"Математика иленә сәяхәт"
план-конспект занятия по математике (старшая группа)

Кадерле балалар! Бүген мин эшке килүгә өстәлемдә менә нинди матур бандероль ята. Ачып карамакчы идем тик ул ачылмый,мин кайгыга калдым. Бандероль  янында менә бу хат ята, ул математика иленнән килгән. Әйдәгез әле аны бергәләп укыйк.

“Балалар бу бандероль сезгә,сез аның эчендә нәрсә икәнен ачып карап белә аласыз.Тик ул ачкыч белән ачылмый. Аны ачыр өчен математика иленә сәяхәт ясарга кирэк. Сезгә анда бик күңелле биремнәр әзерләнгән.Һәр дөрес үтәлгән биремгә бер йолдыз  бирелә , әгәрдә сез 8  йолдыз  җыя алсагыз бандероль  ачылачак.”

1нче слайд-Математика иленә барыр өчен гади булмаган транспорт сайлыйк әле – оча торган тәлинкә. Аны кабызып очырыр өчен турыга һәм кирегә санарга кирэк 1-7 кадәр. 2-3 бала такта янына чыгып саный.

2 нче слайд- Без сезнең белән Математика иленә килеп життек, ләкин керә алмыйбыз. Керер өчен без сезнең белән ”Кайсы сан югалды?” уенын уйнап алырбыз.Балалар күзләрен йомалар,тактадан бер санны алып тәрбияче яшерә,балалар 7 сан арасыннан югалган санны ачыклап ,кул күтәреп әйтергә тиешләр.

3 нче слайд- Менэ килеп тә кердек. ”Ничә предмет шулкадәр түгәрәк яса”. Балаларга тактага предметлар куела. Бала тактага чыгып предмет санынча түгәрәк ясый һәм цифраны алып куя.

4 нче слайд-Ял минуты “Язгы урман урман”.

5нче слайд-Математика илендә дә таң  ата,кич була икән балалар.Тәүлек вакытларын ныгыту. Уен “Дөрес , дөрес түгел”.

-Иртән без бакчадан кайтабыз?

-Көндез уеннар уйныйбыз?

-Кич бакчага киләбез?

-Төнлә без йокларга ятабыз?

-Балалар дөрес җаваплар бирәләр. Рэсемнэрне урнаштыралар. Тактада эленгән рәсемнән тәүлек вакытларын чыгып күрсәтәләр.

6. нчы слайд-Әйдәгез әле  елга аша чыгар өчен күпер салыйк.Өстәл өстендә төрле озынлыктагы 4 полоска ята. Балалар сезгә бу төсле полоскаларны кыскару тәртибендә тезәргә кирәк.Башта иң озын полосканы табып куегыз , аннан дәвам итегез.Кайсы полоскадан күпер салып була икен ?сез ничек уйлыйсыз?Иң озыныннанмы ,әллә иң кыска полоскаданмы?

-Беренче нинди төстәге полосканы куйдыгыз, икенче нинди төстәген,-Балалар полоскаларны төсләре буенча кыскару тәртибендә  әйтеп чыгалар.

7 нче слайд-Балалар карагыз әле нинди матур замок сезнең кереп карыйсыгыз киләме?Әгәрдә дөрес эшләсәгез сезне анда да кертерләр.Уен “Художник ялгышкан” балаларга предметлар ясалган карточкалар таратыла. Предметлар янына саннар язылган тик алар предмет санына тәңгәл килми. Предметларны санап дөрес саннар куярга кирәк.

8 нче слайд-Ә хәзер балалар космик аланда  күңелле туп уенын уйнап алырбыз. Күңелле туп уенына серле капчык кертелә. Капчык эчендә геометрик формалар, туп кемдә туктый шул геометрик форманы алып исемен әйтә һәм тактада ябыштырылган карточкалар арасыннан геометрик форманың паспортын таба.

9 нчы слайд- Балалар безнең кайтыр вакытыбыз да җитте.Әйдәгез яңадан тәлинкәгә утырыйк әле.  

10. Тәмамлау. Балалар өстәлләр артына утыралар. Без  бүген сезнең белән нинди биремнәр үтәдек? Балаларның җаваплары.

  Балалар сезнең җавапларыгыз дөрес булды ,карагыз әле бандеролебез дә ачыла..Бандероль ачыла һәм аннан күчтәнәч конфетлар чыга.

Татарстан Республикасы Түбән Кама районы

“83 нче гомуми үстерелешле балалар бакчасы “

Муниципаль узидарә мәктәпкәчә белем бирү учреждениясе

“Математика иленә сәяхәт” темасына

 өлкәннәр төркемендә скрайбинг технологиясен кулланып оештырылган танып белү өлкәсендә

 белем бирү эшчәнлеге конспекты.

Төзеде:

ТР ТКМР “83 нче санлы  гомуми

 үстерелешле балалар бакчасы

 тәрбиячесе :Зарипова И.Р.

Түбән Кама шәһәре

2021 ел