Өлкәндәр төркөмөндә белем биреү эшмәкәрлеге
план-конспект занятия по окружающему миру (старшая группа)

Өфө ҡалаһы ҡала округының «308-се Башҡорт балалар баҡсаһы»

Өлкәндәр төркәмәндә асыҡ дәрес конспекты.

Тема : “Йорт хайуандары һәм уларҙың файҙаһы.”

Тәрбиәсе:Ғибәҙуллина Р.Р.

ӨФӨ-2016

Йорт хайуандары һәм уларҙың файҙаһы.

Маҡсат:-Һәр бер хайуандың үҙенсәлекле һыҙаттарын табыу һәм башҡорт телендә иҫтә ҡалдырыу.(ял,тояҡ,мөгөҙ,ҡойроҡ,йөн,тире)

-Хайуандар тураһында балаларҙың төшөнсәһен байытыу,кеше өсөн бик куп файҙа килтерен балаларға аңлатыу.

-хайуандарҙың һәм уларҙың балаларының исемдәрен ҡабатлау.

-Хайуандарға ҡарата һөйөү,йәлләү тойғоһо уятыу.

Йыһаз:слайд,туп,дидактик уйын «Кем мин?».

Дәрес барышы:

Балалар һаулыҡ һорашып төркөмгә инәләр.Ултырышалар.

-Балалар,мин бөгөн һеҙгә бик матур шиғыр уҡып ишеттерәм.Һеҙ иғтибар менән тыңлағыҙ,ниндәй йорт хайуандарын һеҙ ишетерһегеҙ икән?

«Бәләкәстәр.”

-Ә, хәҙер миңә әйтегеҙ ниндәй йорт хайуандарын һеҙ был шиғырҙа ишеттегеҙ?(яуапатар).

-Эйе,беҙ бөгөн йорт хайуандары тураһында һөйләшәбеҙ.Ә нишләп уларҙы йорт хайуандары тиҙәр?

-Тағы ниндәй йорт хайуандары һәм уларҙың балаларын беләһегеҙ?(ҡабатлап үтеү)

-Ә беҙгә йорт хайуандары ниндәй файҙа килтергәнен белер өсөн слайдтарға ҡарап үтәйек.Бына ҡарағыҙ әле был нимә?

-Эйе был һыйыр.Ул беҙгә бик күп файҙа килтерә:ит ризыҡтары һәм һөт ризыҡтары бирә.Ниндәй һөт ризыҡтары беҙ беләбеҙ икән?(Балалар яуаптары).Ә иттән колбаса,сосискалар эшләйҙәр.

Шулай итеп,слайд һайын эт,һарыҡ,ат,кәзә тураһында һөйләү.

Физкультминутка:Малайҙар һәм ҡыҙҙар бер-береһенә ҡапма-ҡаршы тороп әйтеш әйтәләр.

1.Әйтегеҙ әле ҡыҙҙар

Нисек һыйыр һауалар

Бына шулай,бына шулай

Бына шулай һауалар.

2.Әйтегеҙ,әле малайҙар

Нисек атта сабалар?

Бына шулай,бына шулай

Бына шулай сабалар.(балалар ултырышалар).

Дидактик уйын”Мин кем?”

Иң беренсе тәрбиәсе уйнай,һорауҙар бирә:

-Мин хайуанмы?

-Мин йорт хайуанымы?

-Кәбеҫтә яратаммы? Һ.б. 2-3 бала уйнай.(эт,терпе,ат һүрәттәре).

Йомғаҡлау.

-Балалар беҙ һеҙҙең менән бөгөн нимәләр тураһында һөйләштек?

Слайд буйынса эшләү.

-Бына ҡарағыҙ әле,хайуандар менән ошолай итергә яраймы?(ҡойроғонан тартырға,ныҡ итеп ҡыҫып тоторға,һуғырға,ыҙалатырға яраймы?)

-Ә бына был слайдта ҡарағыҙ әле.Бәләкәс кенә ҡыҙыҡай нисек итеп бәрәсте ярата,ашата.Бына шулай итеп уларҙы яратһаң,йәлләһәң генә уларҙа һине яратырҙар,һәм ҙур файҙа килтерерҙәр.Һеҙ бөгөн бөтәгеҙ ҙә афариндар,һәм шуның өсөн мин һеҙгә бәләкәс кенә бүләгемде таратам.