Беренсе кескәйҙәр төркөмөндә Яңы йыл иртәлеге
план-конспект занятия (младшая группа)
Маҡсат: балаларға байрамдан шатлыҡ ҡыуаныс бирергә. Таныш йырҙар, уйындарҙы бергәләп башҡарырға өйрәтеүҙе дауам итеү.
Скачать:
Вложение | Размер |
---|---|
![]() | 17.82 КБ |
Предварительный просмотр:
Башҡортостан Республикаһы Хәйбулла районы муниципаль район Аҡъяр ауылы баланы үҫтереү үҙәге “Бәпембә” балалар баҡсаһы – муниципаль автономиялы мәктәпкәсә белем биреү учреждениеһы
Килешелде
Өлкән тәрбиәсе:
___________Р.М. Сәғитова
«Ҡыңғырау» беренсе кескәйҙәр төркөмөндә
Яңы йыл иртәлеге
Яңы йыл байрамы
Маҡсат: балаларға байрамдан шатлыҡ ҡыуаныс бирергә. Таныш йырҙар, уйындарҙы бергәләп башҡарырға өйрәтеүҙе дауам итеү.
Йыһаздар: кишер, ҡар бөртөктәре, кәрзин.
Ҡатнашалар:
Ҡуян
Ҡарһылыу
Ҡыш бабай
Байрам барышы
Көй яңғырай.
Зал уртаһында шыршы. Балалар Ҡарһылыу менән бергә залға инәләр.
Ҡарһылыу: Беҙгә ҡунаҡҡа шыршы килгән. Бигерәк матур уйынсыҡтар эленгән. Ә Ҡыш бабай һаманда килеп етмәгән. Бәлки йырыбыҙҙы ишетеп тиҙерәк килер.
Ҡарһылыу: Шыршыбыҙ ниндәй матур! Уттары ниңә янмай икән? Әйҙәгеҙ бергәләп ҡабыҙайыҡ.
Балалар өскә хәтле һанағас, шыршыла уттар ҡабынып китә.
Ҡарһылыу: Афарин, балалар. Ә хәҙер ултырып торайыҡ.
Күңелле генә көйгә ҡуян килеп инә, үҙе нимәлер эҙләй.
Ҡарһылыу: Һаумы ҡуян. Беҙ байрамға йыйылдыҡ, ә һин нимә эҙләйһең?
Ҡуян: Һаумыһығыҙ балалар. Һаумы Ҡарһылыу. Байрамға тип кишер һаҡлағайным, урман буйлап килә ятҡанда юғалттым да ҡуйҙым. Һеҙ күрмәнегеҙме, минең кишеремде?
Ҡуян илай.
Ҡарһылыу: Илама инде, ҡуянҡай, илама. Табылыр кишер. Борсолма, һинең күңелеңде асып беҙ һиңә йыр йырлап ишеттерәйек.
«Аҡ ҡуян» йыры.
Ҡуян: Һай, афарин, бигерәк матур йырлайһығыҙ. Кәйефем күтәрелеп китте.
Кишер бәлки ҡар аҫтында яталыр, миңә ҡар бөртөктәрен йыйырға ярҙам итегеҙ.
Уйын: “ Ҡар бөртөктәрен йый”
Ҡуян: Уф, арыным! Бында ла юҡ.
Ҡарһылыу: Әйҙәгеҙ барыбыҙ ҙа бергәләп Ҡыш бабайҙы саҡырайыҡ, күңеллерәк булып китәр ине. Бәлки ул беләлер.
Барыһы бергәләп: Ҡыш бабай! Ҡыш бабай!
Ҡыш бабай: Һаумыһығыҙ балалар, ҡунаҡтар. Ай-һай! Бигерәк шәп малайҙар, бигерәк матур ҡыҙҙар йыйылған икән шыршы эргәһенә. Мин һеҙгә бер тоҡ бүләктәр, күстәнәстәр килтерҙем.
Ҡарһылыу: Әйҙә, Ҡыш бабай, түрҙән үт, беҙ һине һағынып көттөк.
Ҡыш бабай: Ҡыҙым, Ҡарһылыу һин дә килеп еткәнһең бит. Мин һине урманда эҙләп йөрөнөм, юлда кишер табып алдым.
Тоҡтан кишер сығара.
Ҡуянҡайҙыҡылыр инде. Күрмәнегеҙме ҡуянды?
Шыршы артынан ҡуян сыға.
Ҡуян: Ҡыш бабай! Минеке ине, байрамға күстәнәс итеп әҙерләгән инем, юлда бик ҡабаланып юғалтҡанмын.
Ҡыш бабай кишерҙе ҡуянға бирә.
Ҡуян: Рәхмәт, Ҡыш бабай! Был күстәнәс һеҙгә. (Ҡарһылыуға бирә) Миңә урманға ҡайтырға ваҡыт, һау булығыҙ.
Ҡарһылыу: Һау бул ҡуян!
Балалар, хәҙер беҙ Ҡыш бабайға йыр бүләк итәйек.
Йыр «Тышта ҡар яуа»
Ҡарһылыу: Балалар, әйҙәгеҙ Ҡыш бабайҙың бейегәнен күрәйек әле.
Ҡыш бабайҙың бейеүе.
Ҡарһылыу: Ҡыш бабай, һин арығанһыңдыр, ултырып тор, ә беҙ бейеп күрһәтәйек.
Полька
Ҡыш бабай: Бигерәк матур булды йырығыҙ ҙа, бейеүҙәрегеҙ ҙә. Ә хәҙер уйнап алайыҡ.
Уйын “ Туңдырам”
Ҡыш бабай: Уф, уф арыным. Ял итеп шиғыр тыңлап алайым.
Шиғырҙар
Бәләкәстәр Ҡыш бабайҙың алдына ултырып шиғыр һөйләйҙәр, ул һәр береһенә бүләген өләшә бара.
Ҡыш бабай: Рәхмәт балалар, матур йырланығыҙ, бейенегеҙ, шиғырҙар һөйләнегеҙ, бик күңелле булды, әммә беҙгә ҡайтырға ваҡыт етте. Һау булығыҙ.
Балалар: Һау булығыҙ.
Ҡарһылыу менән Ҡыш бабай хушлашып сығып китәләр. Балалар рәхмәт әйтеп, оҙатып ҡалалар.
По теме: методические разработки, презентации и конспекты
Беренсе кескәйҙәр төкөмөндә музыка дәресе
Беренсе кескәҙәр төркөмөндә музыка дәресе. "Урманға-ҡуянға сәйәхәт"...
![](/sites/default/files/pictures/2020/12/10/picture-1210787-1607626778.jpg)
Беренсе кескәйҙәр төркөмөндә яңы йыл иртәлеге
Маҡсат: балаларға байрамдан шатлыҡ ҡыуаныс бирергә. Таныш йырҙар, уйындарҙы бергәләп башҡарырға өйрәтеүҙе дауам итеү...
![](/sites/default/files/pictures/2020/12/10/picture-1210787-1607626778.jpg)
Икенсе кескәйҙәр төркөмөндә Яңы йыл иртәлеге сценарийы “ Ҡыш бабайҙың тылсымлы һандығы”
Балаларҙа якынлашып килеүсе яңы йыл байрамы менән бәйле шатлыҡлы хистәр уятыу...
![](/sites/default/files/pictures/2021/01/09/picture-1303083-1610209579.jpg)
Башҡортостандың Беренсе Президенты Мортаза Ғөбәйҙулла улы Рәхимов
Мортаза Ғөбәйҙулла улы Рәхимов - Тәүәкән ауылынан сығып, хәҙерге Рәсәй федерацияһының иң абруйлы һәм күренекле шәхестәренең береһенә әүерелгән. Башҡортостан Республикаһы менән күп йылдар е...
![](/sites/default/files/pictures/2021/09/23/picture-1348665-1632363165.jpg)
“Беренсе синыфҡа уҡырға барасаҡ баланың ата-әсәһенә 10 кәңәш”
ldquo;Беренсе синыфҡа уҡырға барасаҡ баланың ата-әсәһенә 10 кәңәш&rdquo...
Сценарий праздника "Беренсе сентябрь"
Материал для старших дошкольников. ...