Без барыбыз да балачак иленнән
статья

Без – барыбыз да балачак иленнән. Кеше гомере буе күпмедер дәрәҗәдә бала булып кала. Яшәү дәверендә сабый чактагы хыялларын тормышка ашыра.  Белгечләр дә, кешенең шәхес булып формалашуына мәктәпкәчә булган чор зур йогынты ясый диләр.  Бала чакта алган күнекмәләр беркайчан да онытылмый. Килешәсездер, бала тормышка уен аша әзерләнә.  Бүген замананың зур тизлек белән үсеше    баланың мәктәпкә барганда дөньяны күзалларга  әзер булып, киләчәктә сайланачак һөнәри юнәлешләр хакында берникадәр белем туплавын да таләп итә. Шуны исәптә тотып,  Теләче районы мәктәпкәчә белем бирү учрежденияләрендә дә махсус проектлар гамәлгә ашырыла.