Бамб цецгин частр
классный час на тему

Бамб цецгин частр.

(Нәр-наадн).

Дөңцлмүд: күүкд цаасар бамб цецгәс кеҗ белднә. «Бамб цецгәс теегт» гидг  күүкдин зурсн зургуд.

Багш:

Тег, мини теегм,

Теңкән уга эңкр

Асрад  өсксн чамаhан

Альд би мартхв.

Хама холд йовв чигн

Хавртнь теегә саннав.

Иигҗ  Калян Санҗ, манна Цаhан Нуурт төрсн бичәч бичҗ. Хаврин сәәхн хальмг теегиг бууляд, магтад келҗ. Хальмг тег седкл байрлулна, энд ноhан көкрнә, сәәхн цецгәс урhна.

Күүндвр.

 - Ямаран сәәхн  цецгәс теегт урhна? (хонх цецг, халимпр, бамб цецг н.ч.)

 - Цецгәс ямаран  өңгтә( шар, улан, оошк, цаhан).

Эн цецгәсиг яhҗ хархмб?( таслхмн биш).

Кезәнә хальмг теегт хаврин эклцәр бамб цецгәс дала болдмн, эн йовдл седкл байрлулдг билә. Ода болхла цөөкн. Цуг  әмтн энүг икәр таслад авад бәәҗ, теднә ормд кесгтән цецгә hархш. Бамб цецг хавртнь шинәс эклҗ урhна, болв цецгәрлхин төлә 5-8 җил кергтә. Тегәд эн цецгә Улан дегтрт орла. Манна теегт бәәдг оон бас эн дегтрт орҗ, эднә Тонь баhрҗана. Эн аңгиг бас хархмн.

Шүлг :

Бамб цецг теегтм урhна,

Бичкн оон теегтм өснә.

Би цугтаднь теднд дуртав.

Менд йовхлань байрта бәәнәв.

Сарул теегм, сәәхн үүрмүд,

Өлсл уга өстн, урhтн.

Манна Цаhан Нуурт бамб цецг баh гиҗ келҗ болхмн. Чолун хаалhар Көтчнр тал йовхларн тадн узсн болхит . эдн хаврин салькнд биилсн болҗ медгднә. Манна күүкд би белдҗ.

Бамб цецгәсин би- күүкдин hарт цаасар кесн бамб цецгәс.

Багш: Хальмг теегт олн зүсн бамб цецгәс урhна(шар, улан, цаhан. Оошк).

Хаврин түрүн сарднь

Хаhлад hазрас hарна.

Нар тосч делнә.

Бамб цецг – күрң, улан,

Бамб цецгәм - шар дам,

Бамб цецгәм – торhн хар.

Коткан С-h.

Бамб цецгиг «теегин ке, теегин зе» гиҗ көҗмч Т. Санджиева дуундан бичҗ.

Хоңх цецг.

Өрүhәр теегт одд бууна.

Бамб цецг бийән хүврәнә.

Давтлhн: а-а-а

Бамб цецг байсад урhна

Салькна дуунд саатулгдад унтна.

Давтлhн.

Теегин ке, теегин зе

Бамб цецг- байрин темдг.

Шүлг.

Хавр ирх болhнд

Харадан җивр дахҗ

Бүләкн салькн ирх,

Бамб цецгудлә альвлх,

Теегин серлт магтҗ

Тедн наадан эклх,

Эргмдән цуг дүрклҗ

Эңкр теегм нәәрлх.

Харада.

Харада шовун харада

Хаврин зәнг зөөнә.

Халяд жирhәд ниснә

Хаврин айсар биилнә.

Нарн hазр ээнә,

Ноhан нигтәр урhна,

Ноhана бетк болhнд

Намчта цецгүд шавашна.

Хавр, сәәхн хавр,

Халун нарта хавр,

Хавр, шуугата хавр,

Харада авч ирнә.

Эльстин вальс. (куукд дууна айст биилнә)

Бамб цецгин частр» - нәр наадна төр куцгдв. Бамб цецгәhән харх кергтә, таслхмн биш. Т. Санджиева көгжмч эврәннь дуундан «Тасрсн цецгә» гидг йир гейуртәhәр бичж.

Тасрсн цецгә

Тасрсн цецгә чамд келшго.

Әмд бәәхәр hазрт hарhлав.

Тасрсн цецгә чамд уульшго

Бичә, бичә намаг көндә.

Тасрсн цецгә дәкж чичршго.

Хол  әнг тал чамас нисшго.

Тасрсн цецгә дәкж өсшго.

Цевр аhарин ки авшго.

Тасрсн цецгө дәкж цецгөлшго,

Хаврин хурин ус уушго,

Тасрсн цецгә  дәкж көндршго,

Шар нарна герл узшго.

Хавр ирснднь байрлад куукд «Чичрдг» биилцхәнә. Көгшд йөрәл тәвнә. Нәр-наадн йовудт бичкдуд  тәвнә, шулг умшна, ду дуулна, би биилнә.