"Дорогу уважай-правила дорожного движения соблюдай"
методическая разработка по теме
А.С.Пушкинның "Балыкчы һәм балык" әкиятенә нигезләнеп әзерләнгән юл йөрү кагыйдәләре буенча чара эшкәртмәсе
Скачать:
Вложение | Размер |
---|---|
![]() | 20.08 КБ |
Предварительный просмотр:
Тема: Юлда тормагыз, машина килә!
Максат: Юл йөрү кагыйдәләре турындагы белемнәрне ныгыту, урамда йөргәндә игътибарлы булырга, юл кагыйдәләренә буйсынырга өйрәтү; юл хәрәкәте көйләүче хезмәткәре, машина йөртүче һөнәрләренә кызыксыну тәрбияләү.
Җиһазлау: “Запорожец”машинасы, “Жигули” машинасы, диңгез рәсеме, светофор төсләре, 3 юл билгесе, жезл,ат, балыклы кәрзин, ятьмә.
Катнашалар: Карт, карчык, алтын балык, 3 юл билгесе булып киенгән укучы, 3 светофор булып киенгән укучы, егет, юл хезмәткәре.
Сәхнә бизәлгән. Бер почмакта - базар, икенче почмакта - диңгез.
Автор: Зәңгәр диңгезнең нәкъ кырыенда,
Карт белән карчык яшәгәннәр;
Искереп беткән бер землянкада
Нәкъ 33 ел бергә торганнар.
Карчык базарда балык саткан, ди.
(Карчык атын җитәкләп җырлап чыга)
- Юлны аркылы чыкканда
Карыймын сулга, уңга
Күрсәм янымда машина,
Ашыгып басмыйм юлга.
Кушымта: Светофорлы юлларда
Миңа юлдаш төс яшел,
Кызылга аяк атламыйм,
Ялтыраса да яшен.
- Сары төс кайчак алдата
Аның сүнгәнен көтәм.
Артыннан яшел кабынса
Ашыкмыйм, кыю үтәм.
Кушымта: Светофорлы юлларда
Миңа юлдаш төс яшел,
Кызылга аяк атламыйм,
Ялтыраса да яшен.
- Юкка гына әйтмәгәннәр:
Ашыккан ашка пешкән.
Юл тәртип ярата, диләр
Шуны чыгармыйм истән.
Кушымта: Светофорлы юлларда
Миңа юлдаш төс яшел,
Кызылга аяк атламыйм,
Ялтыраса да яшен.
Карчык: Балык сатам, балык сатам, кемгә кирәк?
Автор: Карт балык тоткан зур ятьмә белән,
Бервакыт картка диңгез төбеннән
Чыккан ятьмәдә бары тик балчык;
Икенче тапкыр ятьмәсе чыккан
Диңгез үләне белән чорналып;
Өченчесендә бер балык чыккан,
Тик гади түгел, ә алтын балык
(балык бии)
Автор: Шунда балык телгә дә килгән
Картка ялынган...
Балык: “Җибәр син мине,
Җибәрсәң мине диңгезгә кире,
Ни теләсәң дә, бирермен сиңа!”
Карт: “Бар, алтын балык, хәерле юлга!
Бернәрсә дә мин сорамыйм синнән.
Үзеңнең зәңгәр диңгезеңә кит,
Иркендә йөреп, шунда гомер ит!”
Автор: Бу зур хикмәтне баруы белән,
Сөйләп биргән карт, хәйранга калып..
Карт: “Бер балык тоттым бүген мин,
Тик гади түгел, ә алтын балык.
Шунда кеше күк ул телгә килде:
“Җибәр син мине диңгезгә, диде;
Бирермен, диде, теләгән нәрсәң,
Зәңгәр диңгезгә кире җибәрсәң.”
Әйбер сорарга күңел бармады,
Түләүсез генә, җибәрдем аны”.
Карчык: “Юләр син, бигрәк, ахмак, беркатлы!
Һич юк дигәндә сорап син аннан
“Запорожец” аласың калган.
Атыбыз безнең тәмам картайган”.
Автор: Диңгез буена карт тагын барган,
Диңгез аз гына чайкала икән.
Алтын балыкны чакыра башлаган
Балык шунда ук килеп тә җиткән.
Балык: “Ни кирәк сиңа, карткынам минем?”
Карт: “Кызган син мине, алтын балыгым
Бик нык тиргәде мине карчыгым
Мин карт кешегә тынгылык бирми,
“Запорожец” кирәк миңа, ди.
Балык: “Кайгырма,бар, кит хәерле юлга,
“Запорожец” булыр кайтуга.
Карчык “Запорожец” та йөри. Аның янында 3 юл билгесе бии. Карчык ул билгеләргә карамый да. Аннан әби тагын балыгын сата башлый. “Жигули” машинасында бер егет килә дә, әбинең бөтен балыгын алып бетерә.
Автор: Карт тагын барган карчык янына,
“Запорожец” –карчык алдында
Карчык ныграк кыздырган картны:
Карчык: “Юләр син, бигрәк, ахмак, беркатлы!
“Запорожец”алып кайткансың
“Запорожец”та күпме файда соң?
Бар, юләр, тагын балыкка баш и,
Бу юлы инде сора “Жигули”
Автор: Диңгез буена карт тагын барган
Алтын балыкны чакыра башлаган
Ә балык килеп сораган аннан.
Балык: “Ни кирәк сиңа, карткынам минем?”
Карт: “Кызган син мине, алтын балыгым
Тагын тирги бит мине карчыгым
Мин карт кешегә тынгылык бирми,
“Жигули”сорый, ул явыз карчык.
Балык: “Ярар, тыныч бул,
“Жигули” булыр, бар хәерле юл!”
Автор: Базарга карт кайтып киткән
“Запорожец”ның эзе үк беткән.
Аның урынында инде тора, ди,
Бик матур яңа “Жигули”
Ә карчык, карчык, бик тә үзгәргән:
Йөзе һәм саны танып булмаслык...
Карт белән карчык утырганнар да,
Элдертәләр ди, “Жигули”ларында.
(Әби киенеп чыккан. Карт белән икесе машинада йөриләр. Карчыкның кулында акчасы. Светофорлар җырлый – җырлый бииләр. Алар янында карт белән карчык та бии. Алар светофорга игътибар бирми. )
Кызыл ут: Кызыл ут яна! Кызыл ут!
Әйтерсең лә сезгә ул:
“Юлны чыкмый торыгыз”-ди,
Үтенечем сезгә шул!”
Сары ут: Сары ут яна! Сары ут!
Гуя әйтә сезгә ул:
“Сак булыгыз, кисәтүем
Булсачы иде кабул!”
Яшел ут: Яшел ут яна! Яшел ут!
Гуя әйтә сезгә ул:
“Ашыкмыйча чыгыгыз,ди,
Һәркемгә хәерле юл!”
Алар биеп бетергәч, юл хәрәкәте хезмәткәре керә, ул карчыкка кисәтү ясый.
Юл хәрәкәте хезмәткәре:Урамнарны күзәтәм,
Үткәннәрне кисәтәм.
Нигә әби карамыйсың,
Светофорны санламыйсың!
Кузгалма! – ди, кызыл ут.
Сабыр! – дия, сары ут.
Ярый! – дия, яшел ут.
Юл кагыйдәләрен бозгач,
Фаҗигалар эшләнә
Мин сиңа кисәтү ясыйм,
Башка алай эшләмә!
Автор: Карчык тагын да кыздырган картны.
Карчык: “Юләр син, бигрәк, ахмак, беркатлы!
Ни дип сорадың аннан “Жигули”
Бар, тагын аңа баш иеп сөйлә:
Юл билгеләренә игътибар итми,
Светофорга карамый гына
Йөрисем килә....
Кирәкми миңа бу “Жигули”
Туйдым мин моннан
Яңа “Мерседес” сора син аннан...
Карт: Нишләвең инде, монысы карчык
Алай урамда йөреп булмый бит...
Карчык: Ничек кыясың тарткалашырга
Мужик башыңнан минем каршымда?
Юньләп әйткәндә тизрәк барып кал,
Юкса якалап алып барырлар!
Автор: Диңгез буена карт тагын барган,
Диңгез аз гына чайкала икән.
Алтын балыкны чакыра башлаган
Балык шунда ук килеп тә җиткән.
Балык: “Ни кирәк сиңа, карткынам минем?”
Карт: “Кызган син мине, алтын балыгым!
Тагын тирги бит мине карчыгым
Мин карт кешегә тынгылык бирми,
“Мерседес” сорый, ул явыз карчык.
Юл билгеләре, светофорга
Карамый гына йөрисе килә.
Балык: Алай булмый бит, карткынам минем
Юл йөрү кагыйдәләрен үтәмәсә,
Гомере белән хушлашырга,
Туры килер карчыгыңа.
Мин теләмим, ялгыз калуыңны синең!
Автор : Шулай дигән дә балык моңа
Күрсәтеп аңа койрыгын гына,
Диңгез төбенә чумган да киткән.
Карт шунда аны бик озак көткән.
Чыкмагач, барган карчык янына,
Карчыгы шунда утыра карап,
Янында аның - картайган аты,
Ул аны сыпыра, ярата икән,
Шулай күңелен юата икән.
Карт: Әй, карчык, карчык,
Бик тә явыз син!
Комсыз булганга
Коры калдың син!
Аннан барасы да бииләр.
По теме: методические разработки, презентации и конспекты
Весёлые старты на тему: «Уважай правила дорожные движения»
весёлые старты по правилам дорожного движения направлена на формирование осознанного соблюдения правил поведения на дороге, знаний о дорожных знаках, видах транспорта. В игре используются различные иг...
![](/sites/default/files/pictures/2013/02/14/picture-71466-1360846987.jpg)
Тема: Уважайте правила дорожного движения
Мероприятие подготовлено для детей летней оздоровительной площадки.Цель занятия: закрепить знания детей о правилах дорожного движения и профилактика детского дорожного травматизма среди школьник...
![](/sites/default/files/pictures/2013/11/27/picture-356037-1385568863.jpg)
Внеклассное мероприятие по профилактике детского дорожно-транспортного травматизма «Уважайте правила движения»
Внеклассное мероприятие по профилактике детского дорожно-транспортного травматизма «Уважайте правила движения»...
![](/sites/default/files/pictures/2014/04/10/picture-434349-1397104707.jpg)
Внеклассное мероприятие по профилактике детского дорожно-транспортного травматизма "Уважайте правила дорожного движения"
Внеклассное мероприятие по профилактике детского дорожно-транспортного травматизма. Приурочено к открытию площадки «Безопасный переход». В рамках социального проекта в нашей...
Профилактика детского дорожно- транспортного травматизма « Уважайте правила движения», внеклассное мероприятия обобщения и систематизации знаний.
Закрепить знания детей о правилах дорожного движения и профилактика детского дорожного травматизма среди школьников. Подведение итогов по теме, обобщение и систематизация знаний учащихся. Способствова...
Уважайте правила дорожного движения
Внеклассное занятие по ПДД...
![](/sites/default/files/pictures/2020/02/16/picture-1219732-1581880008.jpg)
Урок «Безопасность на дорогах» о правилах дорожного движения для младших школьников
Конспект урока по внеурочной деятельности "Соблюдай правила дорожного движения"...