Музыкалы һәм такмаклы уеннар.Музыкальные игры.
методическая разработка по музыке по теме

Музыкалы һәм такмаклы уеннар

        Шигьри такмаклы уеннарны балалар бик яраталар, бу төр уеннар, аларның хәрәкәтчәнлеген арттыру белән бергә, сөйләм телен дә үстерә, уен барышында һәммәсенә дә катнашырга мөмкинлек туа. Уенның сүзләрен бер-ике уйнауда ук аңлату мәҗбүри түгел. Башта уенның тәртибе аңлатыла, аңлаешлы итеп сүзләре укып күрсәтелә. Сүзләрен өйрәнеп беткәч, балалар мөстәкыйль уйный алалар. Такмакны җинел бер көйгә салырга мөмкин.

        «Куяннар һәм бүре»

Йоп-йомшак куяннар

Йокыдан уянганнар,

Нинди рәхәт аланда,

Шатланалар алар да.

Тик бүрене күрмиләр,

Читтәнрәк йөрмиләр

Бүре бик явыз нәрсә,

Уйлап тормый һичнәрсә -

Аланга килеп җитә,

Куянны алып китә.

        Башта «куяннар» «йоклыйлар», беренче юлны әйткәндә уяналар, сикергәлиләр, (җиңел көй уйнатырга була), соңынан «бүредән» качалар.

        «Яңгыр»

Без уйныйбыз болында

Күктә  болыт югында,

Нинди аяз зәнгәр күк,

Бүген яңгыр яумас күк.

Дөбер-дөбер дөбердек,

Күктән килде гөрелдек

Шыбырдарга тотынды,

Кемнәр качып котылды?

            Беренче куплетны-«болында» уйнаучы балалар, икенче куплетны тәрбияче яки аерым бала әйтә. «Яңгыр» булган бала шөлдерле барабан тотып утыра, ул  иптәшләрен «юешләтергә» (кулы белән кагылып) тырыша.