"Агач, агач, исемең ничек?"
план-конспект занятия (подготовительная группа) на тему
Предварительный просмотр:
Тема “ Агач,агач, исемең ничек?”
(мәктәпкә әзерлек төркеме белән көзге экологик сукмак буйлап сәяхәт)
Максат: көз фасылының үзенә генә хас булган матурлыгын һәм гүзәллеген күрә белергә өйрәтү.
Бурычлар:
1.Балаларда игътибарлылык ,әйләнә – тирә табигатькә,агачларга карата сакчыллык,миһербанлылык сыйфатлары , экологик культура тәрбияләү.
2. Логик фикерләү сәләтен,ишетү игътибарын,сөйләм телен үстерү.
3.Балаларның табигатьтәге сезонлы үзгәрешләрне белүләрен аныклау һәм ныгыту.
Төп белем бирү өлкәсе: танып белү
Интеграль белем бирү өлкәләре: сөйләм телен үстерү, социаль коммуникатив
Ысуллар һәм алымнар : уен, практик,сүзле, күрсәтмә ысуллар; алымнар:әңгәмә, сораулар,биремнәр,өстәмә аңлатмалар,нәфис сүз,музыка тыңлау,балалар сөйләмен бәяләү.
Чаралар: плакат "Нечкәбил",кәгзьдән өрәңге яфраклары кисү,урманнан агач үсентеләре алып кайту,җәнлек һәм кошлар рәсемнәре,күркәләр тутырылган кәрзин.
Алдан эшләнелгән эшләр: экологик сукмакның карта - схемасын эшләү,дидактик уен " Агачның исемнәрен әйт", һ.б.
Эшчәнлек барышы:
- Балалар,сезнең сәяхәткә чыкканыгыз бармы? Нинди җирләргә сәяхәт итеп була?
- Ә бүген мин сезне балалар бакчасының экологик сукмагы буйлап сәяхәткә чакырам.
Һәрбер экологик сукмакның үз хуҗасы була. Ә аның исемен белү өчен безгә табышмакның җавабын белергә кирәк.
Бызлый да бызлый,
Үпкән җире сызлый. (бал корты)
- Ләкин ул гади генә бал корты түгел, ә Абдулла Алиш әкиятеннән алынган бик тырыш һәм уңган бал корты - Нечкәбил. Хуҗадан башка өйгә кереп булмаган кебек,без дә Нечкәбилдән башка юлыбызны дәвам итә алмыйбыз Бәлки чакырып карарбыз.
(Җавап ишетелмәгәч, тәрбияче тирә - юньгә күз салырга тәкъдим итә. Чыршы ботагында эленеп торган өрәңге яфрагын күреп алып, җентекләп карыйлар һәи экологик сукмакның картасы булуын ачыклыйлар. Бу яфрак Нечкәбилнең хаты.)
- Ни өчен Нечкәбил күренми икән? Бәлки хатта язылган табышмак ачыклык кертер?
Сайрар кошлар очып киткән,
Болытлар яшен түккән.
Таң алдыннан чәчәкләрне
Кыраулар төшеп үпкән.( Көз)
- Бөҗәкләр тормышында көз көне нинди үзгәрешләр була?
- Картага карап юлыбызны дәвам итик әле.
Барабыз,барабыз,
Агач күреп алабыз.
Җәй дә яшел бу агач,
Кышта яшел бу агач,
Бигрәк матур бу агач. (чыршы)
- Чыршы нинди агач? Җәнлекләр, кошлар тормышында нинди роль уйный?
- Чыршы бик әкрен үсә торган агач. Зур һәм озын булып үсәр өчен бу агачка бик күп еллар кирәк.
М. Фәйзуллина "Чыршының күлмәкләре" шигыре.
- Кешеләр тормышында чыршы нинди кулланыш таба?
- Кәгазьне тагын нинди чималдан ясарга була? (макулатура җыю турында фикер алышу)
Уен: " Агачның өлешләрен әйт"
-Юлыбызны дәвам итик.
Барабыз,барабыз,
Миләш күреп алабыз.
Җимешләре кып - кызыл,
Могаен бик тә сусыл.
Җимеш җыям,как коям......
-Ни өчен җимешләрен җыймыйбыз?
- Нинди кошлар бик яраталар бу җимешне? Ә кешеләр ни өчен миләшне күпләп утырталар?
Юлыбызны дәвам итик.
Барабыз,барабыз,
Нарат күреп алабыз.
Үрелеп,күркәләрен өзәбез......юк өзмибез...
- Ни өчен ?
(Нарат төбендә Керпедән ,дип язылган кәрзин табалар. )
-Кешеләр нинди максат белән агачлар утырталар?
Юлыбызны дәвам итик.
Барабыз,барабыз,
Агач күреп алабыз.
Ап - ак күлмәген кигән,
Күлмәгенә кем тигән? (каен )
(Каен төбеннән агач үсентеләре һәм хат табалар. Тәрбияче хатны укый,анда Урман хуҗасы балалардан агач үсентеләрен утыртуларын үтенгән)
Тэрбияче: Табигать ул - Җир Ана! Ул безгә көч - дәрт,яшәү көче бирә. Без дә аңа карата мәрхәмәтле булыйк, аңа ярдәм итү максатыннан республикабызда 1 октябрьдан алып 31нче октябрьга кадәр үткәрелә торган " АГАЧ УТЫРТ" акциясендә катнашыйк.
( Балалар әти - әниләр һәм тәрбиячеләр ярдәме белән үсентеләрне билгеләнгән участокка утырталар)
По теме: методические разработки, презентации и конспекты
![](/sites/default/files/pictures/2012/11/04/picture-137272-1352033956.jpg)
Син һәм синең исемең
балаларның исемгә хокуклары белән таныштыру. Бу хокукны тормышта кулланырга өйрәтү. Социаль-әхлакый үсешкә этәргеч бирү....
![](/sites/default/files/pictures/2013/01/13/picture-178064-1358072413.jpg)
взаимодействие ДОУ исемьи в условиях реализации федеральных государственных требований
для того чтобы спланировать работу сродителями, надо хооршо знать родителей своих воспитанников. ежегодно в сентябре воспитатели групп проводят анкетирование среди родителецй воспитанников...
![](/sites/default/files/pictures/2013/02/12/picture-200417-1360698385.png)
Музыкаль-әхлаки кичә. “Исемең ничек үскәнем!” (Зурлар төркемендә ата-аналар белән нетрадицион формада эш).
Музыкаль-әхлаки кичә.“Исемең ничек үскәнем!”(Зурлар төркемендә ата-аналарбелән нетрадицион формада эш)....
![](/sites/default/files/pictures/2015/10/04/picture-382811-1443984126.jpg)
«Исеменә күрә- җисеме .» проекты.
Проектның төре: иҗади-практик.Дәвамлылыгы: Проектның максаты: татар исемнэренен матурлыгын, мәгънәсен ачыпп, милли традицияләрне аңлату.Проектның бурычлары: 1). Балаларга «татар исем...
![](/sites/default/files/pictures/2018/09/19/picture-1059871-1537381471.jpg)
Исемең матур – кемнәр куйган..! (зурлар төркемендә әдәби-музыкаль кичә)
Исемең матур – кемнәр куйган..!(зурлар төркемендә әдәби-музыкаль кичә)...
![](/sites/default/files/pictures/2018/09/09/picture-935509-1536505026.jpg)
«Татарстан Республикасы Саба муниципаль районы Югары Симет «Ромашка» балалар бакчасы» мәктәпкәчә белем муниципаль бюджет учреждениесе филиалы - «Түбән Симет балалар бакчасы» Проект эшнең исеме : "Китап киңәшчең синең"
Бүгенге көндә безнең җәмгыятьтә уку статусы бөтенләй кимеде. Мәгълүматларның техник яктан камилләшүе чорында китапка кызыксыну кимеде. Бу проблеманы хәл итү өчен үсеп килүче буынның китап укуга, китап...
![](/sites/default/files/pictures/2021/01/09/picture-1303083-1610209579.jpg)
Телмәр үҫтереү өлкәһе Тема: Г.Ситдыҡова “Президент исеме” хиҡәйәһе менән таныштырыу. Өлкәндәр төркөмө
Г.Ситдыҡованың “Президент исеме”хиҡәйәһе менән таныштырыу, Башҡортостандың тәүге президенты тураһындағы белемдәрен киңәйтеү, һорауҙарға тулы яуап бирергә өйрәтеү, башҡорт өндәрен дөрөҫ әйт...