушодовить согласной буквасто.

1. Бойка, ежов, сезяка, ульме, леля, казне, ютась, кизэ, вирь, алов, локшо, тол, куракш, лопа.
2. Ведь, якамс, вий, седей, ойме, кундамс, озамс, канды, школа, умарь, кал, ловсо, вакан, арсема, панар.
3. Авардемс, машина, церыне, эйкакш, пильге, цеця, овто, киякс, седей, онгомс, тикше, шалт, алкине, давол, урнома, ломань.

Диктантт.

Шекшата.

Шекшатась вирень доктор. Сон пичкавты сэредиця чувтотнень. Овсе алкуксонь доктор вачкои виев нерьсэнзэ сыре чувтот-вешни сэредиця таркат.

Телентень анокстамо.

Курок сыть якшамотне. Авась шли вальмат. Нина ды Саша лездыть аваст туртов. Сынь анокстыть конев ды клей. Тетяст карми вальмань клеямо.

Слог.

Валонь диктантт.

Алга черькстынк сеть валтнэнь, конат аштить вейке слогсто.

1. Кев, сюлмо, тев, сад, маней, сезяка, лов, ков, слог, лавшо, лавсь.
2. Алаша, юла, вал, пов, сэдь, цеця, ведь, сура, кире, велькс, юдма.
3. Левкс, киякс, ян, ямкст, столь, теле, тансть, часия, кшни, пикс, пе.

Максозь валтнэстэ алга черькстынк гласной букватнень ды евтынк, зяро слогт неть валтнэсэ.

1. Книга, самолет, пеште, килей, куяр, оля, вальма, сукс, варака, каямс, озяз, ваямо.
2. Чапамо, розь, ризаня, оймсема, оя, онкст (удила), модамарь, ие, ур, чама, карькс, ал.

Диктантт.

Килей.

Сась сексь. Килеень лопатне ожолгадсть ды састыне вельтить начко моданть. Курок ушоды телесь. Пры лов. Килеесь карми удомо тундос.

Каль.

Леенть чиресэ касы каль. Сон нолдынзе тарадонзо ведентень. Тусто тарадонзо потс кекшсь вишка калнэ. Чинь лембе налтнэ эждить моданть. Чевте варминесь налкси калень тарадсо.

Валонь кандомась.

Валонь диктантт.

Сермадомто явинк слогонь-слог.

1. Менель, веле, симема, пиземе, сезяка, варма, ковол, моро, карво, лишме.
2. Кувсема, кев, лакамо, лейне, пейне, лакамо, чаро, ян, ризкс, куяр, чилисема.
3. Яксярго, овто, ведьбайге, сайнема, ведьгев, кирякстнема, тешкс, кайгарч (суслик), рисьме.
4. Гайка, пейдема, куракш, баягине, эрьге, венч, лазкс, сэря, тейтерь, сельге.

Диктантт.

Вирьсэ.

Лиядозь лопинетне певерсть чувтнэнь лангсто. Якшамось пансинзе вирень вишка ракшатнень норава. Вана тумоюронть алов ношкстась чеерне. Нусманя сексень виресь.

Сексь.

Якшамо. Пургси нусманя пиземе. Сыре пиченть лангсо ур. Сон каявтызе пичень тарад лангсто костязь пангонть. Те уронть обедэзэ. Сон костизе те пангонть кизна.

Э ды Е гласной букватне.

Диктантт.

Сережа эри Самарасо. Сынст кудонть вакска чуди Рав леесь. Эрьва валске Сережа яки школав. Сон пек вечки ловномо. Сережань кудосо ламо книганзо.

Менелень тюст.

Монень сехте пек вечкеви сэнь тюсось. Сон вастневи ломань сельмсэ, ведьсэ, менельсэ. Менельсэ те тюсось сехте мазый. Менелесь эрьва ендо невти сэнь тюсонть мазычинзэ.

Катка ды киска.

Велесэ Наста бабань ули катказо. Катканть лемезэ Барсик. Ушосо эри кискине Шарик. Барсик вечки налксеме кисканть марто. Сон кундси Шарикень пулонзо ды пилензэ эйсэ. Шарик ирны.

Валт жи, ши слог марто

(ча, ща, чу, щу слогтне).

Валонь диктантт.

1. Машина, вашине, тюжине, вишине, панжизе, ажия, тикшине, кши, веши, бажить.
2. Шивечь (портной), коршизе, ружия, ашине, капшиця, оршизе, экшине, кужине, пижине, унжине.
3. Чачомс, чаро, чурька, пачалго,  качамо, чувто, чапамо, чама, чуди, чаво, чудикерькс.
4. Чалгамс, чавомс, Ключагин Петр, копачамс, част, чакш, пичумарь, почаня, чопода, чавка (галка).

Диктантт.

1) Варма алашанть мазый вашинезэ.  2) Тюжине катка левкскесь таго кундась чеерь.  3) Кшись эряви ванстомс, сонзэ кастомазо пек стака тев.  4) Машинатне лездыть ломанентень эрьва тевсэ.

1) Кизна чипаесь псистэ эжди. 2) Шивечесь сты оршамопель.  3) Вирень ванстыцясь кудосо кирди ружия. 4) Чевте ашине ловось вельтизе моданть.   5) Тунда килеесь орши пиже оршамот.

1) Каткась шли чаманзо – учок инжеть.  2) Чудить чудикерькст. Жойнезь ды шалнозь вастыть сынь тундонь самонть.  3) Сексня чувтотнень лопаст ожолгадыть ды сэтьместэ каштордозь певерить начко моданть лангс.

1) Седеесь чави, теке молоткасо.  2) Мон чарькодинь, мекс покордымим авам.  3) Чурькась чапамо, но эйсэнзэ ламо витаминт. 4) Бути качамось моли витьстэ менельс – учок якшамот. 5) Петр Ключагин Мордовиянь содавикс поэт.

Е, Ю, Я букватне.

Валонь диктантт.

1. Ендол, юдма, юла, якшамо, ежов, елганя, якстере, ям, ян, ютамс, ямкст, евтамс, якамс.
2. Евкс, юр, явомс, яжамс, юртава, ярсамопель, юводема, ютыця, евтнема, якстерькай, енкс, ялга.
3. Каян, ваямс, сея, теемс, киякс, куяр, лия, наянчи (упрямство), зыян, пеель, сеель, саемс.
4. Сянго, селмот, тюжа, керямс, сексь, куця, сятко, текшке, серма, цеков, цянав.
5. Велямс, идиця, инязор, лемзер, сядо, конев, сюкоро, коня, сюкоро, тюс, цюрка,пандя.

Задания марто списываният.

Заданиясь: точкатнень таркас путодо смустень коряс ладиця Ё, Ю, Я гласной буква.

1. Мишань …лаксонзо лемезэ Коля. Вирень ванстыцясь …тась вирень пачк идем ракшань …ннэва. Бабам …втнесь тенек кезэрень пингень …вкс. Оля лездась сыре ломанентень …тамс кинь трокс.

2. Зэрькстась пурьгине, кивчкадсь …ндол, ушодовсь виев пиземе. Вармась течи пуви чилисема …ндо. Минек садсо кенерсть умартне, чувтонть лангсо теке мазый …кстере оскат. Сексня нармунтне туить лембе масторов, сынь пелить …кшамодо.

Диктантт.

Ялгат.

Коля сэреди. Ашти сон кудосо ды ваны вальмава. Апак учо вальмантень лиссь якстере шарик. Шарикесь нурсесь сурине лангсо. Те Миша ды Катя састь ялганть варштамо.

Умарькске.

Кудонть вакссо касы вишкине умарькске. Сексень варматне кармасть янгамо ды синдеме сонзэ. Оля баба стявтсь вакссозонзо палкине ды сюлмизе сонзэ. Истя умарькскесь ютавтызе якшамо теленть.

Гайгиця ды гайттеме согласнойтне.

Валонь диктантт.

Горнипов, кунсоломс, ванномс, фатямс, блудямс, паниця, давол, теште, жарт, шаштомс, сталмо, завод.

Выборочной диктантт.

Сермадынк ансяк сеть валтнэнь, конат ушодовить гайгиця согласной лангс.

1. Гала, сал, керькс, варма, пель, ки, моро, злыдарь, пиземе, вальма, дуля, талай (умок), бука, лезэ, тев, вайгель, тарваз, бизнэма, нула.
2. Ваз, тансть, гайтев, калаця, мацей, жольни, тол, вакан, кев, горнипов, шекшата, лисьмапря, зоря, кавал, нурдо, бодя, сакал, дива, шабра, рудаз.

Сермадынк ансяк сеть валтнэнь, конат ушодовить гайттеме согласной лангс.

1. Сабан (плуг), рисьме (цепочка), пряка, шанжав, санов, нужачи, прамс, чувома, начко, комоля, ливезь, ветиця, штюрьба, туема, рузава, костямс.
2. Понат, лазкс, сэдь, чумочи, норовава, толкаема, рунго, майсема, шумбрачи, руця, кундамс, покштя, бизнэма, санов, гигерь, кужо (поляна), тарваз, вадов.

Тест

Максозь валонтень кочкадо вал истя, штобу валтнэ ушодовольть парной согласной лангс. Примеркс: Тумо – домка.

        1.  Каштом – пандо, ташто, горнипов.

Тодов – сант, конев, давол.

Штире – сярдо, жомка, прамо.

Парсей – бойка, талай, шнамо.

Байге (капля) – тансть, панжомат, костямо.

2.  Домка – толга, сталмо, катка.

Виде – чуро, цопадемс, фатямо.

Галой – качамо, талакадомс, потамо.

Жойнема – сапонь, шабра, чивалдо.

Зепе – цюлка, палка, сэпев.

Калгодо ды чевте согласнойтне.

Валонь диктантт.

Сермадынк ансяк сеть валтнэнь, конат ушодовить чевте согласнойстэ.

1. Сеське, касомс, лемзеркс, пандо, ракша, лембе, рестамс, ризкс, толбандя, латко, цеков, тев, сардо, тикше, зепе, сасамс, цянав.
2. Сэтьме, зыян, сея, суре, ризномс, лездамс, лов, селмо, цюлка, сараз, давол, менель, цеця, сюлгамо, варма, дивамс.

Сермадынк ансяк сеть валтнэнь, конат ушодовить калгодо согласнойстэ.

1. Куля (новость), седямс, ваномс, пувамс, лезэ, лазовкс, сэрей, сиянь, налксемс, цопадемс, тов, нилькс, сув, нардамо.
2. Нузякс, тундо, цюцька, норов, нешке, томбавкс, нолдамс, ламбамо, теле, лавсь, толга, цитнемс, сырне, раужо.

Диктант.

Кудосо.

Тусть лембе масторов цянавтне ды письмартнэ. Садось чаво ды нусманя. Эйкакштне налксить кудосо. Миша арты сеель. Тюжа каткась Рыжик уды каштом лангсо.

Чевте знакось валонть песэ.

Валонь диктантт.

Сермадынк ансяк сеть валтнэнь, конатнень песэ ули чевте знак.

1. Каль, кал, стувтомс, чеерь, венч, сезевемс, кецить, туить, лопат, менель, атякш, ривезь, ведь, конев, сэнь, столь, кептерь.
2. Сексь, ялакс, путызь, валгомс, черть, ушодомс, ушодовсь, баягине, верь, ломань, касы, ливтясь, оршамопель, злыдарь, сэдь.
3. Пель, мель, парго, кедь, вирь, сельведь, лей, тенсть, нармунь, тейтерь, шивеч, вайгель, кель, сывель.

Диктантт.

Покштянь кедьсэ.

Яннэсь чии вирень пачк. Виресь пешксе нармунень мородо. Саша ды Ваня молить кудов. Церынетне якасть инжекс покштяст туртов. Сынст покштяст – вирень ванстыця. Эйкакштне лездасть покштянтень вишка туминень озавтнеме.

Тополень лопат.

Эрясть кавто тополень лопат шабрацек. Сеетьстэ сынь пелькстать кие эйстэст сехте кувать а пры тарадонть лангсто. Вана сась сексесь. Кавто шабратне севномадо сехте икелев ожолгадсть ды прасть чувтонть лангсто.

Туить яксярготне.

Сексень читнестэ пурнасть туеме лембе масторов яксярготне. Сынь кувать ливтнесть тиринь леенть, эрькенть велькска. Вана сынь пурнавсть виде кикскес  ды кармасть ливтямо чилисема енов. Менельстэ марявить сынст простнемань вайгелест. Курок ушоды чилисемась.

Чевте знакось валонть куншкасо.

Валонь диктантт.

Письмар, ведьгев, сельме, умарьчувто, верьгиз, пелькс, лисьма, кельме,  якстерькайть, ульма, эрьке.

Серьгедема, велькс, нуцька, сэтьме, чиньжарамо, вальмалкс, ульця, пильге,  чатьмонема, чарькодемс, кутьмерь.

Вельтявкс, видьметь, кальбуло, вирькужо, пурьгине, ковгерькс, медьгов, сырькай, мельспаро, пеедькшнема, ванькс.

Диктантт.

Раужо варакатне ливтить видьстэ пизэс – тундось карми улеме нурькине.

Бути рана тунда кивчкаи ендол ды пурьгине а маряви – учок коське кизэ.

Вирьсэ.

Валске марто сась вирев телесь. Вишка кузнэтне экшелясть ловсо. Неявсть ансяк текшкест. Менельга уйсь покш пель. Ды вана таго кармась певереме лов.

Якшамодо а пелить.

Чувтотнень лангсто певерсть лопатне. Виресь штадсь. Састыне састь якшамотне. Эрькесь вельтявсь чова эйсэ. Калнэтне пуромсть вейс ды тусть эрьке потмаксонтень. Тосо сынь а пелить якшамодо.

Азбукась (алфавитэсь).

Диктантт.

Якшамо.

Весь ульнесь пек якшамо. Ушосо ведесь теевсь эекс. Модась теевсь калгодо, прок кев. Чить кармась прамо пупиця лов. Ловонь ямкстнэ курок ацызь моданть. Тимка кискась кекшсь кудынезэнзэ.

Телесь сась.

Валске марто Таня лиссь ушов ды а лисеви. Веть моданть лангс прась лов. Крыльцянть вакссо сэрей ловонь шушмо. Перть – пельксэсь ашодояк – ашо. Кудотненьгак вельтинзе ловось. Ансяк турбатнестэ лиси качамо.

Ловонь шушмо.

Совась вирентень якшамговось. Ловонть ды якшамонть эйстэ ковгак а кекшеват. Вана сыре кузонть вакссо сэрей ловонь шушмо. Паряк, тосо уды овтось тундонь самс? Вирьсэ а куш, а каш.

Покш буквась лемсэ, тетя лемсэ, лемсэ ды фамилиясо.

Монь лемем …

Авань лемезэ …

Монь ялгам …

Сонзэ аванзо лемезэ …

Прякатнень панинзе …патям.

Книганть казизе …лелям.

Монь фамилиям …

Ялгань фамилиязо …

Диктантт.

Лездак нармунтненень.

Нармунтне – минек ялганок. Сынь ванстыть паксятнень, виртнень, пиретнень.

Тельня нармунтненень ярсамс а мезде. Сынь ливтить ломантнень кудотнень ваксс. Эйкакштне лездыть селмов ялгатненень. Петя Славкин ды Женя Малкин тейсть андомкат. Сынь эрьва чине каить тов видьметь, кши паморькст.

Кецямо.

Светлана Петровна Соколова эри Тамбов ошсо. Ошось ашти Цна леенть чиресэ.

Весть сонензэ сась серма. Нуцькатне сермадсть, што сынь эрить шумбрасто. Покшось – Игорь сермадсь сонсь. Костязь цеця кучсь Надюша. А те кинь артовксось? Те машинанть артызе вишине Павлуша.

Суворов.

Александр Васильевич Суворов чачсь Москов ошсо.

Вишине шкасто Саша сеетьстэ сэрелесь. Церыненть ульнесь мелезэ теевемс виев ломанекс. Эрьва валске сон тейнесь зарядка. Сон валнокшнось кельме ведьсэ. Якшамоне церынесь оршнесь шождынестэ. Виев пиземене Саша ардтнесь алаша лангсо.

Покш буквась ракшань лемсэ.

Валонь диктант.

    Сермадомс валтнэнь, конат ушодовить покш буквасто.

1. Буренка скалось максы ламо ловсо.
2. Тузик ды Шарик кискатне эрить ве кудынесэ.
3. Бутылкасто сими ловсо Орлик вашинесь.
4. Паргинесэ удыть Пушок ды Васька каткалевкскетне.
5. Варма алашась сими ведте.
6. Дружнасто эрить Барбос киска левксэсь ды Мурка каткась.

Диктантт.

Кузя.

Весть Камаев Иван Петрович кандсь кудов ривезь левкске. Ривезь левкскенть ульнесь пицнезь кутмерезэ ды лапазо. Эйкакштне Катя ды Витя кармасть ракшанть пичкавтомо. Ривезь левкэнтень макссть лем Кузя. Зярдо пичкась Кузя, кадовсь эрямо кудосо.

Васень лов.

Ютасть пиземев сексень читне. Менельга секе тев уить чопода пельть. Ды вана кармась певереме васень ловнесь. Чевте вельтявкссо копачасынзе сон виртнень, китнень ды янтнэнь.

Ушосонть а куш, а каш. Вана вирь чирентень лиссь вирень ванстыцясь Николай Иванович. Мельганзо чии чевте ловонть ланга Булька кискась.

Покш буквась масторонь, ошонь, велень, леень, ульцянь лемсэ.

Выборочной диктант.

Сермадомс ансяк сеть валтнэнь, конат сёрмадовить покш буквасто:

1. Московось–мазый ош. 2. Тонавтницятне якасть экскурсияв Болдинав. 3. Волгась ды Донось – покш лейть. 4. Лагересь ашти Алатырь леенть чиресэ. 5. Гагаринэнь лемсэ ульцянтень строить од школа. 6. Валя патям эри Самара ошсо.

Диктантт.

Минек лейтне.

Иссась чуди Мокша лейс. Мокша леесь канды ведензэ Ока лейс. Келей ды домка Ока леесь вастови Волганть марто. Сура лееськак пры Волгас. Мордовиясо улить лия лейтькак: Инсара, Алатырь, Нуя, Сарка.

Кизна минь якинек Дубки велев. Велесь ашти Ока леенть чиресэ. Минек ульнесь од венченек. Минь сеетьстэ уйнинек лейга венчьсэ, кундсинек калт. Калдо каванинек Тузик кисканть ды Пушок катканть. Сынь паро мельсэ ярсасть.

Крокодилдэ кежев.

Южной Американь лейтнесэ эрить калт, конатнень лемест пираньят. Сынст пеест пштить, прок бритват. Пираньятне кайсевить кудоютконь ракшатнень, ломантнень лангс. Сынь ловозь минутас эйстэст кадыть ансяк ловажат.

Бразилиясо пираньянть кундсить ярсамс. Сонзэ сывелезэ вельть тантей.

Справкакс валт: пиранья, Южной Америка.

«Чилисема» журналсто

Валось.

Диктантт.

Теле.

Вана сась якшамо телесь. Чевте ловось кекшизе моданть. Ушосо  аштить сэрей ловонь шушмот. Стака тельня нармушкатненень.

Юля ды Миша молить  вальмало килеенть ваксс. Сынь кандыть кши паморькст ды видьметь. Эйкакштнэ кармить нармунень андомо.

Артыця.

Мон ванан вальмава. Якшамось кадсь суликанть лангсо мазый артовкст. Вана тикше. Вана мазый цецят. Вана вишка нумолнэ кекшсь кузонь келей тарад ало. Парот якшамонть артовксонзо. Ансяк артовкстнэ весе вейке тюсонь – ашот. Лия тюсонзо якшамонть арасть.

Синонимть. Антонимть.

 Тест.

Кочкинк ды сермадынк антонимтнень максозь валтнэнень:

   Сэрей – вишине, покш, алкине;

   Чопода – маней, валдо, ашо;

   Сэтьме – елганя, лавшо, бойка;

   Чевте – лембе, тантей, калгодо;

   Панжи – пексты, чави, уски;

   Ванькс – рудазов, чопода, потмура;

   Кувака – алкине, нурькине, вишкине.

Диктантт.

Ашо вельтявкссо копачизе ловось весе моданть. Вирень кужотне ней теке валаня ашо страницат кодамо–бути покш книгань. Сат валске марто – ашо лангось пешксе сермадовкссто эрьва–кодат черькскеть, тешкскеть. Веть тесэ ульнесть эрьва–кодат вирень ракшат, якасть, лецтнесть, мезть–бути тейнесть. Кие ульнесь? Мезе тейсь?

                                 (В.Бианки)

Чокшнэнь само.

Бойкасто кармась чопотеме. Чоподась кекшизе менеленть чилисема енксонзо. Аламо шкань ютазь чоподась копачизе весе менеленть ды кармась раужкадомо. Раужось вельтизе весе моданть, чувтотнень ды кудотнень марто. Друк кирвазсть цильдердыця тештинеть ды лиссь покш сырнень ковось.

Кортамо. Текст.

Списываният.

Максозь валрисьметнень ладсинк мельга – мельцек истя, штобу лисевель текст. Лемдинк текстэнть.

1. Сон сайсь тарад ды панизе кисканть.
2. Весть Пушок удось крыльця лангсо.
3. Каткинесь тандадсь ды жалязь вайгельсэ мявкстнесь.
4. Булька кискась неизе сонзэ ды урнозевсь.
5. Костин Мишань ульнесь катка левксэзэ.
6. Крыльця лангс лиссь Степа.
7. Лемезэ ульнесь Пушок.

1. Церынетне андсть киска левксэнть ды налксесть мартонзо.
2. Весть сынь мусть киска левкс.
3. Церынетне эрить дружнасто.
4. Саша ды Миша ялгат.
5. Эйкакштнэ макссть тензэ лем Жучка.
6. Саша ды Миша саизь киска левксэнть кудов.
7. Сон пеняцязь цийнесь.

Списываният.

Точкатнень таркас путнинк эрявикс валтнэнь.

Куз.

Минь сокссо пачкодинек вирев. Тусь лов. Сон кекшинзе весе пильге чалгавкстнэнь вирень ракшатнень. Вирень кужосо аштесь …   . Минек ули меленек варштамс те  …  лангс.   …кепедевсь сехте сэрейстэ шабрадонзо.    …мазыйстэ витинзе эсензэ тусто тарадонзо.

Справкакс валт: сыре куз, бояраванть, сон, виев чувтось.

Точкатнень таркас путнинк эрявикс валтнэнь.

Овто.

Ушодовсть васень якшамотне. Чова ловне вельтизе моданть. …кувать якась вирьга.  …кецясь меельце маней читненень.   …вешнесь тарка берлоганень. Стака ломанентень тельня вирьстэ муемс  …  эрямотарканзо. Даволтнэ ды кандыловтне вадрясто вельтизь сонзэ. Телень якшамо шкасто  … уды. Сы тундось. Жойнезевить чудикерькстнэ.   …кадсы эсензэ телень удома тарканзо.

Справкакс валт: овтось, сон, вирень азорось, чирьпильгенть, покш ракшась.

    Путодо козонь эряви лоткамотешкс.

Кудосо.

 Ушосо пек якшамо(.) эйкакштне аштить кудосо(.) сынь кармасть налксеме школасо(.) покш патясь тонавты сазорканзо сермадомо(.) сазоркась паро тонавтницясь(.)  кухнясто качады тантей чине(.) аваст аноксты ярсамопель(.) тетяст сермады серма ялганстэнь(.) ялгась эри Москов ошсо.

Куз.

Школав усксть куз(.)  сон ульнесь сэрей виде(.) кузонть стявтызь ды урядызь налкшкесэ(.) весе неть налкшкетнень теизь сынсь эйкакштнэ(.) тесэ машинат, оскат, эрьгть(.) кузонь шишкатнень церынетне тапардызь мазый коневсо(.) Сема леля кузонть пряс ладясь теште.

Диктантт.

Ловонь баба.

Ашти телень чи. Певери шожда ловне. Чувтнэ оршазь ашо оршамосо. Эрькесь уды эенть ало. Эйкакштнэ налксить ушосо. Сынь теить ловонь баба. Сельмензэ раужо тонолнэть. Судозо – пурька, кургозо – чувтонь тарадсто. Паро ловонь бабась!

Предметэнь невтиця валт – существительнойть.

Валонь диктантт.

Сермадынк ансяк существительнойтнень.

1. Веле, кандомс, урок, няка (кукла), морамс, виев, паля, моро, мизолды, лишме, кши, каладо, шекшата, пелема, пенге, тикше.
2. Сюкоро, мизолды, каштом, кашторды, тарад, лопа, лазны, нимиляв, арты, машина, човори, оска, тундо, канды, письмар, ваны, чивалдо, пуло.
3. Ломань, тантей, ракша, туво, мурны, нармунь, панар, аварди, пряка, конев, ловны, пеште, кенкш, кочкт, эйде.

Диктантт.

Сярдо.

Ашо парсейсэ вельтязь паксятне ды виртне. Ловонть лангсо парсте неявить идем ракшань ды нармунень чельгть (следы).

Вана сярдонь пильге чалгавкстнэ. Сярдонть виевть пильгензэ ды сюронзо. Сон пек мазый. Ломантне ванстыть сярдотнень.

Ялакст.

Денис ды Леня - ялакст. Дениска тонавтни школасо. Сон машты ловномо. Леня яки садикев. Сонензэ вете иеть.

Клава бабаст макссь тенст книга. Церынетне кецить казнентень. Дениска кармась стихень ловномо. Леня кунсолось.

Телень налксемат.

Телень чи. Кудонть вакссо налксить эйкакшт. Ванюша строи пандо. Антоша кеверди ловонь оска. Сон карми тееме ловонь баба. Юлянь улить соксонзо. Сон вечки сокссо ардтнеме пандо прясто. Петя моли эй лангов. Сонзэ улить коньканзо.

Глагол.

Выборочной диктантт.

Сермадынк ансяк валтнэнь, конат невтить действия.

1. Соки, кал, види, ожо, кости, лазномс, теште, керямс, сермадызе, эмеж, касы, ванстан, сизесь, книга, чувны, онги.
2. Пиди, ливтясь, катка, валны, вадов, мявкстни, кочкамс, килей, казизе, цецят, кеверсь, строи, кстый, кортась, моли.
3. Ловинзе, раужо, пувась, пизесь, столь, оршни, вал, никси, панжизе, кшни, прась, пешксе, солась, чуди, севны.

Сермадынк ансяк глаголтнэнь.

Човорявкс.

Течи лисинь мон ушов,

Весе човорявсть прясом:

Алашат ливтить менельга,

Кискат чийнить чеерь мельга,

Кудотне паксят сокить,

Тувотне клубов якить,

Трактортнэнь эйсэ эрить,

Пелюмасо пенгть керить,

Чувтотне касыть пряст лангс,

Менель келес сравтовсть сакт,

Яксяргинесь менельбрясто

Модачуварт ертнесь састо.

(Герасимова Люда)

Сермадынк валрисьметнень истя, штобу лисевель евтнема. Муинк глаголтнэнь, тешкстынк кавто тешксэ.

1. Тосо эрясь кежей гуй.
2. Ванна каршонзо лиссь ривезесь.
3. Ривезесь ульнесь кежей ды вачо.
4. Нумолось тандадсь ды совиксэль норантень.
5. Нумолось чийсь кудов.
6. Кода оргодевсь сон гуенть ды ривезенть эйстэ, сонськак а соды.

Диктантт.

Ривезесь ярсась калдо. Ваксканзо мольсь вачо верьгиз. Сон вешсь калнэть ривезенть кедьстэ. Ежовось кучизе верьгизэнть леентень калонь кунцеме. Тосо превтементь пулось кельмесь эентень ды сезевсь. Верьгизэсь кадовсь вачодо ды пуловтомо. Истя ривезесь манизе верьгизэнть.

                                                              (Рузонь евкссто саевкс)

Журка.

Сексня минь муинек яксярго. Сонзэ ульнесь синдезь селмозо. Минь максынек тензэ лем Журка. Телень перть яксяргонть селмось пичкась, сон пурнась вий ды тонадсь ломантненень. Тунда веленть велькска ливтясть яксяргот. Журка тусь мартост.

Кавто сеят.

Вастовсть тея сэдне лангсо кавто сеят. Сэдесь ульнесь домка леень трокс. Кавонет сэдьганть а ютават. Кинень – бути эряви велявтомс. Сеятне пелькстасть кинень велявтома, мейле кармасть тостяеме. Эшкевсть конясост ды прасть кавонест ведентень.

                                 (Рузонь евкссто саевкс)

Прилагательноесь.

Валонь диктантт.

Сермадынк ансяк прилагательнойтнень.

1. Ожо, пижела, оршамопель, кшнинь, кежей, няка, ашо, сэнь, чокшнэ, мазый, чапамо, сэпей, вальма, чувтонь, сэтьме.
2. Сэрей, маней, певери, ламбамо, кочки, ванькс, пандо, якстере, салов, сеери, рудазов, покш, пиди, калгодо, кельме.
3. Алкине, пиципалакс, вишине, нусманя, чопода, овтумарь, лембе, чевте, мадемс, сыре, бойка, школа, стака, шождыне, кал, виев.

Максозь существительнойтненень кочкадо прилагательнойть:

1. Ривезь, ки, ям, кши, чурька, вирь, тумо, чи, ломань, варма.
2. Умарь, лов, киска, менель, цецят, нимиляв, оска, книга, пряка, сараз.
3. Евкс, куярт, вальма, нумоло, штюрьба, ведь, латко, лей, тикше, пакся.

Диктантт.

Тельня.

Моданть лангсо чевте лов. Пизелксонть лангсо тантей пизелт. Вирьсэ а куш, а каш. Тердизе нумолось варманть. Виев вармась лыкавтызе пизелксонть. Ловонть лангс прасть покш пизелт.Нумолось кеци. Ней пухляня ракшанть пекезэ пешксе.

Сокс лангсо.

Мон чиян вирьга сокс лангсо. Вана ловонть лангсо неявить пильге чалгавкст покш ды вишине идем ракшань.

Вана мон токинь пиче тарад. Лангстонзо прась чевте лов. Пиченть алдо ношкстась ве енов ашо нумолось. Паро вирьсэ тельня.

Тундо.

Эрьва ломаненть ули сех вечкевикс иень шказо. Мон весемеде пек вечкса тундонть. Сыть лембе масторсто весе нармунтне. Сынь горниповкс чоледить тундонь мазый вирьсэнть. Вармась пуви лембестэ. Коштось ванькс.  Чись пейдезь – пейди. Пиже парсейсэ оршавить чувтотне ды модась.

Вал юрось. Вейке раськень валт.

Тест.

     Муинк вейке раськень валтнэнь максозь валтнэнень.

     Пиле – пилекст, пильге, пелема, пилень, пилявкст, пилеть.

     Пеель – пей, пеельма, пейорма,  пеелень, пеельстэ.

     Чувто – чувтонь, чувномс, чувтот, човамс, чувтосто.

     Пря – прякине, прявт, прячерь, превей, прясонзо.

     Килей – килеень, келейгадсь, келемсь, килейбуло, килейстэ, киланго.

Диктантт.

Заданиясь: сермадомсто кочкадо вейке раськень валт тешкстазь валтнэнень

1) Чуварсто пикст а кодсить. 2) Чувтонть керясак – тарадтнэ сынсь прыть. 3) Вирев пенгть а усксить, лисьмас ведь а кайсить. 4) Рудазсо налксят – кедть пацькат. 5) Верьгизэнть лангсо понаськак верьгизэнь.

Чачома чи.

Катянь течи чачома чизэ. Юра лелязо казсь тензэ покш оска. Авазо казсь кукла. Тетязо казсь евксонь книга.

Налксесь Катя оскасо ды кадызе. Налксесь кукласо ды удомо мадстизе. Панжизе Катя книганть ды кармась ловномо.

Книгась – сехте паро казне!

Гайгиця ды гайттеме согласнойтне вал юрсонть.

Валонь диктантт.

1.   Кандса, чарькодсь, кузт, саразт, лазт, паргт, ривезть, мадсь, сыргозсь, крандазт, кедть, кежть, сэдть, пшкадсь, синдсь.
2.   Ледстямс, вазт, верьгизт, ривезть, кандсть, кузсть, пангт, эрьгть, кузтемат, рангстамс, сэдть.
3.   Пильгть, одс, валгсь, рангстась, чоподсь, визькс, лезкс, сеедьстэ, кепедсь, нолдтнесь, сянгт, кедть.

Диктантт.

Кавто атякшт.

Эрясть – аштесть кавто атякшт. Эрьва валске сынь стявтылизь велень эрицятнень. Одсто ладясть эсь ютковаст атякштнэ. Вана кассть – тейсть ды кармасть пелькстамо. Эрьва валске севныльть семс, зярс ярсамо а тердьсызь. Ансяк ривезькесь превиявтынзе шабратнень.                

                                                        (Мокшонь евкссто саевкс)

Колмо катка левкскеть.

Эрясть колмо катка левкскеть. Весть сынь совасть почт марто мешокс. Тосто лиссть колмо ашо каткинеть. Ушосо сынь несть ватракш ды кармасть кундсемензэ.  Ватракшось совасьташто содов турбас. Каткинетне мельганзо. Турбасто лиссть колмо раужо каткинеть.

В.Сутеевень коряс

Верьгиз левкс.

Те иестэ тельня вирьсэ пек ламо верьгизт. Весть тетям кандсь верьгиз левкске. Эйкакштнэ телень перть андсть эйсэнзэ, вадяшасть. Ансяк верьгиз левксэсь ломаньс кодаяк эзь тонадо. Тундонтень верьгизэсь кассь, валакадсь.Кизна кардазсто кармасть емамо саразт. Мейле емась верьгизэськак. Сон оргодсь вирев.

Предложениясь  (валрисьме).

    Максозь валтнэнь сюлминк валрисьмес.

1. Ули, катказо, Мурка, Романь;
2. Аноксты, пешть, теленень, урось;
3. Сеельнесь, яннэнть, вишине, лангс, лиссь;
4. Симеме, вечки, чай, бабам;
5. Сярдо, моли, виев, леентень;
6. Ало, учить, нумоло, аваст, левкскетне, куракш;
7. Каштордыть, коське, сеельтне, потсо, тикшенть;
8. Удало, касы, кудонть, пиче, сыре;
9. Жольнить, килей, чудикерькст, вирьсэ.

1. Кизна, сеетьстэ, вирев, эйкакштне, якить;
2. Панжсть, куколокшотне, вирьсэ, мазый, тундонь;
3. Ривезькенть, тюжа, покш ды мазый, пулозо;
4. Учить, виресь, пиземе, паксясь, ды;
5. Вармине, юткова, пуви, шожда, чувтнэнь;
6. Уи, стака, менельга, пель, пиземень;
7. Тантей, медь, мекштне, кандыть;
8. Лемезэ, минек, Рыжик, катканть.

Валтнэнь сюлминк валрисьмес истя, штобу лисевель евтнема:

Калонь кундсиця.

1. Саня лелям, кундсеме, калонь, сеетьстэ, яки.
2. Сон, ульмасо, кундамо, вечки.
3. Банкас, кайси, калтнэнь, кундазь.
4. Авам, штюрьба, чокшне,пиди.
5. Каткась, ужинамс, Васька, калнэть, учи.

Паро важодема.

1. Пенгть, ды, пилить, тетям, Толя лелям.
2. Сынст, Коля, лазны.
3. Люся, ды, кантнить, Таня, латалов.
4. Ды,авам, пидить, бабам, обед.
5. Важодить, весе.

Скобкасто кочкинк ды сермадынк эрявикс букватнень истя, штобу валрисьменть смустезэ илязо колаво:

1. М(и, а)ша вечки налксеме някасо (кукласо). Сон ст(и,ы) тензэ эрьва кодамо оршамопель. Куклантень сон макссь лем Юл(а, я).
2. Вирьсэ минь неинек (с, п)еель. Минь кандынек сонзэ (к,с)удов, (с,к)аинек тензэ ловсо, максынек кши. Ансяк (с, п)еелесь мездеяк эзь ярса. Савсь кандомс одов (п,в)ирев.

Валрисьметнень ладсинк мельга – мельцек истя, штобу лисевель евтнема:

Идезь письмар.

1. Сережа виевстэ рангстась.
2. Кургсонзо Васька кандсь письмар левкске.
3. Письмарось стакасто лексесь, каткась пек мерькизе сонзэ.
4. Курок нармушкась пичкась, Сережа нолдызе сонзэ ульцяв.
5. Сережа панжизе кенкшенть, кудос совась Васька каткась.
6. Каткась кадызе нармуненть.
7. Церынесь путызе письмаронть клеткас.

Ава ды тейтерезэ.

1. Олянь авазо середи.
2. Варштась тейтерьканть лангс авась, ды пейдезевсь.
3. «Авай, максык монень, мон симса сэпеенть» - мерсь сон.
4. Олянень жаль марявсь авазо.
5. Валске марто сакшнось врачось.
6. Курок авась пичкась, паряк, тейтерензэ вечкемась лездась.
7. Сон кунсолызе аванть ды путсь столенть лангс сэпей ормаменькс.

Ладсинк валрисьметнень мельга – мельцек истя, штобу лисевель евтнема, максодо евтнемантень лем.

(Превтеме сея.)

1. Сеясь скокадсь лисьмантень.
2. Ривезенть сась симемазо.
3. Ривезесь ледстясь сеянть лангс ды лиссь лисьмасто.
4. Озась сон ведрас ды валгсь лисьма потмаксонтень. Симеманзо явавтызе.
5. Мольсь лисьманть вакска сея. Тердизе сонзэ ривезесь.
6. Одов лисьмасто ривезьке а лисеви, ашти, мелявты.

                                                                        (Рузонь евксонь коряс)

Сермадынк евтнеманть, путнинк лотксематешкстнэнь:

Тундо.

Манейстэ ваны моданть лангс чись ловось солы аварди телесь  леенть лангсо синдевсь эесь вана леентень лиссь сярдо левкскензэ марто виренть велькска ливтнить нармунть гайгевстэ вачкои чувтонтень шекшата лиссь вирькужонтень нумолнэсь весе нармунтне ды ракшатне кецить тундонтень ды лембентень.

Диктант.

Венчке.

Сась лембе тундось. Читне аштить манейть. Крышасто сеетьстэ петнить ведьбайгетне. Чинь налтнэ налксить эрьва ведьбайгинесэ. Тарад лангсо покшолгадсть пургондавкстнэ, курок эйстэст лисить лопинеть. Шольнезь чии чудикерьксэсь. Никитань кедьсэ венчке. Сон нолдызе венченть веденть лангс. Бойкасто канды ведесь венченть эйсэ.

Подлежащей.

Списываният.

Ладсинк валрисьметнень мельга – мельцек истя, штобу лисевель евтнема. Арседе евтнемантень лем.

1. Верьгизэсь сынст кундынзе. (8)
2. Кавто ревелевкст лиссть стадасто. (3)
3. Верьгизэсь мерсь тенст а кунсоломс аванть. (5)
4. Ревень стада якась виренть вакска. (1)
5. Сыре ревесь кармась мелявтомо, тердинзе сынст. (4)
6. Стаданть мельга якась вачо верьгиз. (2)
7. Реве левкстнэ кармасть чийнеме паксянть келес. (6)
8. Сынь тусть васов стаданть эйстэ. (7)

                                                / Л.Н.Толстоень коряс. /

Валтнэнь сюлминк валрисьмес истя, штобу лисевель евтнема. Максодо евтнемантень лем.

1. Тея, вирев, яннэсь, вети.
2. Налтнэ, налксить, чинь, ведьбайгетнень, валскень, эйсэ.
3. Эрьва – кодамо, панжовить, каршо, чинть, цецятне, тюсонь.
4. Коштось, чинеде, цецянь, пешксе, тантей.
5. Велькссэ, марявить, гайтев, нармунень, виренть, моротне.

Диктантт.

Идема.

Тейтернетне анокстасть урокт. Друк марясть ушосто рангома. Сынь каявсть вальмантень.

Селтось ульнесь кельмезь. Куншкасонзо ведьсэ озясть колмо вишка церынеть. Сынь кундсесть эентень. Эесь жо синтревсь.

Тейтернетне лиссть ульцяв. Чийсть селтонтень. Пеке киське лангсо пачкодсть ведентень. Вейке омбоце мельга таргизь эйкакштнень.

Заданиясь: муинк подлежащеенть васенце ды колмоце валрисьместэ, черькстынк алга вейке черькссэ.

Кши.

Минек кельсэ ламо валт. Но васенцекс ашти кши валось. Арась моданть лангсо седе покш тев, кода шкастонзо ёртомс модас видметнень ды шкастонзо урядамс кенерезь сюронть. Ламо валмеревкст арсезь кши ланга. А кодатт содатадо тынь?

Килей.

Вирь чиресэ касы сэрей килей. Шекшатась вешнесь сукскеть ды пельсь килеентень варя. Тосто лиссь ламбамо килейведь. Шешатась симсь килейведте ды тусь. Килейведесь кармась чудеме килеенть ланга. Састь озязтнэ. Кармасть ливтнеме килеенть перька нимилявтне. Састь коткудавтнеяк. Весень каванинзе тантей ведьсэнзэ килеесь.

Сказуемой.

Диктантт.

Он.

Уды Маша ды неи мазый он. Моли сон тусто вирьга. Ваны – ашти эень эзем лангсо Якшам атя ды ловонь покольнеть ярсы. Тердизе сон Машань кудозонзо. Кудось Якшамонть эень. Цитнить ловонь тештинеть. Удома таркасонзо тешаконь (матрац) таркас аштесь пухляня лов.

                                                                          В.Одоевский

Кие кода ловны.

Телень книгасо эрьва вирень эрицясь сермады эсензэ сермадовкссо. Ломантне тонавтнить чарькодеме неть сермадовкстнэнь сельмсэ. Кода эно ловнома, бути аволь сельмсэ?

А вана ракшатне ловныть судосо. Кискась никсесы букванть телень книгасто ды чарькоди, кие тесэ ульнесь. Ракшатнень судост а манчеви. Вадрясто чарькодьсы кинь те пильгечагавксось.

Вастовсь Од иесь. Надя каявтынзе налкшкетнень кузонть лангсто ды ливтизе вишкиненть ушов. Кузось ульнесь коське, салмукскетне певерсть ловонть лангс. Надянень жаль марявсь кузось. Тейтернесь стявтызе сонзэ ловонть потс. Таргонь ютазь кузонть эйстэ кадовсь ансяк голой коське палмань. Надянь ули мелезэ тунда озавтомс од кузнэ. Кадык касы кузось!

Предложениясо валтнэнь сюлмавомась.

Диктантт.

Тундо.

Сась тундось. Солась ловось. Леенть лангсто эесь лазновсь ды стамбаро уи веденть ланга. Састь лембе масторсто нармунтне. Грацтне уш анокстасть пизэть. Письмартнэ совасть мелень кудынезэст. Эйкакштнэ весе лиссть ушов. Сынь налксить чинь лембе налтнэнь каршо. Весе кецить тундонтень. Коштось пешксе васень цецянь чинеде.

Тунда.

Сась лембе тундось. Аштить маней чить. Шольнезь чудить чудикерькстнэ Венсти лопинензэ чинть каршо валдо – пиже тикшинесь.

Тонавтницятне састь вирев. Тесэ морыть нармунтне. Сынь састь лембе масторсто тиринь енксов. Люба ды Оля пурнасть васень цецянь пусмот. Сережа, Коля ды Саша налксить клексо. Весе кецить лембентень.

Минек велесэ ламо письмар кудот. Састь тиринь енксов нармунтне. Сынь урядызь мелень пизэтнень. Письмартнэ озасть вальмало пизелксонть лангс ды кармасть морамо. Мон бабань марто вечкан сынст кунсоломо. Письмартнэ ливтнить шабраст туртов инжекс. Кизна сынст кармить улеме левкскест, сынь кармить кандомо кудотненень ярсамопель, андомо левкскетнень.

Евтамо, кевкстема, сергедема ды пшкадема.

Диктантт.

Пушкин.

    Александр Сергеевич Пушкин – рузонь содавикс поэт. Сонзэ содасы весе масторось. Сон чачсь Москов ошсо. Пушкин сермадсь ламо пек паро стихотвореният ды поэмат. Минь эйкакшшкасто вечксынек Пушкинэнь евксонзо. Минь ловнынек евкст Руслан ды Людмила ланга, Салтан инязоронть ланга ды ламо лият. Кодат произведеният А.С.Пушкинэнь ловныде тынь?

Кавто сеят.

    Теине яннэнть лангсо вастовсть карадо – каршо кавто сеят. Ве ендо стенакс аштесь сэрей пандо. Омбоце ендо ульнесь домка латко. Мезе теемс тесэ сеятненень? Сынь кувать арсесть кода улемс. Мейле вейкесь мадсь моданть лангс. Омбоцесь састыне эскельдясь вельксканзо. Истя сынь ютасть тея яннэва ды эрьвась тусь эсензэ киява.

Сеель.

    Чопода веть сеелесь якась вирьга. Несь инзей ды поводизе салмуксонзо лангс. Ведьсэ несь тештине. Сонзэ сеелесь вельтизе пиже лопинесэ.

    Сась валскесь. Сеелесь мольсь ведентень ды саизе лопиненть. Ведьстэ тештиненть таркас сееленть лангс вансь чинь валдо налтось. Вана ракась сеелесь!

Яксярго.

    Эйкакшт, течи кортатано яксяргонть ланга. Яксяргось – ведень нармунь. Сонзэ рунгозо теезь истя, што сон кирди яксяргонть ведь лангсо. Яксяргонь пильгтне аштить седе маласо пулонтень, секс молемстэ сон курок сизи. Ведь лангсто кундамс сонзэ пек стака. Яксяргонть толганзо ваднезь ойсэ, секс сон а начки.

Минек виресь.

    Веленть удало покш вирь. Эйкакштнэ сеетьстэ якить вирев пангс, мастумарь ды пеште мельга. Вирьсэ ламо яннэть, ламо вирень кужот. Эйкакштнэ вадрясто содасызь виренть. Тельня сынь тейнить андомкат нармунтненень ды уртнэнень. Минек вирьсэ эрить сярдот, нумолот, ривезть, сеельть. Виресь мазый иень эрьва шкасто.

Иень перть ютазенть мельс ледстямо.

Диктантт.

Вирень казнетне.

Виресь анды ломантнень, ракшатнень, нармунтнень.

Ломантне вечкить якамо вирев. Сынь кувать якить вирьга, вешнить пангт, кистойть, инзейть. Вирьстэ ломантне кандыть пешксе кептерть вирень казнеть.

Урось теленень кости пангт. Сеелесь аноксты умарть. Нармунтне ярсыть чевгте. Весень анды сюпав виресь. Ракшатненень ды нармунтненень максы сон удома, эрямо тарка.

Эйкакшт, ванстодо виренть!

4 класс

ОМБОЦЕ ДЫ КОЛМОЦЕ КЛАССО ЮТАЗЕНТЬ МЕЛЬС ЛЕДСТЯМОСЬ

 Кортамось. Текстэсь. Предложениясь. Валонь сюлмавксось. Валось.

Диктантт.

А евтави, кодамо виресь кизна мазый. Тесэ касыть эрьва кодат чувтт: пичеть, килейть, тумот, укшторт, пекшеть, пойть ды ламо лият. Те шкастонть сынст прясост пиже пацят.

Вирьсэнть истя жо ламо кстыйть ды лия ягодат. Тесэ эрить ламо идем ракшат ды нармунть. Кизна эрькентень валгонить идем галат, мацейть. Сынст эйсэ кияк а тандавтни Пштистэ вансты тесэнь сэтьмечинть Сашань тетязо.

Вирьсэ коштось ванькс. Секс тесэ ламо лагерть ды оймсема кудот.

«Саша» евтнемасто саевкс                                   Ф.Макаров

Пувазевсь варма. Сон прок косто–бути менсь. Стакасто укстазевсь вальмало сыре калесь, кувсезевсь пире кенкшесь. Вармась ютась ульцянть кувалт, кинть ланга кепсесь пулень даволт, кандсь моданть ежова олгинеть, коське тикшинеть, конев панкст. Варма коволось куроксто ютась ды теевсь одс валдо ды сэтьме. Мон варштынь шабрань кудонть енов ды абунгадынь: удалце кудонь вальмась панжадоль. Напустинь седе курокке вальманть пекстамо. Кирнявтынь вальмаванть кудос. Тесэ уш якасть азорокс кавто саразт ды атякш. Эль кшувавтовсть.

«Кши печть» евтнемасто саевкс                         В.Алтышкин.

 Алфавитэсь

Диктантт.

Вирень ялгат.

Иень перть минек школань тонавтницятне ванстыть виренть. Од иень покшчинть каршо ванстыть кузтнэнь, пичетнень керямодо. Сядодо ламо вирень пиже  эрицят идесть сынь юмамодо. Тунда ванстыть ашо мазыйкатнень килей ведень вечкицядо.

Вирьсэ касыть ламо од чувтынеть. Неть чувтынетнень озавтызь нама сынь, вирень ялгатне. Чувтынетне иень перть кассть, виевгадсть. Паро ваномс лангозост вирьга яксезь. Мазыйть минек виртне. Ванстодо сынст мазычинть!

Сыредсь Захар, сыредсь… Чама умартне  тусть потс ды човалгадсть, вить кедеськак теевсь а кунсолыцякс – тар–тар сорны. Чертне ашолгадсть ды чурокстомсть.

Аволь умок пелькстасть Проска сырькаенть марто: кие эйстэдест седе сыре. Лиссь – Захар. Сонензэ кавксоньгемень вете иеть, Просканень ансяк кавксоньгемень колмо…

Кизэ Микелань чистэ атясь апак учо ормалгадсь, ды церазо ускизе больницяв. Натой куля тусь: Захар сэреди стака ормасо, секень вант а пички…

«Покштянь туртов штюрьба» евтнемасто саевкс                      В.Арапов

Списывания.

Кизэнь пиземе.

Ульнесь кизэ. Читне аштесть пек псить. Псинть эйстэ мик ожолгадсь тикшеськак. Вирь кужованть састыне лекстась вармине. Марявсь гайть. Те шабрасо вирненть удало зэрькстась васенце пурьгине. Чопода пелесь састыне уйсь вирненть велькска ды копачизе чинть. Молицятне пелезь ванность пеленть лангс. Чопода менельсэ кивчкадсь ендолось. Стакасто зэрькстась весе перть пельксэсь. Ушодовсь пиземесь. Сон яла виевгадсь. Молицятне чийсть ванстыцянть кудонтень. Кудонь вельтявксонть лангсто чудесть чудикерькст. Начко модась теевсь экше. Пиземесь энгамсь ансяк чокшнэ.

Гласной ды согласной гайтне

Диктантт.

Вирень школасо.

Кизна мон ульнинь вирень школасо. Школась ульнесь покш чувтонь кудосо. Кудонть удало кассь килеень роща. Тосто веть марявсь покш пря коршонь вайгелесь. Весть минь рощасо неинек покш сыре чувто. Чувтонь ундосо ульнесь покш пря коршонь пизэ. Пизэсэнть ульнесь левске. Минь саинек сонзэ ды кандынек школав. Омбоце чистэ сась  покш пря коршось. Сон валгсь килеенть лангс ды кармась састыне пижнеме – тердеме левксензэ. Минь нолдыник нармушканть  аванстэнь.

Салыця.

Минь эзинек сода кода кундамс те катканть. Сон салась эрьва чокшнэ  ды маштсь парсте кекшнеме. Катканть ульнесь сезезь пилезэ ды нурькине пулозо. Сон салась эрьва мезе: калт, сывель, велькс, кши. Весть салыцясь совась мацтов ды салась тосто покш окунть. Минь снартнинек кундамс те разбойникенть. Чокшнэ каткась салась столь лангсто покш пал сывель ды кузсь килеенть пряс. Минь карминек килеенть сорновтомо. Каткась правтызе  сывеленть. Сон вансь лангозонок ды мявкстнесь.

Калонь кундамо.

Течи Саша стясь рана, саизе ульманзо ды Кинга марто сыргасть Сюря эрькентень калонь кундамо. Церынесь озась килей алов. А куш, а каш. Ансяк сеськтне секе тев сусконить.

Эрькенть куншкава уйнесть кавто идем яксяргот левксэст марто Сынст вакссо уйнесть Саша мезень кавто мацейтне. Перть пельга морасть цековт. Кодамо паро сынст кунсоломась истямо шкане мазый эрьке чиресэ!

Апак учо эрькенть ендо каятотсь вейке омбоце мельга ружиянь зярыя ледемат.

«Саша» евтнемасто саевкс                                Ф.Макаров

Найда ды  ур

Кизэнь лембе чокшнэ. Ванёконь тетязо сась вирьстэ аламодо сизезь, сельмензэ ялатеке кеняр…сть, турванзо мизол…сть. Кустембесэ сон виев кедьсэнзэ кундызе вете иесэ церынензэ, кона лиссь каршонзо, кепедизе верев ды кутмордызе. Палызе чамас ды стамбарнэ нолдызе масторов. Лавтовбрястонзо менстизе кескавнеть ды таргизе Вирявань казненть. Те ульнесь пондакш пуло урлевкс. Сон раужо эрьге сельмсэнзэ ваннось кавто пелев, пикстер…сть пильгсэнзэ, терявтнесь менемс. Ванек састыне саизе урлевксэнть тетянзо ке…ьстэ ды кармась вадяшамонзо.

                                                  Шукшин Иван (Маризь Кемаль)

Нармунень пизэ.

Минь молинек вирень янга. Апак учо куракш потсто ливтясь нармунь ды кармась ливтнеме минек велькска. Сон тандадозь цикнесь. Минь састыне явинек куракшонь тара…тнэнь. Куракш потсо ульнесь нармунень пизэ. Минь сонзэ эзинек тока. Пизэсэ ульнесть левкскеть. Сынь ульнесть вишинеть, толгавтомот. Минь эрьва чистэ сакшнынек пизэнтень ды нармунтне тона…сть тенек. Мейле левкскетне кассть ды кадызь пизэнть. Кизэсь прядовсь, минь туинек  ошов,  ансяк сее…ьстэ мелезэнек леднесь кизэсь ды нармунь левскетне.

  Чевте ды калгодо согласной гайтне.

Диктантт.

Ведьлукш.

Аштиця ведь лангсо, теке кораблят ашо парус  марто, нурсить цецят. Те дивань цецясь – ведьлукш. Лиясто тензэ мерить ведьбаяга.

Зярдо сы чокшнесь ды кизэнь чипаесь кекши менельгирьксэнть экшс, лиси тамаша. Ашо лопинетне пурнавить, цецясь пекстави, кувака нетьксэсь тапардави кеме кирьксэс ды усксы цецянть веденть потмаксс.

Чилисеманть марто цецясь одс лиси веденть потсто. Истя эрьва чистэ!

Ведьлукшотне эрявить ванстомс, сынь кадовсть пек аламо.

Вирень палома.

Кизэ. Пси. Вирьсэ а лекставаткак псинть эйстэ. Вирькужосо коськи тикшесь, лопатне, пичень салмукстнэ, нупонесь. Весе те, мерят, курок сыреми. Виресь сеетьстэ палы.

Ламо зыян канды вирень паломась. Сеске сыремить чувто ало коське тарадтнэ. Толось бойкасто кузи алце тарадтнэнь эйстэ чувто прятненень. Емить тикшинетне, чувтнэ, куракштнэ, кулыть нармунтне, вирень ракшатне.

Виресь кирвазекшны ендолонь леднемадо. Сеетьстэ вирень кирваземасо чумовт ломантне. Ванстодо виренть! Илядо налксе толонть марто.

Валонть песэ ды валонть куншкасо чевте знаконть путнемась.

Диктантт.

Пуло.

Мезекс эряви пулось ракшатненень? Лыйни удало – паряк меши? Ракшатненень пулось пек лезды. Лиянтень сон лезды уемстэ теке миле ды эрявкшны зыянонть ланга евтамсто. Алашантень ды скалонтень сон лезды каровонь пансемстэ. Вана мезе–бути кундызе метьказонть пулодо, секень вант сэвсы. Метьказось кадызе пулонть ды ношкстась ве ёнов. Курок тензэ касы од пуло. Кискась яхои цулосонзо – кеци азоронстэнь. Катканть пулозо пондашкадсь – тандадсь мезде–бути.

Пулось лезды ракшатненень ваномс пертьпельксэнть, туемс кудсицянть эйстэ, зыяндо ёвтамсто.

Мазый вирьгал.

Вирьгалось (язь) – пек мазый кал. Варштат лангозонзо – теке головня енов моли, мейле фатят: арась, сон лията. Головнядонть седе келей, лукшонзояк а истят покшт. Виде, пекеалксозо, кода головнянтькак, якстердть мериця, пулозояк якстерди. Вирьгалонть сельмензэ тюжалат, аволь сермавт–ашот. Головнясь келей коня, кургозо варьгашка. Вирьгалось седе урядной. Теке марто,вирьгалтнэ чуросто понгонить – эйстэдест пек аламо. Минек лейтнесэ покш вирьгалт а эрсить. Книгасто–косто ловнат – икеле кундсекшныльть пель пондонь сталмошкат.

                                                                В.Лобанов

Списываният.

Варма ведьгев.

Кулянь Петя зяроце чи мельцек учи варма. Валске сыргози – ды кунсолы… Каштом турбасо каштмоли. Ушосояк мезеяк а маряви. Школав Пакся пен…ть удалга пандынен…ть прява молемстэ, уроктнень юткстояк кустембрясо нусмакадоз… яла ваны варма вед…гевен…ть ёнов. Сёлмонзо кода аштесть – истяк кадовсть стайсэст. Венел…ксэсь якшамо ды сэтьме. Коштось зэхел…т… а теи, теке кел…месь лейсэ эй.

Зярдо цёракаесь велявты кудов, эряскалезь ярсы – теи  ды сеске ушоды кудоютксо важодеме… Ды секе тев педязь педякшны вал…минен…тень

Вен…берть аламодо сувтнесь пиземе, кин…ть лангсто пулен…ть мацтизе, ды коштось кармас… улеме ван…кс. Чилисема ёнксось якстер…гадсь. Чис… алтни улемс манейкс.

Вайгел…бешкань ютазь пачкодинек вирен…тень. Яннэва лисинек просекентень. Мон те таркант…  нучк–пачк содаса, теке вете сурон. Керш ёно аштес… кужо. Вишка пингестэ тезэнь сакшнынь а весть алашан… ваномо, ды уцинек толбан…дя вакссо.

Паряк, муеви се таркинес…? Арас…, вешнемам стяко ёмась: шкас… сонзэ лиякстомтызе. Виренть китнева зярдо – бути якил…т… ансяк алашасо, ней сынь весе чувноз… тракторон… машинан… чаросо.

Валонть составозо

 Раськень валт. Валонь юрось.

Веньберть чикордсь вирьсэ чувтось. Вармась шалнозь ертневсь текшкенть лангс, прок покш толкун. Чикордсь сыре чувтось эсензэ чувтонь эрямодо. Мон матедевинь.

Сыргозинь мон каштмолемадо. Вармась лоткась. Чатмонсь чувтоськак. Кармась марявомо мек кода певерить кузонть лангсто коське салмукскетне. Апак учо чувтось ушодсь морамо!

Васня састо, пелезь, мейле седе пек, гайтевстэ. Гайтне мольсть чувтонть потсто.

Эрьва содамоевксонть – эсензэ муевксэнзэ. Чувтосо – ундо, ундосо – пизэ, пизэсэ – шекшата левкскеть.

                                                                        Н. Сладков

Ривезь.

Ривезесь – идем ракша. Сон кундси чеерть, нумолот, идем яксяргот. Лиясто ривезесь салси саразт ды ципакат велестэ. Но сехте паро ривезенть ярсавксось – вирень чеерть. Теньсэ ривезенть лезэзэ – сон машты вирень чеерть. Вирень чеертне теить покш зыян кшинь паксясо. Телень чокшнэ ривезесь уды вирень куракш ало. Ривезесь а чуви эстензэ норат, лия ракша ладсо. Тельня сонзэ эжди мазый лембе шубазо. Тень кисэ сонзэ сеетьстэ маштыть браконьертнэ. Кизна ривезесь каи пона , ды сонзэ оршамозо тееви пондакш, амазый.

 Валонь песь.

Диктантт.

Кись коцтонь каладыця ашкокс кеверсь вирьс. Сонзэ эйс мельга мельцек чопавтсть машинатнеяк. Кавто енга аштить пиже пря сэрей пичетне. Виде, елганя рунгост истят, мик неявить чинь ламо чевекс, конат венстявсть менельстэнть ды пезнасть модантень. Домкасто арсезевезь, евксонь алякс, аштить эчке рацяня тумотне. Ардыця машинатнень лангс чатьмонезь ве ендо ваны пойбуло. Лопатне натой те сэтьмешкастонтькак аламода сорныть – либордыть, ожолдыть. Явить тарадтнэнь пестэ ды велязь – чаразь прыть кинть чирева касыця пиже тикшенть лангс.

«Васоло ки лангсо» повестьстэ саевкс                                  И.Калинкин

Рав чиресэ.

Весь копачизе станциянть раужо шершавсто. Церынетнень сельмест кармасть конявомо. Сынь эзть фатяяк, кода чиремсть чувтонь эзементь лангс ды матедевсть.

Кизэнь весь нурькине. Ютась курок. Валске, зярдо лиссь чись, церынетнень стявтынзе дворникесь. Сон лиссь садтнэнь урядамо ды тосто панинзе.

Колмо оятне сыргасть чамаст шлямо Рав лангов. Тосо, келя, экшелятано ды сыргатано маласо велев. Валскень экшеванть шождаль чиемась. Равонть чиресэ кайсизь нуласт – валаст ды, бульдор! ведентень. Ванькс Равонть ведезэ, чиресэ сон аволь домка. Пильгеть ало песок. Экшеляк, укшнок – зяро мелеть. церынетне пулькасть лейсэнть талайс, кельмемазост. Мейле лиссть ведьстэнть, кармасть чийнеме.

«Равонь трявкст» повестьстэ саевкс                В. Радин – Аловский.

 Суффикс.

Диктантт.

Кода чары модась?

Мекс  чинть полавтнесы весь, мейле таго сы чись? Мекс эрси валске, чикуншка, чокшне, ве? Мекс эрси тундо, кизе, сексь, теле?

...Вансынек, мекс полавтневить иень шкатне. Модань  чарось вели аволь ансяк эсь петькелензэ пертька. Сон чары Чинть пертькаяк. Те кинть сон ютасы колмосядт кодгемень вете (364) чис. Зняро чить иенть кувалмозо? Зярдо чинть пелев велявтозь Моданть Пелевень енксонзо – тосо седе валдо ды лембе, лиякс меремс, кизэ. Каршо енксонть эйсэ те шкане теле.

«Чилисема» журналсто

Граць.

Мон пек дивинь, зярдо неинь эсень комнатасо граць. Сон совась тень инжекс вальмава, озась столь лангс ды веши ярсавкс. Те селмов инженть содасызь весе ульцянь эйкакштне. Сон совси вальмава эли кенкшка ды овсе а пели ломанде. Сон сови кудос ды ушоды варномо. Эйкакштне чарькодить – нармуненть вачсь пекезэ. Сеетьстэ нармунесь васты эйкакштнэнь ушосо ды озы лавтов лангс. Церынетне каванить сонзэ кшиде. Те грацесь а тукшны лембе масторов, сон теленьберть эри теске.

 Существительноесь кода кортамо пелькс.

Диктантт.

Покш Кечепуло (евкс)

Умояк умок те ульнесь. Сестэ лемпаксянь мештнева кассть сэрей тикшеть, мазыйстэ панжтневсть цецятне, пиже виртне явнесть мекев – васов эвтниця варматненень кувака евксост. Лейтне пешксельть калдо, вирьга стадасо арднисть идем ракшат, менельга поксо ливтнтсть нармунть.

Ломантне илейстэ кодазь кептерьсэ кундсесть калт, чувтонь налсо чавность ракшат, ярсасть толбандя вельксссэ рестазь сывельде, кедьсэ стакшность чевте ды лембе шубат. Эрясть пандочамава чувнозь латкова. Тозонь ацнесть тантейстэ качадыця тикшеть. Эзть сода нужат – горят.

                                        Г. Пинясов  (Н Ишуткин)

Яла пувить ды пувить якшамо варматне. Модась кельмесь кшникс. Лов эзь пра. Китнень лангсо эйгажа. Раужды весе перть пельксэсь. Те тюссонть натой эрямоськак а неяви. Сон прок лоткась. Ашти вирьсэ, паксятнесэ, Пьянанть чирева лугатнесэ.

Кельмевкс моданть эйстэ моли кельме калгодо кошт. Чатьмони натой Пьянаськак, тесэнь таркатнень сехте паро мазылгавыцясь. Леенть баягинень вайгелензэ лепштизе эчке эесь , кона сиякс щивторды а эждиця чинть каршо. Сумбурга шкастонть сонгак а цитни, вельтявкшны нусманя  тюссо.

«Кискань эрямо» повестьстэ саевкс                        И.Калинкин

Кечай

(кезерень шкань эрямодо евтнемасто саевкс )

Кечай арсекшнесь уш валске марто молемс ваномо кода ашти сыця наймунонть микшнемазо – рамсемазо. Эзь кенере само ракшань панемстэ, тесэ авазо того кучизе  севонь мельга. Мерекшнесь латконть пештямодо пряс. Севонень кедьгесь аволь кеме. Чакштнэ – лагунтнэ секе тев поркстневить. Теле куншканя туиндярят чакшонь кевкстнеме ломань ланга – визькстэнть велес а кельгат. Сурсо кармить лангозот  невтеме. Ванодо, мерить, нузякс кандось таго чакшонь энялдомо сыргась. Кизэ кизэшка удось, ней верек сывельде кудосотнень тетькевти – а мейсэ пидемс.

                                                                М. Брыжинский.

 Существительнойтнень числаст.

Диктантт.

Никон патриархонь эйкакшчизэ.

Равонь куншка чудильмава умоктояк умонь шкасто саезь эрясть эрзят. Таго – зярдо сынь ульнесть пек виев раськекс, ды рузтнэнь марто сюлмавкстнэде содатано мик кемейкее пингенть, зярдюо новгородонь ушнуйниктне яксесть чилисемав. Шкань ютазь рузтнэ кармасть аламонь – аламонь озамо сынст модатнень лангс; эрзятнень совавтовтсть христианствас, ансяк  Христоснэнь кемемась беряньстэ ладявсь эрзятнень эрямос; сынь секе тев човорясть эсест кезерень койтнень неень христианонсетнень марто, ды Христосонь эли Богородицанть лецтнемстэ сеетьстэ озность эсест Инешкипазонтень ды Масторавантень

Вана Минянь авазояк секе тев  евтнесь нуцькантень кезэрень евтамот. Сон  евтнесь Чипаздо, Уцяскань явиця мазыйдеяк мазый Ангс патядо.

                                        А. Алтаев (Маризь Кемаль)

Моданть питней казнензэ.

Моданть лангсо касыть чувтт, куракшт ды пикшеть, конат маштовить ярссампелекс эли оршаменьксэнь теемс. Те кистойть, инзейть, пичумарть, чейумарть, чевгельть ды лият. Раужо чукшторовонь лопатнень тевс нолдыть пангонь, куяронь,  помидоронь салтомсто. Комолясь, инзеесь, ведьинзеесь, кистоясь, чйумаресь, чевгелесь, чукшторовось, арвотикшесь, серабоесь, пицепалаксось, овтонь баягинесь ды лиятне сынь весе эли кодамояк пельксэстнолдавить тевс верекстэяк, пидезьгак, костязьгак. Тикшетнень, умартнень кочкама ванькс кедьсэ ды валдо арсема марто.

«Чилисема» журналсто

Нузяксов ментюк.

Содадо, пакшат, тельня калтнэ укшныть пельснувсезь. Ведесь кельме, эчке эенть ало тенст стака лексемс – коштось а сатны. Кода нучкось кизна сезни эчке лесканк, синтри кемеде кеме кечказонк, тельня истя прянзо а вети. Лавшомгали!

Ялатеке ули кал, конанень телеськак а теле. Те калось ментюк (налим). Сон иневедень (море) трескантень малавикс. Салов ведьсэ, виде, а кирдеви, а вана леень ведесь – самай сонензэ.

Лия калтнэ икраст кайсить майстэ – июньстэ, зярдо ведесь эжемкшны. Ментюкось икранзо нолдтни якшамоне – од иень васенце ковстонть.

 Существительнойтнень собственной ды нарицательной лемтне.

Диктантт.

Сура леесь.

Мокшэрзянь масторга чудить ламо лейть. Сынст ютксо покш лейтне – Сура, Мокша, Инсар ды лият.

Суранть чирева эрить эрзят. Леесь келей ды кувака. Сонзэ эйс чудить Штырма, Чеберчинка, Алатырь, Кша ды Пьяна вишка лейтне. Сурась пры Рав лейс. Равсонть эрить ламо эрьва – кодат калт. Леенть чирева сравтовсть вирть. Виртне козят нармуньсэ ды идем ракшасо.

Сура леесь пек мазый. Сонзэ вечксызь малаванзо эрицятне. Сынь сакшныть леенть чирес оймсеме. Ломантне ванстыть Сура леенть.

Унтик.

Минек ульнесь Унтик катканок. Сон пек вечкиль юдмас эцнеме. Весть миненек Эстэнь масторсто сась Арво лелям. Сон сась Мордовияв васенцеде. Эрясь вете чить, ютынзе Саранск ошонь музейтнень, Степан Дмитриевич Эрзянь скульптуранзо ваннынзе ды туемадо икеле совась миненек. Зярс Арво лелям симсь мартонок чай Унтик совась юдмазонзо ды цють эзь туе Эстэнь масторов. Паро вишкине Оля шкастонзо фатясь Унтикень юмамонтень, ды минь муинек сонзэ Арво лелянь сумкасто зярдо сон уш снартнесь озамо машинас.

«Унтик» евтнеманть коряс                                Маризь Кемаль

 Существительнойтнень склоненияст.

Диктантт.

Ванстодо веденть.

Теине ведне гайтевстэ чийсь лемзеркс куракштнэнь потмова. Вана сон лиссь келей луга лангс. Цитни валскень чинть каршованькс веднесь. Лейнесь капши икелев. Эрьва ендо гайтев лейнентень чудесть истят жо вишка лейнеть. Сон келейгадсь ды сэрейгадсь, кармась чудеме седе стамбаро. Минек лейнесь теевсь лейекс. Чевте потмакссонзо эрить эрьва кодат калт, ведень ракшат. Ведензэ лангсо нурсить ведьлукшт. Нармунтне витсть пизэть сэрей беректнень лангсо.

Ведесь канды эрямо ломантненень, нармунтненень, касовкстнэнень. Ванькс ведесь – моданть козячи. Ванстодо веденть!

Мекс нармунтне тукшныть лембе масторов.

Тельня стака нармунтненень ярсамопелень ярсамопелень вешнемстэ. Сеть сынст эйстэ, конат ярсыть видьмеде эли ягодадо,муить эстест ярсамопель. Сынь клюкить чувтнэнь лангсто почкатнень, килеень ды лия чувтонь видметнень, ярсыть пизелксонь, чевгень ягодадо. Чавкатне, варакатне, сезякатне ливтить седе малав ломанень эрямо таркатненень. Сынь сокарить шукшпрява ды вешнить ярсамопель.

 Гулинетне ды озязтнэ истя жо кирдить пряст ломанень эрямо таркатнень маласо. Сынь кочксить кши паморькскеть, ямкскеть.

А мезть тейнемс сеть нармунтненень, конат ярсыть насекомойде: карводо, унжадо. Тельня сукст – унжат арасть.

                                                Г.Скребицкоень коряс

Кезэрень шкадо евтамо.

Умонь шкатнестэ мокшэрзятнень арасель прявтост. Весе эсь тевест сынь ладасть вейсэнь промкссо. Но састь иеть, зярдо лангозост кармасть кайсевеме ятт. Нельгенесть ули – парост, вийсэ сайнесть мартост од цератнень ды тейтертнень. Сестэ арсезевстькак атятне кочкамс эстест прявт, кона ванстовлизе раськвкенть лия масторсто сакшныця нарьгицятнеде. Каясть жеребей, ды прась сон Тюштя лангс. Састь тензэ атятне. Тюштя жо мезеяк а соды – соки эстензэ мода.

Кармасть атятне Тюштянень энялдомо – улемс мокшэрзятненень прявтокс. Кувать мольсь кортамось, ды окойники согласясь.

«Чилисема» журналсто

 Основной склонениянь падежтне.

Диктантт.

Телень налксемат.

Прась тусто лов. Покш ловтештинетне теке нимилявт чарасть менельсэ. Вейке вес весе перть – пельксэсь полавтовсь.

Лиссь чись. Сон валдомтызе телень мазый ашо оршамонть. Эрьва тарадкесь теке мерят вельтявсь локвеень пухсо ды цитни чинть каршо. Эйкакштне тейсть эень пандо ды кирякстнить лангстонзо кие саласкесэ, кие лазпелькскесэ. Весень ули мелест кирякстомс.

Вишинетне ертнить ловсо. Ловонь покольнетне ливтить эрьва енов. Ламо кеняркс канды телесь эйкактнэнень.

 Прилагательной.

Диктантт.

Лемзеркс.

Ашти тундонь маней чи. Лембестэ эжди чись перть – пельксэнть. Пувси лембе вармине. Вирь чиресэ цвети лемзерксось. Коштось пешксе тантей чинеде. Чилисемасто ушодозь позда чокшнес чарыть перьканзо нармунтне, морыть эсест мазый морост. Лемзерксонть ало сэрей пандынекс ашти коткудавонь пизэ. Эрицянзо чоп чийнить тей ды тов. Эрьвась мезеяк канды. Вана котошка коткудавт кандыть пичень салмукс.

Анге патяй.

Сась тундось… Модась панжинзе весе тикшинензэ – люкшанзо ды кецязь вастовсь Чинть марто.

Ульнесь маней, лембе чи. Те чистэнть эрзятне озность Анге Патянтень, шнасть сонзэ мазычинть, морасть морот. Сынст вайгельтне човорявсть пиже вирень лаштонтень ды пештизь коштонть кенярксов гайтте, конасонть марявсь эрямонь вечкема, олячив тердема.

Укшторонь каштазсо, килеень тарад марто, од тейтертне рисьмекс таргавсть Вильдеманованть кувалма тусто виренть пелев, косо чопода кузтнэнь томбале кувака моросо шнасть Анге патянть.

                                                А.Алтаев  (Маризь Кемаль)

Кода урось ды нумолось ялга ялгаст эзизь сода.

Та – кода кизна вастовсть урось ды нумолось, теевсть оякс. Мейле сась телесь. Прась ловось. Урось тейсь эстензэ пизэ сэрей чувто пряс. Нумолось мусь тарка празь чувто алдо.

 Ваны урось пизэстэнзэ оянзо лангс ды  а содави тензэ тона: ульнесь серой, теевсь ашокс. «Паряк, те кияк лия», - арсезевсь урось. Ды нумолонтеньгак эзь содаво урось: се ульнесь тюжа, те жо – серой шубинесэ.

Ды ансяк сестэ оятне ялга ялгаст содызь, зярдо таго сась кизэсь. Нумолось одс теевсь серойкс, урось жо – тюжакс.

                                                        Л.Толстой   (Эрюш Вежай)

Прилагательнойтнень теевемаст.

Диктантт.

Васень цецят.

Содатадо, мекс весе вечксызь тундонть? Мекс весе учить, тердить, капшавтыть тундонь самонть, прок пек вечкевикс инже? Улема, секс, мерят тон, што налкстави якшамо ашо телесь, кона кельмевтизе весе перть – пельксэнть.

Тунда весе теке – мерят сыргози, одс чачи. Вельми модась. Лисить моданть потсто чова тикше лопинетне, венстить валдонтень ды лембентень васень цецятне. Но тундонь лембесь манчиця. Чить лембе, а вана ветне эште пек якшамот. Васень цецятне а пелить якшамодо. Сынь пекставить, комавттсызь пряст модантень, кодак лембенти – сеске панжовить одов.

                                                        А.А.Прохоровонь коряс

Эрзянь оршамот.

Кезэрень шкане эрзянь оршамотне анокставильть кедьсэ. Сынь ульнесть пек мазыйть. Тейтертне мирденень лисема шкантень кодыльть ламо ашо коцт. Мейле стыльть церань понкст – панарт, теильть нардамот, пракстат. Весе оршамопельтне ульнесть пек мазыйстэ викшнезь: якстере, раужо, сэнь, ожо ды пиже тюсонь пона суресэ.

Седеяк мазыельть эрзянь прясюлмавкстнэ. Минек тейтерь – аватне пек вечкильть эрьгть, сюлгамот, пилекст, суркст.

Оршамопелень мазыйгавтомга понгавтнить сиянь ды пижень (медной) ярмакт, горниповт – гальдерькат, конат молемстэ нолдыть сиянь гайть. А стяко сермадсть «Эрзянь тейтерь – аванть васня марясак, мейле несак».

Кискань эрямо.

Моданть вельксс новольсь телень цят якшамо ве. Покштояк покш раужо селмсонзо копачизе весе перть – пельксэнть. Нусманясто, стакасто увны Казней веленть икельга сравтозь луганть ды паксянть томбале виресь. Веленть эйстэ ве ено ашти чувтонь ташто кудо. Эйзэнзэ педявтозь кардаз Кенкшенть маласо, олго лангсо, кирмицявсь киска. А уды. Чоподасонть кавто тонолнэкс палыть сельмензэ. Пряванзо ютыть эрямодонзо арсемат.

Лецтнематне ушодовсть се умонь шкадонть, зярдо кискась ульнесь левксэкс. Ниле сазорканзо марто эрясь покш велесэ, вейке кудонть пес стявтозь лембе кардосо…

«Кискань эрямо» повестьстэ саевкс                        И.Калинкин

Местоимения.

Диктантт.

Кода эрить калтнэ тельня?

Эчке эень вельтявкссо копачизе якшамось эрьктнень ды лейтнень. Ансяк анксемасо неяви ванькс ведесь. Домка чопода леенть потмакссо удыть калтнэ. Сехте домка таркасо уды

Келей лапужа лещтне аштить рядсек апак лыка. Сазантнэ муить чевте латкине ды удыть тосо весе вейсэ. Елганя окунесь вечки кевть, ведь потмаксонтень праз чувтот. Сынь матедевить истямо таркас ды удыть телень перть. Ансяк пшти пей нучконтень (щука) удомась а моли. Теине, вачо сельме ды покш курго нучкось нильни удыця калтнэнь.

Глагол.

Диктантт.

Пиже ялгатнень ванстыцят.

Валске рана яннэванть тонавтницятне совить килеень вирнентень. Чинь налтнэ налксить чувто лопатнесэ. Лопатнень лангсо цитни валскень росась. Перть – пельксэсь каштмоли. Церынетне лоткасть сыре чувтонть ваксс ды лыкавтызь тарадонзо. Певерсть зярыя унжат. Эйкакштнэ пурнызь сынст ведрас. Чить унжанть а кундасак. Сон бойкасто ливтни тарадсто – тарадс. Веть якшамонть эйстэ сон кундаты ды валске марто а ливтневи. Неть унжатне порить чувто лопатнень. Ламо зыян кандыть унжатнень сукскест (личинки). Сынь эрить мода потсо ды порнить чувтонь моданежетнень (корни).

Списывания.

Заданиясь: полавтынк глаголтнэнь истя, штобу сынь отвечавольть мезе тейсь? кевкстеманть лангс.

А капшиця Петя.

Валске марто. (Ютамс) весь,

Ушоськак ней валдо.

Апак капша Петя (стямс)

Одеяланть алдо.

Мокшнасонзо езась – тейсь,

Сельмензэ (нардамс).

Мейле кудованть (велямс).

Окойники пурнавсь. (Туемс)

Школанть енов састо.

Но…(ледемс) мелезэнзэ:

Эх, кудос сон ручка (стувтомс),

Кона (эрявомс) тензэ.

«Шкась а позда… Мон курок…» –  

(Велявтомс) мекев Петя.

Классонть меельце урок

Тонавтыцясь (ветямс).

Глаголонь шкатне.

Диктантт.

Нармунть.

Чувтнэ ды куракштнэ, модась ды ведесь менсть ловонь пленстэ. Невтизе прянзо чипаесь, вельместь вирень ракшатне. Мазыйстэ морыть нармушкатне. Эрязасто чарыть менельсэ цянавтне. Ливтямсто сынь симить ведь, кундсить маравт. Дивавты пизэсь те нармушканть. Цянавось парсте теи сонзэ модасто ды севоньстэ. Ожопулось теи пизэнзэ тикшестэ ды чова нетьксстэ. Сонзэ пизэсь моли паргине енов. Письмарось жо ливти ды касты левкскензэ ломанень кедьсэ

Оля кундась овтонть понав лапазонзо, ды вейсэ лиссть пирестэнть. Вейсэ мольсть янганть, конась ветясь вирев. Аламо шкань ютазь лоткасть. Овтось эскелясь вирев, тейтерькась – кудов. Вирьс совамсто овтось лоткась ды варштась олянь лангс.  Сон, прок ломань, стясь удалце пильгтнень лангс, нолштызе икельце лапанзо ды аволдась тйтерькантень.

Оляяк аволясь. Курок овтось совась вирьс ды ематотсь

Оля арсесь сондензэ мелявтозь: кода вирьсэ карми эрямо, покш а покш семиязо, мезде ярсни сон тельня, зярдо ушосонть веенст цят якшамот ды ловонь пандот.

                                                                        Г.Гребенцов

Чанстязь понань кемть.

Минь, церынетне, ертовинек ушов. Кудонть удало ловось а пек сэрей, секскак куроксто пачкодинек пенге цюркатненень. Муинек атянть узерензэ ды эрьвейкесь эйстэнэк невтизе эсь виензэ ды ерокчинзэ пенгень керямосонть. Важодинек псилгадомозонок. Пенгтнень ерынек байтяк. Совавтнинеккудыкелев, кудоскак каштомонть уштомс совавтынек. Тейтернетнеяк эзть аште. Тенсизь кияксонть, нардтнизь пельсокор вальматнень, шлизь морганть, пенчтнень – вакантнэнь, ваньксстэ нардтнизь лампапузыренть… Те весе атянть мельс пек тусь.

…Минь, теке кармавтомань коряс, варштынек вейке – вейке лангс ды эрьванть седейс совась атянтень лездамо мель.

                                                                        В.Алтышкин

Курок кармась валдомомо. Тусто сувось леенть велькссэ вельмесь ды лыказевсь. Шкань ютазь сон емась. Минь сыргинек. Минек венчесь састыне уйсь ведьга. Минь ванынек лей чиресэ касыця виренть лангс. Менельстэ марявсь шалнома. Те лембе масторсто тиринь енксов ливтясть нармунтне. Минь уинек цела чи. Позда чокшнэ венченек панинек сэрей береконтень. Менелесь чополгадсь. Тусь пиземе. Вармась виевстэ лыкавтсь сыре пичетнень тарадост. Минь чиинек кудынентень. Кудазорось ушсь каштом. Толонь кельтне киштить пси каштомсо. Кудынесэнть ульнесь лембе, паро.

Глаголонь аволь определенной формась (инфинитив).

Диктант.

Лепе катка.

Мельга мельцек мольсть читне. Ютасть малав кавто ковт, кода Давол эри Мишань ды сонзэ тетянзо марто.

Киска левксэсь а умок фатясь: кудосонть лия эрицяткак улить. Вейкесь эйстэст – тюжа пона, кувака пуло, стядо пилеть. Зярдо верде, каштлангсто, ваны Давол енов, сельмензэ покшолгадыть, цитнить. Эйстэст пшти толгельть палыть. Тюжа понась  сти пильгензэ лангс,  верев кепедьсы уцянзо. Кепедевить, пондашкадыть карязонзо лангсо понатне. Натой калготкстомить,  пштилгадыть.

Мейле Давол кармась содамо, кие те истямось. Те Лепе каткась.

«Кискань эрямо» повестьстэ саевкс                        И.Калинкин

Глагол марто отрицаниясь.

Диктантт.

Куроксто арды кшнинь кинть ланга поездэсь. Кувака гуекс неявить верде мельга – мельцек ардыця вагонтнэ. Вагонсо валдо, паро. Вана вальмава неяви кенерезь розь – поездэсь арды розень паксянть вакска. Паксятнень вакссо келейстэ сравтовть пиче вирть. Маряви, буто сэрей пичень прятне  токшить менелентень. Виренть вакссо – веле. Вана – скалонь стада порни тусто пиже тикшеде луга лангсо. Малаванзо яки стадань ваныцясь. Вана вагонсо кие – бути ушодсь морамо. Од ломантне поладызь моронть. Поездэсь арды иневедентень. Кодамо сон – Раужо иневедесь?

Тиринь масторов.

Састь тундонь маней читне. Чинь лембе налтнэ эждизь моданть. Тикшень пиже толгинетне венстить кедест лембентень. Телень кувака удомадо мейле сыргозсть чувтнэяк. Тарадост лангсо пургондавкстнэ эрьва чине теевить яла седе содавиксэкс. Васолонь лембе масторсто ливтить карготне тиринь чейбулонтень. Сехте а муевикс таркасо витить сынь пизэст. Паро сыненст тосо эрямось. Чейбулонтень а ютави кежей верьгизэсь, салава якиця ласькамось (рысь). Курок сильдейтнень ланга кармить кирнявтнеме карго левкстнэ. Кашторды варманть лангсо коське чеесь. Нурси сэрей сандеесь. Вана чись кекшсь менельгирьксэнть экшс. Ушоды весь.

Предложениясь.

Диктантт.

Тундо. Чинь лембе налтнэ эждить моданть. Менелесь пешксе нармунень гайтев мородо. Кецявтыть седей тундонь моданть эрьва – кодат тюсонзо. Сермав кумбосо вельтявсть губорькстнэ. Мазый цецят касыть китнень ды янтнэнь чирева. Чопода ды летьке вирьсэ касы тунда куколокшось. Весе вечксызь те тантей чине марто цецянть. Паро ваномась ашо вишине баягине лангс, никсемс тантей чинеде пешксе коштонть.

Ванстынк те мазычинть ломантненень! Куколокшось чуросто кармась вастневеме минек виртнесэ. Мазычиде башка сонзэ улить…

Панжиковонь вирь.

Панжиковонь тундонть мазыйстэ вастыть пурьгинень леднематне ды лембе виев пиземетне. Те тундонь ковстонть пек паро вирсэ. Виев пиземеде мейле седеяк манейстэ ваны моданть лангс чись. Валдо сэнь менеленть мазылгавты пиземечирьке. Ведьбайгетне васень лопинетнень лангсо цитнить чинть каршо.

Соват вирентень – сон весе пиже оршамосо. Валскестэ саезь позда чокшнес гайтевстэ морыть селмов оятне. Сынь кецить тиринь енксов самонтень. Мольть лейненть малас ды несак, кода сон капшазь вешни эстензэ яннэ. Коштось пешксе а евтавикс тантей чинеде.

Распространенной ды аволь распространенной предложеният.

Диктантт.

Аниськат.

Ушось манеель. Косо – бути вере гайгезь  гайгсть норовжорчт, теке кумболдыця сэрей менельстэнть сиянь рисьме вельде понгавтнезнльть ламо, ламо баягинеть. Зярс цють экшель. Коштсонть – эрьва кодамо касовксонь човор тантей  ды сэпей чине.

Виресь каштмольсь. Ансяк шкань – шкань каятыль цековонь цекордома ды косто – бути ве ендо нолдтнесь нудеень гайть ожо пулось. Кукось эзь кукордо – «кирьгапакшкинезэнзэ стардовсь розень колоз».

Якстере тюжа, чевгелень пурнамо паргошка чипаесь яла кепетсь ды кепететсь. Пейдезь пейди, мерят истя кенярды весементень, мезесь ургатнтсь каршонзо касома ды панжовомо.

                                                        П. Ключагин.

Умарькске.

Вирьсэ кассь умарь чувто. Сексня прасть лангстонзо чапамо умарть. Вейке видьминесь кекшсь моданть потс. Телень перть аштесь сон ловонть ало. Тунда видьминесь вельмесь, нолдась корент ды сексентень кассь вишкине нетькске. Вете иень ютазь те таркасонть ульнесь уш мазый умарькске.

Сась вирев сад пирень кастыця. Сон таргизе умарькскенть ды озавтызе эсензэ пирес. Курок атясь керизе чувтонь пиже верьксэнть, явизе кадовозь мукоренть кавтов, лазксонтень тонгсь од тарад тантей умарь чувтосто. Керявксонть сон вадизе модасо, сюлмизе нулынесэ.

Зярыя иень ютазь умарьчувтонть прясо кенерсть ламбамо умарть.

Текстт диктантокс ды проверочной заданиякс.

Идицят.

Чипайне кузи тетянзо марто чувто пряс вирьмекш медень таргамо. Тонат маризь сынст, вачо верьгизэкс каявсть лангозост. Чипайне перьгавтынзе кедензэ чувтонть эйстэ ды митялкут – алов. Секень вант, масторов прамодонть сэрякс лазови…

Те апародонть церынесь истя тандадсь, мик сыргозсь. Кунсолозевсь – кудосонть а куш а каш. Чинь чевгетне вальма варятнень пачк чочктнэнь киртазь киртыть.

Чипайне тарск мерсь – лисни, чись кудотнеде сэрейстэ кепедевсь, сон те шкас яла тарка лангсо лужакалекшны. Церынесь ероковсто тонгинзе кедень кемнензэ ды напустясь Тумай ялганстэнь,конань марто исяк кортасть калонь кундамо молемадо. Тумай коршиль ямдо, кедьсэнзэ – пряшка кши кочом.   (89валт.)

А.Тикшайкин       «Валдо кужо»  евтнемасто саевкс.

Калонь кундсема.

Чипайне седе пек вечксь кундсеме ульмасо. Истя калтнэ молить – сизят таргсезь. Аватне те леенть лангс покш кескав марто яла сакшныть. Чопавтьсызь сонзэ кавто ендо, аламос кирдьсызь – сон пелевидьс пешксе сиянь калдо. Чипайнень тетязо корты: седе васоло лейтнесэ калтнэде седеяк ламо. Кепе чалгамскак пелят – прок калдо пешксе парьс пильгеть евкстасак.

Лейтнеде арсемстэ церынесь ледстинзе аванзо валонзояк. Сон кортась, лейтнень, эрьктнень кирдиесь – Ведявась – пек кежев. Кундси эйкакштнэнь кирьгадо ды уски эйсэст ведь потс, ваявты. (73 валт.)

А.Тикшайкин        «Валдо кужо»  евтнемасто саевкс.

Од кудо.

Сексня, зярдо сюротне урядавсть, шка прась кудонь стявтомантеньгак. Пурнавсть малавикстнэ, шабратне ды сыргасть анокстазь чувтнэнь ускомо.

Чувтнэ чаповсть – чачсь тев аватнененьгак: сынь нупонь ацыть, цератне мельгаст од чочкт кандыть–вачкить. Кудонь стявтомась эрзятненень свал ульнесь покш тевекс, течи ежост седеяк вадря – вельт паро тарка кочкасть. Те неявсь весементь коряс – кизна тосо эйкакшт налксесть, ракшат порнесть – те вадря тешксэсь. Муницятнеяк шнызь, вензэ лангс кши тезэнь кадность – сонзэ кияк эзизе токше, лисни, апаро вийть маласо арасть.

(74 валт.)

А.Тикшайкин        «Валдо кужо»  евтнемасто саевкс.

Кудонь стявтомантень тарканть анокстызьгак покш мельсэ: тунда тозонь видекшнесть сюро – кадык семиясонть кшись свал ули. Озавтсть пизелкс ды килей. Васенцесь вансты эрямо тарканть апаро вийтнеде, омбоцесь лезды весементь шождасто – виевстэ касомантень. Васенце чувтонть путомадо икеле ютавтсть Масторавантень озкс. Сонензэ казнекс мода потс путсть – валясть кши ды саразонь пря, конатнень, келя, сон пек вечксынзе. Ярсы эйстэдест ды кудазортнэнень берянь кандомо а карми.(63)

А.Тикшайкин        «Валдо кужо»  евтнемасто саевкс.

Повне.

Пиляз лелясь од пингестэ саезь идемракшатнень марто сюлмазь, паряк, секс сынст енов сонськак кармась молеме. Вирьга юты – чувтт–куракшт яжи, сергеди – сярдось вайгельдензэ ландяви. Чипайне пельсь эйстэнзэ, секс мартонзо бажась а вастневкшнемс. Ней вана мик кудозонзо сави совамс.

Азорось вастынзе сынст кудо куншкасо. Лавтовонзо – вейке Чипай, сэрезэ – кавто. Сакалонзо, метят, сельме чирькесэнзэ касыть, сельмензэ, ловт, а неявитькак. Секс а содави, пейди сон эли кежиявтни. Лангсонзо – чопода сэнь понкст–панарт. Юксезь сивестэнзэ саезь кемензэ видьс нурьги суронь эчксэ икельга паця. (79 валт.)

Кудонзояк Пиляз лелясь теизе эсензэ коряс. Келезэ комсешка эскелькст, кувалмозо – ниленьгеменьшка, сэрезэ – ласте ломань кельги. Потолокось лазонь таркас лаксезь чочконь – пурьгинесэ а саеви.(23)

А.Тикшайкин        «Валдо кужо»  евтнемасто саевкс.

Найман.

Косо крандазсо ардозь, косо венчсэ уезь, кеменьшка чинь ютазь эрзятне окойники пачкодсть Булгаров.

Васня ош пестэнть ярмак лангс мусть удома тарка. Омбоце чистэнть вачкизь ули – парост крандазозост ды сыргасть базаров. Чипайнень тетязо икеле те наймандонть ламоксть евтнекшнесь. Сонзэ потс, келя, комсешка минек кондят велеть кельгить. Неезесь церыненть седеяк дивавтызе. Натой крандазсо стядо аштемстэяк сонзэ песь эзь неяво. Ломантнеде зяро, ломантнеде! Ды весе кортыть – пижнить. Шалттонть пилетькак пекставить. Паро покштнэнень чарькодевсь удома таркастост ашолгадомадо икеле сыргамс. Мейле сыргавольтькак, тарка тенст а сатоволь – тесэ эрьва эскелькссэ – микшниця. Микшнемапельтнедеяк ламо. Базарсонть мезе ансяк арась – коцт, сокат, лишметь, крандазт, кедьгеть…Ловомадост келетькак сизи. (79 валт.)

А.Тикшайкин        «Валдо кужо»  евтнемасто саевкс.