Ачык шөгыль " Йөк машинасы"
план-конспект занятия по аппликации, лепке (младшая группа) на тему

Әтнә районы Күшәр балалар бакчасы.

Икенче кечкенәләр төркемендә шөгыль.

(Аппликация)

Тема: Йөк машинасы.

Төзеде: Газизова М.Г.

2017

Максат:

Күзәтүчәнлекләрен, мөстәкыйльлекләрен үстерү; форма,төс турындагы белемнәрен ныгыту;  күзаллауларын үстерү.

Материал:

Уенчык йөк машинасы, төсле кәгазьдән киселгән турыпочмаклыклар, түгәрәкләр, квадратлар, ак битләр, клей, кисточкалар, салфеткалар.

Кулланылган белем бирү өлкәләре:

Танып белү, иҗади эшчәнлек(аппликация),сөйләү үстерү.

Эшчәнлек барышы.

1.Оештыру өлеше.

Тәрбияче зур яулык астында яшеренгән предметны өстәлгә куя һәм балаларга сорау бирә.

2. Уен “ Табышмак әйтәм”

Тәрбияче: Балалар, мин сезгә табышмак әйтәм, ә сез нәрсә икәнен белергә тырышыгыз.

Дүрт көпчәк,

Резин шиналар,

Мотор һәм тормоз,

Нәрсә бу? – әйтеп кара.

Балалар: бу -  машина.

Тәрбияче: Әйе, бу йөк машинасы. Балалар, йөк машинасы комнар, ташлар ташый. Ул төзелештә дә бик кирәкле.

3. Уенчык йөк машинасын карау. Аппликация.

Тәрбияче уенчык йөк машинасын өстәлгә куя, балалар аны карыйлар, нинди өлешләрдән торганын әйтәләр: кабина, тәрәзәләр, руль, фаралар, арбасы, көпчәкләр. Аннары тәрбияче геометрик фигуралар күрсәтә( квадратлар, турыпочмаклыклар, түгәрәкләр)аларны йөк машинасының өлешләре белән чагыштырырга тәкъдим итә: кабина, тәрәзә квадратка, арбасы, турыпочмаклыкка,көпчәкләре түгәрәккә охшаган. Тәрбияче ярдәме белән балалар геометрик фигуралардан йөк машинасы төзиләр.

Физкультминутка.

Без атлап та барабыз,( урында атлыйлар)

Йөгереп тә барабыз( урында йөгерәләр)

Арып китсәк, утырып

Аякларны язабыз( урында тыпырдыйлар)

Балалар алларындагы ак битләрдә үзләре йөк машинасы төзеп карыйлар һәм аны ябыштыралар. Тәрбияче ярдәм итә.

4.Йомгаклау.

Без сезенең белән нәрсә ябыштырдык?

Йөк машинасы нәрсәләр ташый ала?