Әтиләр кичәсе
материал (2 класс) на тему
Предварительный просмотр:
Күңгәр урта мәктәбе
Әтиләр кичәсе.
Укытучы: Вәлиуллина
Фәрдия Рафисовна
2018
Рәсим класска үзе генә керә.
-Нигәдер бик тын, күңелсез. Кая китеп беттеләр икән бу балалар? Нишләргә инде? Бәйрәмне башларга кирәк бит. Әтиләребез дә килгән. Их, әгәр дә миндә “цветик – семецветик” булса, бер генә теләк теләр идем, бәйрәмне башлыйсы иде.
Укытучы:
- Рәсим, миндә бар бит ул чәчәк. Әйдә, тизрәк телә теләгеңне, бәйрәм башлансын.
Айзат: -Яхшы. Лети, лети липисток,
Через запад, через юг
Лишь коснёшься ты земли
Будь по – моему вели.
Вели, чтобы хәзер үк безнең сыйныфта бәйрәм башлансын.
(Чәчәк таҗын ыргыта, балалар керә, “Бәйрәмнәр” җыры җырлана.)
Бәйрәмсез бик күңелсез бит,
Күңелсездер сезгә дә
Бәйрәмнәр кирәк безгә дә,
Бәйрәмнәр кирәк сезгә дә
Кирәк һәммәбезгә дә.
Бәйрәмнәр кирәк әтигә,
Бәйрәмнәр кирәк әнигә,
Бабай белән әбигә.
Ландыш: Зур шатлык күңелебездә,
Ал кояш күгебездә.
Барыгыз да беләсездер-
Әтиләр көне бездә.
Тимур: Бер бәйрәм бар февральдә
Кадерле ул һәркемгә
Аны иң зур бәйрәм дип
Мөмкин хәтта әйтергә.
Адилә: Ул-тынычлык бәйрәме
Аны һәр кеше белә-
Ватанны саклаучылар
Бәйрәме дип йөртелә.
Айзат: Ул-солдатлар бәйрәме
Без котлыйбыз аларны.-
Әтиләрне,абыйларны
Һәм бөтен солдатларны.
Мәрьям: С Днём защитника поздравим
Мы сегодня всех мужчин.
Всех их любим, уважаем
За их мужество и чин.
Укытучы:
- Хәерле көн хөрмәтле әтиләр, дәү әтиләребез, укучылар! Бүген без сезнең белән Ватанны саклаучылар көненә багышланган кичәгә җыелдык һәм иң якын кешеләребезне - әтиләребезне, дәү әтиләребезне кунакка чакырдык. Ил терәге – ир – егетләр булса, гаилә терәге - әтиләр.
Хөрмәтле әтиләр, дәү әтиләр, егетләребез! Сезне бәйрәмегез белән котлыйбыз. Без сезнең озын гомерле, сәламәт, бәхетле һәм балаларыгызга үрнәк әти булып яшәвегезне телибез! Күкләребез аяз, илебез тыныч, табыннарыбыз мул булсын. Без бүгенге кичәбезне “ Әти, әткәй, әтием...” дип атаганбыз икән, димәк, сүзебез бүген әтиләребез турында гына булачак. Гаиләдә әти төп таяныч, терәк булып тора. Нахакка рәнҗетелгән күңел җылыныр урын эзли, кемнән дә булса яклау өмет итә. Андый чакта иң якын кешеңә барып сыенасың. Егылганда тартып торгызырга да әнә шундый нык, ышанычлы куллар кирәк. Ул - әти куллары. Явызлардан, җил – давыллардан саклаучы куллар ул. Андый куллар булу кирәк. Әти кирәк!
Рифат : Нигә бүген класста
Бик күңелле, бик ямьле?
Чөнки бүген кунакка
Әтиләребез килде.
“Әтием” җыры җырлана.
Бүген бездә зур бәйрәм-
Әтиләребез килде.
Җыелыштык барчабыз,
Бергәләшеп котлыйбыз.
Әтием, әтием,
Котлыйм сине, әтием,
Яннарыңда һәрвакыт
Көлеп торсын әнием.
Әтиебез бик гадел,
Юмарт, шаян һәм көчле,
Безнең өчен ул терәк,
Әти безгә бик кирәк.
Әти – безнең горурлык,
Телибез аңа саулык.
Язсын иде яшәргә
Әти диеп гомергә.
Әтием, әтием,
Котлыйм сине, әтием,
Яннарыңда һәрвакыт
Көлеп торсын әнием.
Әнием белән бергә
Яшәгез сез гомергә.
Яшәгез сез гел бергә.
Тимур: Без юлларга чыктык кына,
Күңелдә якты теләк.
Иң дөрес, иң туры юлны
Сайлашырга Сез кирәк.
Адилә: Әти — безнең терәгебез,
Әти — безне яклаучы.
Авырлыклар китермичә,
Давыллардан саклаучы.
Айзат : Минем әти иң әйбәт,
Иң шәп әти дөньяда.
Бәхәсләшмим, булса, булыр
(Һм-м-м, бар микән?)
Тагын берәр гаиләдә.
Ландыш: Ул җирдә иң шәп кеше,
Шәп кеше гаҗәп кеше,
Ул иң-иң көчле кеше,
Баһадир төсле кеше.
Рифат: Ул зирәк тә, шаян да,
Акыллы да, әйбәт тә.
Кем дисезме? Ул кешеләр -
Бергә: Безнең әтиләр, әлбәттә!
Безнең бабайлар, әлбәттә!
Җыр “Әтиемә”.
Гаиләбез горурлыгы
Син әтиебез.
Сиңа бәхетләр, шатлыклар
Бик күп телибез.
Әтиебез куенында
Үсәбез кайгы тоймый.
Күңелебез аңа көн дә
Рәхмәтләр генә җырлый.
Кайгырасың гомер буе
Син безнең өчен.
Олы юлга чыгарасың
Биреп бар көчең.
Без бәхетле барыбыз да
Син бар чагында.
Гөрләшеп яшибез һаман
Киң кочагыңда.
Тимур : Җир йөзенең бөтен матурлыгын
Килә Сезгә бүләк итәсе.
Дөньядагы матур сүзләрнең дә
Иң җылысын килә әйтәсе.
Адилә : Әтиемнең алтын куллары.
Имин булсын йөргән юллары.
“Әти!” диеп әйтү бер ләззәт,
Син булганда, әти, бик рәхәт!!!
Айзат: Яшәсен әтиләр
Сәламәт һәм шат булып.
Кызларының, улларының
Кадерлеләре булып.
Ландыш: Дөньядагы барлык яхшылыкны
Килә сезгә бүләк итәсе.
Бәйрәмнәрдә генә түгел, һәрвакытта
Килә сезне хөрмәт итәсе.
Рифат : Сезгә булган олы хөрмәтебез
Урын алсын йөрәк түрендә.
Саулык, сәламәтлек, ак бәхетләр
Юлдаш булсын сезгә мәңгегә.
Укытучы: Бәйрәм бүләксез булмый ул
Барыгыз да беләсез
Балаларның тырышканын
Хәзер менә күрерсез.
Бергә: Алмадык сатып бүләкләр —
Без үзебез ясадык.
Үзең хезмәт куйган әйбер
Зур бүләк дип санадык.
Кадерле әтиләребез! Бабайларыбыз!
Бәйрәмегез белән котлыйбыз. (бүләк бирәләр)
Укытучы: - Әниләребез ничек кадерле булса, әтиләребез дә безгә шулай ук якын. Аларны.
без бик яратабыз. Әйдәгез, Айзатны тыңлап үтик әле. Ул үзенең әтисенә
багышлап шигырь өйрәнде. ( Рәсим сөйли.)
Р. Миңнуллин “Әти төсле”
Әти бик тә кыюсыз, Рәхәт минем әтигә -
Бик бәләкәй һәм чандыр Бар исеме, бар даны!
Малай булган кайчандыр. “Кешелекле кеше!” дип
Соңа да калгалаган, Мактыйлар бар да аны.
Шелтә дә алгалаган.
Минем әти мактаулы
Бик яраткан уйнарга, Үзенең эшендә дә.
Кайда гына йөрмәгән,
Өйгә кайтып кермәгән! Гел әйбәт сүзләр йөри
Бик соң торган йокыдан, Әтиемә карата.
Чөнки төннәр буена Аны бар да хөрмәтли,
Качып китап укыган. Аны бар да ярата.
Бервакытта тарихтан Ул – гайрәтле!
Алган ул хәттә “3” ле. Ул – көчле
Мин дә нәкъ Мин дә нәкъ
Әти төсле. Әти төсле.
Рифат башкаруында җыр “Үз җырыбыз”
Укытучы: Әйе, балалар әтиләргә, бабайларга ошарга тырыша. Без әтиләребезгә
һәрвакыт булышырга, аларны кадерләп, олыларга тиеш.
Адилә һәм Ландыш башкаруында Кавбой биюе
1941 нче елның 22нче июне безнең күңелләребездә мәңге онытылмаслык булып кереп калды. Күпме кан коелган, күпме кеше һәлак булган. 1945 нче елның 9 нчы мае безгә Бөек Җиңүне бүләк итте. Быел исә шул Җиңүнең 70 еллыгын бәйрәм итәчәкбез. Әйдәгез, без рәхәт яшәсен, матур мәктәпләрдә укысын, рәхәтләнеп эшләсен һәм уйнасын, тамакларыбыз тук, өсләребез бөтен булсын өчен көрәшкән бабайларыбызга багышлап, алар җырлап йөргән җырны тыңлап үтик әле. Аны безгә егетләребез башкарыр
“Без бит авыл егетләре”
1.Без үскәндә озын яллы,
Тулпар атлар бар иде.
Шул атларны иярләгән,
Егет чаклар бар иде.
кушымта:
Без бит авыл егетләре
Арслан кебекләре
Чал Иделе,инешләре,
Алтыны-көмешләре
2. Ай шикелле ялтырытып
Күгәртмәдек көрәкне.
Бала чактан чыгып киттек
Тормыш бирде кирәкне.
3. Без үскәндә үскән идек
Язмышларга үч итеп.
Яшик дуслар бу дөньяда
Бер шатлыкны биш итеп.
Безнең сыйныфыбыздагы барлык әтиләр дә Армия сафларында булган. Хәзерге биюебез сезнең өчен.
Моряк биюе
Сезнең өчен Рифат шигырь сөйләр.
Җ. Дәрзаман “Солдат булдым.”
Каеш будым билемә, -Була!- димен фырт кына
Тасма тактым җиңемә, Һәм борылдым кырт кына.
Йолдызлы бүрек кидем, Шуннан китте, и китте...
-Мин солдат булдым!- димен. Мине чын солдат итте.
Иңемә мылтык астым, Бетте ялкау гадәтем,
Әти каршына бастым. Санаулы һәр сәгатем,
-Килдем, иптәш командир, Иртүк торам, юынам,
Әйдә, берәр фәрман бир. Сөлге белән уынам.
Ялт иттерәм тешләрне,
-“Смирно!”- ди әти дә,- Аннан эшлим эшләрне.
Печән ашат бәтигә.
Бераз утын ярырсың, Бүлмәдә тәртип хәзер,
Аннан – суга барырсың. Ни кирәксә, шул әзер.
Солдат булу шулай ул
Өйрәнгәч, бик уңай ул.
Еегетләребез башкаруында Җыр “ Солдатлар “
Бабай да солдат булган,
Әти дә солдат булган.
Зур абый да, солдат булып,
Ил чикләрендә торган...
Кече абый солдат булып
Кайтты быел яз гына,
Мин үзем дә солдат булам,
Үсим генә аз гына.
Укытучы: Балалар әтиләре турында сочинениеләр язганнар иде. Әйдәгез, шуларның
кайберләрен тыңлап үтик әле. (Укытучы Ландышның хикәясен укый.)
Бу теләкләргә без дә кушылабыз. Ә хәзер Ландышның шигырен тыңлыйк.
Әти янымда булганда
Бер нәрсәдән курыкмыйм мин
Аның сүзе миңа закон
Әтиемне тыңлыйм мин.
Әти безнең терәгебез
Әти безнең яклаучы
Авырлыклар китермичә
Давыллардан саклаучы.
Яшәсен минем әтием
Сәламәт һәм шат булып
Мәдинә һәм Ландышының
Бик кадерлесе булып.
Укытучы: Безнең укучылар үзләренең әтиләрен бик яраталар, аларга охшарга тырышалар. Балаларыгыз сезнең менә нинди сыйфатларыгызны охшаталар:
Укытучы: Ә менә үзләре әти булсалар алар нишләр иделәр икән? (Укытучы “Әгәр дә мин
әти булсам” дигән язманы укый.
Тимур башкаруында шигырь “Олы булсам” Р.Миңнуллин
Укытучы: Әтиең сине нәрсәләргә өйрәтә?" дигән сорауга балалар бик тәфсилләп җавап биргәннәр.
Әйе, бер генә эшнең дә ояты юк. Баланы хезмәткә җәлеп итү аңарда бик күп уңай сыйфатлар тәрбияли, һәр эш авыр, әмма көчтән килерлек булсын. Шул чакта гына балагызда үз көченә ышаныч туачак, хезмәткә мәхәббәт уяначак. Түземлелек, шәхси үрнәк, уртак эшчәнлек, мактау сүзләре сезгә балагызны тәрбияләргә ярдәм итәчәк. Әгәр аның турында, хезмәт сөючән бала, дип әйтсәләр, моны зур җиңүегез дип кабул итегез.
Укытучы: Сез, әтиләр, еш кына балаларыгызга дәрес әзерләшергә булышасыз, бергә кроссводлар да чишәсез икән. Мин әзерләгән сорауларга бергә-бергә җавап эзләп карыйк әле.
- Өй төзегәндә беренче кадакны нәрсәгә сугалар? - Үзенең эшләпәсенә.
- Иң кыска ай? - Май
- Иң куркыныч елга исеме? - Тигр.
- Тәвә кошы үзен кош дип әйтә аламы? - Юк, чөнки ул сөйләшә алмый.
- Күпердән чыкканда кешенең аяк астында нәрсә була? - Аяк киеменең табаны.
- Буш стаканга ничә чикләвек керә? - Берәү дә керми, чөнки аны салырга кирәк.
- Нәрсәне әзерлибез дә, ашамыйбыз? - Дәрес.
- 1 л банкага 2 л сөтне ничек сыйдырып була? - сгущёнка ясарга.
- 5 песи 5 минутта 5 тычкан тоткан. 1 песигә 1 тычкан тотар өчен ничә минут кирәк? - 5
- Кайсы айда 28 көн бар? - Барлык айда да.
- Кирәк чакта ыргыталар, кирәк булмаганда күтәрәләр? - Якорь.
- Яшел кыя Кызыл диңгезгә кителеп килеп төшсә, нәрсә була? - Юешләнә.
- Грузовикның утлары янмый, ай да юк. Бу очракта грузовик шоферы машина алдыннан үтеп баручы хатын-кызны күрә аламы? - Көндез булса, күрә ала.
- Җирдәге кешеләр бер үк вакытта нәрсә эшлиләр? - 1 көнгә картаялар.
- Чәйне кайсы кул белән болгату уңайлырак? - Калак белән.
- Нинди сорауга "ӘЙЕ" дип җавап биреп булмый? - Йоклыйсыңмы? соравына.
Укытучы: Тормыш булгач төрле чаклар була. Кайвакыт без әтиләребезнең
әйткән сүзләрен, кисәтүләрен бик тиз онытып җибәрәбез. Андый
чаклар өчен безне зинһар гафу итегез.
Ә хәзер “Шауламагыз, әти йоклый” дигән сәхнәләштерелгән шигырь карыйбыз. ( Ш. Галиев)
Ландыш: Без инде күптән уяндык
Тышта кояш яп – якты,
Төнге сменадан кайтып,
Әти йокларга ятты.
Безгә әйтте шауламаска,
Дөбер – шатыр килмәскә.
Киләбезме соң, килмибез-
Шуны гына белмәскә.
Йөрибез акрын гына,
Аяк очына басып.
Сөйләшсәк тә сөйләшәбез
Үзара пышылдашып.
Айзат: –Тсс, Рифат, дим, сызгырынма!
Тимур, дим, куй чүкечне!
Айзат: -Адилә, димен, саграк кылан,
Шалтыратма чүмечне.
Тимур: -Әти йоклый, шауламагыз!
Сиңа әйтәм бит Айзат!
Адиләне ник елаттың,
Рифат, бу ни гадәт.
Ландыш: Айзат, җитте сиңа да,
Шудырма урындыкны!
Рифат: Адилә димен, сикерергә
Урамда урын юкмы?
Тимур: Шыпырт кына чыгып әти
Карап торган ишектән.
Шул хәтле ду килүгә соң
Ишеткәндер, ишеткән...
Айзат: Бер-беребезне тыя – тыя
Шундый кызып киткәнбез –
“Кычкырма!” да, “Шаулама!” дип,
Шаулашабыз икән без...
Укытучы: Әйдәгез, тагын бер сочинениедән өзек укып китик әле.(Адилә)
(Укый) Сезнең өчен Адилә шигырь сөйли. Ф. Яруллин
“ Төпчек кыз”.
Минем әти шундый әйбәт, Ә мин өйдә кече кыз,
Мине бер дә орышмый. Ягъни мәсәлән төпчек.
Баштан сыйпап кына тора, Ашыкмыйм әле үсәргә,
Бер нинди дә эш кушмый. Ни файда бар соң үсеп?
Телим икән- уйнап керәм, Буем да кечкенә минем,
Телим икән – тик ятам. Хурланмыйм моңа һич тә.
Эшләр өчен чөнки минем Белеп торам: үсеп китсәм
Бар бит әле апаем. Йөгертәчәкләр эшкә.
Тимур башкаруында җыр”Гармуным”
-Бүгенге бәйрәмебезгә безнең бабайларыбыз, дәү әтиләребез дә килде. Зөһрәнең сочинениесеннән өзек тыңлап китик әле. Сезнең өчен Зөһрә шигырь сөйләр.
Әтиләр акчаны эшләп таба, ә менә аны саный белә микән? Әйдәгез “Баш хисапчы” номинация-сендә җиңүчене билгелик. Моның өчен, акча саный-саный сорауларга җавап бирергә кирәк һәм хисапта ялгышмаска кирәк.
- Балагыз ничәнче сыйныфта укый?
- Аңа ничә яшь?
- Туган көне кайчан?
- Сыйныф җитәкчесенең исеме ничек?
- Кызыгызны рәсемнән кем укыта?
- Бүген ничәсе?
- Басмада чәчен тараучы хатын кем? (Су анасы)
- Кәҗә белән дус малайның исеме ничек? (Гали)
- Тубы суга төшкәч , кем елаган ?( Әминә)
- Алфавиттагы беренче хәреф. (а)
Латин-Америка биюе
-Иң зирәк әтине дә ачыклыйк әле.
1.Кайсы ай календарда юк? (күктәге)
2.Борынгы заман сәгате. ( әтәч)
3.Кемнең сакалын да кырдырырлык акчасы юк? ( кәҗә)
4.Ашлыкны ни өчен чәчәләр? (утыртып булмаганга)
5.Нинди савыттан эчеп булмый? ( буш)
6.Кайчан бернинди тавыш та ишетеп булмый? ( йоклаганда)
7.Бабай 70 яше тулгач нишли? ( 71 гә чыга)
8.Кайсы елда кешеләр күбрәк ашый? (кәбисә елында)
9.Нәрсә өстән аска таба үсә? (чокыр)
10.Кара диңезгә төшкән таш нишли? ( юешләнә)
Укытучы: Шулай шул:әтиләребез уңган да, зирәк тә, тапкыр да безнең. Сезнең өчен җырлый Айзат Галиев.
Укытучы: Әтиләребезне сынадык, үзебезнең белемебезне күрсәтергә вакыт җитте. Тапкырлау таблицасын кабатлап китәбез. (уен)
п. м. гл. прил. сущ.
Җөмләләр дә тикшереп китик әле. Сегодня к нам пришли любимые папы.
Укытучы: Ә хәзер “Йолдыз бүләк итик ” уенын уйнап алыйк әле. Һәркемнең әтисенә
чынга ашмаслык әйберләр бүләк итәсе килә. Әйдәгез, без әтиләребезгә йолдыз бүләк
итик әле. Йолдызларыбыз серле. Аларны бары тик артына язылган биремнәрне
үтәсәң генә бүләк итеп булачак.
- Әтиләрдән генә торган ансамбль оештырырга.
- “Әтием мин сине яратам” җөмләсен ягымлы, усал, солдатларча, артист бала булып әйтергә. “Кызым (Улым) мин сине бик яратам” җөмләсен ягымлы, солдатларча, усал, артист әти булып әйтергә.
- Әтиеңне биетергә.
- Син командир, ә әтиең сиңа рапорт бирә, ләкин аңа биремне үтәргә кирәк.
-сез ялгыш иптәшегезнең аяк киемен кигәнсез һәм ул сезнең аяк киемегезне кыса, өстәвенә сез бик туңгансыз.
- Әтиең белән бергә җырларга.
Укытучы: Бу бәйрәм әле безнең егетләребез бәйрәме дә бит. Әйдәгез,
аларны да котлап китик . Сүзне кызларга бирәбез. Алар җыр
башкарырлар.
Адилә белән Ландыш башкаруында җыр “Минем җырлыйсым килә”
Рус биюе “Ох как ты мне нравишься”
Укытучы: Кадерле балалар!
Әтиләр башлаган юлны
Сезгә дәвам итәргә.
Бар җиһанга үрнәк булып,
Кирәк сезгә үсәргә.
Ялкаулыкны бетерик, төбе-тамыры белән
Үссен сәлат, артсын уңганлык.
Юлдаш булсын һәрбер эшчәнлектә
Оешканлык, дуслык, туганлык.
Шуның белән бәйрәмебезне тәмамлыйбыз. Килүегез өчен сезгә зур рәхмәт.
Күз бәйләп тану уены
Я вам расскажу секрет.
Никого на свете нет -
Лучше папы моего!
Я люблю его за все!
Папа - самый лучший друг!
Это знают все вокруг!
Вместе любим, очень много -
делать,
когда папа дома!
-"Почему так солнце светит?"
Папа - он всегда ответит.
Он поможет,
Он расскажет,
Объяснит,
Потом покажет.
С папой очень хорошо.
Папа очень умный.
Очень добрый! А ещё:
-"Мы тебя все любим!"