Башкорт орнаментлары дидактик уены
материал (старшая группа)

«Бизәк төзе», «Бизәктәге төсләрне ата» дидактик уены

(башкорт орнаментлары белән таныштыру)

(5-7 яшьлекләр өчен)

АҢЛАТМА ЯЗУЫ

     Мәктәпкәчә тәрбия учреждениеләренең төп бурычы балаларны рухи яктан бай, физик яктан сәламәт итеп үстерү. Алар төрле юллар белән тормышка ашырыла. Ә шулар арасында иң әһәмиятлесе – уеннар. Уен ярдәмендә балаларда зирәклек, оешканлык, коллективта үзеңне тота белү, җитезлек кебек матур сыйфатлар тәрбияләнә. Мәсәлән, дидактик уеннар – балаларны уйланырга, эзләнергә, фикер тупларга, берләштерергә, күнекмәләрне, гадәтләрне тормышта кулланырга өйрәтүче һәм тәрбия бирүче көчле чараларның берсе. Дидактик уеннар гадәттә 3 төп төргә бүленәләр:

1) предметлар һәм табигый материаллар белән уеннар;

2) өстәл уеннары;

3) сүзле уеннар.

НОМИНАЦИЯ: социаль–коммуникатив үсеш, сәнгати-эстетик үсеш

МАКСАТ: башкорт орнаменты белән таныштыру, орнамент элементларының исемнәрен истә калдыру.

БУРЫЧЛАР:

• Кисәкләрдән картиналар төзү аша балаларның логик фикерләүләрен үстерү
• Башкорт халкынын тарихы, киемнәре белән танышу, гореф-гадәтләренә карата кызыксынучанлык тәрбияләү;
• Карточкага карап, бизәкне дөрес төзү;
• Элемент исемнәре белән танышу, истә калдыру,
• Төс исемнәрен ныгыту;
• Балаларның сүзлеген баету;
• Вак моториканы үстерү;
• Игътибарлылык, түземлелек сыйфатлары тәрбияләү.

МАТЕРИАЛ: яшел, сары, кара, зәңгәр, бордо, ак төстәге фетр тукымалардан тегелгән кисәкләр.

УЕН БАРЫШЫ:

   Тәрбияче мәктәпкәчә яшьтәге балаларны башкорт халык киемнәре белән таныштыра, башкорт курчаклары (егет, кыз) өйрәнелә, баш киемнәре, камзул, читек сүрәтләнгән рәсемнәр буенча әңгәмә оештыра. Бизәк элементларының исемнәрен әйтә (кускар, йөрәк, йөгерек дулкын, ромб, киртә), әлеге элементларның нәрсә аңлатканын сөйли. Шаблоннарын күрсәтә, нинди төсләр кулланылганы ачыклана. Балалар теләгән шаблоннарын сайлап алып, таратылган элемент кисәкләреннән үз бизәкләрен, орнаментларын төзиләр. Индивидуаль ярдәм күрсәтелэ, сораулар биреп, балалардан үзе төзегән бизәк турында истә калганын сөйләтергә була.

   Әлеге ярдәмлекне элементар математик күзаллауларны формалаштыру эшчәнлекләрендә төсләрне, формаларны,  өлешләргә бүлүне кабатлап кулланырга була.

  Тирә-юнь белән танышу эшчәнлегендә “Кем беренче?” уены, “Элементны төзе һәм аның турында сөйлә” уены, “Зур һәм кечкенә” һ.б. уеннарны уйнатырга була.

  Кичәләр үткәргәндә дә әлеге уенны рәхәтләнеп кулланып эшләргә мөмкин.