Шәхси гигиена әйберҙәре тураһында йомаҡтар
материал по окружающему миру

ШӘХСИ ГИГИЕНА ӘЙБЕРҘӘРЕ ТУРАҺЫНДА ЙОМАҠТАР 
#jomaktar 

Тәҙрә башында йоҡлайым, 
Кеше битен һыйпайым. /таҫтамал/

Оҙон-оҙон оҙарған,
Ике башы ҡыҙарған. /таҫтамал/

Ике айыры, ике түңәрәк,
Уртаһында бер төймә. /ҡайсы/

Ике осонда ике дүңгәләк,
Уртаһында бер ҡаҙаҡ. /ҡайсы/

Ауыҙы юҡ, теше күп, 
Көлтә һүтә, эше күп. /тараҡ/ 

Ҡара тәкә тау шыуа. /тараҡ/ 

Тимер тәкә тау яра. /тараҡ/ 

Тигеҙ генә быяла, үҙе минән ояла. /көҙгө/ 

Яҡ яғы таҡта, уртаһы баҡта. /көҙгө/ 

Мин ни күрҙем, ни күрҙем, 
Күпереп торған май күрҙем. /һабын/

Үҙе шыма, күбеккә күмә, 
Хуш еҫле, йә, кем белә? /һабын/ 

Һәр кем ауыҙға ҡапһа, 
Яратһа уны кеше, 
Бер ҡасан да һыҙламаҫ, 
Һәм ялтырап торор теше. /теш щеткаһы/

Арҡаһында һөйәге, 
Һөйәгендә мыйығы. 
Аҡ ҡойманы ағарта, 
Мыйығы менән таҙарта. /теш щеткаһы/ 

Бит-ҡулдарҙы ҡорота, 
Таҙалыҡты ярата. /таҫтамал/

Аҡҡош кеүек аҡ ҡына, 
Йомшаҡ ҡына, паҡ ҡына, 
Көн дә һыйпай битемдән 
Элеп ҡуям ситенән. /таҫтамал/