Яна ел программасы
материал (подготовительная группа) по теме

Көй астында бию хəрəкəтлəре ясап балалар залга керəлəр. Бию хəрəкəте беткəч, ярым түгəрəккə басалар.

Әдилə: Исəнмесез барчагыз!

Алинə: Яңа ел белəн, Сезне!

Айнур: Яңа ел котлы булсын!

Фирүзə: Бəхетлəр елы булсын!

Марат: Шатлыклар елы булсын!

Энҗе: Кырларда иген уңсын!

Наил: Амбарлар тулып торсын!

Камил: Табыннары мул булсын!

Рөстəм: Бəрəкəтле ел булсын!

Барысы бергə: Яңа ел белəн!

Айнур: Бүген бездə зур бəйрəм!

             Бүген Яңа ел килə!

           Безнең күңеллəр җырга

            Һəм биюгə җилкенə.

Илүс: Яңа елның бəхетле ел

           Буласын без белəбез

         Шуңа күрə бергəлəшеп

         Яңа елга керəбез.

Рөстəм: Рəхмəт сиңа да иске ел!

            Матур ел булдың бит син.

            Синнəн алган бəхет-шатлык

            Гомер буена җитсен!

Җыр: «Яңа ел» (Л.Батыр-Болгари көе, Р.Валиева сүз.).

Җыр бетүгə Шрек керə, кулында серле кош, телефоннан сөйлəшеп керə:

- Таптым, таптым Фиона кадерлем, таптым. Мин аларны (балаларны күрсəтеп) таптым. Ярый-ярый борчылма (телефонын сүндерə).

А.б: Сез, əфəндем, ялгыш элəктегез. Монда безнең Яңа ел бəйрəме бара.

Шрек: Юк, ялгышмадым. Мин сезгə килдем.

А.б.: Бəйрəмне өзеп, шулай шаулап йөрмилəр инде. Әйдə, уз килгəч, танышыйк. Сез кем буласыз? Нəрсəлəр булдырасыз?

Шрек: Мине танымаска инде! Мин - Шрек, хəзер тылсым иясе дисəгез дə ярый. Мин серле кош тоттым. Нəрсə телəсəң шул кабул булачак. Карагыз! (сүзлəрен əйтə).

Аллы – гөлле кошчыгым

Оч күклəрдə җилпенеп,

Әфсен-төфсен, фун-морам

Мин барын да булдырам!

Әкият телим!   (Ут сүнə һəм яна. Себеркесе белəн сихерли-сихерли Убырлы карчык керə).

У.к: Әкият телисезме? Була ул! Ә нинди əкият? Заманчамы əллə бик борынгымы? Әһə, зурлар өчен əкият нəрсə ул? Менə сез (əти-əнилəргə) сөйлəшəсез инде «Аның тормышы əкияттəге кебек!». Нəрсə дигəн сүз соң ул «Әкияттəге кебек»? (ачулы). Менə хəзер аңлатам мин сезгə.

Минем тавык тəпилəрендə торучы өемне хəтерлисезме? Сиңа əйтəм, борма башыңны,  берүзе калды бит ул шундый! Ә ипотекага нинди яхшы йортлар салдылар, «Бəлəкəч» программасын кабул иттелəр. Әһə, бирəсегез килмиме миңа? (Башкалар янына килеп) Ә сез укыган теге ялан тəпи йөргəн Куян кызы хəзер Парижда модельер!

Ә теге 7 кəҗə бəтиенең əнисе Казанда «Әни сөте» дигəн ресторан ачты.

Ә сəяхəтче бака-а-а! һəр җəйдə чит илгə оча. Нинди акчалардыр инде!

Шрек: Мондый əкият телəмим!

(Убырлы зыр-зыр əйлəнə).

У.к: Күрмəссез дə əле Кыш бабагыз белəн Кар кызын! Кызык итəм əле, мин бит Убрлы!

 (Чыгып китə).

А.б: Шрек, син безгə андый тылсымың булгач ярдəм ит инде. Безнең яңа елга чыршы белəн цирк аренасы килсен!

Шрек: Бик телəп (такмаклап кошка шигырен укый). Пəрдə ачыла, цирк көе яңгырый.

Әдилə: Зур яңалык бу елда-

           Цирк килде бакчага.

                   Әй, җыйналды малайлар,

                     Әнилəр һəм апайлар.

(Чыршыга килеп сөйли).

        Уртада тора чыршы

        Чыршының да чып-чыны!

        Нинди төз, матур, биек

Тора түшəмгə тиеп.

Илшат: Без җыйналдык бүген монда

            Яңа ел бəйрəменə.

            Яшел чыршы тирəсендə

            Җыр җырлап əйлəнергə.

Җыр: «Чыршы» (А.Хəмзин сүз, Ф.Мортазин көе).

Җыр бетүгə цирк көе яңгырый, сикерə-сикерə Клоун чыга.

Клоун: Килде, күрдем, шауладым. Шауладым, килдем, күрдем. Мин, мин күңелле клоун! Сезгə үземнең мəхəббəтемне белдерəм (куеныннан чыгарып йөрəк күрсəтə əти-əнилəргə, балаларга һəм алып баручыга бирə).                                            

А.б.: Рəхмəт, рəхмəт. Син əлбəттə безнең арада булырга тиеш. Тагы син, шаян Клоун, нилəр булдырасың икəн?

        Клоун: (бармагын бөгеп саный) Фокус күрсəтəм, шаулап, көлдереп йөрү миннəн, ə биюлəр нəни дусларымнан!

         Клоуннар биюе. (Зөлфəт, Райнур, Марат, Илшат, Камил, Наил)

        Клоун: Ә хəзер фокус! (көй).

        Шрек: (кошчыгын сыпыра). Серле дөньяга син безне алып чык (такмагын əйтə).

(Йөгерешеп тычканнар чыга)

        Абау, кем соң сез, каян килдегез?

        Тычканнар: Без, Микки мауслар, Англиядəн без!

        Шрек: Ничек сөйлəшəлəр соң анда? Кыш бабайның ни хəллəре бар?

        Әдилə: Менə тыңлап тор:

                     Бьютфул Нью Йез Дей!

                    А ю хея уив ми тү стей?

                    Мəдҗик сноү флейкс а фомик,

                     Кидз а плеиң, кидз а Ромин.

        Рөстəм: Чамин Нью йə хəз кам,

                     Смел аут оф китчен из ям,

                     Крисмас три а эверидея-

                     Брайт энд кул хия энд вея.

        Айнур: Нью йə из хия,

                   Сөү лете селибрейт,

                   Кам өүвə тү май плейс,

                   Энд плиз донт би лейт.

                   Вэ смел оф төки,

                   Энд лайтс ок вə уэй-

                   Би лавли энд хэппи

                   Виз уандэфул дəй!

        Тычканнар биюе (киенеп керəлəр). (4 кыз, Айнур, Илүс, Камил, Рөстəм)

        Җыр (инглизчə)

        Шрек: Бернидə аңламадым, урысчага тəрҗемə итмəссезме?

        Әдилə: Елка, елочка!

                   Веселая иголочка!

                    Зажгись огнями разными,

                    Зелеными и красными.

                    Сегодня елки светлые

                    Повсюду зажигаются

                    Во всех домах, по всей стране.

                    Ребята улыбаются.

        Айнур: Скоро, скоро Новый год

                   Что он деткам принисет.

                    Елочки пушистые,

                    Свечи серебристые.

                    Разноцветные шары

                    Смех веселой детворы

                    Горы снега за окном

                    Поздравленья в каждый дом.

                    Много сладостей, игрушек,

                    Книг чудесных хлопушек,

                    Скоро, скоро Новый год,

                    Деткам радость принесет.

        Камил: Этот дед всегда приходит

                    К нам под Новый год.

                    Он из леса всем игрушки

                    Сладости несет.

                    Борода его большая

                    Голова седа.

                    Но поет дед с нами пляшет

                    Весело всегда.

                   А на улице тихонько

                   Ущипнет за нос.

                   Догадались, что за дед он

                   Это – Дед Мороз.

Валенки  җыры, уен кораллары белəн.

Җыр «Новогодний хоровод» (муз. Г.Струве, сл. Н.Соловьева)

        Шрек: Сез бик булдырасыз, ə хəзер зирəклектə сынап карыйм əле (табышмак əйтə).

Килə бары кыш җиткəч

Иске ел үтеп киткəч.

Үзе белəн һəрвакыт

Яңа ел алып килə.

Бүлəк тулы капчыгын

Иңенə салып килə.

- Ә монысы кем була?

        Балалар: Кыш бабай!

        Шрек: Тəк, тəк, тагы бар əле. Тыңлагыз!

Кыш бабайның юлдашы

Аның белəн гел бергə.

Шуңа анны җəй көне

Мөмкин түгел күрергə.

Җəй көне ул бөтенлəй

Мөмкин хəттə эрергə,

Суга əверелергə.

- Ә монысы кем?

        Балалар: Кар кызы!

        Шрек: белдегез, я таныштырыгыз инде.

        А.б.: Балалар əйдəгез чакырыйк Кыш бабайны һəм Кар кызын (төрле якка карап кычкыралар).  

(Балалар артлары белəн борылып кычкырганда, залга капчык аталар).

        А.б.: Нəрсə булды бу, кем безнең бəйрəмне боза? (Шрек сөйлəнə-сөйлəнə капчыктагы əйберлəрне тартып чыгара).

        Шрек: Абау, нəрсə бу? Шушымы инде Кыш бабай белəн Кар кызы? (Балалардан сорый). Ничек күңелсез булды бу. Мондый Кыш бабай һəм Кар кызы кирəкми. Безгə чыны кирəк! (кошны сыпыра).

        Көй астында Кыш бабай, Кар кызы керə.

        Кыш бабай: Кайда əле үзлəре-

                            Убырлы һəм Шүрəле?

                          Качтылар безне алдап-

                          өлгерми калдык аңлап.

        Кар кызы: җəзасын алырлар,

                          Көлкегə калырлар.

        Кыш бабай: Ярар инде, алайса,

                          Бүген бəйрəм лəбаса

                          Бəйрəмнең дə ниндие,

                          Цирк аренасында!

                          Онытыйк барысын да

                          Бəйрəм итик булмаса!

        А.б.: Ой, Кыш бабай без бик курыктык, синсез бəйрəм бəйрəм түгел инде ул.

        Кыш бабай: Ничек бəйрəмгə килми калам инде мин? Узган ел бит тагы килəсе елларга килəбез дип киттек бит. Әйеме, кызым? Менə Убырлыны да җиңеп, сезне бəйрəм белəн котларга килдек.

(Бəйрəм белəн котлый).

        А.б.: Бабакай, син бераз ял ит.

(Утырып тора).

        Җыр: «Исəнме, Кыш бабай».

        А.б.: Менə 1 ел вакыт үтте дə ките. Балалар, əйдəгез əле 1 елда ничə ел фасылы бар?

(җаваплар ишетелə)

- Әйе шул, 4 ел фасылы бар. Кыш бабай һəм Кар кызын бик-бик сагынып беттек. Инде сезгə сорауларыбыз да җыелды, рəхмəтлəр дə əйтəсе бар. Син безнең шатлыкларыбыз белəн уртаклаш, безнең балаларны макта əле.

        Кыш бабай: Бик телəп, бик телəп. Әйдəгез балалар, үзегез турында сөйлəгез, сорауларыгызны бирегез, һөнəрлəрегезне күрсəтегез.

        А.б.: Иң беренче, Зөлфəтнең шигыре аша рəхмəтлəребезне əйтик əле.

        Зөлфəт: Рəхмəт сиңа, Кыш бабай,

                    Чыршы китергəн өчен!

                     Яңа елга һəммəбезне

                     Матур бизəгəн өчен!

Фирүзə: Көн салкын тышта,

                     Уйный кар, буран,

                      Ак төскə керде

                        Бизəлде урам.

                      Тагын ямьлерəк

                      Итəргə илне

                      Иске ел үтеп

                      Яңа ел килде.

                      Ямьле кыш бабай

                      Килдең син безгə.

                          Кунак булырсың

                      Кер өебезгə.

                         Кыш бабай мине

                        Бүген син макта

                        Бер яшькə үстем

                        Син килгəн чакта. 

Кыш бабай.:(мактый) Рəхмəт кызым рəхмəт! Бик зур үскəнсең. Әйткəн иде аны кыш əбиегез, алар мəктəпкə баралар икəн дип. Дөрес икəн шул!

        А.б.: Ә хəзер, бабакай, тыңлап тор инде, соравыбызны да бирик.

          Энҗе: Кыш бабай, кыш бабай

                 Күптəн таныш инде син.

                 Тик ни өчен Кыш əбине

                 Бер дə алып килмисең?

                 Безгə дигəн күчтəнəчне

                 Ул үзе тутырамы?

                 Аннары сине озаткач

                 Гел өйдə утырамы?

                 Ул да биеп йөрер иде,

                 Безнең чыршы янында.

                 Кыш əбине дə калдырма

                 Тагы килгəн чагында!

А.б.: Яле, Кыш бабай, ни дип җавап бирерсең икəн?

        Кыш бабай: Кыш əбинең эше күп, икəүлəп йөри башласак башка балаларга күчтəнəчне кем тутырып өлгерер? Ярый, ярый, (башын кашып уйлый) уйларгы кирəк, килəсе елга һиччиксез алып килермен үзен!

        А.б.: Кыш бабай, тыңла əле, безнең зур шатлыкларыбыз да бар бит.

        Кыш бабай: Яле, яле.

        Наил: Менə зур шатлык миңа

                 Төнлə Кыш бабай килгəн.

                 Уятмаган ул мине,

                 Йокласын əле дигəн.

                 Алып килгəн күп итеп

                 Күчтəнəчлəр, бүлəклəр.

                 Хат та калдырып киткəн,

                 Язып матур телəклəр.

                 Мин һəр кичтə тəрəзəдəн

                 Күзəтеп үтəрмен, - дигəн.

                 Сүз тыңламый торган булсаң ,

                 Керми китəрмен, -дигəн.

        А.б.: Ә хəзер сезнең алдыгызда – гимнастлар биюе (Алинə, Фирүзə).

        А.б.:  Әдилə җыры.

        Алинə: Үзе шаян, үзе юмарт

                   Үзе һаман шулай карт.

                   Безнең белəн бие, җырла,

                   Бүлмəбезгə ямь тарат.

        Райнур: Кыш бабай, алтыным,

                    Битлəрең кызарган.

                    Әйдəле бер биик

                    Уздырып кызлардан.

        Кыш бабай белəн җырлы Бию «Дубыр-дубая».

        Кыш бабай: Ай – һай,  шаян икəнсез,

                           Мине җиңəм дигəнсез.

                           Кыш бабагыз карт булса да,

                           Хəйлəкəр ул, белəмсез.

        Балалар: Ай, дубыр-дубая,

                        Ай, дубыр-дубая.

                        Кыш бабайның биегəндə

                        Бер аяк артка кала.

        Кыш бабай: Капчыгымда күчтəнəчлəр

                          Алып килдем мин сезгə.

                          Әгəр шулай шаяртсагыз,

                          Бирмəм əле берсен дə.

        Балалар: Ай, дубыр-дубая,

                       Ай, дубыр-дубая.

                      Кыш бабайның биегəндə

                      Капчыгы төшеп кала.

        Марат: Кырга ак кардан

                    Юрган ябылган.

                   Җир язга чаклы

                        Йокыга талган.

     Ул тормас йоклар,

     Кышлар үтмичə.

     Көньяктан кошлар

     Кайтып җитмичə.

                     Җир йоклый тыныч

                     Күреп тəмле төш.

                     Уяныр əле,

                     Тукта үтсен кыш.

        Камил:

Шап итте дə нəрсəдер

Төште куян каршына.  

Күтəрелеп караса

Биек чыршы башына-

Анда утырган тиен,

Селкеп тора тəпиен,

Чиклəвекне куянга

Юри туктаткан дустын:

-Яңа ел котлы булсын }2 т.

Тиен котлый куянны,

Куян котлый тиенне.

Тиен əйтте яз җиткəч,

Очратты да куянны:

Кызык иде Яңа ел!

Шулчак аю уянды

Тирə якка каранды.

Үзе усал, үзе ач

Кыш буена йоклагач.

Аңлашылмый аңа ул

Нинди була Яңа ел?

Тəмлеме ул Яңа ел?

Тəмлесен бик тəмле дə

Бик тиз бетеп китə шул!

Ямьлесен бик ямьле дə

Бик тиз үтеп китə шул!

Сикерештелəр инде,

Сөенештелəр инде,

Тəмле тəмле бүлəклəр,

Чыршыларның төбендə

Әйлəн бəйлəн уйныйлар

анда монда тегендə.

        А.б.: Аренабызга кулга иялəштерелгəн пингвиннарны чакырыйк.

Пингвиннар биюе (4 кыз).

        Шрек: Бабай, өйрəнеп утырдыңмы? Балтач, Шубан балалары янына баргач үзебез биеп күрсəтербез пингвин булып, яме!

        Кыш бабай: Ай-һай, аяклар күтəрелер микəн?

        А.б.: Аяклар дигəннəн, əйдə оеп китə күрмəсен тагы. Бер балалар белəн уйнап та алыйк.

                 «Эзлə» уены.

        А.б.: Ә хəзер чын Яңа елыбызның геройларын чакырабыз .

Динозаврлар биюе (Айнур, Рөстəм, Камил, Наил, Илүс, 4 кыз)

        Кыш бабай: Балалар, бик булдырдыгыз! Сезнең өчен күңелем сөенеп утырды. Вакыт дигəнең һай, сизелми дə уза, инде саубуллашыр чак та җиткəн икəн:                Менə сезгə бүлəклəр

                    Телим яхшы телəклəр.

                    Матур-тыныч яшəгез,

                     Кайгы-хəсрəт күрмəгез.

                          Әти-əниегез сүзен

                          Һəрвакыт та тыңлагыз.

                          Тагы бер елдан килермен

                          Шунда барын белермен.

        Кар кызы:   Сау булыгзыз!

                           Бүгенгедəй

                         Һəрчак булыгыз көлəч.

                         Күрешербез Яңа елда

                         Тагын бер ел үткəч .

        Балалар: Хушыгыз, Кыш бабай,

                       Сау булыгыз, Кар кызы!

(Балалар чыршыны əйлəнеп җитəклəшеп көй астында чыгып китəлəр).