Балачак бәйрәме
план-конспект занятия по музыке (подготовительная группа) по теме

Муниципаль мәктәпкәчә белем бирү учереждениесе

“Гомуми үсеш бирүче №7 Актаныш балалар бакчасы”

Мәктәпкә хәзерлек һәм зурлар төркеме.

(1 июнь – балалар яклау көненә багышланган сценарий)

               Музыка җитәкчесе:

                                            Басыйрова Чулпан.

АКТАНЫШ 2011

Балачак бәйрәме.

 1 бала. Исәнмесез. Без “Алтынчәч” балалар бакчасыннан. Без дә бүген бәйрәмгә килдек. Нинди бәйрәм икәнен барыбыз да аңладык. Бүген 1 июнь – балаларны яклау көне.

2 бала. Без балалар – кешелекнең бүгенгесе, киләчәге һәм дәвамы.

1 бала. Әйе, ................, дөрес әйтәсең, кешелекнең киләчәге безнең кулларда. Шуңа күрә өлкәннәр безнең сәламәт һәм бәхетле булып үсүебез өчен һәрвакыт кайгырталар. Менә шуңа да 1 июнь – халыкара балаларны яклау көне!

3 нче бала. Илдә бәйрәм! Өйдә бәйрәм!

 Менә шуңа күрә без

Шатланабыз, сөенәбез,

Елмаябыз, көләбез. 

4 нче бала. Бәйрәмсез бик күңелсез бит,

Күңелсездер сезгә лә.

Бәйрәмнәр кирәк сезгә дә,

Бәйрәмнәр кирәк безгә дә

Кирәк һәммәбезгә дә. 

1 бала. Бәйрәмнәр бездә җитәрлек,

Үзе бәйрәм - балачак!

Балачакның шат җырлары

Мәңге истә калачак.

 “Тылсымлы мизгел” җыры.

2 бала. Балалар – иң зур көч

Балалар – киләчәк!

Балалар хакына

Тынычлык булачак.

3 бала.  Төрле костюмнар киеп

Йөрибез җырлап – биеп

Атадык без бу бәйрәмне

Балачак бәйрәм диеп.

“Күмәк татар биюе”

4 бала. Дәшәбез сезгә, өлкәннәр,

Без - дөнья балалары:

Кояшлы булырга тиеш

 Безнең һәрбер иртәбез!

Без сездән тынычлык белән

 Бәхет тәлап итәбез.

1 бала. Сез " чәчәкләр" дисез безне,

Чәчәкләр сулмасыннар.

Җир йөзендә бәхетсезләр,

Ятимнәр булмасыннар. 

2 бала. Чәчәктәй безнен балачак,

Киң безнең юлларыбыз.

Туган илнең иң бәхетле

Кызлары, уллары без.

3 бала. Бәйрәмнәр бик күп болай да,

Ә шулай да, ә шулай да

Иң шәп бәйрәм - балачак!