"Язгы кояшны йокыдан уяту"
материал (младшая группа) на тему

                          Язгы кояшны йокыдан уяту.

        2-3 яшьлек балалар өчен язгы күңел ачу чарасы

Катнашалар: Кояш, Әтәч, Аю – өлкән төркем балалары.

Алып баручы. Кошлар күңелле сайрыйлар

                            Тып та тып тамчы тама.

                            Ишек шакый яз дөньяга

                            Җир йокыдан уяна.

Кечкенә генә өй янына килә.  

               Карагыз әле балалар

               Нинди матур өй тора.

               Бу өйдә кояш йоклый

               Уяна таң атуга.

                             Бүген ул никтер уянмый

                             Йоклый да йоклый һаман.

                             Әллә җырлап алыйкмы соң

                             Уяныр безнең җырдан.

“Кояш чык” җыры  башкарыла.

Алып баручы. Юк балалар, уянмады. 

                            Инде соң нишләп карыйк.

                            Әллә инде әтәч дусны

                            Без ярдәмгә чакырыйк.

Балалар. Әтәч – әтәчкәй!

 Алып баручы. Әтәч дус, Кояшны уятырга ярдәм ит син безгә.

Әтәч. Мин теләп ярдәм итәрмен,

           Кояшны уятырбыз.

           Бер шартым бар, сез дә миңа

           Матур җыр башкарыгыз.  

“Әтәч” җыры башкарыла.    

Әтәч канат кагып кычкыра, Кояш уянып чыга.

Алып баручы. Балалар менә Кояш та уянды.

Уен уйнала. Кояш уяна,      (куллар өскә күтәрелә)

                      Безгә елмая.     (бармакларны бит уртасына куялар)

                      Түбәдән тамчы тама  (учны – учка сугу)

                      Куана бала – чага.      (кулларны өскә күтәреп сикерәләр)

Кояш. Рәхмәт сезгә балалар,

             Сез мине уяттыгыз!

             Ә хәзер бергәләшеп

             Уен уйнап алыгыз!

Уен уйнала. “Түгәрәк уен”.

Алып баручы. Кояш безгә җылы бирә,

                           Бар җир йөзен ямьләтә.

                           Урман, болын, кыр – басулар

                           Күмелә яшеллеккә.  

                                         Яз килгәч, көн җылынгач

                                         Уяна күбәләкләр.

                                  Очып – очып уйный алар

                                  Әйтерсең лә чәчәкләр.

“Күбәләкләр” биюе башкарыла.

Алып баручы. Җылы язны көтеп ала

                           Барлык киек – җәнлекләр.

                           Аю йокыдан уяна һәм шатлана

                           Яз килгән дип, яз килгән.

Аю. Буранлы, салкын кыш буе

        Берни белми йокладым.

        Кояш җылытты дөньяны

        Менә мин дә уяндым.      

Алып баручы. Балалар әйдәгез аю белән уен уйнап алыйк әле.    

“Аю тор йокыдан” уены уйнала.

Алып баручы. Куян да бик шатланган

                            Төпкә дә менеп баскан.

                            Кулъяулык селкеп бии.

                            Безне дә ул чакыра,

                            -“Бергәләшеп биик” - ди.  

 “Кулъяулыклар белән бию” башкарыла.

Алып баручы. Балалар әйдәгез басыйк,

                           Шалтыравыклар алыйк.

                           Кыңгырауны чыңлатыйк

                           Бергәләп күңел ачыйк.

“Оркестр” уены башкарыла.

Алып баручы.   Менә инде көн үтте

                             Кояш йокларга китте.

                             Без дә бик нык арыдык

                             Инде бергә ял итик,

                             Группага кайтып китик.

Балалар төркемнәргә таралышалар.  

                                                           Рәзинә Галиева, Олы Әтнә балалар

                                                           бакчасының I категорияле музыка

                                                            җитәкчесе.