Күңел асыу сараһы «Минең яратҡан уйынсығым» (Сценарий итогового мероприятия "Моя любимая игрушка")
план-конспект занятия (младшая группа) на тему

Күңел асыу сараһы «Минең яратҡан уйынсығым»

Белем биреү бурыстары: осор темаһына йомғаҡ яһау әргә-тирәне уратҡан әйберҙең (уйынсыҡтарҙың) атамаларын ҡабатлау;

Үҫтереү бурыстары: һаулыҡ һорашыу, һаубуллашыу   ғәҙәттәрен нығытыу; уйындар аша иғтибарлыҡтарын, телмәрҙәрен үҫтереү.

Тәрбиәләү бурыстары:   изгелек теләү, ярҙамсылыҡ, үҙ тиҫтерҙәренә һәм өлкәндәргә ҡарата хөрмәтле мөнәсәбәт һымаҡ сыфаттарҙы тәрбиәләү.

Материалдар: туп, 2 машина, ҡуян уйынсыҡтары.

Күңел асыу сараһының барышы

Балалар баян тауышына музыкаль бүлмәгә керәләр. Ҡуян ҡаршылай

Ҡуян: Һаумыһығыҙ балалар!

Балалар: Һаумыһығыҙ!

Ҡуян: Мин Ҡуян. А һеҙ кем?

Балалар: “Ҡарлуғас” төркөмө балалары.

Ҡуян: Һеҙ миңә ҡунаҡҡа килдегеҙме әллә?

Балалар: Әйе!

Ҡуян: Улай булғас, әйҙәгеҙ түңәрәккә торайыҡ, ҡунаҡтарымды беетеп алайым әле. Минең арттан ҡабатлағыҙ!

“Аҡ ҡуян, йомшаҡ ҡуян” йырына бееу

Ҡуян: Афарин! Шәп булдығыҙ!

Сюрприз мәле

Ҡуян: Ҡунаҡтарымды уйнатып алайым әле. Беҙ һеҙҙең яратҡан уйынсыҡтарығыҙ менән уйнаясаҡбыҙ. Һааа... был тоҡ эсендә нималәр бар икән.

Уйынсыҡтарҙы тасуирлау

Ҡуян: Ул түңәрәк, беҙ уны тәгәрәтеп, тибеп уйнайбыҙ. (туп)

Д.У. Тупты тәгәрәт

Ҡуян: Был уйынсыҡты малайҙар уйнатырға ярата, ғ тәгәрмәсе бар. (машина)

Д.У. Кем беренсе

Ҡуян: Уның ике оҙон ҡолағы бар, ҡойроғо ҡыҫҡаҡ ҡына, урманда йәшәй, кешер ашарға ярата. (ҡуян)

Бармаҡ уйыны Ҡуян

Ҡуян: Ҡунаҡ булғас бееп күрһәтегеҙ инде.

Парлы бееү “Бир ҡулыңды, Әлиә...”

Ҡуян: Һай, афарин! Һеҙҙең менән рәхәт! Ә һеҙгә миндә оҡшанымы?

Балалар: Әйе!

Ҡуян: Тағы ла ҡунаҡҡа киләһегеҙме?

Балалар: Әйе!

Ҡуян: Улай булғас, һау булығыҙ. Осрашҡанға тиклем!

Балалар: Һау булығыҙ!

Баян тауышына балалар төркөм бүлмәһенә оҙатыла.